Արգելված զինատեսակ, որը ոչնչացվել է

Human Rights Watch-ն արձանագրել է Արցախում արգելված զինատեսակների կիրառության փաստերը

103
(Թարմացված է 13:55 23.10.2020)
Թեև Ադրբեջանն ամեն օր հայտարարում է իր քաղաքացիական ենթակառուցվածքների նկատմամբ հայկական կողմի հրետակոծության մասին, բայց միջազգային կառույցի ներկայացուցիչներին թույլ չի տվել այցելել իբր տուժած տարածքներ։

ԵՐԵՎԱՆ, 23 հոկտեմբերի – Sputnik. Human Rights Watch միջազգային կազմակերպությունն արցախյան պատերազմին վերաբերող զեկույց է հրապարակել, որում արձանագրել է Ադրբեջանի կողմից խաղաղ բնակչության նկատմամբ միջազգայնորեն արգելված զինատեսակների կիրառության փաստերը։

«Ադրբեջանը բազմիցս կիրառել է միջազգայնորեն արգելված կասետային զինամթերք Լեռնային Ղարաբաղի բնակելի շրջաններում,– նշված է Human Rights Watch-ի զեկույցում,– կասետային զինամթերքը երբեք և ոչ մի պարագայում չպետք է օգտագործվի ոչ մեկի կողմից, առավել ևս քաղաքներում»,– նշված է զեկույցում։

Կազմակերպությունը պատերազմի հետևանքների հետաքննության արդյունքում Արցախի բնակավայրերի նկատմամբ կասետային ռումբերի կիրառման չորս դեպք է արձանագրել Ստեփանակերտում ու Հադրութում։

«Ստեփանակերտի բնակիչները Human Rights Watch-ին հայտնել են, որ կասետային զինամթերքի կիրառմամբ գնդակոծությունները սկսվել են սեպտեմբերի 27-ի առավոտյան Կարմիր խաչի միջազգային կոմիտեի գրասենյակից մոտ 200 մետր հեռավորության վրա»,– ասված է զեկույցում։

Ստեփանակերտցի 69-ամյա կինը դիտորդներին պատմել է, որ առավոտյան ժամը 7:15-ին իրենց շենքը սկսել է ցնցվել, երեխաները սկսել են բղավել, բոլորը խուճապի են մատնվել, երբ սկսել են ռումբերը ընկնել: «Մենք բացեցինք պատուհանները եւ տեսանք, որ մեքենաներն այրվում են, որ այրվող կտորներ են թափվում երկնքից, վազեցինք դեպի նկուղ»,– պատմել է կինը։

Human Rights Watch–ն արձանագրել է նաև նյութական կորուստները` քանդված տներ, այրված ավտոմեքենաներ։

Կազմակերպությունը արձանագրել է, որ հրթիռակոծության հետևանքով վնասվել են նաև մանկական խաղահրապարակները, էլեկտրահաղորդման գծերը, տրանսպորտային միջոցները, ձեռնարկությունների, Ստեփանակերտի գլխավոր փոստատան և «Ղարաբաղ Տելեկոմի» շենքերը։

Հետաքրքրական է, որ զեկույցում Human Rights Watch-ը նաև մեկնաբանում է, թե ինչու է ներկայացրել միայն հայկական կողմում կատարած դիտարկման արդյունքները։ Պարզվում է` Ադրբեջանը, որ ամեն օր հայտարարում է իր քաղաքացիական ենթակառուցվածքների նկատմամբ հայկական կողմի հրետակոծության մասին, միջազգային կառույցի ներկայացուցիչներին թույլ չի տվել այցելել իր «տուժած» տարածքներ։

«Human Rights Watch-ը բազմիցս դիմել է Ադրբեջանի կառավարությանը՝ խնդրելով տեղում հետաքննություն անցկացնելու հնարավորություն ապահովել, բայց մինչ օրս նման հնարավորություն չի տրամադրվել»,– ասված է զեկույցում։

Նշենք, որ Human Rights Watch-ի զեկույցը մեկնաբանել է Արցախի ՄԻՊ Արտակ Բեգլարյանը` այն որակելով «արհեստավարժ և օբյեկտիվ» աշխատանք։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 23-ի ժամը 13։00-ի դրությամբ` հակառակորդի կրակոցների հետևանքով զոհվել են 927 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6459 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 23 ինքնաթիռ, 16 ուղղաթիռ, 202 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 580 տանկ և ՀՄՄ:

Այս տղերքն Արցախի հյուսիսային դիրքերն են պաշտպանում. հանգստի հազվադեպ րոպեները

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ 

Պատերազմ Արցախում` առանց սեփական զինվորների. ո՞րն է Էրդողանի գերնպատակը

103
թեգերը:
Զենք, Կասետային ռումբ, Արցախ
թեմա:
Ադրբեջանական ագրեսիան Արցախում - 2020 (2226)
Ըստ թեմայի
Փաշինյանը կողմ է Արցախում ռուս խաղաղապահների տեղակայմանը
Ճանաչեք Արցախը. Թբիլիսիում հայերը բազմամարդ երթ են անցկացրել
Ճանաչել Արցախը, չօգնել Բաքվին ու Անկարային. ԱՄՆ Կոնգրեսը բանաձևերի նախագծեր կքննարկի
Արայիկ Հարությունյան

Ճարտարը կորցրել է տնտեսական ներուժի մեծ մասը․ Արայիկ Հարությունն այցելել է Մարտունու շրջան

61
(Թարմացված է 22:19 08.05.2021)
Համայնքներում նախագահը ծանոթացել է առկա խնդիրներին, առաջարկել դրանց լուծման ուղիները։ Կարևորել է խոշոր համայնքներում գործարանների հիմնումը։

ԵՐԵՎԱՆ, 8 մայիսի – Sputnik. Արցախի Հանրապետության նախագահ Արայիկ Հարությունյանն այցելել է Մարտունու շրջանի մի շարք համայնքներ: Արցախի հանրային հեռուստաընկերությունը այցի մասին պատմող տեսանյութ է հրապարակել Facebook-ի էջում։

Նախագահը եղել է Մարտունու Ճարտար քաղաքում, որը զգալի վնասներ է կրել պատերազմի հետևանքով։

«Համայնքը կորցրել է տնտեսական պոտենցիալի հիմնական մասը, և ամենամեծ ուշադրությունը պետք է ուղղվեն տնտեսական, սոցիալական ծրագրերի մասով հենց Ճարտարին»,- համայնքի ներկայացուցիչների հետ հանդիպման ժամանակ նշել է նախագահ Հարությունյանը։

Առաջարկել է քննարկել կոոպերատիվների ստեղծումն ու ինչպես նաև տներին կից ջերմոցների հիմնումը։ Կարծում է, որ խոշոր համայնքներում կարևոր է գործարանների հիմնումը։

Արցախյան հարցն ավելի կխճճվի, կամ վերջին կարևոր զարգացումը Լավրովի երևանյան այցն էր

Նա եղել է նաև շրջանի մի շարք այլ համայնքներում, տեղում ծանոթացել առկա խնդիրներին, խոսել տնտեսության հնարավոր առաջընթացի մասին։ Այստեղ նա կարևորում է գյուղատնտեսությունը, մասնավորապես՝ պտղաբուծությունը, այգեգործությունը։

ԱՄՆ կոնգրեսականը կոչ է արել 50 մլն դոլար օգնություն տրամադրել Արցախին

61
թեգերը:
գրոհային, Պատերազմ, Արցախի նախագահ Արայիկ Հարությունյան, Արցախ
Կապիտոլիում

ԱՄՆ կոնգրեսականը կոչ է արել 50 մլն դոլար օգնություն տրամադրել Արցախին

52
(Թարմացված է 20:11 08.05.2021)
Հեղինակավոր քաղաքական գործիչը կոչ է արել դադարեցնել ռազմական օգնություն ցուցաբերել Ադրբեջանին, անդրադարձել է Ադրբեջանում պահվող մոտ 200 հայ ռազմագերիների խնդրին։

ԵՐԵՎԱՆ, 8 մայիսի – Sputnik. ԱՄՆ Ներկայացուցիչների պալատի արտաքին հարաբերությունների հանձնախմբի բարձրաստիճան անդամ, հանրապետական կոնգրեսական Քրիս Սմիթը կոչ է արել առնվազն 50 միլիոն դոլար մարդասիրական օգնություն հատկացնել Արցախին։ Տեղեկությունը հայտնում է ԱՄՆ Հայ դատի հանձնախումբը։ Սմիթը նշել է, որ օգնությունը պետք է ուղղվի Արցախի ժողովրդին պարենային անվտանգության, բնակարանային խնդիրների, բժշկական օգնության, ենթակառուցվածքների և այլ անհետաձգելի կարիքների համար։

Հանձնախմբի ղեկավարներին ուղղված նամակում Քրիս Սմիթը նշել է, որ Արցախի դեմ Թուրքիայի աջակցությամբ Ադրբեջանի սանձազերծած ավերիչ զավթողական պատերազմը ոչ միայն հազարավոր զոհերի պատճառ դարձավ, այլև հազարավոր մարդկանց զրկեց օթևանից և վնասեց կենսական ենթակառուցվածքները։ Սմիթն իր նամակում հիմնավորում է պատերազմի հետևանքները հաղթահարելու համար 50 մլն դոլար հատկացնելու անհրաժեշտությունը։

Կոնգրեսականը նաև վճռականորեն դատապարտել է Թուրքիայի կողմից սիրիացի վարձկանների հավաքագրումն ու Արցախի դեմ սանձազերծած պատերազմում նրանց օգտագործումը։

Նա իր նամակում կոչ է արել նաև դադարեցնել Ադրբեջանին տրվող ռազմական ցանկացած օժանդակությունը:

Սմիթը նաև շեշտել է, որ Ադրբեջանն ու Թուրքիան շարունակում են տապալել Արցախում խաղաղության հաստատման հեռանկարները և հրաժարվում են հայրենիք վերադարձնել մոտ 200 հայ ռազմագերիների։

Նշենք` Քրիս Սմիթը դեռ պատերազմի օրերին հանդես էր եկել հայտարարություններով, որ անհրաժեշտ է դադարեցնել ռազմական օգնություն ցուցաբերել Ադրբեջանին։

52
թեգերը:
Ադրբեջան, ԱՄՆ, Արցախ
Ըստ թեմայի
907 անգամ չափիր, մեկ անգամ կտրիր. Բաքվին ցուցաբերվող ամերիկյան օգնության մութ կողմերը
ԱՄՆ-ն օգնում է ագրեսորին, որ նա ավելի ագրեսիվ դառնա. Տեր-Գրիգորյանցը՝Բայդենի որոշման մասին
Ամերիկացի կոնգրեսականները կոչ են արել ավելի քան 100 մլն դոլար հատկացնել ՀՀ–ին և Արցախին

Փաշինյանի «չընտրությունից» մինչև Լավրով և պատվաստում․ անցնող շաբաթվա ամենավառ կադրերը

0
(Թարմացված է 00:24 09.05.2021)
  • Նիկոլ Փաշինյանը ԱԺ արտահերթ նիստի ժամանակ պատասխանում է պատգամավորների հարցերին (մայիսի 3, 2021., Երևան)
  • Նիկոլ Փաշինյանը ԱԺ արտահերթ նիստի ժամանակ պատասխանում է պատգամավորների հարցերին (մայիսի 3, 20212., Երևան)
  • ՌԴ ԱԳ նախարար Սերգեյ Լավրովը պաշտոնական այցով ժամանեց Հայաստան (մայիսի 5, 2021թ․, Երևան)
  • Ռուսաստանի արտաքին գործերի նախարար Սերգեյ Լավրովը Ծիծեռնակաբերդի հուշահամալիրում  (մայիսի 5, 2021թ․, Երևան)
  • Հայաստանի և Ռուսաստանի արտգործնախարարներ Արա Այվազյանը և Սերգեյ Լավրովը՝ Հաղթանակի զբոսայգում (մայիսի 6, 2021թ․, Երևան)
  • Խարբերդի մասնագիտացված մանկատան սաներ
  • ՀՀ նախագահ Արմեն Սարգսյանը՝ հոգեբանական աջակցության «Զարթոնք» ծրագրի մեկնարկի միջոցառմանը
  • Արցախի հերոս, գեներալ-մայոր Վիտալի Բալասանյանը ժամերգության ժամանակ
  • Հյուսիսային պողոտայում պատվաստումների շարժական կետ է բացվել (2021թ., մայիսի 7, Երևան):
Այս շաբաթը սկսվեց ԱԺ արտահերթ նիստով․ ներքին պայմանավորվածությունը խախտողներ չեղան, խորհրդարանն էլ չընտրեց վարչապետի՝ առաջադրված միակ թեկնածուին։ Թե ինչ իրադարձություններ տեղի ունեցան շաբաթվա ընթացքում, կարող եք տեսնել Sputnik Արմենիայի ֆոտոշարքում։

