Դաշնակցականները այրել են ԵԱՀԿ ՄԽ հայտարարությունը

Դաշնակցականները հացադուլ են հայտարարել ԱՄՆ-ում և այրել ԵԱՀԿ ՄԽ հայտարարությունը. տեսանյութ

263
(Թարմացված է 16:37 29.10.2020)
ՀՅԴ անդամները բողոքի ակցիա են կազմակերպել Լոս Անջելեսում, անժամկետ հացադուլ հայտարարել և այրել հայտարարությունը: Նրանք հորդորում են հավասարության նշան չդնել Ղարաբաղյան հակամարտության կողմերի միջև։

ԵՐԵՎԱՆ, 29 հոկտեմբերի - Sputnik. ՀՅԴ կուսակցության երիտասարդական թևը լայնամասշտաբ բողոքի ցույց է կազմակերպել Լոս Անջելեսի դաշնային շենքի մոտ և հրապարակավ այրել ԵԱՀԿ Մինսկի խմբի համանախագահների վերջին հայտարարությունը, որում համանախագահները մտահոգությամբ են դիտարկում ղարաբաղյան հակամարտության գոտում շարունակվող լայնածավալ ռազմական գործողությունները և հակամարտության երկու կողմերին կոչ են անում պահպանել հրադադարի ռեժիմը։

​Դաշնակցականներն անժամկետ հացադուլ են հայտարարել և պահանջում են, որ ԱՄՆ իշխանություններն ու ԵԱՀԿ Մինսկի խմբի համանախագահները ճանաչեն Լեռնային Ղարաբաղի անկախությունը և դադարեցնեն հայ ժողովրդի դեմ ադրբեջանական ագրեսիան:

Թուրքերն ու ադրբեջանցիները «հայերի որս» են սկսել Եվրոպայի փողոցներում. տեսանյութեր

«Հայ ժողովրդի դեմ ագրեսիան կանխելու միակ լուծումը Արցախի ճանաչումն է, ինչպես նաև Թուրքիայի և Ադրբեջանի դեմ պատժամիջոցներ կիրառելը: Դադարեցրեք հավասարության նշան դնել կողմերի միջև», - ասել են նրանք: Բողոքի ակցիայի մասնակիցները նշել են, որ իրենք հրաժարվում են ընդունել ԵԱՀԿ Մինսկի խմբի անգործությունը ադրբեջանական ագրեսիան դադարեցնելու գործում, ինչպես նաև դատարկ հայտարարությունները և համանախագահներին կոչ են արել գործնական քայլել ձեռնարկել։

Էդմոն Մարուքյանն արտերկրի հայերին հորդորում է թուրք–ադրբեջանական սադրանքներին չտրվել

263
թեգերը:
Հայ Յեղափոխական Դաշնակցություն (ՀՅԴ), Լեռնային Ղարաբաղ, Արցախ
Ըստ թեմայի
Փայլանը Ստամբուլի Խորա վանքում կատարվածի հարցով դիմել է Թուրքիայի մշակույթի նախարարությանը
Թուրքիան դիմում է սադրիչ մեղադրանքների՝ միջազգային հանրությանն ապակողմնորոշելու համար
«Հայաստանը լուրջ վտանգ էր տեսնում Թուրքիայի կողմից». 90–ականների և մեր օրերի նմանությունը
Ռուս սակրավորներ. արխիվային լուսանկար

Ռուս սակրավորները սկսել են Ստեփանակերտի ծայրամասերի ականազերծումը

0
(Թարմացված է 09:51 04.12.2020)
Ռուսաստանի Պաշտպանության նախարարության Միջազգային հակաականային կենտրոնի զինծառայողները շարունակում են ինժեներական հետախուզման և տեղանքի ականազերծման աշխատանքները Ղարաբաղում ռուսական խաղաղապահ ուժերի պատասխանատվության գոտում:

ԵՐԵՎԱՆ, 4 դեկտեմբերի – Sputnik. Ռուս խաղաղապահները սկսել են Ստեփանակերտի ծայրամասերի ականազերծման աշխատանքները: Տեղեկությունն այսօր` սեպտեմբերի 4-ին, հաղորդել Է ՌԴ պաշտպանության նախարարության մամուլի ծառայությունը:

