Հնդիկները Երևանում

Ինչու են Արցախի հարցում հնդիկներն աջակցում հայերին․ The Indian Express–ի անդրադարձը

681
(Թարմացված է 00:19 16.10.2020)
Չնայած Հնդկաստանի կառավարության չեզոք դիրքորոշմանը,՝ Հնդկաստանի քաղաքացիներն աջակցում են Հայաստանին, ընդ որում՝ ոչ միայն առցանց հարթակներում։

ԵՐԵՎԱՆ, 16 հոկտեմբերի – Sputnik. Ղարաբաղյան հակամարտության հարցում հնդիկները հայերին են աջակցում, գրում է հնդկական The Indian Express պարբերականը։

Պարբերականը նշում է, որ Երևանի Մ․ Հերացու անվան Բժշկական համալսարանում սովորող հնդիկ ուսանողները հայ զինծառայողների համար նյութական օգնություն են հավաքում։

ԵՊԲՀ-ի ուսանող 21-ամյա Սանջայ Յադավը պարբերականին տված հարցազրույցում ասել է, որ այդկերպ ինքն ու ընկերները արտահայտել են իրենց զորակցությունը Հայաստանի քաղաքացիներին։ «Հայաստանը մեր երկրորդ տունն է։ Մենք այստեղ մեզ լավ ենք զգում, ընկերներ ունենք։ Հայերի հետ մեզ լավ հարաբերություններ են կապում»,-բացատրել է Սանջայը։

Ուսանողներից բացի Երևանում նաև հնդիկ գործարարներ են բնակվում, որոնք նույնպես հայերին աջակցում են, ինչով կարող են։ Այսպես, «Մեխակ» հնդկական ռեստորանի կառավարիչ 47-ամյա Փարվեզ Ալի Խանը և նրա աշխատակիցներն Արցախից տեղափոխված հայերի համար անվճար ուտելիք են պատրաստում և առաքում։

«Երբ երկար ժամանակ մի երկրում ես ապրում, քեզ դրա մի մասն ես զգում»,-իր գործողություններն այսպես է մեկնաբանել հնդիկ գործարարը։

48-ամյա Պրագնեշ Շախը Երևանում գտնվող ոսկերչական խանութի սեփականատերն է և համակարգում է «Հայ-հնդկական բարեկամության ընկերակցությունը»։ Կազմակերպությունը ռազմաճակատի համար հումանիտար օգնություն է հավաքում։ Իսկ Շախի կինը՝ Դիփալին, հայ զինվորների համար մաղաջ է պատրաստում՝ նուշի ալյուրից, կաթից և շաքարից պատրաստվող քաղցրավենիք։

«Հայերին դուր է գալիս հնդկական ուտելիքը, այդ թվում՝ մաղաջը։ Առաջ ես այն պատրաստում էի մեր հայ ընկերների համար։ Այդ պատճառով էլ որոշեցի պատրաստել նաև զինվորների համար, այն նրանց ուժ կտա»,-պատմում է Դիփալին։

Արցախցի կանայք և երեխաները լուռ ակցիա են արել ՌԴ–ի, ԱՄՆ–ի և Ֆրանսիայի դեսպանատների առջև

Պրագնեշ Շախի շատ հնդիկ ընկերներ և ծանոթներ, որոնք նախկինում այցելել են Հայաստան, նրան հարցրել են, թե ինչպես կարող են աջակցել մեր երկրին։  

«Ես մի ընկեր ունեմ, որը երեք տարի Հայաստանում հինդի էր դասավանդում, նաև յոգայի մարզիչ կար, որը Հայաստանում կես տարի է անցկացրել։ Նրանք բոլորը նվիրատվություն են կատարել «Հայաստան» համահայկական հիմնադրամին։ Սա մի երկիր է, որին անհնար է չսիրահարվել»,-ասում է Շախը։

Սակայն Հայաստանին աջակցություն են հայտնում նաև այն հնդիկները, որոնք երբևէ ոչ մի կապ չեն ունեցել մեր երկրի հետ։ Նրանք սոցիալական ցանցերը լցրել են #IndiasupportArmenia, #IndiaStandsWithArmenia և #IndiansWithArmenia հեշթեգներով(Հնդկաստանն աջակցում է Հայաստանին, Հնդկաստանը Հայաստանի կողմից է, Հնդիկները Հայաստանի հետ են)։