Այս շաբաթ աշխատանքային այցով մեր երկիր ժամանեց ՌԴ արտաքին գերատեսչության ղեկավար Սերգեյ Լավրովը։ Հայաստանում Լավրովը խոսեց «Զանգեզուրի միջանցքի», գերիների վերադարձի խնդրի մասին... Նա այցելեց Ծիծեռնակաբերդ ու «Հաղթանակ» զբոսայգի։

Մեր երկրում ակտիվորեն շարունակվում է կորոնավիրուսի դեմ պատվաստումային ծրագիրը։ Ցանկացողները կարող են պատվաստվել ոչ միայն պոլիկլինիկաներում, այլև Երևանի բանուկ հատվածներում գործող շարժական կետերում։ Առայժմ դրանք երեքն են․ մեկը Հյուսիսային պողոտայում է, երկուսն էլ՝ խոշոր առևտրային կենտրոնների մոտ։

Պատերազմից գրեթե 7 ամիս անց վիրավոր զինծառայողներն ու նրանց հարազատները դեռևս հոգեբանական աջակցության կարիք ունեն։ Նախագահական նստավայրում մեկնարկեց «Զարթոնք» ծրագիրը։ Նպատակը պատերազմի դժոխքով անցած հերոսներին բնականոն կյանք վերադարձնելն է։

Այս ամենը ներկայացնում ենք լուսանկարներով։ Sputnik Արմենիայի ֆոտոխցիկը շաբաթվա ընթացքում այլ հետաքրքիր դրվագներ էլ է որսացել։

0
  • Նիկոլ Փաշինյանը ԱԺ արտահերթ նիստի ժամանակ պատասխանում է պատգամավորների հարցերին (մայիսի 3, 2021., Երևան)
    © Sputnik / Aram Nersesyan

    Նիկոլ Փաշինյանը ԱԺ արտահերթ նիստի ժամանակ պատասխանում է պատգամավորների հարցերին (2021թ մայիսի 3)։ Երևան
    Երկուշաբթի՝ մայիսի 3-ին, ՀՀ Ազգային ժողովը հատուկ նիստ գումարեց, որի հիմնական հարցը երկրի վարչապետի ընտրությունն էր։ Քվեարկության գործընթացը նախաձեռնել էին խորհրդարանը լուծարելու և Հայաստանում արտահերթ խորհրդարանական ընտրություններ անցկացնելու նպատակով։

  • Նիկոլ Փաշինյանը ԱԺ արտահերթ նիստի ժամանակ պատասխանում է պատգամավորների հարցերին (մայիսի 3, 20212., Երևան)
    © Sputnik / Aram Nersesyan

    Վարչապետ Նիկոլ Փաշինյանը ԱԺ արտահերթ նիստի ժամանակ պատասխանում է պատգամավորների հարցերին (2021թ. մայիսի 3)։ Երևան
    Պատգամավորների քվեարկության արդյունքում միակ թեկնածու Փաշինյանը վարչապետ չընտրվեց: 75–ը ձեռնպահ մնացին, 3–ը` դեմ, 1–ը` կողմ։

  • ՌԴ ԱԳ նախարար Սերգեյ Լավրովը պաշտոնական այցով ժամանեց Հայաստան (մայիսի 5, 2021թ․, Երևան)
    © Sputnik / Asatur Yesayants

