ԵՐԵՎԱՆ, 21 հոկտեմբերի – Sputnik. «Փյունիկ» ֆուտբոլային ակումբը վաճառում է մարզաշապիկները, որոնցով մեր թիմը խաղացել է «Ալաշկերտի» հետ: Տեղեկությունը հրապարակված է ակումբի ֆեյսբուքյան էջում։
«Այսօր դրանք հանվում են վաճառքի, որպեսզի յուրաքանչյուր երկրպագու կարողանա իր ներդրումն ունենալ ընդհանուր գործին:
Մարզաշապիկների վաճառքից ստացված ողջ հասույթը կուղղվի Արցախին ՝ օգնելու նրանց, ովքեր պաշտպանում են մեր սահմանը»,–նշված է ակումբի հաղորդագրության մեջ:
Ակումբի անդամները կոչ են անում միանալ նախաձեռնությանը, որը մեզ ավելի ուժեղ է դարձնում:
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 20-ի ժամը 14:30-ի դրությամբ` հակառակորդի կրակոցների հետևանքով զոհվել են 772 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6309 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 23 ինքնաթիռ, 16 ուղղաթիռ, 200 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 576 տանկ և ՀՄՄ:
Ղազանչեցոցը 2 անգամ վերականգնած ճարտարապետը վստահեցնում է` եկեղեցին ավերված երկար չի մնա
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
«Թող իմանան` մենք ողջ ենք, լավ ենք». առաջնագծի տղաների` ժպիտ պարգևող լուսանկարները