Հայաստանում և Վրաստանում 2009-2012թթ․ Հնդկաստանի դեսպան Աչալ Մալխոտրան պարբերականին տված հարցազրույցում հայերի հանդեպ հնդիկների համակրանքը բացատրել է պատմությամբ և ադրբեջանցիների հանդեպ հակակրանքով։

«Հնդկաստանի հայ համայնքը ձևավորվել է 8-րդ դարի վերջում, իսկ Կալկաթա քաղաքի զարգացումը պատմաբանները կապում են հենց տեղացի հայերի գործունեության հետ։ Բացի այդ, Ադրբեջանը բացահայտ աջակցում է Պակիստանի գործողություններին»,-ասել է Մալխոտրան` հիշեցնելով Քաշմիրի պատճառով Հնդկաստանի և Պակիստանի միջև հակամարտության մասին։

Չնայած թե՛ բուն Հնդկաստանում, թե՛ Հայաստանում բազմաթիվ հնդիկներ աջակցում են Հայաստանին, Հնդկաստանի արտաքին գործերի նախարարությունը Լեռնային Ղարաբաղում պատերազմի նկատմամբ  հավասարակշռված և չեզոք դիրք է գրավել։ Հնդկաստանի ԱԳՆ-ի հայտարարության մեջ ասվում է․ «Հնդկաստանին անհանգստացնում է իրավիճակը, որը սպառնում է տարածաշրջանի կայունությանն ու անվտանգությանը։ Մենք դարձյալ կողմերին կոչ ենք անում դադարեցնել ռազմական գործողությունները, զսպվածություն ցուցաբերել և սահմանին խաղաղությունը պահպանելու համար քայլեր ձեռնարկել»։

Իսպանիայի պատգամավորներն ու սենատորները հանդես են եկել Արցախի միջազգային ճանաչման օգտին

Նշենք, որ Երևանի Մխիթար Հերացու անվան բժշկական համալսարանում սովորում է Հնդկաստանի մոտ 4000 քաղաքացի։ 2019 թ․-ին ԵՊԲՀ-ն հաղթող է ճանաչվել Դելիում կայացած «Կրթության գերազանցություն, համաշխարհային ընտրություն» մրցանակաբաշխության «Լավագույն արտասահմանյան բժշկական համալսարան հնդիկների համար» անվանակարգում: Բացի այդ, Հայաստանում մոտ 100 հնդիկ ընտանիք է բնակվում։

681
թեգերը:
Ադրբեջան, Հայաստան, Հնդկաստան, հնդիկ, Ղարաբաղյան հակամարտություն, Լեռնային Ղարաբաղ, Արցախ
թեմա:
Ադրբեջանական ագրեսիան Արցախում - 2020 (1770)
Ըստ թեմայի
Ինչպես պաշտպանել Facebook-յան էջերն ադրբեջանական հարձակումներից. կարևոր կանոններ
Հայ գերիներին սպանել են հենց Հադրութում. հայտնի է նրանց ինքնությունը
Մարտունու Կարմիր շուկայում կասետային ռումբից ավտոմեքենա է վնասվել. վարորդը մահացել է
Գերագույն հոգևոր խորհուրդ

Արցախի համար չի կարող լինել անվտանգության երաշխիք Ադրբեջանի կազմում. Հոգևոր խորհուրդ

7
(Թարմացված է 15:29 29.10.2020)
Գերագույն հոգևոր խորհուրդը հայտարարություն է տարածել՝ նշելով, որ լիահույս է` Մինսկի խմբի համանախագահողների կողմից կգտնվեն արցախյան հակամարտության հանգուցալուծման ուղիներ։

ԵՐԵՎԱՆ, 29 հոկտեմբերի - Sputnik. Գերագույն հոգևոր խորհուրդը կոչ է անում միջազգային հանրությանը, մասնավորապես, ԵԱՀԿ Մինսկի խմբի համանախագահող երկրներին, տարածաշրջանում խաղաղության վերահաստատման և արցախահայության ինքնորոշման իրավունքի իրացման համար:

Ամենայն Հայոց Կաթողիկոս Գարեգին Բ–ի Facebook-ի էջից տեղեկանում ենք, որ Արցախի հարցը ռազմական ճանապարհով վճռելու, արցախահայությանը բնաջնջելու Ադրբեջանի քաղաքականությունը փաստում է, որ Արցախի համար չի կարող լինել անվտանգության երաշխիք Ադրբեջանի կազմում։

