Մարիա Գուլեգինա

«Սիրտս մղկտում է». Մարիա Գուլեգինան մասնակցել է Արցախի աջակցությանն ուղղված հանրահավաքին

283
(Թարմացված է 14:06 16.10.2020)
Համաշխարհային ճանաչում ունեցող երգչուհի Մարիա Գուլեգինան վստահ է, որ հայ ժողովուրդը աշխատասեր է ու խաղաղասեր. այն ամենը, ինչ պետք է նրան, խաղաղություն է:

ԵՐԵՎԱՆ, 16 հոկտեմբերի - Sputnik. Աշխարհահռչակ օպերային երգչուհի Մարիա Գուլեգինան միացել է Լյուքսեմբուրգում Եվրոպական խորհրդարանի շենքի մոտ կազմակերպված խաղաղ ակցիային, որպեսզի աշխարհին հասցնի Էրդողանի ու Ալիևի մասին ճշմարտությունը։ Գուլեգինան այդ մասին պատմել է «Республика Армения» թերթին։

«Ես աշխարհի մարդ եմ, իմ երակներով տարբեր արյուն է հոսում՝ հորս կողմից` հայի, մորս կողմից՝ հրեայի, ուկրաինացու, լեհի, բելառուսցու։ Իմ բոլոր «ազգությունները» տառապել են` Ցեղասպանությունից, Հոլոքոսթից, պատերազմներից ու անարդարությունից, երբեմն էլ իրենք են սխալ եղել։ Անարդարությունը տեսնելը ցավոտ է ինձ համար։ Իսկ Արցախն ինձ համար մաքուր, սուրբ պատմություն է», - ասել է Գուլեգինան։

Եվրոպայում բնակվող հայերը փակել են Ֆրանսիա–Բելգիա միջպետական ավտոճանապարհը

Նա նշել է, որ Արցախը պատմականորեն և իրավաբանորեն հայկական հող է։ Երգչուհին հիշեցրել է, որ ԼՂԻՄ-ն օրինական հիմունքներով Ադրբեջանական ԽՍՀ կազմից դուրս է եկել 1987 թվականին հանրաքվեի միջոցով։ 1988-ին ԽՍՀՄ-ն ընդունել է արդյունքները և դրական բանաձև ընդունել։ 1991 թվականին Ադրբեջանի ԽՍՀ-ն ինքն էլ է դուրս եկել ԽՍՀՄ կազմից։

«Այդ ժամանակից ի վեր Ադրբեջանը, որն ինքն է դուրս եկել ԽՍՀՄ–ից, նույն օրենքով խախտում է ժողովուրդների ինքնորոշման իրավունքի միջազգային սկզբունքը», - շեշտել է Գուլեգինան:

Նա պարզաբանել է, որ հանրահավաքի է եկել ճշմարտությունը Եվրախորհրդարանին հասցնելու համար։ Գուլեգինան նշել է, որ միայն Լյուքսեմբուրգի ձայնը բավարար չի լինի, բայց կարող է դառնալ վերջին կաթիլը։

Երգչուհին պատմել է, որ առաջին անգամ է նման փողոցային ակցիայի դուրս եկել, քանի որ մասնագիտության պատճառով միշտ զգույշ է, վախենում է մրսելուց:

«Բայց սա ուրիշ դեպք է։ Երիտասարդ տղաները զոհվում են հանուն հայրենիքի, բա մենք չաջակցե՞նք։ Նրանցից յուրաքանչյուրն ասես իմ հարազատը լինի։ Սիրտս մղկտում է...»,- ասել է օպերային երգչուհին:

Ինչ վերաբերում է Եվրոպայի և աշխարհի արձագանքին, ապա Գուլեգինայի խոսքով` պետք է ճշմարտությունը հասցնել նաև նրանց, ում խաբել են և ատելությամբ պարուրել։ Խաղաղությունը պետք է վերականգնվի. մայրերը չպետք է կորցնեն իրենց զավակներին։

Երգչուհին մեջբերել է Պարույր Սևակի հայտնի բանաստեղծությունը, որը հաճախ կրկնում էր նրա հայրը. «Մենք քիչ ենք, սակայն մեզ հայ են ասում»։ Գուլեգինան ընդծել է` հայ ժողովուրդը խաղաղասեր է, աշխատասեր, և այն ամենը, ինչը պետք է նրան, խաղաղությունն է:

