ՀՀ արտգործնախարարություն

Հայաստանն ու Ադրբեջանը պայմանավորվել են մարդասիրական զինադադարի նոր ժամկետի մասին

2260
(Թարմացված է 22:46 17.10.2020)
Այս որոշումը կայացվել է՝ ի շարունակություն ԵԱՀԿ Մինսկի խմբի համանախագահ երկրների նախագահների՝ հոկտեմբերի 1-ին արված հայտարարության...

ԵՐԵՎԱՆ, 17 հոկտեմբերի - Sputnik. Հայաստանի Հանրապետությունը և Ադրբեջանի Հանրապետությունը որոշել են հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար, նշված է ՀՀ արտգործնախարարության կայքում։

«Այս որոշումը կայացվել է՝ ի շարունակություն ԵԱՀԿ Մինսկի խմբի համանախագահ երկրները ներկայացնող Ֆրանսիական Հանրապետության, Ռուսաստանի Դաշնության և Ամերիկայի Միացյալ Նահանգների նախագահների հոկտեմբերի 1-ին արված հայտարարության, ԵԱՀԿ Մինսկի խմբի համանախագահների հոկտեմբերի 5-ի արված հայտարարության և համաձայն հոկտեմբերի 10-ին Մոսկվայում ընդունված համատեղ հայտարարության»,-ասվում է հաղորդագրության մեջ:

Հիշեցնենք, որ Ռուսաստանի, Միացյալ Նահանգների և Ֆրանսիայի նախագահներ Վլադիմիր Պուտինը, Դոնալդ Թրամփը և Էմանյուել Մակրոնը հոկտեմբերի 1-ին հրապարակած համատեղ հայտարարությունում ղարաբաղյան հակամարտության կողմերին կոչ են արել դադարեցնել կրակը և վերսկսել բանակցությունները:

Իսկ հոկտեմբերի 9-ին Մոսկվայում Հայաստանի և Ադրբեջանի արտգործնախարարները հանդիպեցին, որից հետո հայտարարվեց, որ հումանիտար հրադադար կլինի` դիերի, ռազմագերիների փոխանակման համար։ Սակայն հոկտեմբերի 10-ին, երբ արդեն ուժի մեջ էր հումանիտար հրադադարը, ադրբեջանական զինված ուժերը սկսեցին հրթիռակոծել Ստեփանակերտը, իսկ հետո արդեն անցան լայնածավալ հարձակման առաջնագծի մի շարք ուղղություններով։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 17-ի ժամը 18:00-ի դրությամբ` հակառակորդի կրակոցների հետևանքով զոհվել են 633 զինծառայողներ և 34 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6109 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 22 ինքնաթիռ, 16 ուղղաթիռ, 190 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 554 տանկ և ՀՄՄ:

Ղազանչեցոցը 2 անգամ վերականգնած ճարտարապետը վստահեցնում է` եկեղեցին ավերված երկար չի մնա 

2260
թեգերը:
հրադադար, Արցախյան պատերազմ, Ադրբեջան, Հայաստան
Ռուսաստանի, Թուրքիայի և Ադրբեջանի առաջնորդները

Խաղաղությունը պարտադրում են, կամ ինչպես կարող է Մոսկվան ճնշել Բաքվին և Անկարային

689
Թուրքիայի նախագահն իր նպատակներին հասնելու համար ուզում է պայթեցնել իրավիճակը Կովկասում, համոզված է ռազմական փորձագետ Ալեքսանդր Ժիլինը։ Նրա խոսքով`չափազանց կարևոր է, որ Ռուսաստանն անի ամեն բան` դա թույլ չտալու համար։

ԵՐԵՎԱՆ, 27 հոկտեմբերի – Sputnik. Ադրբեջանին և Թուրքիային խաղաղությունը պետք է պարտադրել, այլ ոչ թե համոզել։ Sputnik Արմենիայի հետ զրույցում նման կարծիք հայտնեց ռուս ռազմական փորձագետ, պաշտոնաթող գնդապետ Ալեքսանդր Ժիլինը։

