Շինանյութի խանութի տերը` Վարուժանը

«Ստորգետնյա կյանքի» պահանջները, կամ ինչպես է ապրում Ստեփանակերտը վերջին օրերին

634
(Թարմացված է 18:42 13.10.2020)
Արցախի մայրաքաղաքում անվտանգության նկատառումներով գազն անջատված է, մարդիկ փորձում են ջերմության այլընտրանքային աղբյուրներ գտնել։

ԵՐԵՎԱՆ, 13 հոկտեմբերի –Sputnik. Անդադար ռմբակոծվող Ստեփանակերտում էլեկտրական և փայտի վառարանների՝ բուրժույկաների մեծ պահանջարկ կա։

Բառացիորեն մեկ շաբաթ առաջ քաղաքում ոչ մի բաց խանութ, դեղատուն կամ որևէ այլ հաստատություն չկար։ Բայց վերջին մի քանի օրն Արցախի մայրաքաղաքում համեմատաբար հանգիստ է. ճիշտ է, տագնապի ազդանշանը շարունակում է պարբերաբար հնչել, բայց փողոցներում արդեն մարդիկ են հայտնվում, որոնք մինչ այդ ապաստարաններից գրեթե դուրս չէին գալիս։

Владелец строительного магазина в Степанакерте, Варужан
© Sputnik / Aram Nersesyan
Շինանյութի խանութի տերը` Վարուժանը

Sputnik Արմենիայի թղթակիցները քաղաքում պատահաբար շինանյութի բաց խանութի հանդիպեցին, այն թերևս քաղաքում գործող միակ նմանատիպ խանութն է այս պահին։

«Երկու օր է, որ ավելի հանգիստ է, մարդիկ աստիճանաբար դուրս են գալիս ապաստարաններից։ Բայց հաճախորդները դեռ շատ քիչ են»,- Sputnik Արմենիային պատմեց խանութի տերը՝ Վարուժանը։

Հայի հնարամիտ նվիրատվությունը հիացրել է Սերժ Թանկյանին. նա տեսանյութ է հրապարակել

Իհարկե, լիարժեք աշխատանքի մասին խոսք լինել չի կարող։ Ընդամենը մի քանի ժամով է բացվել, առևտրի ժամանակը չէ, քաղաքացիները դեռ չեն էլ մտածում, որ խանութները կարող են գործել։

Строительный магазин в Степанакерте
© Sputnik / Aram Nersesyan
Շինանյութի խանութ Ստեփանակերտում

Հազվագյուտ հաճախորդները հիմնականում գնում են կողպեքներ, պոլիէթիլեն, մեխեր՝ մեծ մասի տները տուժել են  ռմբակոծության հետևանքով։ Հենց իր՝ Վարուժանի տունը նույնպես վնասվել է, բայց, բարեբախտաբար, զոհեր չեն եղել։

Մինչ մենք զրուցում ենք խանութի տիրոջ հետ, հաճախորդներ են ներս մտնում։

-Վառարան ունե՞ք`էլէկտրական։

-Չունենք։

-Ոչ մի տեսակի չունե՞ք։

-Էլեկտրական չունենք, ցավոք։

Դառնալով մեզ` Վարուժանն ավելացնում է` ահա, մեծ մասին էլեկտրական վառարաններ են պետք։ Ռմբակոծվող քաղաքում անվտանգության նկատառումներով գազն անջատված է։ Տներում և ապաստարաններում էլեկտրականություն կա, բայց քաղաքում վառարանների նման պահանջարկի պատրաստ չէին։

Владелец строительного магазина в Степанакерте, Варужан
© Sputnik / Aram Nersesyan
Շինանյութի խանութի տերը` Վարուժանը

Ասում ենք, որ որոշ ապաստարաներում թիթեղյա վառարաններ են մարդիկ օգտագործում, ինչին Վարուժանը պատասխանում է, որ դրանք էլ հիմա մեծ պահանջարկ ունեն։ Բայց նման վառարաններ սովորաբար ձմռան կողմերն են բերում, այս տարի դեռ չէին հասցրել։

