Հայկական բանակը զորավարժությունների ժամանակ

 «Պատերազմի աստծո» տոնը․ ինչպե՞ս են հրետանավորները կերտում հաղթանակն Արցախի ճակատներում 

633
(Թարմացված է 19:55 19.10.2020)
Չափազանցություն չի լինի, եթե ասենք, որ Արցախի ներկայիս մարտական գործողությունների հիմնական բեռն իրենց ուսերին են կրում հրետանավորները։

ԵՐԵՎԱՆ, 19 հոկտեմբերի - Sputnik. Հայաստանի Զինված ուժերն այսօր՝ հոկտեմբերի 19-ին, նշում են Հրետանավորի օրը։ Այս տոնը հիմա շատ տեղին է, քանի որ Արցախի ներկայիս մարտերում հայ հրետանավորների ուսերին ահռելի պատասխանատվություն է ընկած։ «Պատերազմի աստվածներն» իրենց տոնն այս տարի նշում են խրամատներում ու դիրքերում։

Հակամարտության գոտում ընթացող մարտական գործողությունների առաջին իսկ օրերից հայ հրետանավորները հրաշքներ են գործում։

Տոնի օրը պատահական չի ընտրվել։ Այն արմատներով գնում է հեռավոր 1992 թվական, երբ առաջին ղարաբաղյան պատերազմը ամենաթեժ փուլում էր։ Ծանր ու համառ մարտեր էին ընթանում, հակառակորդը սպառնում էր փակել Լաչինի միջանցքը՝ զրկելով Ղարաբաղը Հայաստանի հետ ցամաքային կապից։ Այն ժամանակ հայկական հրամանատարությունը հզոր ու աննախադեպ հրետանային նախապատրաստություն է նախաձեռնում ու անցնում հակագրոհի։

Մարտական գործողությունը հաջողությամբ պսակվեց հոկտեմբերի 19-ին, երբ հայկական ուժերին հաջողվեց 3-4 կիլոմետրանոց միջանցքը լայնացենել մինչև 25-26 կիլոմետր, այսպիսով՝ զգալիորեն ավելի անվտանգ դարձնելով փոխադրումները։ Այդ ռազմավարական խնդրի լուծումը թույլ տվեց վերացնել Արցախի անջատման սպառնալիքը։

Մենք պատրաստ ենք ամեն ինչի. ՊԲ–ն հայ հրետանավորների մասնակցությամբ տեսանյութ է հրապարակել

Բանակաշինության տարիներին ավանդաբար մեծ ուշադրություն է դարձվել հրետանուն։ Դրա համար մի քանի պատճառ կա։ Նախ, հրետանին ի տարբերություն զրահատանկային զորքերի, ոչ մի կերպ չի կորցրել իր արդիականությունը պատերազմ վարելու ժամանակակից միտումների ֆոնին։ Հինգերորդ սերնդի պատերազմը, որի առանձին տարրերը նկատելի են Ղարաբաղի ներկայիս պատերազմում, այսպես թե այնպես հրետանու կիրառություն է ենթադրում․ ինչպես փողային, այնպես էլ հակատանկային ու ռեակտիվ հրետանու՝ կարևորագույն հրամանատարական կետերի, կապի հանգույցների, ռազմական ենթակառուցվածքների և այլնի ոչնչացման համար։

Ինչպես հայտնի է՝ այս տարիների ընթացքում ղարաբաղյան հակամարտության մեջ հայկական կողմի ռազմավարություն հանգել է պաշտպանության։ Իսկ դա նշանակում է, որ պետք է հզոր հրետանային համակարգեր ունենալ հակառակորդի հարձակողական ակտիվությունը ճնշելու, տեխնիկայի ու կենդանի ուժի զսպման համար։ Հենց այդ նպատակով ՀՀ ԶՈւ հրթիռահրետանային զորամասերը համալրվել են գերճշգրիտ միջոցներով՝ օպերատիվ-մարտավարական հրթիռներով, հակատանկային միջոցներով, համազարկային կրակի ռեակտիվ միջոցներով, որոնք կարող են հարվածներ հասցնել հակառակորդի խորը թիկունքում։

