Նախագահ Արմեն Սարգսյան

Ո՞վ կարող է Լեռնային Ղարաբաղում հայերից տարածք պահանջել. Արմեն Սարգսյան

264
(Թարմացված է 16:23 13.10.2020)
Նախագահը ցավով նշել է, որ երբ նայում ես Ստեփանակերտին, թվում է, թե այն քաղաք է Երկրորդ աշխարհամարտից հետո:

ԵՐԵՎԱՆ, 13 հոկտեմբերի - Sputnik. Հայաստանի Հանրապետության նախագահ Արմեն Սարգսյանը հարցազրույց է տվել RT ռուսական միջազգային լրատվական հեռուստաընկերությանը։ Լրագրողի հետ զրույցում նախագահն ընդգծել է՝ հրադադարն ամբողջությամբ չի պահպանվում, և սա արդեն միջազգային դիտորդների կողմից արձանագրված փաստ է: Անդրադառնալով այն հարցին, թե արդյոք հայկական կողմն էլ է խախտում ձեռքբերված պայմանավորվածությունը, նախագահ Սարգսյանը նշել է՝ եթե մի կողմը խախտում է, մյուս կողմը պատասխանում է: Նրա կարծիքով՝ շատ կարևոր է ունենալ մեխանիզմ՝ հստակեցնելու, թե ով է խախտում հրադադարը:

«Կարմիր խաչի միջազգային կազմակերպությունը, որին առաջարկվել է մաս լինել այս հումանիտար գործողության, ի վիճակի չի լինի աշխատել այստեղ: Ուստի, բացարձակ անհրաժեշտություն են հրադադարը մշտադիտարկման ենթարկելը, ապահովելը, որ այն աշխատի»,- ասել է նա։

Նախագահը հերքել է ադրբեջանական կողմի տարածած ապատեղեկատվությունը, թե Հայաստանը հրետակոծել է Գյանջա քաղաքը։ Նա նաև ուշադրություն է հրավիրել այն փաստի վրա, թե ով է սկսել այս պատերազմը։

«Դա ադրբեջանական կողմն է, և ոչ թե Լեռնային Ղարաբաղի/ Արցախի Հանրապետության բնակչությունը: Եվ այդ պատերազմը սկսվեց մայրաքաղաք Ստեփանակերտի քաղաքացիական բնակչության ու շինությունների հրետակոծությամբ: Ստեփանակերտում չկան ռազմական օբյեկտներ: Իսկ քաղաքացիական բնակչությանը գյուղերում, քաղաքներում, այդ թվում և՝ մայրաքաղաքում ռմբակոծելը մարդու իրավունքների կոպիտ խախտում է»,- ընդգծել է նա։

Հրադադարի պայմանավորվածությունը չի պահպանվում. Լավրովն ընդունել է Մնացականյանին

Նախագահը խոսել է նաև ղարաբաղյան խնդրի պատմության մասին՝ հիշեցնելով՝ դեռ Խորհրդային Միության գոյության տարիներին Ադրբեջանը հակահայկական քաղաքականություն էր վարում ԼՂ-ում, փակվել էին անգամ հայկական դպրոցները, ուստի վստահությունը խախտված էր։ Նա անհնար է համարել, որ Արցախի բնակչությունը վստահի Ադրբեջանին հատկապես ղարաբաղյան առաջին պատերազմից հետո, երբ այդքան մեծ թվով զոհեր ունեցանք։

Անդրադառնալով լրագրողի այն հարցին, թե ի՞նչն է ներկայիս պայմաններում ավելի կարևոր հայկական կառավարության համար՝ մարդկային կյա՞նքը, Ղարաբաղի կարգավիճա՞կը, թե՞ սահմանները, նախագահ Սարգսյանը նշել է՝ բարդ քաղաքականությունը չի կարելի պարզեցնել: Ամեն ինչ կարևոր է, քանի որ ամեն ինչ փոխկապակցված է, սակայն ամենամեծ առաջնահերթությունը մարդկային կյանքն է:

Իսկ ինչպե՞ս պետք է պաշտպանել այդ կյանքը: «Դա արվում է հատուկ կառույցների կամ երաշխիքների միջոցով, որն այս դեպքում կարող է լինել կարգավիճակը կամ պետությունը կամ սահմանին կանգնած զինվորը»,- ասել է նախագահ Սարգսյանը։

Նա շեշտել է՝ 2 շաբաթ առաջ Ադրբեջանն է սկսել այս պատերազմը, և նրանք պետք է բարոյական պատասխանատվություն կրեն դրա համար:

«Ո՞վ կարող է Լեռնային Ղարաբաղում հայերից տարածք պահանջել: Այս մարդիկ այստեղ են բնակվում արդեն հազարավոր տարիներ»,- նշել է նախագահը։

Արմեն Սարգսյանն ընդգծել է՝ մեր կառավարության վերջնական նպատակն է դադարեցնել պատերազմը, վերադառնալ բանակցային սեղան:

«Բանակցային գործընթացը միայն վերջնական կարգավիճակը չէ, կարևոր է, որ բանակցությունների ժամանակ մարդիկ աստիճանաբար, դժվարությամբ, երբեմն չուզելով վստահություն կառուցեն... Երբ նայում ես Ստեփանակերտին, թվում է, թե այն քաղաք է Երկրորդ աշխարհամարտից հետո: Այս քաղաքն առաջին պատերազմից հետո մեծ սիրով վերակառուցվել էր, իսկ այժմ ամբողջությամբ ավերվել է»,- ասել է նա ու հավելել՝ Շուշիի Սուրբ Ամենափրկիչ եկեղեցին կառուցվել է 19-րդ դարում: Գրեթե նույն ժամանակահատվածում քաղաքում նաև մզկիթ է կառուցվել: Արցախյան առաջին պատերազմից հետո երկուսն էլ ավերվել էին: ԼՂ կառավարությունն արտերկրի հայերի և որոշ ոչ հայ բարեկամների, այդ թվում նաև՝ մուսուլմանների նվիրատվություններով եկեղեցին ու մզկիթը վերակառուցել է:

«Ղազանչեցոցը հարվածելով` ուզում էին մեր հաղթանակը խլել». Շուշիի հոգևոր հովիվ

«Սա հայկական մոտեցումն է»,- ասել է նախագահը՝ հիշեցնելով, թե ինչպես ադրբեջանական կողմը երկու անգամ թիրախային հարված հասցրեց Շուշիի եկեղեցուն։

264
թեգերը:
հարցազրույց, Ադրբեջան, Պատերազմ, Արցախ, Արմեն Սարգսյան
թեմա:
Ադրբեջանական ագրեսիան Արցախում - 2020 (1811)
Ըստ թեմայի
Թշնամի Ադրբեջանը հարվածել է Շուշիի Ղազանչեցոց եկեղուցուն. լուսանկարներ
«Նրանք նորից մեր եկեղեցիներն են ավերում». Օհանյանն արձագանքել է Շուշիի հրթիռակոծմանը
«Իրականում ինձ փրկեց Շուշիի բժիշկը». Արցախում վիրավորված ռուս լրագրողն ապաքինվում է
Եղիշե Կիրակոսյան

Ադրբեջանի պահանջներն աբսուրդային են. ՀՀ-ն պատասխանել է Ադրբեջանի՝ ՄԻԵԴ-ին ուղղված դիմումին

5
ՄԻԵԴ–ում ՀՀ ներկայացուցիչ Եղիշե Կիրակոսյանը Sputnik Արմենիայի հետ զրույցում կարծիք է հայտնել, որ ՄԻԵԴ–ը կմերժի Ադրբեջանի իրավազուրկ դիմումը։

ԵՐԵՎԱՆ, 30 հոկտեմբերի - Sputnik. ՀՀ կառավարությունը պատասխանել է Մարդու իրավունքների միջազգային դատարան Ադրբեջանի ներկայացրած դիմումին։ Այս մասին Sputnik Արմենիային հայտնեց ՄԻԵԴ–ում ՀՀ ներկայացուցիչ Եղիշե Կիրակոսյանը։

«Հոկտեմբերի 29-ին Հայաստանը ներկայացրել է իր դիրքորոշումը` ներկայացված դիմումի վերաբերյալ։ Նախ նշեմ, որ Ադրբեջանի ներկայացրած պահանջներն աբսուրդային են, որովհետև գրեթե բոլորը, բացառությամբ առաջինի, բացարձակապես դուրս են ՄԻԵԴ–ի իրավազորությունից` զորքերի դուրս բերում, օկուպացված տարածքների վերադարձ և այլն»,– ասաց Կիրակոսյանը`կարծիք հայտնելով, որ դատարանը կմերժի Ադրբեջանի այս դիմումը։

Ինչ վերաբերում է դիմումում նշված առաջին պահանջին, Եղիշե Կիրակոսյանի խոսքով, Ադրբեջանը դրանով պահանջ է ներկայացրել հայկական կողմին` դադարեցնելու Ադրբեջանի քաղաքացիական բնակավայրերի և ենթակառուցվածքների ուղղությամբ հրթիռակոծությունները` Հայաստանի ու «Ադրբեջանի գրավյալ տարածքներ»–ից։