Վարուժանն ասում է, որ իր խանութում առաջ աշխույժ առևտուր կար։ Նա վստահ է, որ հենց խաղաղություն հաստատվի, քաղաքը շատ արագ կվերակառուցեն։

Ադրբեջանցիները չեն կարող նույն ինտենսիվությամբ անդադար գրոհել, պաշարներն անսպառ չեն

Ինչ վերաբերում է հրադադարի «կենսունակությանը», ապա, նրա խոսքով, ամեն ինչ կախված է նրանից, թե որքանով ենք պատրաստ պատերազմին։ Արցախը պետք է մինչև ատամները զինված լինի, և միայն դա կարող է կանգնեցնել հակառակորդին։

«Եթե նրանք իմանան, որ ամեն քարի, ամեն թփի տակ զենք կա, հրթիռ կա, նրանք չեն հարձակվի։ Միայն դա կարող է թշնամուն հետ պահել»,-ասում է Վարուժանը։

Строительный магазин в Степанакерте
© Sputnik / Aram Nersesyan
Շինանյութի խանութ Ստեփանակերտում

Այսօր քաղաքը քարացել է սպասման մեջ։ Որքա՞ն կտևի հարաբերական անդորրը՝ ոչ ոք չգիտի։ Հնարավոր է` շուտով մարդիկ կրկին ստիպված լինեն վերադառնալ «ստորգետնյա կյանքի»։

634
թեգերը:
գազ, Լույս, շինանյութ, վառարան, ապաստարան, խանութ, Արցախ, Ստեփանակերտ
թեմա:
Ադրբեջանական ագրեսիան Արցախում - 2020 (1554)
Ըստ թեմայի
Ինչու պետք է կողմերը վստահեն Ռուսաստանին. Արմեն Սարգսյանի կարծիքը
Արցունքներով եմ կարդում զոհվածների անունները. Վարդան կոչ է արել գումարով օգնել Արցախին
Մնացականյանը վերիֆիկացիոն համակարգերի ներդրման անհրաժեշտությունը ներկայացրել է ՄԽ–ին
Արցախ

Ադամ Շիֆը կոչ է արել ԱՄՆ-ին ճանաչել Արցախի անկախ հանրապետությունը

110
(Թարմացված է 00:39 24.10.2020)
ԱՄՆ կոնգրեսականի խոսքով` Ալիևին ու Էրդողանին պետք է հասկացնել, որ եթե շարունակեն պատերազմը, ապա կտեսնեն դրա հետևանքները։ Միացյալ Նահանգները «ձեռքերը ծալած» չի նստելու։

ԵՐԵՎԱՆ, 23 հոկտեմբերի - Sputnik. ԱՄՆ կոնգրեսական Ադամ Շիֆը պաշտոնապես կոչ է արել ԱՄՆ-ին ճանաչել Արցախի անկախ հանրապետությունը։

«Տևական ժամանակ է, ինչ Թուրքիան և Ադրբեջանը պատերազմում են Արցախի դեմ, գնդակոծում խաղաղ բնակավայրերը, եկեղեցիները` ռազմական հանցագործություններ կատարելով: Ադրբեջանի գրոհները հետ մղելիս զոհվել է ավելի քան 800 զինծառայող, ինչպես նաև տասնյակ խաղաղ բնակիչներ »,–իր կոչում նշել է Շիֆը։

Շիֆի խոսքով` ձմռան շեմին Արցախի քաղաքացիական բնակչության կեսից ավելին ստիպված է տեղափոխվել այլ քաղաք, քնել մեքենաներում կամ բաց դաշտերում ՝ ընկնող ռումբերից հեռու։

Նա նշում է, որ չեն կարող թույլ տալ, որ պատմությունը կրկնվի։ Եթե Ադրբեջանն ու Թուրքիան որոշել են պատերազմել, ապա ԱՄՆ–ն, ԵԱՀԿ Մինսկի խումբը և միջազգային հանրությունը պետք է հստակ ասեն, որ Ադրբեջանն ու Թուրքիան իրենց ցանկություններում հաջողության չեն հասնելու։
Ալիևին ու Էրդողանին պետք է հասկացնել, որ եթե շարունակեն պատերազմը, ապա կտեսնեն դրանց հետևանքները։ Միացյալ Նահանգները «ձեռքերը ծալած» չի նստելու։