Եվս մեկ պատճառ, որի շնորհիվ հրետանին յուրահատուկ տեղ է զբաղեցնում. դա (ներողություն պաթոսի համար) հայ ռազմական մասնագետների բնատուր մաթեմատիկական խելքն է, վերլուծական ու հաշվարկներ անելու ունակությունն է։

Ավելին, ինքս բազմիցս ականատես եմ եղել՝ ինչպես է շարքային ժամկետային զինծառայողը կարճ ժամկետում յուրացնում հրետանային հետախուզության ու հաշվարկների բավականին բարդ նրբությունները։ Ընտրել թիրախը, հաշվարկել դրա կոորդինատներն ու դիպուկ կրակով խոցել կամ գրեթե դիպուկահարի ճշգրտությամբ ականանետային հարվածով ջախջախել հակառակորդի մոտեցող խմբավորումը՝ հայ հրետանավորների սիրելի մեթոդն է։ Ներկայիս մարտերից համացանցում հրապարակված բազում տեսանյութերը դրա վառ ապացույցն են։

Մասնագետները դեռ ղարաբաղյան ընթացող պատերազմը վերլուծելու ժամանակ կունենան, կվերլուծեն ու կքննարկեն մարտական գործողությունների յուրաքանչյուր դրվագ, կողմերի մարտավարությունը։ Սակայն հիմա արդեն կարելի է ասել, որ այսօրվա մարտերի առանցքային բաղադրիչներից են հրետանին ու հրետանային մարտերը։ Ոչ մի քիչ թե շատ խոշոր հատուկ գործողություն առանց հզոր հրետանային նախապատրաստության չի անցնում։ Իսկ դա նշանակում է, որ հետագա վերլուծությունները ու դրա արդյունքում ընդունված որոշումները ուղղված են լինելու այդ թվում նաև հրետանու հետագա զարգացմանն ու «պատերազմի աստծու» կրակային հզորության ավելացմանը։

633
թեգերը:
հրետանի, Արցախյան պատերազմ
թեմա:
Ադրբեջանական ագրեսիան Արցախում - 2020 (2212)
Ըստ թեմայի
Ես կցանկանայի վերջնականապես հանգուցալուծել Ղարաբաղյան հակամարտությունը. Նիկոլ Փաշինյան
Այստեղ են երկու գերի վերցրել, կամ ինչպես են ապրում զինծառայողները Արցախի առաջնագծում
Ավինյանը շնորհավորել է պատերազմի աստվածներին. հրթիռահրետանային զորքերի տոնն է
Ֆրանսիայի սենատը

Ֆրանսիայի խորհրդարանական պատվիրակությունը կայցելի Հայաստան և Արցախ

51
Ֆրանսիացի պատգամավորները ցանկանում են տեղում գնահատել Արցախում տիրող հումանիտար իրավիճակը, ինչպես նաև ծանոթանալ փախստականների խնդիրներին:

ԵՐԵՎԱՆ, 30 նոյեմբերի – Sputnik․ Ֆրանսիայի խորհրդարանական պատվիրակությունը դեկտեմբերի 6-9-ն ընկած ժամանակահատվածում այցով կլինի Հայաստանում և Արցախում: Տեղեկությունը հայտնել է  Ֆրանսիայի Սոցիալիստական կուսակցության առաջին քարտուղար Օլիվյե Ֆորը` առցանց բրիֆինգի ժամանակ։

 «Մենք ցանկանում ենք քննարկել իրադրությունը Լեռնային Ղարաբաղում և պլանավորում ենք հաջորդ շաբաթ մեկնել այնտեղ»,- հայտարարել է ֆրանսիացի քաղաքական գործիչը:

Նրա խոսքով՝ խորհրդարանական պատվիրակությունում կընդգրկվեն նաև միջազգային հարաբերությունների քարտուղար Ժան-Մարկ Ժերմենը և Ալֆորվիլի պատգամավոր Իզաբել Սանտյագոն: Այցի ընթացքում նախատեսվում են հանդիպումներ Հայաստանի և Արցախի  ղեկավարությունների հետ։ Ֆրանսիացի պատգամավորները ցանկանում են նաև տեղում գնահատել Արցախում տիրող հումանիտար իրավիճակը, ինչպես նաև ծանոթանալ փախստականների հետ կապված խնդիրներին:

Ֆրանսիան Թուրքիայից սպասում է ԼՂ–ից վարձկանների դուրսբերման կոնկրետ գործողություններ

51
թեգերը:
Արցախյան պատերազմ, Արցախ, Հայաստան, Պատգամավոր, Ֆրանսիա
Ըստ թեմայի
Ֆրանսիան կարծում է, որ եռակողմ համաձայնագրի որոշ կետեր հաշվի առնված չեն
«Հոգի չկա, մենակ զենք». ֆրանսիական «Լադանիվայի» հայերեն նոր երգը
«ՀՀ կառավարություն էլ կդիմենք». մտավորականները Ֆրանսիայի դեսպանատուն նամակ կհանձնեն
Ստեփանակերտ

Մեկ օրում Հայաստանից Արցախ է վերադարձել 850 մարդ

31
Ավտոբուսների շարասյունն ընթացել է ռուս խաղաղապահների և ռազմական ոստիկանության պարեկների ուղեկցությամբ։

ԵՐԵՎԱՆ, 30 նոյեմբերի – Sputnik․ Հայաստանում ժամանակավորապես ապաստանած ավելի քան 850 մարդ մեկ օրում Արցախ են վերադարձել։ Տեղեկությունը հայտնում է ՌԴ պաշտպանության նախարարության մամուլի ծառայությունը:

Ավտոբուսները Երևանից ուղևորվել են Ստեփանակերտի գլխավոր հրապարակ՝ Լեռնային Ղարաբաղ տեղափոխելով 850 մարդու։ Շարասյան շարժն իրականացվել է ռուս խաղաղապահների և ռազմական ոստիկանության պարեկների ուղեկցությամբ։

«Շփման գծի երկայնքով ընթացող ավտոբուսների անվտանգությունն ապահովել են ռուս զինծառայողները»,- նշված է հաղորդագրության մեջ:

Ստեփանակերտ ուղևորվող ավտոբուսները կվերսկսեն իրենց աշխատանքը

Ընդհանուր առմամբ Արցախ են վերադարձել 26.000 փախստականներ։

31
թեգերը:
խաղաղապահ, Փախստական, Լեռնային Ղարաբաղ, Արցախ, Հայաստան
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Վաղարշակ Հարությունյանն ասել է` ինչի կհանգեցնի պատերազմի վերլուծությունը
Արա Այվազյանն Ուենդի Մորթնիի հետ քննարկել է արցախցիների իրավունքների վերականգնման խնդիրը
Հանդիպումներ են եղել արգելված զինատեսակների կիրառման գծով միջազգային փորձագետների հետ. ՔԿ

Ծուխ, կրակ, կոտրված ցուցափեղկեր. Փարիզի բողոքի ակցիաները` լուսանկարներով

0
(Թարմացված է 00:21 01.12.2020)
  • Բողոքի ակցիաներ Փարիզում
  • Ֆրանսիացիներին որոշ օրենքներ դուր չեն եկել. բողոքի ակցիաներ Փարիզում
  • Ֆրանսիացիներին որոշ օրենքներ դուր չեն եկել. բողոքի ակցիաներ Փարիզում
  • Բազմամարդ բողոքի ակցիաներ Փարիզում
  • Ցույցերից ավերված Փարիզը
  • Բազմամարդ բողոքի ակցիաներ Փարիզում
  • Ցույցերից ավերված Փարիզը
  • Ցույցերից ավերված Փարիզը
  • Բազմամարդ բողոքի ակցիաներ Փարիզում
  • Բազմամարդ բողոքի ակցիաներ Փարիզում
  • Բազմամարդ բողոքի ակցիաներ Փարիզում
  • Բազմամարդ բողոքի ակցիաներ Փարիզում
Ֆրանսիայի ՆԳՆ տվյալներով ՝ Փարիզում փողոց է դուրս եկել 46 հազար մարդ, իսկ ամբողջ երկրում՝ 133 հազար մարդ։ Բողոքի ակցիաների կազմակերպիչները պնդում են, որ ամբողջ երկրում փողոց է դուրս եկել 500 հազար մարդ։