«Եվ սա այն դեպքում, երբ ՀՀ պաշտպանության նախարարությունը բազմիցս հայտարարել է, որ ՀՀ տարածքից Ադրբեջանի ուղղությամբ որևէ արկ, որևէ կրակոց չի արձակվել։ Նույնիսկ Արցախի ՊԲ իրականացրած գործողությունները մենք դիտարկում ենք կիրառելի մարդասիրական իրավունքի տրամաբանության մեջ և մարդասիրական իրավունքի նորմերին համապատասխան»,– ասաց ՄԻԵԴ ներկայացուցիչը` շեշտելով, որ այս մասին Հայաստանը մանրամասն վերլուծություն է ներկայացրել ՄԻԵԴ`ի պատասխան Ադրբեջանի դիմումի։

Կիրակոսյանը նաև հիշեցրեց, որ Արցախի ու Հայաստանի տարածքներում Ադրբեջանի կողմից քաղաքացիական բնակչության, քաղաքացիական օբյեկտների ու քաղաքացիական բնակավայրերի թիրախավորման, միջազգայնորեն արգելված զինատեսակների կիրառման փաստերով հայկական կողմն առաջինն էր դիմել ՄԻԵԴ` պատերազմի առաջին իսկ օրը։ Իսկ արդեն սեպտեմբերի 29-ին ՄԻԵԴ–ը որոշում էր կայացրել` կողմերին կոչ անելով ձեռնպահ մնալ քաղաքացիական բնակավայրերի թիրախավորումից։

Այսպիսով, այս հարցի վերաբերյալ, ըստ Կիրակոսյանի, ՄԻԵԴ–ն իր դիրքորոշումն արդեն հայտնել է, և չի կարծում, թե նոր միջանկյալ միջոց կկիրառի հատուկ Հայաստանի նկատմամբ։

«Այս պարագայում Ադրբեջանի այդ պահանջը, կարծում եմ, պետք է մերժվի»,– ասաց Կիրակոսյանը։

Ի դեպ, ՄԻԵԴ–ում ՀՀ ներկայացուցիչը նաև հայտնեց, որ Հայաստանում գտնվող գերիների հարցն Ադրբեջանն իր դիմումում չի բարձրացրել։ Այն դեպքում, երբ Հայաստանից ՄԻԵԴ արդեն 20 գերու հարցով դիմում է ներկայացվել։

Հիշեցնենք` Ադրբեջանը ՄԻԵԴ–ին դիմում էր ուղղել Արցախում իր սանձազերծած պատերազմից մեկ ամիս անց` հոկտեմբերի 27-ին։ Հոկտեմբերի 28-ին ՄԻԵԴ–ը հայտնել էր, որ ընդունել է Ադրբեջանի դիմումը։ Այդ հայտարարությունից հետո, չսպասելով ՄԻԵԴ–ի որոշմանը, Հայաստանը հոկտեմբերի 29-ին ՄԻԵԴ է ուղարկել Ադրբեջանի դիմումի վերաբերյալ իր դիրքորոշումը։

5
թեմա:
Ադրբեջանական ագրեսիան Արցախում - 2020 (1811)
Брифинг представителя минобороны РА Арцруна Ованнисяна (11 октября 2020). Ереван

Քարին տակից արևելք ընկած 1–2 գյուղերից մաքրվել են ադրբեջանական դիվերսանտները. Հովհաննիսյան

99
(Թարմացված է 14:07 30.10.2020)
Մեր հետախուզական ստորաբաժանումների կողմից հայտնաբերվել է նաև բավականին մեծ զինամթերքի պահեստանոց։

ԵՐԵՎԱՆ, 30 հոկտեմբերի – Sputnik. Քարին տակ գյուղից արևելք ընկած մեկ երկու գյուղից մաքրվել են ադրբեջանական դիվերսանտները։ Տեղեկությունը Telegram–ի իր էջում հայտնել է ՀՀ ՊՆ ներկայացուցիչ Արծրուն Հովհաննիսյանը։

«Ավելին՝ մեր հետախուզական ստորաբաժանումների կողմից հայտնաբերվել էր բավականին մեծ զինամթերքի պահեստանոց, որ փորձել էին կառուցել դիվերսանտները, և մեր հրետանու կրակից այրվել էր։ Կրակը տեսել են նույնիսկ Ստեփանակերտում»,–գրել է ՀՀ ՊՆ ներկայացուցիչը։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 29-ի ժամը 18։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6749 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 226 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 632 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

99