ԵՐԵՎԱՆ, 31 հոկտեմբերի - Sputnik. Արցախի մարդու իրավունքների պաշտպան Արտակ Բեգլարյանը հայտնում է, որ Մարտունու գնդակոծության հետևանքով մեկ խաղաղ բնակիչ է մահացել։
«Առավոտյան հակառակորդի գնդակոծության հետևանքով սպանվել է Մարտունու շրջանի Հերհեր գյուղի բնակիչ, 59-ամյա Ապրես Ադամյանը»,–Twitter–ի իր էջում գրել է Բեգլարյանը։
Նա, միաժամանակ, տեղեկացնում է նաև, որ գնդակոծվել են նաև Մարտակերն ու Շուշին։
As a result of #Azerbaijan'i attacks on the civilian communities:
— Artsakh / Karabakh Human Rights Ombudsman (@ArtsakhOmbuds) October 31, 2020
-residential areas of #Stepanakert were struck causing huge material damage
-59YO Apres Adamyan was killed in his house in Herher
village of Martuni region
-#Martuni, #Martakert & #Shushi towns were also struck. pic.twitter.com/0a3Z642Zff
Հիշեցնենք, որ վաղ առավոտից հակառակորդը թիրախավորել էր Ստեփանակերտը, հետո արդեն` Շուշին։ Ստեփանակերտում, բարեբատխավար, տուժածներ չկան, իսկ Շուշիի հրթիռակոծության հետևանքով տուժածների և կրած վնասների մասին տվյալները ճշտվում են։
Սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 31-ի ժամը 17։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 45 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6914 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 232 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 649 տանկ և ՀՄՄ:
Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին
Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։
Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին
