Հրետակոծված տուն Հադրութում

Արծրուն Հովհաննիսյանը Հադրութի, վիրահատված ադրբեջանցու և ՌԴ զորավարժությունների մասին

3368
(Թարմացված է 22:32 16.10.2020)
Պաշտպանության նախարարության ներկայացուցիչը պատասխանեց լրագրողներին ամենաշատ հետաքրքրող հարցերին։

ԵՐԵՎԱՆ, 16 հոկտեմբերի - Sputnik. Հայաստանի պաշտպանության ներկայացուցիչ Արծրուն Հովհաննիսյանը Հայկական միասնական տեղեկատվական կենտրոնում այսօր կազմակերպված ասուլիսին պատասխանեց լրագրողներին ամենաշատ հետաքրքրող հարցերին։
Անդրադառնալով Հադրութում ստեղծված իրավիճակին, Հովհաննիսյանն ասաց, որ քաղաքում առանձնապես իրավիճակ չի փոխվել և հորդորեց առանձին ուղղությունների վրա չֆիքսվել։

«Մեր զորքերը կարող են հետուառաջ, աջուձախ գնալ, պետք չի ֆիքսվել առանձին ուղղությունների վրա։ Մեր զինուժը հերոսական ու ծանր մարտեր է տանում և պայքարում է շատ ուժեղ թշնամու դեմ։ Հադրութում նույնն է, ինչ երկու օր առաջ, առանձնապես իրավիճակ չի փոխվել», – ասաց Հովհաննիսյանը։

Լրագրողի հարցին` ինչու է հայկական կողմը հումանիզմ ցուցաբերել ադրբեջանցի ռազմագերու նկատմամբ և վիրահատել նրան, ՊՆ ներկայացուցիչը կարճ կտրեց.

«Որովհետև մենք մարդ ենք, ունենք արժեհամակարգ, բորենիներ չենք»։

Հովհաննիսյանը նաև պատասխանեց Կասպից ծովում Ռուսաստանի զորավարժությունների մասին հարցին։

«Չեմ կարծում, որ դրանք մեր պատերազմում ինչ–որ դեր ունեն», – ասաց նա։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 16-ի ժամը 12:00-ի դրությամբ` հակառակորդի կրակոցների հետևանքով զոհվել են 633 զինծառայողներ և 34 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 5959 զոհ ունի, ավելի քան 5000 վիրավոր։ 

Ըստ վերջին տվյալների՝ Ադրբեջանի զինված ուժերը կորցրել են 21 ինքնաթիռ, 16 ուղղաթիռ, 181 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 552 տանկ և ՀՄՄ:

Ղազանչեցոցը 2 անգամ վերականգնած ճարտարապետը վստահեցնում է` եկեղեցին ավերված երկար չի մնա 

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։

«Գրադի» կրակի տակ. ինչպես են տարեց տղամարդիկ ապրում Մարտունու ապաստարաններից մեկում

 

3368
թեգերը:
Արծրուն Հովհաննիսյան, Հադրութ, Արցախյան պատերազմ
թեմա:
Ադրբեջանական ագրեսիան Արցախում - 2020 (1812)
Ըստ թեմայի
Արցախի օմբուդսմանի գրասենյակից մեկնաբանել են ադրբեջանցի ռազմագերու վիրահատությունը
Ի զորակցություն հայոց բանակի. ամեն կեսօր եկեղեցիների զանգերը կղողանջեն` մինչև հաղթանակ
Ստեփանակերտը կրկին գնդակոծվում է
Կանանց առաջին վաշտը պատրաստություն է անցնում

Կանանց առաջին վաշտը պատրաստվում է ռազմաճակատ մեկնել. լուսանկարներ

16
Հայաստանում հարյուրավոր կանայք կամավորագրվելու ու ռազմաճակատ մեկնելու ցանկություն են հայտնել։

ԵՐԵՎԱՆ, 30 հոկտեմբերի - Sputnik. Պաշտպանության նախարարության ներկայացուցիչ Արծրուն Հովհաննիսյանը Facebook-ի իր էջում լուսանկարներ է տեղադրել, որտեղ երևում է, թե ինչպես են կանայք ռազմական վարժանքներ անցնում Արցախ մեկնելուց առաջ։

«Կանանց առաջին վաշտը անցնում է պատրաստություն»,-նշել է Արծրուն Հովհաննիսյանը։

Ավելի վաղ հայտնի էր դարձել, որ բազմաթիվ կանայք ցանկություն են հայտնել կամավորագրվել ու մեկնել ռազմաճակատ։ Վարչապետի տիկին Աննա Հակոբյանը նույնպես հայտարարել էր, որ ցանկանում է մարտական պատրաստություն անցնել։

Первая женская рота проходит подготовку
Կանանց առաջին վաշտը պատրաստություն է անցնում

