Ստեփանակերտ

Մոսկվան հույս ունի, որ հակամարտության գոտում շուտով կհայտնվեն կրակի դադարեցման մեխանիզմներ

296
(Թարմացված է 19:31 15.10.2020)
Զախարովան խոսել է Ղարաբաղյան հակամարտությունից և նշել, որ ԵԱՀԿ Մինսկի խմբի համանախագահների կողմից մշակվող և ներկայացվող առաջարկները մնում են բանակցությունների սեղանին ու դրանց բովանդակությունը հայտնի է։

ԵՐԵՎԱՆ, 15 հոկտեմբերի — Sputnik. Մոսկվան հույս ունի, որ ղարբաղյան հակամարտության գոտում հնարավորինս շուտ կհայտնվեն կրակի դադարեցման վերահսկման մեխանիզմներ։ Այս մասին ամենշաբաթյա ճեպազրույցի ժամանակ հայտարարել է Ռուսաստանի ԱԳՆ պաշտոնական ներկայացուցիչ Մարիա Զախարովան։

«Մեր գլխավոր ուղերձն այն է, որ անհրաժեշտ է անհապաղ կազմակերպել զինվորականների հանդիպում, համաձայնեցնել հրադադարի վերահսկման մեխանիզմները։ Առայժմ, որքան ինձ հայտնի է, նման աշխատանք չի տարվում, բայց մենք հույս ունենք, որ այդ մեխանիզմը հնարավորինս շուտ կգործարկվի», — ասել է Զախարովան։

Նա ընդգծել է, որ Ռուսաստանը նույնպես գտնում է, որ հակամարտությունը հնարավոր է և անհրաժեշտ է լուծել քաղաքական ճանապարհով։

Նրա խոսքով` առաջարկները, որոնք մշակվել և շարունակում են մշակվել ԵԱՀԿ Մինսկի խմբի համանախագահների կողմից, մնում են բանակցությունների սեղանին ու դրանց բովանդակությունը հայտնի է: Դա համապատասխան շրջանների փուլային, աստիճանական ազատագրումն է՝ անվտանգության երաշխիքի պահպանման, Հայաստանի և Լեռնային Ղարաբաղի միջև հուսալի կապի ապահովման պայմանով՝ մինչև կորոշվի Ղարաբաղի կարգավիճակը։

«Երկու կողմից էլ բազմաթիվ հայտարարություններ են արվում, դրանց մեծ մասը զգացմունքային են, ինչը հասկանալի է, բայց պետք է միշտ հարց տալ` արդյոք դրանք ծառայում են նպատակին», — ասել է Զախարովան:

Նա նշել է, որ նպատակն այսօրվա դրությամբ արյունահեղության դադարեցումն է և բանակցային գործընթացին անցնելը։

Զախարովան հիշեցրել է, որ Ռուսաստանը բազմիցս կոչ է արել կողմերին, որոնք կապ ունեն այդ իրավիճակի հետ, անեն այնպիսի հայտարարությունները, որոնք կծառայեն նպատակների իրականացմանը:

Թուրքիայի մշտական սադրանքներն անթույլատրելի են. Ֆրանսիայի արտգործնախարար

Նա հիշեցրել է, որ հոկտեմբերի 9-10-ը Ռուսաստանի նախագահ Վլադիմիր Պուտինի նախաձեռնությամբ Մոսկվայում բանակցություններ են տեղի ունեցել Ռուսաստանի, Հայաստանի և Ադրբեջանի ԱԳ նախարարների մասնակցությամբ: Դրանք տևել են մոտ 11 ժամ, ի թիվս այլ հարցերի քննարկվել է համաձայնագրի երկրորդ կետով ընդունված վերահսկողության մեխանիզմները։ Դրանից հետո շփումներ են տեղի ունեցել Երևանի և Բաքվի մի շարք գործընկերների հետ, այդ թվում` նախագահների, արտգործնախարարների, պաշտպանության նախարարների մակարդակով:

Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։ Մասնավորապես, կողմերը պայմանավորվել են, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։

Առաջընթացի մասին խոսելն անհնար կլիներ առանց այս իրավիճակին վերջնակետ դնելու. Մնացականյան

Սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 15-ի ժամը 14:00-ի դրությամբ` հակառակորդի կրակոցների հետևանքով զոհվել են 604 զինծառայողներ և 32 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 5486 զոհ ունի, ավելի քան 5000 վիրավոր։

Ըստ վերջին տվյալների՝ Ադրբեջանի զինված ուժերը կորցրել են 19 ինքնաթիռ, 16 ուղղաթիռ, 176 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 541 տանկ և ՀՄՄ:

«Ես կրակի տակ ամենաթանկ բանն եմ թողել՝ որդուս». ինչպես են ապրում արցախցիները Ջրամբարում

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։

Նույնիսկ ճանճը չի կարող խուսափել հայուհու դիպուկ հարվածից. արցախյան պատերազմի կանացի դեմքը

296
թեգերը:
Ադրբեջան, Ռուսաստան, Հայաստան, Արցախ, Ղարաբաղյան հակամարտություն, Լեռնային Ղարաբաղ
թեմա:
Ադրբեջանական ագրեսիան Արցախում - 2020 (1630)
Ըստ թեմայի
Ադրբեջանը շարունակում է պատերազմական հանցագործությունները. խաղաղ բնակիչ է վիրավորվել
Փաշինյանը ներկայացրել է Արցախյան հարցում Հայաստանի համար կարմիր գծերը
Սա իր մասշտաբներով աննախադեպ պատերազմ է. Փաշինյանը` ղարաբաղյան մարտերի մասին
«Սմերչ»

Հակառակորդը «Սմերչ» է կիրառել Մարտունու ուղղությամբ

76
(Թարմացված է 14:20 26.10.2020)
ՊԲ ստորաբաժանումները պաշտպանական մարտեր են մղում թշնամական ուժերի գրոհները կասեցնելու և վերջինիս ելման դիրքեր հետ շպրտելու համար:

ԵՐԵՎԱՆ, 26 հոկտեմբերի – Sputnik. Այսօր, ժամը 13:50-ի սահմաններում հակառակորդը «Սմերչ» տիպի համազարկային կրակի ռեակտիվ համակարգից 1 հրթիռ է արձակել Մարտունու շրջանի Զարդարաշեն գյուղի ուղղությամբ: Հայտնում է ՀՀ ՊՆ խոսնակ Շուշան Ստեփանյանը Facebook սոցցանցի իր էջում։

«Չնայած ԱՄՆ-ում ձեռք բերված հրադադարի մասին նոր պայմանավորվածությանը՝ ադրբեջանական ուժերը գրոհ են ձեռնարկել հարավ-արևելյան հատվածում տեղակայված զորամասերից մեկի առաջնագծի ուղղությամբ՝ շարունակելով հրետակոծել նաև խաղաղ բնակավայրերը»,–գրել է Ստեփանյանը։

Նրա խոսքով` ՊԲ ստորաբաժանումները պաշտպանական մարտեր են մղում թշնամական ուժերի գրոհները կասեցնելու և վերջինիս ելման դիրքեր հետ շպրտելու համար:

ԱՄՆ–ի կողմից հայտարարված և այսօր ժամը 8։00–ին մեկնարկող հրադադարի 3–րդ պայմանավորվածության առաջին խախտումը գրանցվել էր առավոտյան ժամը 8:45-ի սահմաններում, երբ Ադրբեջանը հրետանային կրակ էր վարել Արցախի հյուսիս-արևելյան մարտական դիրքերի ուղղությամբ, երկրորդը9։10-ին հարավ-արևելյան ուղղությամբ, երբ հայկական դիրքերի վրա արձակվել էր հինգ հրետանային արկ։

Նշենք, որ ՀՀ վարչապետ Նիկոլ Փաշինյանն այսօր հայտարարել էր, որ ինչպես և համաձայնեցվել է երեկ Վաշինգտոնում` ԱՄՆ միջնորդությամբ, հայկական կողմը ժամը 08.00-ից լիարժեք կպահպանի հրադադարի ռեժիմը։

