Ակցիա Վիեննայում

«Հայ տղամարդկանց զգուշացրել էինք, որ զուսպ լինեն». Հախնազարյանը` Վիեննայի ակցիայի մասին

521
(Թարմացված է 20:10 18.10.2020)
Աշխարհահռչակ թավջութակահար Նարեկ Հախնազարյանի խոսքով`իրենք կարողացան Ավստրիայի մայրաքաղաքում երաժշտության միջոցով մարդկանց ուշադրությունը հրավիրել Արցախի խնդրին և այնտեղ ընթացող պատերազմին։
Հախնազարյան. «Ունկնդիրներին ցույց տվեցինք, որ մեր զենքը մշակույթն է, պատմությունը, ու նաև դրանով ենք հաղթելու»

Հանրահայտ թավջութակահար Նարեկ Հախնազարյանը Sputnik Արմենիայի հետ զրույցում պատմեց Ավստրիայի մայրաքաղաք Վիեննայում, օպերային թատրոնի առջև անցկացված համերգի մասին, որին մասնակցել են հայ երաժիշտները։ Նրա խոսքով` համերգը մի նպատակ ուներ` ցույց տալ աշխարհին, որ մենք մշակույթ ունեցող ժողովուրդ ենք և միակ բանը, ինչի մասին երազում ենք, խաղաղությունն է։

«Այդ համերգը կազմակերպել էինք, որպեսզի աջակցենք Արցախի ու Հայաստանի ազատության համար առաջնագծում պայքարող մեր տղաներին։ Ի տարբերություն մեր թշնամիների, մենք ունենք դարերի պատմություն, մշակույթ, տաղանդ և գեն։ Իմ կարծիքով` մենք հասանք մեր նպատակին և կարողացանք այդ խաղաղությունը փոխանցել մեր ունկնդրին»,–ասաց Հախնազարյանը։

Նրա խոսքով`իրենք կարողացան երաժշտության միջոցով մարդկանց ուշադրությունը հրավիրել Արցախի խնդրին և այնտեղ ընթացող պատերազմին։

Армянские музыканты дали концерт в поддержку Карабаха в Вене (17 октября 2020). Австрия
© Photo : Elena Khachiyanc
Ակցիա Վիեննայում

«Համերգի ողջ ընթացքում զարմանալի ու հուզիչ լռություն էր։ Յուրահատուկ էներգետիկա էր տիրում։ Համերգը տևեց 1.5 ժամ։ Շատ լավ անցավ։ Հասարակությունը մեզ շատ լավ ընդունեց»,–ասաց թավջութակահարը։

Нарек Ахназарян во время концерта в поддержку Карабаха в Вене (17 октября 2020). Австрия
© Photo : Elena Khachiyanc
Նարեկ Հախնազարյան

Ըստ Հախնազարյանի` իրենք մտահոգություններ ունեին, որ ադրբեջանցիներն ու թուրքերը սադրանքների կդիմեն, քանի որ քիչ հեռու ադրբեջանցիները ևս ցույց էին կազմակերպել։

«Բարեբախտաբար համերգի ընթացքում ոչ մի սադրանք չեղավ։ Ամեն դեպքում մենք հայ տղամարդկանց զգուշացրել էինք, որ իրենց շատ զուսպ պահեն և հնարավոր պրովոկացիայի չտրվեն»,–ասաց Հախնազարյանը և շեշտեց, որ փաստացի հայ ժողովուրդը կռվում է Ադրբեջանի, Թուրքիայի և ահաբեկիչների դեմ։

  • Ակցիա Վիեննայում
    Ակցիա Վիեննայում
    © Photo : Elena Khachiyanc
  • Ակցիա Վիեննայում
    Ակցիա Վիեննայում
    © Photo : Elena Khachiyanc
  • Ակցիա Վիեննայում
    Ակցիա Վիեննայում
    © Photo : Elena Khachiyanc
  • Ակցիա Վիեննայում
    Ակցիա Վիեննայում
    © Photo : Elena Khachiyanc
  • Ակցիա Վիեննայում
    Ակցիա Վիեննայում
    © Photo : Elena Khachiyanc
  • Ակցիա Վիեննայում
    Ակցիա Վիեննայում
    © Photo : Elena Khachiyanc
  • Ակցիա Վիեննայում
    Ակցիա Վիեննայում
    © Photo : Elena Khachiyanc
1 / 7
© Photo : Elena Khachiyanc
Ակցիա Վիեննայում