Հարյուրավոր կանայք արդեն անցնել են առաջին բուժօգնություն ցուցաբերելու դասընթացներ։ 

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 29-ի ժամը 18։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6749 զոհ ունի և բազմաթիվ վիրավորներ։ 

Первая женская рота проходит подготовку
Կանանց առաջին վաշտը պատրաստություն է անցնում

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 226 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 632 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

16
թեգերը:
Կին, կամավոր, Արցախյան պատերազմ
Ըստ թեմայի
Սահմանից սահման. Բերդում կամավորական ջոկատներ են կազմում
Ղրիմի կամավորականներն Արցախում են. լուսանկար
Հայ կանանց կամավորական ջոկատում արդեն 100 կին է գրանցվել
Զոհրաբ Մնացականյանի հանդիպումն ԵԱՀԿ Մինսկի խմբի համանախագահների հետ

Ժնևում մեկնարկել է Զոհրաբ Մնացականյանի հանդիպումը ԵԱՀԿ Մինսկի խմբի համանախագահների հետ

94
(Թարմացված է 14:22 30.10.2020)
Նշենք, որ այս հանդիպումը նախանշված էր հոկտեմբերի 29–ին, սակայն հետո հայտնի դարձավ, որ այն մեկ օրով հետաձգվել է։

ԵՐԵՎԱՆ, 30 հոկտեմբերի – Sputnik. Ժնևում մեկնարկել է Զոհրաբ Մնացականյանի հանդիպումն ԵԱՀԿ Մինսկի խմբի համանախագահների հետ։ Տեղեկությունը Facebook-ի իր էջում կից լուսանկարին հայտնել է ՀՀ ԱԳՆ մամուլի խոսնակ Աննա Նաղդալյանը։

«Մեկնարկեց ՀՀ ԱԳ նախարար Զոհրաբ Մնացականյանի հանդիպումն ԵԱՀԿ Մինսկի խմբի համանախագահների հետ»,–գրել է նա:

Ավելի վաղ տեղեկացրել էինք, որ հոկտեմբերի 29–ին Ժնևում տեղի կունենա ԵԱՀԿ Մինսկի խմբի համանախագահների փակ հանդիպումը Հայաստանի և Ադրբեջանի ԱԳ նախարարներ Զոհրաբ Մնացականյանի և Ջեյհուն Բայրամովի հետ:

Սակայն հետո հայտնի դարձավ, որ բանակցությունները մեկ օրով հետաձգվել են։

​Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։

Մասնավորապես, կողմերը պայմանավորվեցին, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։ Հրադադարի վերաբերյալ պայմանավորվածությունից հետո Ադրբեջանը շարունակեց հրետակոծել Արցախը։

Հոկտեմբերի 17-ին ՀՀ արտգործնախարարությունը հայտնեց, որ Հայաստանի Հանրապետությունը և Ադրբեջանի Հանրապետությունը երկրորդ պայմանավորվածությունն են ձեռք բերել. որոշվել է հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։

Արցախի ՊԲ–ն, սակայն, հոկտեմբերի 18-ի առավոտյան տեղեկացրեց, որ 07:20-ի սահմաններում հրետանային ակտիվ կրակից հետո ադրբեջանական զինուժը հարավային ուղղությամբ անցել է հարձակման: Երկուստեք եղել են զոհեր ու վիրավորներ:

Հոկտեմբերի 26-ին ՀՀ ԱԳՆ–ն հայտարարեց, որ Հայաստանի և Ադրբեջանի արտգործնախարարները հումանիտար հրադադարի հաստատման երրորդ ժամկետի մասին են պայմանավորվել, որը պետք է ուժի մեջ մտներ 2020թ. հոկտեմբերի 26-ին, տեղական ժամանակով 08:00-ին։ Սակայն Ադրբեջանը խախտեց նաև երրորդ պայմանավորվածությունը։

94
թեգերը:
Ղարաբաղյան հակամարտություն, Լեռնային Ղարաբաղ, Արցախ, Արցախյան պատերազմ, Հայաստան, ԵԱՀԿ Մինսկի Խումբ, Զոհրաբ Մնացականյան, Ժնև
թեմա:
Ղարաբաղյան հակամարտություն
Ըստ թեմայի
ԵԱՀԿ ՄԽ–ն Երևանին ու Բաքվին հորդորում է անհապաղ համաձայնեցնել վերիֆիկացիոն մեխանիզմը
Դաշնակցականները հացադուլ են հայտարարել ԱՄՆ-ում և այրել ԵԱՀԿ ՄԽ հայտարարությունը. տեսանյութ
ԵԱՀԿ-ում տարածվել է Ստեփանակերտի ԲԿ–ների հարվածների վերաբերյալ Արցախի ԱԳՆ հայտարարությունը