Շտեֆեն Քոթրե

Արցախի բնակչությանը ցեղասպանության են ենթարկում ԱԹՍ–ների միջոցով. գերմանացի պատգամավոր

1144
(Թարմացված է 20:38 18.10.2020)
Գերմանիայի Բունդեսթագի պատգամավորների խոսքով, եթե պարզվի, որ Ադրբեջանն իրոք միջազգային վարձկան ահաբեկիչների է օգտագործել Արցախի դեմ պատերազմում, ապա Ադրբեջանը պետք է ճանաչվի միջազգային ահաբեկչության գլխավոր դերակատարներից մեկը։

ԵՐԵՎԱՆ, 18 հոկտեմբերի – Sputnik. Գերմանական լրատվամիջոցները ճշմարտությունը չեն հաղորդում։ Այսօր Ստեփանակերտում կազմակերպված մամուլի ասուլիսում հայտնեց Գերմանիայի Բունդեսթագի պատգամավոր Շտեֆեն Քոթրեն` հավելելով, որ իրենք Արցախ են այցելել իրականությունն իրենց աչքով տեսնելու համար։

«Մենք համոզվեցինք, որ Ադրբեջանը Թուրքիայի աջակցությամբ հարձակվել է Արցախի խաղաղ բնակչության վրա, և դա հանցագործություն է մարդկության նկատմամբ։ Մենք կոչ ենք անում աշխարհին այլևս չխոսել, այլ դրա փոխարեն պատժամիջոցներ կիրառել Թուրքիայի նկատմամբ»,– ասաց նա։

Պատգամավորը պատմեց, որ Ստեփանակերտից բացի եղել են նաև Շուշիում, այցելել հրետակոծված եկեղեցի ու սեփական դիտարկումներով համոզվել են, որ դրա շրջակայքում որևէ ռազմական օբյեկտ գոյություն չունի։  «Միայն քաղաքացիական կառույցներ են»,– ասաց նա։

Բունդեսթագի պատգամավոր Շտեֆեն Քոթրեն էլ Արցախում իրենց արձանագրածը «դրոնային ցեղասպանություն անվանեց»։ «Արցախի բնակչությանը փորձում են ցեղասպանության ենթարկել ԱԹՍ–ների միջոցով։ Մենք դատապարտում ենք բոլոր տեսակի ագրեսիաները ու կոչ ենք անում անհապաղ դադարեցնել այս պատերազմը»,– ասաց Քոթրեն` վերահաստատելով գործընկերոջ տեսակետը` Ադրբեջանի ու Թուրքիայի նկատմամբ միջազգային սանկցիաներ կիրառելու մասին։

«Մենք մեր աչքով տեսանք, որ Արցախի բնակելի շենքերի վրա են ռումբեր գցել ու խաղաղ բնակչության նկատմամբ միջազգայնորեն արգելված զենքեր են կիրառել»,– ասաց գերմանացի պատգամավորը։

Գերմանիայի Լայնթագի պատգամավոր Անդրեաս Քյոլիցը հայտարարեց, որ, եթե պարզվի, որ Ադրբեջանն իրոք միջազգային վարձկան ահաբեկիչների է օգտագործել Արցախի դեմ պատերազմում, ապա Ադրբեջանը պետք է ճանաչվի միջազգային ահաբեկչության գլխավոր դերակատարներից մեկը։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 18-ի ժամը 19:00-ի դրությամբ` հակառակորդի կրակոցների հետևանքով զոհվել են 710 զինծառայողներ և 36 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6109 զոհ ունի և բազմաթիվ վիրավորներ։

Ըստ վերջին տվյալների՝ Ադրբեջանի զինված ուժերը կորցրել են 22 ինքնաթիռ, 16 ուղղաթիռ, 192 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 558 տանկ և ՀՄՄ:

Ղազանչեցոցը 2 անգամ վերականգնած ճարտարապետը վստահեցնում է` եկեղեցին ավերված երկար չի մնա

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

«Գրադի» կրակի տակ. ինչպես են տարեց տղամարդիկ ապրում Մարտունու ապաստարաններից մեկում

 