Հիշեցնենք` ավելի վաղ Հայաստանի ազգային ֆիլհարմոնիկ նվագախմբի Facebook-յան էջում հրապարակվել էին «երաժշտական ցույցի» լուսանկարները։

Հավելենք, որ համերգին ելույթ են ունեցել նաև դաշնակահար Նարե Արղամանյանը, դուդուկահար Արամ Իփեկջյանը, ջութակահար Գայանե Միրզոյանը, երգչուհիներ Ստելլա Գրիգորյանը և Թերեզա Բեգլարյանը:

Արդեն տևական ժամանակ է` աշխարհի տարբեր անկյուններում բնակվող հայերը բողոքի ակցիաներ են անցկացնում՝ քաղաքակիրթ աշխարհից պահանջելով ճանաչել Արցախի անկախությունն ու գործուն քայլեր ձեռնարկել ադրբեջանա–թուրքական ահաբեկչությունը դադարեցնելու համար։

 

521
թեգերը:
Արցախ, հայեր, Նարեկ Հախնազարյան, Ավստրիա
թեմա:
Ադրբեջանական ագրեսիան Արցախում - 2020 (1812)
Ըստ թեմայի
«Սիրտս մղկտում է». Մարիա Գուլեգինան մասնակցել է Արցախի աջակցությանն ուղղված հանրահավաքին
Քանի դեռ ուշ չէ. երթ՝ Արցախի անկախության ճանաչման պահանջով
Իսրայելում ադրբեջանցիները հարձակվել են խաղաղ ավտոերթ անող հայերի վրա
Լուռ բողոքի ակցիա Պրահայում. հայերն ուզում են իրենց ձայնն աշխարհին հասցնել
Զոհրաբ Մնացականյանի հանդիպումն ԵԱՀԿ Մինսկի խմբի համանախագահների հետ

Ժնևում մեկնարկել է Զոհրաբ Մնացականյանի հանդիպումը ԵԱՀԿ Մինսկի խմբի համանախագահների հետ

59
(Թարմացված է 14:22 30.10.2020)
Նշենք, որ այս հանդիպումը նախանշված էր հոկտեմբերի 29–ին, սակայն հետո հայտնի դարձավ, որ այն մեկ օրով հետաձգվել է։

ԵՐԵՎԱՆ, 30 հոկտեմբերի – Sputnik. Ժնևում մեկնարկել է Զոհրաբ Մնացականյանի հանդիպումն ԵԱՀԿ Մինսկի խմբի համանախագահների հետ։ Տեղեկությունը Facebook-ի իր էջում կից լուսանկարին հայտնել է ՀՀ ԱԳՆ մամուլի խոսնակ Աննա Նաղդալյանը։

«Մեկնարկեց ՀՀ ԱԳ նախարար Զոհրաբ Մնացականյանի հանդիպումն ԵԱՀԿ Մինսկի խմբի համանախագահների հետ»,–գրել է նա:

Ավելի վաղ տեղեկացրել էինք, որ հոկտեմբերի 29–ին Ժնևում տեղի կունենա ԵԱՀԿ Մինսկի խմբի համանախագահների փակ հանդիպումը Հայաստանի և Ադրբեջանի ԱԳ նախարարներ Զոհրաբ Մնացականյանի և Ջեյհուն Բայրամովի հետ:

Սակայն հետո հայտնի դարձավ, որ բանակցությունները մեկ օրով հետաձգվել են։

​Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։

Մասնավորապես, կողմերը պայմանավորվեցին, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։ Հրադադարի վերաբերյալ պայմանավորվածությունից հետո Ադրբեջանը շարունակեց հրետակոծել Արցախը։