«Տարբեր ռազմական հակամարտություններին մասնակցելու իմ փորձը մի բան է վկայում. ագրեսորին պետք է պարտադրել խաղաղությունը և ոչ թե համոզել։ Ես հստակ գիտեմ, և դա կարելի է հաստատել արբանյակից արված լուսանկարներով, որ ցանկացած հրադադար, որը ձեռք է բերվում, ասենք` Մոսկվայում Հայաստանի և Ադրբեջանի արտգործնախարարների հանդիպումից հետո, ավարտվում է նրանով, որ Բաքուն օգտագործում է այն զորքի տեղակայումը փոխելու, ռազմամթերք հասցնելու, տեխնիկայով համալրելու և այլնի համար», – ասաց Ժիլինը։

Ըստ նրա` եթե Ադրբեջանը խաղաղության  կողմնակից է, ինչպես պնդում է, ապա ինչու են նրանք մշտապես առաջնագիծ լրացուցիչ ռազմատեխնիկա ուղարկում։ Խաղաղության  կողմնակիցը զորքերը պետք է հեռացներ և բանակցությունների սեղանի շուրջ նստեր։

Գնդապետը նշեց, որ ամբողջ աշխարհի համար ակնհայտ է` պատերազմն այսօր ձեռնտու է միայն Իլհամ Ալիևին։ Ադրբեջանում ծանր ներքաղաքական իրավիճակ է։ Եվ պատերազմը պետք է` նախագահական աթոռը պահպանելու  համար:

Գլոբալ տեսանկյունից էլ խնդիրը միայն Արցախը չէ։ Այստեղ, նրա խոսքով, ավելի ընդարձակ կոնտեքստ կա։

«Արցախը զուտ պատերազմը սկսելու առիթ է։ Այսօրվա կոտորածը  բիկֆորդյան քուղ է, որը վառել է Էրդողանը` ամբողջ Կովկասում պատերազմի բռնկման համար։ Դա է իր նպատակը, նրան դա է հարկավոր, հարկավոր է պայթեցնել իրավիճակը`  սեփական նպատակներին հասնելու համար», – նշեց Ժիլինը։

Մոսկվայում քննարկել են Ղարաբաղի թեման ու որոշել հայերին օգնելու ծրագիր կազմել

Այդ դեպքում Ռուսաստանը, ըստ գնդապետի, զգալիորեն կկորցնի իր ազդեցությունը, քանի որ ստիպված կլինի ուժերն ու միջոցները ուղղել Կովկասում իրավիճակը կարգի բերելուն։

«Սա Էրդողանի շատ վտանգավոր խաղն է։ Այդ պատճառով այսօր պետք է բոլոր միջոցները կիրառել դա թույլ չտալու համար։ Բավական է ասել, թե մենք գործընկերներ ենք։ Ինչ համագործակցություն մի մարդու հետ, որը հանդիպում է Զելենսկուն և ասում. «Մի մտահոգվի՛ր, մենք քեզ կվերադարձնենք Ղրիմը»։ Դա՞ է գործընկերը», – նշեց Ժիլինը։

Ըստ նրա` Ադրբեջանը Թուրքիայի ռեսուրսն է կովկասյան պատերազմում։  Էրդողանի համար միևնույն է, թե որքան ադրբեջանցի կզոհվի, որքան դժբախտություն պատերազմը կբերի Հայաստանին։  Նրա գերնպատակը թուրքական կայսրություն ստեղծելն է։

Այդպիսով` խնդիրը ոչ այնքան բուն Արցախն է, որքան մեծ կովկասյան պատերազմ սկսելու մտադրությունը։

«Իսկ դա ծանրագույն ողբերգություն է լինելու շատ ու շատ ժողովուրդների համար», – ասաց Ժիլինը։

Հարցին, թե Ադրբեջանին խաղաղություն պարտադրելու կոնկրետ ինչ տարբերակ կա, փորձագետը ուշադրություն հրավիրեց այն հանգամանքին, որ թյուր կարծիք կա, թե դրան կարելի է հասնել միայն «տանկերով և ռումբերով»։