1144
թեգերը:
Ահաբեկչություն, անօդաչու թռչող սարք, Ադրբեջան, Ղարաբաղյան հակամարտություն, Լեռնային Ղարաբաղ, Հայաստան, Արցախ, Պատգամավոր, Գերմանիա
թեմա:
Ադրբեջանական ագրեսիան Արցախում - 2020 (1812)
Ըստ թեմայի
Ոմանք ոչ հստակ դիրքորոշման ունեն. Մնացականյանը հեռախոսազրույց է ունեցել Բորելի հետ
ՄԱԿ–ի գլխավոր քարտուղարը հույս է հայտնել, որ զինադադարը կպահպանվի
37 նոր զոհ. ՊԲ–ն հրապարակել է մարտերում հերոսաբար ընկածների անունները
Եղիշե Կիրակոսյան

Ադրբեջանի պահանջներն աբսուրդային են. ՀՀ-ն պատասխանել է Ադրբեջանի՝ ՄԻԵԴ-ին ուղղված դիմումին

12
ՄԻԵԴ–ում ՀՀ ներկայացուցիչ Եղիշե Կիրակոսյանը Sputnik Արմենիայի հետ զրույցում կարծիք է հայտնել, որ ՄԻԵԴ–ը կմերժի Ադրբեջանի իրավազուրկ դիմումը։

ԵՐԵՎԱՆ, 30 հոկտեմբերի - Sputnik. ՀՀ կառավարությունը պատասխանել է Մարդու իրավունքների միջազգային դատարան Ադրբեջանի ներկայացրած դիմումին։ Այս մասին Sputnik Արմենիային հայտնեց ՄԻԵԴ–ում ՀՀ ներկայացուցիչ Եղիշե Կիրակոսյանը։

«Հոկտեմբերի 29-ին Հայաստանը ներկայացրել է իր դիրքորոշումը` ներկայացված դիմումի վերաբերյալ։ Նախ նշեմ, որ Ադրբեջանի ներկայացրած պահանջներն աբսուրդային են, որովհետև գրեթե բոլորը, բացառությամբ առաջինի, բացարձակապես դուրս են ՄԻԵԴ–ի իրավազորությունից` զորքերի դուրս բերում, օկուպացված տարածքների վերադարձ և այլն»,– ասաց Կիրակոսյանը`կարծիք հայտնելով, որ դատարանը կմերժի Ադրբեջանի այս դիմումը։

Ինչ վերաբերում է դիմումում նշված առաջին պահանջին, Եղիշե Կիրակոսյանի խոսքով, Ադրբեջանը դրանով պահանջ է ներկայացրել հայկական կողմին` դադարեցնելու Ադրբեջանի քաղաքացիական բնակավայրերի և ենթակառուցվածքների ուղղությամբ հրթիռակոծությունները` Հայաստանի ու «Ադրբեջանի գրավյալ տարածքներ»–ից։

«Եվ սա այն դեպքում, երբ ՀՀ պաշտպանության նախարարությունը բազմիցս հայտարարել է, որ ՀՀ տարածքից Ադրբեջանի ուղղությամբ որևէ արկ, որևէ կրակոց չի արձակվել։ Նույնիսկ Արցախի ՊԲ իրականացրած գործողությունները մենք դիտարկում ենք կիրառելի մարդասիրական իրավունքի տրամաբանության մեջ և մարդասիրական իրավունքի նորմերին համապատասխան»,– ասաց ՄԻԵԴ ներկայացուցիչը` շեշտելով, որ այս մասին Հայաստանը մանրամասն վերլուծություն է ներկայացրել ՄԻԵԴ`ի պատասխան Ադրբեջանի դիմումի։

Կիրակոսյանը նաև հիշեցրեց, որ Արցախի ու Հայաստանի տարածքներում Ադրբեջանի կողմից քաղաքացիական բնակչության, քաղաքացիական օբյեկտների ու քաղաքացիական բնակավայրերի թիրախավորման, միջազգայնորեն արգելված զինատեսակների կիրառման փաստերով հայկական կողմն առաջինն էր դիմել ՄԻԵԴ` պատերազմի առաջին իսկ օրը։ Իսկ արդեն սեպտեմբերի 29-ին ՄԻԵԴ–ը որոշում էր կայացրել` կողմերին կոչ անելով ձեռնպահ մնալ քաղաքացիական բնակավայրերի թիրախավորումից։

