Հայաստանը խաղաղություն է ուզում, Թուրքիան՝ մարդասպանություն. հայերը Մադրիդի փողոցներում են
(Թարմացված է 15:32 20.10.2020)
Բազմության առջևից քայլում է հայտնի իսպանահայ դերասան, «Թղթե տուն» հեռուստասերիալի աստղ Հովիկ Կեուչկերյանը։ԵՐԵՎԱՆ, 20 հոկտեմբերի - Sputnik. Աշխարհի տարբեր երկրներում հայերը շարունակում են բողոքի ակցիաներ անցկացնել ընդդեմ Հայաստանի և Արցախի դեմ ադրբեջանակա-թուրքական հարձակման։ Քիչ առաջ մեկնարկեց հերթական բողոքի քայլերթը Իսպանիայի մայրաքաղաք Մադրիդում։
Նույնիսկ անձրևոտ եղանակը չի խոչընդոտել, որ բողոքի քայլերթը բազմամարդ լինի։ Հայերը մայրաքաղաք Մադրիդ են ժամանել Իսպանիայի տարբեր հատվածներից՝ իրենց ձայնը Իսպանիայի ղեկավարությանն ու Եվրոպային լսելի դարձնելու համար։ Մի քանի հազար մասնակիցներ քայլում են հայոց եռագույնը ծածանելով, տարբեր պաստառներով և վանկարկելով.
©
AFP 2020 / SAKIS MITROLIDIS
«Հայաստանը խաղաղություն է ուզում, Թուրքիան՝ մարդասպանություն»։
Մասնակիցները պահանջում են «Անջատում՝ հանուն փրկության»։
Բողոքի քայլերթը լուսաբանում են իսպանական տարբեր լրատվամիջոցներ, մինչդեռ արցախյան պատերազմը իսպանական մամուլը գրեթե չի լուսաբանում։ Մասնակիցները տանում են նաև մի քանի մետր ձգվող հայոց եռագույնը։ Նրանք անցան Թուրքիայի դեսապանատան մոտով՝ քայլելով դեպի կոնգրեսականների նստավայր։
«Կույր մի եղեք». Երևանում ՄԱԿ–ի դեմ իրականացված բողոքի ակցիան լուսանկարներով
Բազմության առջևից քայլում են հայազգի հոգևորականն ու հայտնի իսպանահայ դերասան, «Թղթե տուն» հեռուստասերիալի աստղ Հովիկ Կեուչկերյանը։ Հիշեցնենք՝ դերասանը տեսաուղերձով էր հանդես եկել՝ պատմելով Արցախում Ադրբեջանի ու Թուրքիայի կողմից սանձազերծված պատերազմի մասին։ Նա կոչ էր արել միջազգային խոշոր կառույցներին ու գերտերություններին խոսքից գործի անցնել:
«Դա ավելին է, քան պատերազմ։ Հայաստանն Արցախի հետ ունի 3.150.000 բնակչություն, Թուրքիան Ադրբեջանի հետ՝ ընդհանուր հաշվով մոտ 92 միլիոն բնակչություն։ Բացի այդ Թուրքիան և Ադրբեջանը միասին ունեն ավելի ուժեղ և տեխնիկապես զինված բանակ, քան հայկականը։ Այդ ամենը քիչ էր, նրանց շարքերում են նաև սիրիացի և լիբիացի ահաբեկիչներ։ Նրանց վարձել են, որպեսզի նրանք սպանեն հայ թե զինվորականներին, թե խաղաղ բնակիչներին։ Ես պնդում եմ, որ դա ավելին է, քան պատերազմ»,- ասել է դերասանն ու ընդգծել՝ հայերն ուզում են ապրել խաղաղ ու բարգավաճել իրենց մայր հայրենիքում՝ աշխարհի բոլոր հայերի սուրբ երկրում։
©
Sputnik / Nana Martirosyan
Կեուչկերյանը նշել է՝ հայերն իրենց ամբողջ արյունոտ պատմության ընթացքում չեն կորցրել իրենց երազանքները, ձգտումները, կամքը, ուժը, ու ոչ մեկ չի կարողացել մեզնից խլել մեր միասնականությունը, համախմբվածությունն ու արյան կանչը։
«Նրանց դա չի հաջողվել, չի հաջողվում ու չի հաջողվելու»,- ասել է դերասանն ու մեջբերել Էրդողանի խոսքերը, թե ժամանակն է իրենց պապերի կիսատ գործն ավարտին հասցնել։ Նա նշել է՝ նրանց պապերը քսաներորդ դարի առաջին ցեղասպանությունն արեցին, մինչդեռ աշխարհն այլ կողմ էր նայում։ Հիմա էլ Թուրքիան նույն բանն է անում, իսկ աշխարհի ուշադրությունը կրկին այլ ուղղությամբ է։
«Ես ուզում եմ ուղարկել իմ ամբողջ ուժը, էներգիան, հիացմունքս, հարգանքս, սերը, իմ բոլոր աղոթքները Արցախի ու Հայաստանի խաղաղ բնակչությանը, մարտական գործողությունների ընթացքում ընկած ու հերոսացած հայերին և նրանց ընտանիքներին և բոլոր զինծառայողներին, ովքեր այս պահին կրկին ատամներով պաշտպանում են մեր սուրբ հողը։ Իմ քույրեր և եղբայրներ, դուք մենակ չեք, Աստված օրհնի ձեզ»,- եզրափակել է իր ուղերձը հայտնի դերասանը։