Հոկտեմբերի 17-ին ՀՀ արտգործնախարարությունը հայտնեց, որ Հայաստանի Հանրապետությունը և Ադրբեջանի Հանրապետությունը երկրորդ պայմանավորվածությունն են ձեռք բերել. որոշվել է հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։

Արցախի ՊԲ–ն, սակայն, հոկտեմբերի 18-ի առավոտյան տեղեկացրեց, որ 07:20-ի սահմաններում հրետանային ակտիվ կրակից հետո ադրբեջանական զինուժը հարավային ուղղությամբ անցել է հարձակման: Երկուստեք եղել են զոհեր ու վիրավորներ:

Հոկտեմբերի 26-ին ՀՀ ԱԳՆ–ն հայտարարեց, որ Հայաստանի և Ադրբեջանի արտգործնախարարները հումանիտար հրադադարի հաստատման երրորդ ժամկետի մասին են պայմանավորվել, որը պետք է ուժի մեջ մտներ 2020թ. հոկտեմբերի 26-ին, տեղական ժամանակով 08:00-ին։ Սակայն Ադրբեջանը խախտեց նաև երրորդ պայմանավորվածությունը։

59
թեգերը:
Ղարաբաղյան հակամարտություն, Լեռնային Ղարաբաղ, Արցախ, Արցախյան պատերազմ, Հայաստան, ԵԱՀԿ Մինսկի Խումբ, Զոհրաբ Մնացականյան, Ժնև
թեմա:
Ղարաբաղյան հակամարտություն
Ըստ թեմայի
ԵԱՀԿ ՄԽ–ն Երևանին ու Բաքվին հորդորում է անհապաղ համաձայնեցնել վերիֆիկացիոն մեխանիզմը
Դաշնակցականները հացադուլ են հայտարարել ԱՄՆ-ում և այրել ԵԱՀԿ ՄԽ հայտարարությունը. տեսանյութ
ԵԱՀԿ-ում տարածվել է Ստեփանակերտի ԲԿ–ների հարվածների վերաբերյալ Արցախի ԱԳՆ հայտարարությունը
Եղիշե Կիրակոսյան

Ադրբեջանի պահանջներն աբսուրդային են. ՀՀ-ն պատասխանել է Ադրբեջանի՝ ՄԻԵԴ-ին ուղղված դիմումին

62
(Թարմացված է 14:18 30.10.2020)
ՄԻԵԴ–ում ՀՀ ներկայացուցիչ Եղիշե Կիրակոսյանը Sputnik Արմենիայի հետ զրույցում կարծիք է հայտնել, որ ՄԻԵԴ–ը կմերժի Ադրբեջանի իրավազուրկ դիմումը։

ԵՐԵՎԱՆ, 30 հոկտեմբերի - Sputnik. ՀՀ կառավարությունը պատասխանել է Մարդու իրավունքների միջազգային դատարան Ադրբեջանի ներկայացրած դիմումին։ Այս մասին Sputnik Արմենիային հայտնեց ՄԻԵԴ–ում ՀՀ ներկայացուցիչ Եղիշե Կիրակոսյանը։

«Հոկտեմբերի 29-ին Հայաստանը ներկայացրել է իր դիրքորոշումը` ներկայացված դիմումի վերաբերյալ։ Նախ նշեմ, որ Ադրբեջանի ներկայացրած պահանջներն աբսուրդային են, որովհետև գրեթե բոլորը, բացառությամբ առաջինի, բացարձակապես դուրս են ՄԻԵԴ–ի իրավազորությունից` զորքերի դուրս բերում, օկուպացված տարածքների վերադարձ և այլն»,– ասաց Կիրակոսյանը`կարծիք հայտնելով, որ դատարանը կմերժի Ադրբեջանի այս դիմումը։

Ինչ վերաբերում է դիմումում նշված առաջին պահանջին, Եղիշե Կիրակոսյանի խոսքով, Ադրբեջանը դրանով պահանջ է ներկայացրել հայկական կողմին` դադարեցնելու Ադրբեջանի քաղաքացիական բնակավայրերի և ենթակառուցվածքների ուղղությամբ հրթիռակոծությունները` Հայաստանի ու «Ադրբեջանի գրավյալ տարածքներ»–ից։