    ՀՀ արտգործնախարարի պաշտոնակատար Արա Այվազյանը դիմավորեց ռուս գործընկերոջը «Զվարթնոց» օդանավակայանում։
    Ռուսաստանի արտգործնախարար Սերգեյ Լավրովը պաշտոնական այցով Հայաստան ժամանեց մայիսի 5-ին։

  • Ռուսաստանի արտաքին գործերի նախարար Սերգեյ Լավրովը Ծիծեռնակաբերդի հուշահամալիրում  (մայիսի 5, 2021թ․, Երևան)
    © Sputnik / Asatur Yesayants

    Ռուսաստանի արտաքին գործերի նախարար Սերգեյ Լավրովը Ծիծեռնակաբերդի հուշահամալիրում (մայիսի 5, 2021թ․, Երևան)
    Նախարարի հիմնական միջոցառումները նախատեսված էին մայիսի 6-ին։ Առաջին հերթին Սերգեյ Լավրովը հարգանքի տուրք մատուցեց Ցեղասպանության զոհերի հիշատակին:

  • Հայաստանի և Ռուսաստանի արտգործնախարարներ Արա Այվազյանը և Սերգեյ Լավրովը՝ Հաղթանակի զբոսայգում (մայիսի 6, 2021թ․, Երևան)
    © Sputnik / Asatur Yesayants

    Հայաստանի և Ռուսաստանի արտգործնախարարներ Արա Այվազյանը և Սերգեյ Լավրովը՝ Հաղթանակի զբոսայգում (մայիսի 6, 2021թ․, Երևան)
    Պաշտոնական հանդիպումից և մամուլի ասուլիսից հետո նախարարները Հաղթանակի զբոսայգում հարգանքի տուրք մատուցեցին Հայրենական մեծ պատերազմում զոհվածների հիշատակին։

  • Խարբերդի մասնագիտացված մանկատան սաներ
    © Sputnik / Asatur Yesayants

    Խարբերդի մասնագիտացված մանկատան աշխատակցուհին անցնում է պատուհանի մոտով, որտեղից երևում են մանկատան սաները։

    Այս շաբաթ այցելեցինք Խարբերդի մանկատուն, որի աշխատանքը նախապես ուսումնասիրել էին Հաշվեքննիչ պալատի աուդիտորները։ ՀՀ աշխատանքի և սոցիալական հարցերի նախարարության ֆինանսատնտեսական գործունեության աուդիտի արդյունքները պալատն ուղարկել է ՀՀ գլխավոր դատախազություն:

  • ՀՀ նախագահ Արմեն Սարգսյանը՝ հոգեբանական աջակցության «Զարթոնք» ծրագրի մեկնարկի միջոցառմանը
    © Sputnik / Asatur Yesayants

    ՀՀ նախագահ Արմեն Սարգսյանը՝ հոգեբանական աջակցության «Զարթոնք» ծրագրի մեկնարկի միջոցառմանը (2021թ., մայիսի 5, Երևան)
    «Զարթոնք» ծրագրի նպատակը պատերազմի դժոխքով անցած հերոսներին բնականոն կյանք վերադարձնելն է։

  • Արցախի հերոս, գեներալ-մայոր Վիտալի Բալասանյանը ժամերգության ժամանակ
    © Sputnik / Aram Nersesyan

    Արցախի հերոս, գեներալ-մայոր Վիտալի Բալասանյանը ժամերգության ժամանակ:
    Արցախի անվտանգության խորհրդի քարտուղարը ներկայացրել է Կարմիր շուկա համայնքի շուրջ ստեղծված իրավիճակը, ինչպես նաև խոսել ադրբեջանական սադրանքների մասին:

  • Հյուսիսային պողոտայում պատվաստումների շարժական կետ է բացվել (2021թ., մայիսի 7, Երևան):
    © Sputnik / Andranik Ghazaryan

    Հյուսիսային պողոտայում պատվաստումների շարժական կետ է բացվել (2021թ., մայիսի 7, Երևան):
    Կորոնավիրուսի դեմ պատվաստումների շարժական կետերը նախատեսված են ինչպես Հայաստանի քաղաքացիների, այնպես էլ զբոսաշրջիկների համար:

թեգերը:
պատվաստումներ, Սերգեյ Լավրով, Նիկոլ Փաշինյան, Հայաստան