Ամենափրկիչ խաչը. Շուշիի չխոնարհված եկեղեցին գնդակոծություններից հետո

 

283
թեգերը:
Մարիա Գուլեգինա, երգչուհի, Արցախ
Ըստ թեմայի
Ակցիա Երևանում. մասնակիցները ՌԴ–ին կոչ արեցին ճանաչել Արցախի անկախությունը
Հայերն ընդդեմ ահաբեկչության. Հռոմում անցկացված ակցիային նաև իտալացիներ են մասնակցել
Շառլ Ազնավուրի որդին Փարիզում մասնակցել է Արցախի աջակցությանն ուղղված ակցիային
Մել Գիբսոն

«Մեծ տխրությամբ լսեցի` ինչ է կատարվում Արցախում». Գիբսոնն աջակցություն է հայտնել հայերին

52
(Թարմացված է 13:45 26.10.2020)
Գիբսոնն իր տեսաուղերձում նշում է, որ աղոթում է հայերի համար, աղոթում է, որպեսզի պատերազմը խաղաղությամբ ավարտվի։

ԵՐԵՎԱՆ, 26 հոկտեմբերի – Sputnik. Հոլիվուդյան հայտնի դերասան և ռեժիսոր Մել Գիբսոնն անհանգստացած է Ղարաբաղում տեղի ունեցող իրադարձություններով։ RT–ին Twitter–ի իր էջում տեղադրել է Գիբսոնի տեսաուղերձը։

Հայերի ցավը ռուս լուսանկարչի աչքերով

«Մեծ տխրությամբ լսեցի, թե ինչ է կատարվում Հայաստանում և Արցախում։ Ես շատ հայ ընկերներ ունեմ ԱՄՆ–ում, որոնք պատմում են այս օրերին իրենց հարազատների կորստի մասին... Հայերին ես շատ եմ հարգում` մեծահոգի և ամուր մարդիկ են, որոնք մի շարք դժվարությունների են բախվել»,–ասում է դերասանը։

​Նա նշում է նաև, որ աղոթում է հայերի համար, աղոթում է, որպեսզի պատերազմը խաղաղությամբ ավարտվի և մեծ ուժերը միջամտեն ու լուծում տան հարցին։

Գիբսոնը հույս է հայտնում, որ խաղաղությունը կվերականգնվի։ Նա կոչ է անում հայերին ուժեղ լինել և շարունակել իրենց անելիքները։

Հայերին սպանում է Թրամփի ընկեր Էրդողանը. Շոն Փենն ամոթանք է տվել ամերիկացիներին

52
թեգերը:
Մել Գիբսոն, Պատերազմ, Արցախ
թեմա:
Ադրբեջանական ագրեսիան Արցախում - 2020
Ըստ թեմայի
Ինչպես տարբերել թացը չորից, կամ ինչ պետք է իմանան հայերը պատերազմի ժամանակ
Իսրայելի հայերը բողոքի ակցիա են իրականացրել Երուսաղեմի ԱԳՆ շենքի դիմաց
Հայերն ապրել են ու կապրեն Արցախում ընդմիշտ. բողոքի ակցիա` Շվեդիայում
Невзорвавшийся снаряд Смерч-а в общине Иванян (1 октября 2020). Карабах

Ադրբեջանի դեմ քրգործ հարուցելու համար գերմանահայ իրավաբանները դիմել են դաշնային դատախազին

89
(Թարմացված է 12:50 26.10.2020)
Ադրբեջանի դեմ քրեական գործ հարուցելու համար հիմք են ծառայել ինչպես խաղաղ բնակիչների դեմ կատարված հանցագործությունները, այնպես էլ գերիների նկատմամբ վերաբերմունքը։

ԵՐԵՎԱՆ, 26 հոկտեմբերի – Sputnik. Սփյուռքի գլխավոր հանձնակատարի գրասենյակը տեղեկացնում է, որ գերմանահայ իրավաբանների միությունը դիմել է Գերմանիայի դաշնային դատախազին՝ Ադրբեջանի կողմից Արցախի դեմ ռազմական հանցագործություններ կատարելու վերաբերյալ քրգործ հարուցելու հայցով:

«Դիմումի հիմքում նշվել են Ադրբեջանի կողմից խաղաղ բնակչության ահաբեկման, հայ գերիների նկատմամբ նվաստացուցիչ և ֆիզիկական խոշտանգումների, միջազգայնորեն արգելված կասետային ռումբերի օգտագործման փաստերը։ Բացի այդ, նշվել է նաև խաղաղ բնակիչների և քաղաքացիական ենթակառուցվածքների՝ բնակելի տների, շենքերի, հիվանդանոցների, դպրոցների, եկեղեցիների, ինչպես նաև կոմունիկացիոն ճանապարհների, կամուրջների հրթիռակոծման վերաբերյալ փաստերը»,–նշված է հաղորդագրության մեջ։

Նշենք, որ Գերմանիայի միջազգային քրեական օրենսգիրքը թույլ է տալիս պատասխանատվության ենթարկել միջազգային իրավունքի դեմ ուղղված ծանր հանցագործությունների համար, ինչպիսիք են ցեղասպանությունը, մարդկության դեմ ուղղված և ռազմական հանցագործությունները:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 25-ի ժամը 14։30-ի դրությամբ` հակառակորդի կրակոցների հետևանքով Արցախում զոհվել են 974 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6614 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 217 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 600 տանկ և ՀՄՄ:

Հայը, «սիրիացին» ու բելառուսը. «հին գելերը» մեկնել են առաջնագիծ

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ 

Պատերազմ Արցախում` առանց սեփական զինվորների. ո՞րն է Էրդողանի գերնպատակը

89
թեգերը:
Քրեական գործ, Ադրբեջան, Արցախ, Գերմանիա
թեմա:
Ադրբեջանական ագրեսիան Արցախում - 2020
Ըստ թեմայի
Արցախի բնակչությանը ցեղասպանության են ենթարկում ԱԹՍ–ների միջոցով. գերմանացի պատգամավոր
Ինչպես կարող է Գերմանիան օգնել Հայաստանին և ինչպես` խանգարել Բաքվին և Անկարային
«Կանգնեցրեք երկրորդ Հիտլերին». բողոքի ակցիա ՀՀ–ում Գերմանիայի դեսպանատան առջև
«Կազբեգի» անցակետ

Շտապօգնության մեքենաներով բարձված մի բեռնատարը շարժվում է դեպի Հայաստան

0
ՌԴ-ում Հայաստանի դեսպանատան մաքսային հարցերով կցորդ Արամ Թանանյանը Sputnik Արմենիային տեղեկացրել է, որ սահմանին են մոտենում հումանիտար օգնություն տեղափոխող նոր բեռնատարներ Ռուսաստանից։

ԵՐԵՎԱՆ, 26 հոկտեմբերի – Sputnik. Շտապօգնության 4 մեքենաներով բեռնատարը հատել է ռուս-վրացական սահմանի «Կազբեգի» անցակետն ու շարժվում է դեպի Հայատսան։ Sputnik Արմենիայի թղթակցին հայտնել է ՌԴ-ում Հայաստանի դեսպանատան մաքսային հարցերով կցորդ Արամ Թանանյանը։

Ավելի վաղ սոցցանցերում տեսանյութ էր տարածվել, որտեղ երևում էին շտապօգնության մեքենաներով բարձված բեռնատարներ։ Տեսանյութի մեջ մի տղամարդ հայտնում էր, որ վրացական կողմը չի թողնում Ռուսաստանից եկող բեռնատարներն անցնեն իր տարածքով ու մեկնեն Հայաստան։

«Բեռնատարներին սպասեցրել են, ամենայն հավանականությամբ, արարողաըարգաային հարցերի պատճառով։ Մեկ բեռնատար 4 ավտոմեքենաներով բաց են թողել, երկրորդ բեռնատարի հարցը քննարկվում է»,-ասել է Թանանյանը։

Նրա խոսքով՝ երկրորդ բեռնատարը Հայաստան կուղղվի երեկոյան կողմ։ Նա նշել է, որ սահմանին են մոտենում այլ բեռնատարներ, որոնք հումանիտար օգնություն են տեղափոխում։ Հումանիտար բեռները հավաքել են Ռուսաստանի հայ համայնքի ներկայացուցիչները։

Հիշեցնենք, որ Վրաստանում մարտ ամսից գործում է օտարերկրացիների մուտքի արգելքը։ Արգելը բեռնափոխադրումների վրա չի տարածվում։

«Կազբեգի»-«Վերին Լարս» անցակետերով անցնող ճանապարհը միակ ցամաքային ճանապարհն է Հայաստանի ու Ռուսաստանի միջև։


0