ԼՂ–ում 1 օրում մաքրվել է 17 հա տարածք և 5 կմ ճանապարհ. ՌԴ ՊՆ–ն նոր ամփոփագիր է հրապարակել
(Թարմացված է 21:41 04.03.2021)
2020 թ. նոյեմբերի 23-ից ի վեր չպայթած զինամթերքից մաքրվել է 1575 հա տարածք, 493 կմ ճանապարհ։ ԵՐԵՎԱՆ, 4 մարտի - Sputnik. ՌԴ պաշտպանության նախարարության Միջազգային հակաականային կենտրոնի մասնագետները շարունակում են Լեռնային Ղարաբաղի տարածքի ականազերծման աշխատանքները։
«Մեկ օրում մաքրվել է 17 հա տարածք և 4 կմ ճանապարհ, հայտնաբերվել և ոչնչացնելու համար անվտանգ տարածք է տեղափոխվել 27 պայթյունավտանգ առարկա»,- նշված է ՌԴ պաշտպանության նախարարության տարածած հաղորդագրության մեջ։
2020 թ. նոյեմբերի 23-ից ի վեր չպայթած զինամթերքից մաքրվել է 1575 հա տարածք, 493 կմ ճանապարհ, 1549 բնակելի շինություն, այդ թվում՝ 30 հանրային նշանակության օբյեկտ, հայտնաբերվել և վնասազերծվել է 25 072 պայթյունավտանգ առարկա։
Ռուս խաղաղապահ զորախմբի պատասխանատվության գոտում հնարավոր միջադեպերի կանխմանն ուղղված ջանքերը համակարգելու նպատակով շարունակական գործակցություն է պահպանվում Հայաստանի և Ադրբեջանի զինված ուժերի գլխավոր շտաբների հետ:
Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։
Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:
Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին:
Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են
Զախարովան խորհուրդ է տվել գերիների թվի հարցով դիմել ոչ թե իրեն, այլ Երևանին և Բաքվին
(Թարմացված է 19:38 04.03.2021)
Ռուսաստանի ԱԳՆ պաշտոնական ներկայացուցիչ Մարիա Զախարովան ուշադրություն է հրավիրել հայկական և ադրբեջանական կողմերի մոտեցումների զգալի տարբերության վրա, որն առկա է պատերազմի ժամանակ գերեվարված անձանց հարցում:ԵՐԵՎԱՆ, 4 մարտի - Sputnik. Ադրբեջանում գերության մեջ գտնվող հայերի հարցում կողմերի դիրքորոշումները տարբեր են, և ռուսական կողմն այդ մասին բազմիցս խոսել է։ Այսօր կայացած ճեպազրույցի ժամանակ այս մասին ասել է ՌԴ ԱԳՆ պաշտոնական ներկայացուցիչ Մարիա Զախարովան։
©
Photo : provided by Tomasz Lech Buczek
Նա ընդգծել է, որ այդ տվյալները շատ տարբեր են. թվերը, որոնք բարձրաձայնում է պաշտոնական Երևանը, պարբերաբար փոխվում են, իսկ Ադրբեջանից այլ տեղեկատվություն է ստացվում:
«Հաշվի առնելով նման տարաձայնությունները, խորհուրդ ենք տալիս այդ հարցով դիմել անմիջապես ադրբեջանական և հայկական կողմերին։ Ես վստահ եմ, որ նրանք պատրաստ կլինեն տրամադրել սեփական սպառիչ պարզաբանումները», - առաջարկել է ռուս դիվանագետը։
Ադրբեջանը փորձում է գերիների հարցը սակարկել. ՀՀ փոխվարչապետի խոսնակ
Ընդ որում, Զախարովան հայտնել է, որ այսօրվա դրությամբ ռուս խաղաղապահների միջնորդությամբ վերադարձվել է ընդհանուր առմամբ 79 մարդ՝ 63–ը հայկական, 16–ը` ադրբեջանական կողմին:
«Մենք կցանկանայինք օգտվել առիթից և ևս մեկ անգամ ընդգծել ռուսական դիրքորոշումն այդ հարցում. մենք ելնում ենք նրանից, որ փոխանակման օպտիմալ բանաձևը «բոլորը բոլորի դիմաց» սկզբունքն է»,-հիշեցրել է ՌԴ ԱԳՆ ներկայացուցիչը:
Զախարովան կարծում է, որ այդ հարցի շուտափույթ լուծումը թույլ կտա կողմերին «շրջել ողբերգական էջերը հարաբերություններում» և կենտրոնանալ դրական օրակարգի զարգացման վրա, այդ թվում՝ տնտեսական ոլորտում: Նա հիշեցրել է, որ այդ մասին խոսվել է 2021 թվականի հունվարի 11-ին Մոսկվայում Ռուսաստանի, Հայաստանի և Ադրբեջանի ղեկավարների գագաթնաժողովի ընթացքում:
Ադրբեջանական կողմը մանիպուլյացիայի է ենթարկում հայ գերիների ցուցակը. ՀՀ արտգործնախարար
թեգերը:
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։