Շիֆն իր աջակցությունն է հայտնել Հայաստանին և Արցախին։

Ավելի վաղ` հոկտեմբերի 6-ին, Շիֆը Facebook–ի իր էջում գրել էր, որ Լոս Անջելեսը սատարում է Հայաստանի և Արցախի ժողովրդին։

Նշենք, որ Ադամ Շիֆը հայտնի է իր հայամետ դիրքորոշմամբ։ Նա լավ հարաբերություններ ունի հայ համայնքի ներկայացուցիչների հետ ու հաճախ է մասնակցում Հայոց ցեղասպանության զոհերի հիշատակի ոգեկոչմանը նվիրված միջոցառումներին։

110
թեգերը:
ԱՄՆ, Ադամ Շիֆ, Արցախյան պատերազմ
Ըստ թեմայի
Միլանի քաղաքային խորհուրդը ճանաչել է Արցախի անկախությունը
Ֆրանսիայի Վիեն քաղաքը ճանաչեց Արցախի անկախությունը
ԱՄՆ կոնգրեսականը կոչ է արել ճանաչել Արցախի անկախությունը
Նիկոլ Փաշինյան

Փաշինյանի հայտարարությունը կազդի՞ բանակցությունների վրա. քաղաքագետը վերլուծել է իրավիճակը

168
ՀՀ վարչապետի հայտարարությունը`այս փուլում ղարաբաղյան հարցի դիվանագիտական լուծման մասին խոսելու անիմաստության մասին, մեծ իրարանցում առաջացրեց։ Փորձել ենք հասկանալ այդ խոսքերի դեմարշի պատճառներն ու հանգամանքները։

ԵՐԵՎԱՆ, 23 հոկտեմբերի — Sputnik. ՀՀ վարչապետ Նիկոլ Փաշինյանի կոշտ հայտարարությունները Ղարաբաղի վերաբերյալ իրավիճակից բխող հույզերի արդյունք են։ Բանակցություններն էլ, խնդրի կարգավորման դիվանագիտական ուղիների որոնումն էլ կշարունակվեն։ Sputnik Արմենիայի հետ զրույցում նման կարծիք հայտնեց «Ռուսաստանը գլոբալ քաղաքականության մեջ» («Россия в глобальной политике») ամսագրի գլխավոր խմբագիր, քաղաքագետ Ֆյոդոր Լուկյանովը։

Հիշեցնենք, որ հոկտեմբերի 21-ին Facebook-ի ուղիղ եթերի ժամանակ ՀՀ վարչապետ Նիկոլ Փաշինյանը հայտարարել էր, որ այս փուլում անիմաստ է խոսել ղարաբաղյան խնդրի դիվանագիտական լուծման մասին, քանի որ Բաքվի մարտավարությունն ու նպատակներն անփոփոխ են մնում՝ դա Ղարաբաղի կապիտուլյացիան է։ Ավելի ուշ ՀՀ ԱԳՆ-ն պարզաբանել էր, որ Հայաստանը միշտ պատրաստ է եղել ու հիմա էլ պատրաստ է հակամարտության խաղաղ կարգավորմանը, ու Երևանը բարձր է գնահատում ԵԱՀԿ Մինսկի խմբի, մասնավորապես՝ Ռուսաստանի ջանքերը։

Լուկյանովը նշում է, որ երբ երկիրը պատերազմի մեջ է, ապա հասարակության ներքին համախմբվածության ու ճիշտ ընկալման գործոնը շատ կարևոր է։ Թե ինչպես են առաջնորդները ճիշտ արտահայտություններ գտնում՝ մի կողմից մարտական ոգին բարձր պահելու, մյուս կողմից՝ դիվանագիտական լուծմանը վնաս չտալու համար, կախված է կոնկրետ որակավորումից ու տաղանդներից։