Նշվում է, որ նախորդ օրվա ընթացքում ռուս խաղաղապահները մաքրել են Ստեփանակերտի հարավային ծայրամասում գտնվող խոշոր տեղանքը պայթունավտանգ օբյեկտներից: Տարածքի ինժեներա-սակրավորական հետազոտության ընթացքում հայտնաբերվել է 10 կասետային ռազմամթերք:

Հայտնաբերված պայթյունավտանգ առարկաները՝ նետված կամ չաշխատած ռազմամթերքը, դուրս են բերվում հատուկ սարքավորված պալիգոն և ոչնչացվում: Իսկ այն զինամթերքը, որը հնարավոր չէ անվտանգ տարհանել, ոչնչացվում է տեղում ՝ ապահովելով անվտանգության անհրաժեշտ միջոցառումները։

Ընդհանուր առմամբ, Լեռնային Ղարաբաղում ինժեներական ստորաբաժանումների կողմից ականազերծվել է ավելի քան 45 հեկտար տարածք, ավելի քան 14 կմ ճանապարհ, հայտնաբերվել և վնասազերծվել է ավելի քան 1120 պայթուցիկ առարկա:

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

0
թեգերը:
ական, Լեռնային Ղարաբաղ, Արցախ, խաղաղապահ, ռուս
Ռուս բժիշկների առաջին բրիգադը ժամանում է Արցախ

Ռուս բժիշկները մեկ օրում օգնություն են ցուցաբերել Ղարաբաղի մոտ 40 բնակչի

5
(Թարմացված է 09:46 04.12.2020)
Ռուսաստանից ժամանած թերապևտները, վիրաբույժները և այլ մասնագետներ խորհրդատվություն, բուժզննում և որակյալ բուժօգնություն են ցուցաբերում Ղարաբաղի բնակիչներին։

ԵՐԵՎԱՆ, 4 դեկտեմբերի – Sputnik. Ռուս ռազմաբժիշկերը մեկ օրում ընդունել են Ղարաբաղի մոտ 40 բնակչի։ Տեղեկությունը հայտնում է ՌԴ պաշտպանության նախարարության մամուլի ծառայությունը։

Նշվում է, որ խորհրդատվություն, բուժզննում և մասնագիտական բուժօգնություն են ցուցաբերել թերապևտները, վիրաբույժները և այլ նեղ մասնագետներ։

Բացի այդ, Ստեփանակերտի քաղաքային հիվանդանոցում անեսթեզիոլոգ-ռեանիմատոլոգներն իրենց գործընկերներին օգնել են վերակենդանացման բաժանմունքում ծանր հիվանդների հետ աշխատանքում:

Ավելի վաղ ՌԴ Հատուկ նշանակության բժշկական ջոկատի ստորաբաժանումնեը Խաբարովսկ քաղաքի օդանավակայաններից ՌԴ ռազմատրանսպորտային ավիացիայի Իլ-76 ինքնաթիռներով տեղափոխվել էին Երևան և մեկ օրում 300 կմ-անոց անցում կատարել տեխնիկայի հետ միասին՝ Երևան-Ստեփանակերտ ավտոշարասյան կազմում։

Հատուկ նշանակության բժշկական ջոկատի ստորաբաժանման կազմում Ստեփանակերտ է ժամանել ավելի քան 60 բժշկական մասնագետ, այդ թվում՝ ռազմական վիրաբույժներ, անեսթեզիոլոգ-ռեանիմատոլոգներ, թերապևտներ և համաճարակաբաններ։

ՀՀ-ում գործող կապի օպերատորներին Արցախում գործունեություն ծավալելու հնարավորություն կտրվի

Նախօրեին օրը Մարտակերտում սկսվել էր երկրորդ ռազմական հոսպիտալի տեղակայումը։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

5
թեգերը:
խաղաղապահ, Արցախ, բժիշկ, Լեռնային Ղարաբաղ
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Ավելի քան 60 ռուս ռազմական բժիշկ է ժամանել Ստեփանակերտ
Ինչպես են ռուս ռազմական բժիշկները ժամանում Ստեփանակերտ․ տեսանյութ
«Գնում եմ Արցախ, որ հետո տղաս չգնա». բժիշկ Նարեկն Ապրիլյանից վերադարձավ, հիմա չստացվեց