Այսպիսով, այս հարցի վերաբերյալ, ըստ Կիրակոսյանի, ՄԻԵԴ–ն իր դիրքորոշումն արդեն հայտնել է, և չի կարծում, թե նոր միջանկյալ միջոց կկիրառի հատուկ Հայաստանի նկատմամբ։

«Այս պարագայում Ադրբեջանի այդ պահանջը, կարծում եմ, պետք է մերժվի»,– ասաց Կիրակոսյանը։

Ի դեպ, ՄԻԵԴ–ում ՀՀ ներկայացուցիչը նաև հայտնեց, որ Հայաստանում գտնվող գերիների հարցն Ադրբեջանն իր դիմումում չի բարձրացրել։ Այն դեպքում, երբ Հայաստանից ՄԻԵԴ արդեն 20 գերու հարցով դիմում է ներկայացվել։

Հիշեցնենք` Ադրբեջանը ՄԻԵԴ–ին դիմում էր ուղղել Արցախում իր սանձազերծած պատերազմից մեկ ամիս անց` հոկտեմբերի 27-ին։ Հոկտեմբերի 28-ին ՄԻԵԴ–ը հայտնել էր, որ ընդունել է Ադրբեջանի դիմումը։ Այդ հայտարարությունից հետո, չսպասելով ՄԻԵԴ–ի որոշմանը, Հայաստանը հոկտեմբերի 29-ին ՄԻԵԴ է ուղարկել Ադրբեջանի դիմումի վերաբերյալ իր դիրքորոշումը։

12
թեմա:
Ադրբեջանական ագրեսիան Արցախում - 2020 (1812)
Արծրուն Հովհաննիսյան

Քարին տակից արևելք ընկած 1–2 գյուղերից մաքրվել են ադրբեջանական դիվերսանտները. Հովհաննիսյան

115
(Թարմացված է 14:17 30.10.2020)
Մեր հետախուզական ստորաբաժանումների կողմից հայտնաբերվել է նաև բավականին մեծ զինամթերքի պահեստանոց։

ԵՐԵՎԱՆ, 30 հոկտեմբերի – Sputnik. Քարին տակ գյուղից արևելք ընկած մեկ երկու գյուղից մաքրվել են ադրբեջանական դիվերսանտները։ Տեղեկությունը Telegram–ի իր էջում հայտնել է ՀՀ ՊՆ ներկայացուցիչ Արծրուն Հովհաննիսյանը։

«Ավելին՝ մեր հետախուզական ստորաբաժանումների կողմից հայտնաբերվել էր բավականին մեծ զինամթերքի պահեստանոց, որ փորձել էին կառուցել դիվերսանտները, և մեր հրետանու կրակից այրվել էր։ Կրակը տեսել են նույնիսկ Ստեփանակերտում»,–գրել է ՀՀ ՊՆ ներկայացուցիչը։

Ավելի վաղ հաղորդել էինք, որ ՊԲ ստորաբաժանումների կողմից թշնամական դիվերսիոն խմբերի գործողության գոտում հայտնաբերվել և թիրախային հարվածների արդյունքում ոչնչացվել է զինամթերք: Պայթյունների ձայները լսվել են նաև Ստեփանակերտում։ 

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 29-ի ժամը 18։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6749 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 226 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 632 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

115
թեգերը:
Գյուղ, Արցախ, դիվերսիա, Արծրուն Հովհաննիսյան
թեմա:
Ադրբեջանական ագրեսիան Արցախում - 2020 (1812)
Ըստ թեմայի
«Այսօր ևս չեզոքացվել է մեկ դիվերսիոն հետախուզական խումբ». Հովհաննիսյանը` առաջնագծի մասին
Ո՞ր գյուղերի ուղղությամբ է Ադրբեջանը դիվերսիոն գրոհներ ձեռնարկել
Դիվերսիոն խմբեր են երևացել Արցախի մի շարք բնակավայրերի շրջանում