«Իհարկե պատերազմական իրավիճակում, այն էլ այդպիսի ողբերգական նախապատմություն ունեցող պատերազմի պայմաններում, դժվար է զսպվածություն ակնկալել, հատկապես Հայաստանի վարչապետի պես քաղաքական գործչից, որը ժողովրդից է դուրս եկել։ Անկասկած դա կարող է որոշակի վնաս հասցնել արտաքին դիվանագիտությանը, բայց այնուամենայնիվ, դիվանագիտական գործընթացը միշտ էլ ծնվում է պատերազմող կողմերի ներքին իրավիճակներից։ Որոշ դեպքերում դա հուզերի արդյունք է, որոշ դեպքերում՝ բանակցությունների վրա ազդելու ու կառավարելու փորձ», - նշեց Լուկյանովը։

Հակառակորդը փոխել է մարտավարությունը. Արծրուն Հովհաննիսյանը մանրամասներ է ներկայացնում

Մեր զրուցակիցն անդրադարձավ նաև այն հարցին, թե ինչպես են արտաքին գործընկերները, մասնավորապես Ռուսաստանը, ընկալում այդպիսի հուզական պոռթկումները։ Նրա խոսքով` հակամարտության թեման ակտիվ քննարկվում է նաև ռուսական դիվանագիտական տիրույթում։ Որպես բանակցային գործընթացի քարշակի, Մոսկվայի հռետորաբանությունն ուղղված է դիվանագիտական լուծմանը գնալուն, և բնականաբար նման հայտարարությունները բավականին տարօրինակ դրության մեջ են դնում մարդկանց, որոնք զբաղվում են այդ լուծումների մշակմամբ։ Մյուս կողմից՝ ՀՀ վարչապետը հայտնի է կտրուկ հայտարարություններով, նրա քաղաքական խառնվածքի տեսակին արդեն ծանոթ են։

«Սակայն նա դաշնակից երկրի առաջնորդ է։ Այդ հայտարարությունը չի ազդի դիվանագիտական գործընթացի վրա։ Ընդ որում՝ պետք է հասկանալ, որ Փաշինյանն այդ խոսքերից հետո արտգործնախարարին բանակցություններից հետ չի կանչել, որևէ դեմարշ չի արել», - նշեց Լուկյանովը։

Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։

Մասնավորապես, կողմերը պայմանավորվել են, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։ Հրադադարի վերաբերյալ պայմանավորվածությունից հետո Ադրբեջանը շարունակում էր հրետակոծել Արցախը։

Հոկտեմբերի 17-ին ՀՀ արտգործնախարարությունը հայտնեց, որ Հայաստանի Հանրապետությունը և Ադրբեջանի Հանրապետությունը երկրորդ պայմանավորվածությունն են ձեռք բերել. որոշվել է հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։

Արցախի ՊԲ–ն, սակայն, հոկտեմբերի 18-ի առավոտյան տեղեկացրեց, որ 07:20-ի սահմաններում հրետանային ակտիվ կրակից հետո ադրբեջանական զինուժը հարավային ուղղությամբ անցել է հարձակման: Երկուստեք եղել են զոհեր ու վիրավորներ:

Ադրբեջանը մինչև այսօր էլ խախտում է հրադադարի վերաբերյալ պայմանավորվածությունները։

168
թեգերը:
ԵԱՀԿ Մինսկի Խումբ, Արցախ, Ղարաբաղյան հակամարտություն, Լեռնային Ղարաբաղ, Նիկոլ Փաշինյան, Ռուսաստան, Մոսկվա
թեմա:
Ադրբեջանական ագրեսիան Արցախում - 2020 (1554)
Ըստ թեմայի
Ղարաբաղում խաղաղապահների տեղակայումը դեռ քիչ հավանական է․ ռուս փորձագետը բացել է փակագծերը
ԱՄՆ-ն անհանգստացած է. Թուրքիայում հնարավոր ահաբեկչությունների մասին տեղեկություններ կան
Դատապարտեք Ադրբեջանի քայլերը. հայ երիտասարդներն ակցիա են արել Բեյրութում