Հրադադարի նախանշված ժամից հաշված րոպեներ անց Ադրբեջանի ՊՆ-ն տարածեց հերթական ապատեղեկատվությունը՝ նշելով, թե հայկական ուժերը հարավային ուղղությամբ հրետակոծության են ենթարկում ադրբեջանական դիրքերը։ ՊԲ-ն պատասխանեց այս հայտարարությանը։

Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։

Մասնավորապես, կողմերը պայմանավորվել են, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։ Հրադադարի վերաբերյալ պայմանավորվածությունից հետո Ադրբեջանը շարունակում էր հրետակոծել Արցախը։

Հոկտեմբերի 17-ին ՀՀ արտգործնախարարությունը հայտնեց, որ Հայաստանի Հանրապետությունը և Ադրբեջանի Հանրապետությունը, համանախագահող երկիր Ֆրասիայի միջնորդությամբ, երկրորդ պայմանավորվածությունն են ձեռք բերել. որոշվել էր հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։

Երկրորդ «ռազմաճակատ». Գորիսում անվճար համազգեստ են կարում կամավորների համար

Արցախի ՊԲ–ն, սակայն, հոկտեմբերի 18-ի առավոտյան տեղեկացրեց, որ 07:20-ի սահմաններում հրետանային ակտիվ կրակից հետո ադրբեջանական զինուժը հարավային ուղղությամբ անցել է հարձակման: Երկուստեք եղել են զոհեր ու վիրավորներ:

Ադրբեջանը մինչև այսօր էլ խախտում է հրադադարի վերաբերյալ պայմանավորվածությունները։

76
թեգերը:
սմերչ, Ադրբեջան, հրադադար, Շուշան Ստեփանյան, Հայաստան, Ղարաբաղյան հակամարտություն, Լեռնային Ղարաբաղ, Արցախ
թեմա:
Հրադադար Արցախում
Դմիտրի Պեսկով

Ղարաբաղյան հակամարտությունը միայն խաղաղ կարգավորում կարող է ունենալ. Պեսկով

13
(Թարմացված է 14:19 26.10.2020)
Կրեմլում ուշադրությամբ հետևում են Ղարաբաղում տիրող իրավիճակին ու շարունակում են պնդել, որ խնդիրը միայն խաղաղ լուծում կարող է ունենալ։

ԵՐԵՎԱՆ, 26 հոկտեմբերի - Sputnik. Կրեմլում ուշադրությամբ հետևում են Ղարաբաղում տիրող իրավիճակին ու կարծում են, որ բացի խաղաղ ճանապարհից, այլ կարգավորում չի կարող լինել։ ՌԻԱ Նովոստիի փոխանցմամբ՝ լրագրողներին հայտնել է ՌԴ նախագահի մամուլի խոսնակ Դմիտրի Պեսկովը։

«Հիմա մենք ուշադրությամբ հետևում ենք հակամարտող կողմերի շփման գոտում տիրող իրավիճակին։ Նախկինի պես համարում ենք, որ խնդիրը միայն խաղաղ կարգավորում կարող է ունենալ»,-ասել է Պեսկովը։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 26-ի ժամը 13։30-ի դրությամբ` հակառակորդի կրակոցների հետևանքով Արցախում զոհվել են 974 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6674 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 220 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 600 տանկ և ՀՄՄ:

Հոկտեմբերի 26-ի ժամը 08.00-ից ուժի մեջ է մտել հրադադարի վերաբերյալ 3-րդ պայմանավորվածությունը, որն Ադրբեջանն արդեն հասցրել է խախտել։

Հումանիտար հրադադարի վերաբերյալ առաջին պայմանավորվածությունը Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը ձեռք էին բերել հոկտեմբերի 10–ին Մոսկվայում։

Հոկտեմբերի 17-ին էլ ՀՀ արտգործնախարարությունը հայտնեց, որ Հայաստանի Հանրապետությունը և Ադրբեջանի Հանրապետությունը երկրորդ պայմանավորվածությունն են ձեռք բերել. որոշվել է հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։ Այս անգամ պայմանավորվածությունը Ֆրանսիայի միջնորդությամբ էր եղել։

Նախորդ հրադադարները ևս խախտվել էին Ադրբեջանի կողմից։

13
թեգերը:
Դմիտրի Պեսկով, Ռուսաստան, Արցախյան պատերազմ