Խաղաղություն պարտադրում են կուլիսներում, անաղմուկ։ Ագրեսորին այնպիսի վերջնագրեր են ներկայացնում բիզնեսի, էկոնոմիկայի, երկրի ներսում իրավիճակի, աշխատանքի, ընդդիմության համախմբման և այլնի վերաբերյալ, որոնք ստիպում են նրան անհրաժեշտ որոշում ընդունել։  Դա ամենաարդյունավետ մեթոդն է։ Ժիլինը կարծում է, որ Ռուսաստանն ունի ագրեսորի վրա ազդելու միջոցներ:

Ընդ որում, խոսքը միայն Ադրբեջանի մասին չէ։ Ժիլինի կարծիքով` տպավորություն է ստեղծվում, որ Էրդողանն Ալիևին այնպես է վերահսկողության տակ առել, որ վերջինը միայն անունով է Ադրբեջանի նախագահը։ Փաստացի նա կերպար է, որը կատարում է Էրդողանի անմիջական ցուցումները, ուստի աշխատել է պետք նաև Թուրքիայի հետ։

Ըստ փորձագետի, դա հնարավոր է անել` օգտագործելով Թուրքիայի ներքաղաքական իրավիճակը, գրագետ աշխատելով ընդդիմության հետ` որոշ արևմտյան երկրների օրինակով։ Բացի այդ, կա քրդական հարց։

«Եթե Էրդողանը կարծում է, որ ինքն է աշխարհում ամենակարևորը, աշխարհի կենտրոնն է, ապա դա այդպես չէ», – հավելեց Ժիլինը։

Ռազմական փորձագետի խոսքով` Ռուսաստանն արդեն մեկ անգամ փրկել է Էրդողանին` տեղեկացնելով դավադրության մասին։

«Թող մտածի` չէ՞ որ մենք կարող ենք նաև չփրկել...», – նշեց Ժիլինը։

​Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։

Մասնավորապես, կողմերը պայմանավորվեցին, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։ Հրադադարի վերաբերյալ պայմանավորվածությունից հետո Ադրբեջանը շարունակեց հրետակոծել Արցախը։

Հոկտեմբերի 17-ին ՀՀ արտգործնախարարությունը հայտնեց, որ Հայաստանի Հանրապետությունը և Ադրբեջանի Հանրապետությունը երկրորդ պայմանավորվածությունն են ձեռք բերել. որոշվել է հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։

Արցախի ՊԲ–ն, սակայն, հոկտեմբերի 18-ի առավոտյան տեղեկացրեց, որ 07:20-ի սահմաններում հրետանային ակտիվ կրակից հետո ադրբեջանական զինուժը հարավային ուղղությամբ անցել է հարձակման: Երկուստեք եղել են զոհեր ու վիրավորներ:

Հոկտեմբերի 26-ին ՀՀ ԱԳՆ–ն հայտարարեց, որ Հայաստանի և Ադրբեջանի արտգործնախարարները հումանիտար հրադադարի հաստատման երրորդ ժամկետի մասին են պայմանավորվել, որը պետք է ուժի մեջ մտներ 2020թ. հոկտեմբերի 26-ին, տեղական ժամանակով 08:00-ին։ Սակայն Ադրբեջանը խախտեց նաև երրորդ պայմանավորվածությունը։

689
թեգերը:
Պատերազմ, Ռեջեփ Թայիփ Էրդողան, Թուրքիա, Իլհամ Ալիև, Ադրբեջան, Ռուսաստան, Հայաստան, Ղարաբաղյան հակամարտություն, Լեռնային Ղարաբաղ, Արցախ
թեմա:
Ադրբեջանական ագրեսիան Արցախում - 2020
Ըստ թեմայի
Բահրեյնի թագավորն արձագանքել է ՀՀ նախագահ Արմեն Սարգսյանի նամակին
Ռազմական դրության ժամանակ պետությունը կարող է ժամանակավորապես վերցնել քաղաքացիների գույքը
Հայաստանը մտադիր է վավերացնել վարձկանությունը ժխտող միջազգային կոնվենցիան
Մարտունի

Ինչու թշնամին չի կարողանում առաջ գնալ. Արծրուն Հովհաննիսյանը 3 հանգամանք առանձնացրեց