Ոչ միայն Փարիզում, այլև ամբողջ Ֆրանսիայում բազմահազարանոց հանրահավաքներ են տեղի ունեցել Ֆրանսիայի խորհրդարանի ստորին պալատի կողմից առաջին ընթերցմամբ հավանության արժանացած «Գլոբալ անվտանգության մասին» օրենքի դեմ: Վրդովմունք է առաջացրել է 24-րդ հոդվածը, որը օրինագծի տեքստում մտցվել է ոստիկանական արհմիությունների ճնշմամբ։

Այն տուգանքներ է նախատեսում ոստիկանների լուսանկարահանման և տեսանկարահանման համար, եթե այդ կադրերի տարածումը «սպառնում է առանձին պաշտոնյաների ֆիզիկական կամ հոգեկան անձեռնմխելիությանը»:

Կտրուկ քննադատության է արժանացել օրինագծի ևս մեկ դրույթ, ըստ որի լրագրողները պետք է նախապես գրանցվեն` ցույցերը լուսաբանելու համար: Եվրահանձնաժողովն արդեն իր կարծիքն է հայտնել նոր դրույթի վերաբերյալ՝ զգուշացնելով, որ ԶԼՄ-ները այսուհետ էլ պետք է ազատ կատարեն իրենց աշխատանքը: Ընդդիմությունը պահանջում է, որ նախագահ Էմանուել Մակրոնը հետ կանչի փաստաթուղթը, որը դեռ պետք է ստանա Սենատի հավանությունը։

0
  • Բողոքի ակցիաներ Փարիզում
    © Sputnik / Dominique Boutin

    Բողոքի ակցիաներ Փարիզում

  • Ֆրանսիացիներին որոշ օրենքներ դուր չեն եկել. բողոքի ակցիաներ Փարիզում
    © Sputnik / Dominique Boutin

    Ֆրանսիացիներին որոշ օրենքներ դուր չեն եկել. բողոքի ակցիաներ Փարիզում

  • Ֆրանսիացիներին որոշ օրենքներ դուր չեն եկել. բողոքի ակցիաներ Փարիզում
    © Sputnik / Dominique Boutin

    Ֆրանսիացիներին որոշ օրենքներ դուր չեն եկել. բողոքի ակցիաներ Փարիզում

  • Բազմամարդ բողոքի ակցիաներ Փարիզում
    © Sputnik / Dominique Boutin

    Բազմամարդ բողոքի ակցիաներ Փարիզում

  • Ցույցերից ավերված Փարիզը
    © Sputnik / Dominique Boutin

    Ցույցերից ավերված Փարիզը

  • Բազմամարդ բողոքի ակցիաներ Փարիզում
    © Sputnik / Dominique Boutin

    Բազմամարդ բողոքի ակցիաներ Փարիզում

  • Ցույցերից ավերված Փարիզը
    © Sputnik / Dominique Boutin

    Ցույցերից ավերված Փարիզը

  • Ցույցերից ավերված Փարիզը
    © Sputnik / Dominique Boutin

    Ցույցերից ավերված Փարիզը

  • Բազմամարդ բողոքի ակցիաներ Փարիզում
    © Sputnik / Dominique Boutin

    Բազմամարդ բողոքի ակցիաներ Փարիզում

  • Բազմամարդ բողոքի ակցիաներ Փարիզում
    © Sputnik / Dominique Boutin

    Բազմամարդ բողոքի ակցիաներ Փարիզում

  • Բազմամարդ բողոքի ակցիաներ Փարիզում
    © Sputnik / Dominique Boutin

    Բազմամարդ բողոքի ակցիաներ Փարիզում

  • Բազմամարդ բողոքի ակցիաներ Փարիզում
    © Sputnik / Dominique Boutin

    Բազմամարդ բողոքի ակցիաներ Փարիզում

թեգերը:
Բողոքի ակցիա, Ֆրանսիա, Փարիզ