«Եվ սա այն դեպքում, երբ ՀՀ պաշտպանության նախարարությունը բազմիցս հայտարարել է, որ ՀՀ տարածքից Ադրբեջանի ուղղությամբ որևէ արկ, որևէ կրակոց չի արձակվել։ Նույնիսկ Արցախի ՊԲ իրականացրած գործողությունները մենք դիտարկում ենք կիրառելի մարդասիրական իրավունքի տրամաբանության մեջ և մարդասիրական իրավունքի նորմերին համապատասխան»,– ասաց ՄԻԵԴ ներկայացուցիչը` շեշտելով, որ այս մասին Հայաստանը մանրամասն վերլուծություն է ներկայացրել ՄԻԵԴ`ի պատասխան Ադրբեջանի դիմումի։

Հայկական կողմը երկրորդ անգամ է դիմել ՄԻԵԴ` Ադրբեջանում հայտնված հայ ռազմագերիների հարցով

Կիրակոսյանը նաև հիշեցրեց, որ Արցախի ու Հայաստանի տարածքներում Ադրբեջանի կողմից քաղաքացիական բնակչության, քաղաքացիական օբյեկտների ու քաղաքացիական բնակավայրերի թիրախավորման, միջազգայնորեն արգելված զինատեսակների կիրառման փաստերով հայկական կողմն առաջինն էր դիմել ՄԻԵԴ` պատերազմի առաջին իսկ օրը։ Իսկ արդեն սեպտեմբերի 29-ին ՄԻԵԴ–ը որոշում էր կայացրել` կողմերին կոչ անելով ձեռնպահ մնալ քաղաքացիական բնակավայրերի թիրախավորումից։

Այսպիսով, այս հարցի վերաբերյալ, ըստ Կիրակոսյանի, ՄԻԵԴ–ն իր դիրքորոշումն արդեն հայտնել է, և չի կարծում, թե նոր միջանկյալ միջոց կկիրառի հատուկ Հայաստանի նկատմամբ։

«Այս պարագայում Ադրբեջանի այդ պահանջը, կարծում եմ, պետք է մերժվի»,– ասաց Կիրակոսյանը։

Ի դեպ, ՄԻԵԴ–ում ՀՀ ներկայացուցիչը նաև հայտնեց, որ Հայաստանում գտնվող գերիների հարցն Ադրբեջանն իր դիմումում չի բարձրացրել։ Այն դեպքում, երբ Հայաստանից ՄԻԵԴ արդեն 20 գերու հարցով դիմում է ներկայացվել։

Հիշեցնենք` Ադրբեջանը ՄԻԵԴ–ին դիմում էր ուղղել Արցախում իր սանձազերծած պատերազմից մեկ ամիս անց` հոկտեմբերի 27-ին։ Հոկտեմբերի 28-ին ՄԻԵԴ–ը հայտնել էր, որ ընդունել է Ադրբեջանի դիմումը։ Այդ հայտարարությունից հետո, չսպասելով ՄԻԵԴ–ի որոշմանը, Հայաստանը հոկտեմբերի 29-ին ՄԻԵԴ է ուղարկել Ադրբեջանի դիմումի վերաբերյալ իր դիրքորոշումը։

62
թեգերը:
Մարդու Իրավունքների Եվրոպական դատարան (ՄԻԵԴ), Ադրբեջան, Հայաստան, Արցախյան պատերազմ
թեմա:
Ադրբեջանական ագրեսիան Արցախում - 2020 (1812)
Ըստ թեմայի
ՄԻԵԴ–ը որոշեց` Ադրբեջանը պետք է պատժի սեփական մարդասպանին` Ռամիլ Սաֆարովին
ՄԻԵԴ-ը մերժել է Թուրքիայի դիմումը. Անկարայի հիմնավորումներն անհիմն են
Հայ զինվորի գլխատման փաստը կներկայացվի ՄԻԵԴ