1157
(Թարմացված է 22:25 27.10.2020)
ՀՀ ՊՆ ներկայացուցչի խոսքով` պատերազմն այլևս նույն ուժգնությամբ, բարդությամբ և արագությամբ չէ, ինչպես առաջին օրերին էր։

ԵՐԵՎԱՆ, 27 հոկտեմբերի - Sputnik. Հայաստանի պաշտպանության նախարարության ներկայացուցիչ Արծրուն Հովհաննիսյանն այսօրվա ասուլիսի ընթացքում նշեց երեք հանգամանք, որոնց շնորհիվ հակառակորդը չի կարողանում առաջ անցնել և, կրելով մեծ կորուստներ, հետ է շպրտվում։

«Նախ` հակառակորդը հստակորեն կորցրել է քանակական ու տեխնոլոգիական առավելությունները։ Երկրորդ` չի կարողանում հաղթահարել լեռնային տեղանքները` ի տարբերություն դաշտայինների։ Երրորդ հանգամանքը հայկական բանակի հմտությունների կատարելագործումը և փորձն է։ Վստահ եղեք` հաղթելու ենք», – ասաց Հովհաննիսյանը։

ՊՆ ներկայացուցչի խոսքով` պատերազմն այլևս նույն ուժգնությամբ, բարդությամբ և արագությամբ չէ, ինչպես առաջին օրերին։

«Հիմնականում մարտեր են լեռներում, անտառներում, կիրճերում։ Այսօր չեզոքացվել են թշնամական մի քանի դիվերսիոն խմբեր, մի քանիսը փախել են` թողնելով զինտեխնիկա։ Նույն դինամիկայով չի զարգանում պատերազմը», – ասաց ՊՆ ներկայացուցիչը։

Հիշեցնենք` սեպտեմբերի 27-ի վաղ առավոտյան Ադրբեջանը, Թուրքիայի աջակցությամբ, լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 27-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1009 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6674 զոհ ունի և բազմաթիվ վիրավորներ։

Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 220 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 600 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

1157
թեգերը:
թշնամի, հայ-ադրբեջանական, Ադրբեջան, Արծրուն Հովհաննիսյան, Հայաստան, Արցախ, Ղարաբաղյան հակամարտություն, Լեռնային Ղարաբաղ
թեմա:
Ադրբեջանական ագրեսիան Արցախում - 2020
Ըստ թեմայի
Ձեր ընտրած կառավարությունը չի շեղվել և չի շեղվելու հաղթանակի ճանապարհը կերտելուց. Փաշինյան
Ասկերանի շրջանի գյուղերի հրետակոծության հետևանքները. լուսանկարներ
Ադրբեջանը խուսափում է, բայց վերիֆիկացիոն մեխանիզմների ներդրումն այլընտրանք չունի. ՀՀ ԱԳՆ
Վլադիմիր Պուտին. Ռեջեփ Էրդողան. արխիվային լուսանկար

Պուտինը Էրդողանին իր մտահոգությունն է հայտնել Արցախում կռվող ահաբեկիչների վերաբերյալ

398
(Թարմացված է 23:38 27.10.2020)
Ռուսաստանի Դաշնության նախագահը տեղեկացրել է, որ մշտապես կապի մեջ է Հայաստանի և Ադրբեջանի ղեկավարների հետ։

ԵՐԵՎԱՆ, 27 հոկտեմբերի - Sputnik. Թուրքիայի նախագահ Ռեջեփ Թայիփ Էրդողանը զանգել է Ռուսաստանի նախագահ Վլադիմիր Պուտինին, հաղորդում է Կրեմլի պաշտոնական կայքը։

Հեռախոսազրույցի ընթացքում կողմերը քննարկել են Լեռնային Ղարաբաղում տիրող իրավիճակը։ Պուտինը Էրդողանին իր մտահոգությունն է հայտնել` Ղարաբաղում շարունակվող մարտական գործողությունների և Մերձավոր Արևելքից կռվող ահաբեկիչների ահաբեկիչների ավելի ու ավելի մասշտաբային ներգրավվածության վերաբերյալ։ Ռուսաստանի նախագահը տեղեկացրել է, որ կապի մեջ է Հայաստանի և Ադրբեջանի ղեկավարների հետ, և ընդգծել, որ Ռուսաստանը քայլեր է ձեռնարկում հնարավորինս շուտ զինադադարի հասնելու և ճգնաժամը կանգնեցնելու ուղղությամբ։