«Գերագույն հոգևոր խորհուրդը գնահատում է Մինսկի խմբի համանախագահող երկրների հետևողական ջանքերը՝ ուղղված մարդասիրական հրադադարի հաստատմանը և պահպանությանը, որը երրորդ անգամը լինելով, բացահայտ խախտվում է Ադրբեջանի կողմից: Լիահույս ենք, որ Մինսկի խմբի համանախագահողների կողմից կգտնվեն արցախյան հակամարտության հանգուցալուծման ուղիներ և մարդկային անմեղ կյանքերը չեն զոհաբերվի սոսկ աշխարհաքաղաքական շահերին»,–նշված է հաղորդագրության մեջ։

Գերագույն հոգևոր խորհուրդն ասում է, որ այսօր Արցախը կարիք ունի համայն աշխարհի հումանիտար աջակցության։ Ըստ խորհրդի` Արցախի ժողովրդի հանդեպ իրականացված այս ոճրագործությունների համար Ադրբեջանի նախագահ Իլհամ Ալիևը, ինչպես նաև այդ ոճրագործություններին աջակցող և անմիջական մասնակից ռազմաքաղաքական մյուս գործիչները պետք է կանգնեն միջազգային դատական ատյանների առջև։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 28-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1119 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6749 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 226 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 632 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

7
Լուիս Ալմագրոն

Եթե Ադրբեջանը դադարեցնի հարձակումները Ղարաբաղի վրա, հակամարտությունը կլուծվի. Ալմագրո

80
(Թարմացված է 14:52 29.10.2020)
Ամերիկյան պետությունների կազմակերպության գլխավոր քարտուղար Լուիս Ալմագրոն կոչ է արել անհապաղ դադարեցնել Արցախի դեմ ագրեսիան:

ԵՐԵՎԱՆ, 29 հոկտեմբերի — Sputnik. Ամերիկյան պետությունների կազմակերպության գլխավոր քարտուղար Լուիս Ալմագրոն վստահ է, որ եթե Ադրբեջանը դադարեցնի հարձակումները Ղարաբաղի վրա, հակամարտությունն անմիջապես կլուծվի: Այդ մասին նա գրել է իր Twitter-ի էջում։

Մարտակերտ քաղաքի վրա թշնամին կիրառել է ռազմական ավիացիա․ օդային տագնապ է հայտարարված

Նա նաև տեղադրել է Արցախի Մարդու իրավունքների պաշտպան Արտակ Բեգլարյանի թողարկած տեսանյութը, որտեղ ներկայացվում է հոկտեմբերի 28-ին Ստեփանակերտի ծննդատան վրա Ադրբեջանի զինված ուժերի կողմից հասցված հարվածների հետևանքները:

​«Արցախի դեմ ագրեսիան պետք է անմիջապես դադարեցվի։ Եթե Ադրբեջանը դադարեցնի հարձակումը, հակամարտությունն անմիջապես կլուծվի», - գրել է Ալմագրոն։

Հոկտեմբերի 28-ին ադրբեջանական զինված ուժերը հրթիռակոծել էին Ստեփանակերտն ու Շուշին: Գնդակոծության թիրախ էին դարձել քաղաքացիական օբյեկտները. հարձակման էին ենթարկվել բժշկական հաստատություններ, այդ թվում և Ստեփանակերտի ծննդատունը: Հարվածների արդյունքում խաղաղ բնակչության շրջանում կան զոհեր։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 28-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1119 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6749 զոհ ունի և բազմաթիվ վիրավորներ։

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 226 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 632 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

80
թեգերը:
Ադրբեջան, Լուիս Ալմագրո, Արցախ, Ղարաբաղյան հակամարտություն, Լեռնային Ղարաբաղ, ԱՄՆ
թեմա:
Ադրբեջանական ագրեսիան Արցախում - 2020 (1770)
Ըստ թեմայի
Ֆրեզնոյում խաղաղ ցույցի ժամանակ թուրքերը դանակահարել են երկու հայի. տեսանյութ
«Իմ բախտը պարզապես բերել է, որ ես հայ եմ ծնվել»․ Քիմ Քարդաշյան
Իլհամ Ալիևը որոշել է 2 խնդիր լուծել. ադրբեջանական հերթական կեղծիքի հետքերով
Ավելի քան հարյուր ՀՀ քաղաքացի Թուրքիայից Հայաստան են վերադարձել