Երկու երկրների նախագահները քննարկել են նաև Սիրիան և Լիբանանը։ Պայմանավորվածություն է ձեռք բերվել շարունակել Ռուսաստանի և Թուրքիայի արտաքին քաղաքականության և պաշտպանության գերատեսչությունների, ինչպես նաև երկու երկրների հատուկ ծառայությունների միջև համագործակցությունը։

Ավելի վաղ հայտնի էր դարձել, որ Թուրքիան Սիրիայի հյուսիսից վարձկաններ է ուղարկել Ադրբեջան՝ Արցախի ու Հայաստանի դեմ օգտագործելու նպատակով։ Տեղեկություններ կան, որ նրանց 1,5-2 հազար դոլար են վճարել ռազմական գործողություններին մասնակցելու համար։ Այս տեղեկությունը հաստատել են ոչ միայն հայկական և ղարաբաղյան իշխանությունները, միջազգային ԶԼՄ-ներն ու արտասահմանյան իրավապաշտպան կազմակերպությունները, այլև Սիրիայի, Ֆրանսիայի, Ռուսաստանի, ԱՄՆ–ի և այլ երկրների իշխանությունների ներկայացուցիչներ։

ՌԻԱ Նովոստին էլ տեղեկացրել է, որ հոկտեմբերի 16-ին ավելի քան 1000 գրոհային է տեղափոխվել ղարաբաղյան հակամարտության գոտի։

Թուրքիան Հարավային Կովկասը լցրել է ահաբեկիչներով. ՀՀ ԱԳ նախարարի հարցազրույցը

​Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։

Մասնավորապես, կողմերը պայմանավորվեցին, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։ Հրադադարի վերաբերյալ պայմանավորվածությունից հետո Ադրբեջանը շարունակեց հրետակոծել Արցախը։

Հոկտեմբերի 17-ին ՀՀ արտգործնախարարությունը հայտնեց, որ Հայաստանի Հանրապետությունը և Ադրբեջանի Հանրապետությունը երկրորդ պայմանավորվածությունն են ձեռք բերել. որոշվել է հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։

Արցախի ՊԲ–ն, սակայն, հոկտեմբերի 18-ի առավոտյան տեղեկացրեց, որ 07:20-ի սահմաններում հրետանային ակտիվ կրակից հետո ադրբեջանական զինուժը հարավային ուղղությամբ անցել է հարձակման: Երկուստեք եղել են զոհեր ու վիրավորներ:

Հոկտեմբերի 26-ին ՀՀ ԱԳՆ–ն հայտարարեց, որ Հայաստանի և Ադրբեջանի արտգործնախարարները հումանիտար հրադադարի հաստատման երրորդ ժամկետի մասին են պայմանավորվել, որը պետք է ուժի մեջ մտներ 2020թ. հոկտեմբերի 26-ին, տեղական ժամանակով 08:00-ին։ Սակայն Ադրբեջանը խախտեց նաև երրորդ պայմանավորվածությունը։

398
թեգերը:
ահաբեկիչ, վարձկաններ, Ռեջեփ Թայիփ Էրդողան, Թուրքիա, Ռուսաստան, Վլադիմիր Պուտին, Արցախ, Հայաստան, Ղարաբաղյան հակամարտություն, Լեռնային Ղարաբաղ
թեմա:
Ադրբեջանական ագրեսիան Արցախում - 2020
Ըստ թեմայի
Թշնամին փորձել է առաջանալ դեպի Բերձոր, բայց հաջողություն չի ունեցել. Արծրուն Հովհաննիսյան
Ինչու թշնամին չի կարողանում առաջ գնալ. Արծրուն Հովհաննիսյանը 3 հանգամանք առանձնացրեց
Թրամփը հիասթափված է. Հայաստանի և Ադրբեջանի միջև հրադադարի ռեժիմը խախտվել է