Յուրի Կոտենոկին Երևան բերեցին ուղղաթիռով

«Իրականում ինձ փրկեց Շուշիի բժիշկը». Արցախում վիրավորված ռուս լրագրողն ապաքինվում է

279
(Թարմացված է 20:09 12.10.2020)
Հայաստանում Ռուսաստանի դեսպան Սերգեյ Կոպիրկինը հայտնել է, որ ռուս լրագրողին հայրենիք տեղափոխելու համար սպասում են բժիշկների որոշմանը։

ԵՐԵՎԱՆ, 12 հոկտեմբերի – Sputnik. «Сегодня.ру» կայքի գլխավոր խմբագիր Յուրի Կոտենոկի առողջական վիճակում դրական դինամիկա կա։ Լրագրողների հետ ճեպազրույցում տեղեկությունը հայտնեց ՀՀ-ում Ռուսաստանի դեսպան Սերգեյ Կոպիրկինը` պատասխանելով հարցին, թե ե՞րբ լրագրողին կտեղափոխեն Ռուսաստան։

Կոտենոկն Արցախում վիրավորվել էր հոկտեմբերի 8-ին։ Ադրբեջանական ԶՈւ կողմից Շուշիի Սուրբ Ամենափրկիչ (Ղազանչեցոց) եկեղեցու առաջին հրթիռակոծությունից հետո լրագրողներն այնտեղ էին գնացել հետևանքները նկարահանելու համար։ Այդ ժամանակ Ադրբեջանը երկրորդ անգամ էր հրթիռակոծել եկեղեցին, ինչի հետևանքով վիրավորվել էին լրագրողներ Յուրի Կոտենոկն ու Լևոն Արզանովը, նաև նրանց ուղեկցողը` Հրանտ Բալադյանը։

«Կոտենոկի վիճակը լավ է, բայց գիտենք, որ վիրավորումն էլ ծանր է եղել։ Մենք անմիջական կապի մեջ ենք «Էրեբունի» բժշկական կենտրոնի բժիշկների ու ղեկավարության հետ։ Սպասում ենք բժիշկների որոշմանը և երբ համապատասխան ցուցում կլինի, նոր միայն կտեղափոխենք նրան Ռուսաստան»,–ասաց Կոպիրկինը։

ԼՂ հակամարտությունը ռազմական լուծում չունի. Կոպիրկինը պատմեց` ինչ են խոսել Փաշինյանի հետ

Նա հայտնեց նաև, որ ՀՀ–ում Ռուսաստանի դեսպանության ներկայացուցիչներն այցելել են Կոտենոկին։

Նշենք, որ իր վիճակի բարելավման մասին Telegram-ի իր ալիքում պատմել է նաև Յուրի Կոտենոկը։

«Ղարաբաղ հասնելուն պես անմիջապես գնացինք Շուշիի եկեղեցի, քանի որ տեղեկություն ունեինք, որ այն գնդակոծվել է։ Այնտեղ շատ լուրջ ավերածություններ կային. սրբապատկերները վնասված էին։ Արդեն պատրաստվում էինք դուրս գալ եկեղեցուց, երբ նորից հարվածեցին նրան։ Գիտակցությունս չէի կորցրել, բայց լավ վնասվել էի։ Պայթյունն ինձնից ընդամենը 2 մետր հեռավորության վրա եղավ։ Իրականում ինձ փրկեց Շուշիի բժիշկը», - գրել է Կոտենոկը։

Նա նշել է, որ շրջապատված է ուշադրությամբ ու բարությամբ։ Ընդհանուր առմամբ, իրեն ավելի լավ է զգում, վերքերն ապաքինվում են, արդեն կարողանում է ինքնուրույն նստել և սնվել։

Հիշեցնենք, որ Կատենոկը բեկորային վնասվածքներ էր ստացել որովայնի, կրծքավանդակի և ստորին վերջույթների շրջանում։ Արզանովը և Բալադյանը հոկտեմբերի 9-ին կառավարական ինքնաթիռով տեղափոխվել են Ռուսաստան։

Սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 12-ի ժամը 11։00-ի դրությամբ` հակառակորդի կրակոցների հետևանքով զոհվել են 429 զինծառայողներ և 20 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 4919 զոհ ունի, ավելի քան 5000 վիրավոր։ 

Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 16 ուղղաթիռ, 168 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 514 տանկ և ՀՄՄ:

Ինչին պետք է ընտելանանք, եթե Ադրբեջանի հետ պատերազմը երկարի

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։

Հրադադար, բայց ոչ խաղաղություն. ի՞նչ խնդիր պետք է լուծի բանակը արցախյան պատերազմից հետո

279
թեգերը:
Արցախ, Լրագրող, Սերգեյ Կոպիրկին, Յուրի Կոտենոկ
թեմա:
Ադրբեջանական ագրեսիան Արցախում - 2020 (1587)
Ըստ թեմայի
Արցախի բժիշկները պայքարում են եկեղեցում վիրավորված ռուս լրագրողի կյանքը փրկելու համար
Արցախի Մարդու իրավունքների պաշտպանն այցելել է Շուշիի եկեղեցում վիրավորված լրագրողներին
«Էրեբունի» ԲԿ–ի տնօրենը խոսեց վիրավոր Կոտենոկի և մյուս լրագրողների վիճակի մասին
Վարդան Վարդանյան

«ՏՕՍ խոցելը մի ուրիշ ուրախություն էր. վիրավոր զինծառայողն իրեն հերոս չի համարում

87
(Թարմացված է 23:43 24.10.2020)
5 տարի ծառայության մեջ գտնվող ավագ լեյտենանտ Վարդան Վարդանյանն իր արածները հերոսություն չի համարում։ Ասում է` ինչպես մայրն է երեխային խնամում, այնպես էլ զավակն է պարտավոր պաշտպանել իր հայրենիքը։

ԵՐԵՎԱՆ, 24 հոկտեմբերի – Sputnik. «Զինուժ մեդիան» հերթական տեսանյութն է պատրաստել հայ քաջորդիներից մեկի մասին։ Հրետանավոր Վարդան Վարդանյանը պատերազմի առաջին իսկ օրվանից Ջրականի մատույցներում իր հաշվարկի զինվորների հետ կատաղի պայքար է մղել թշնամու դեմ։ Շատ խնդիրներ են կարողացել լուծել` տանկերի, հետևակի, «ՏՕՍ 1»–ի վրա կրակելով։

Հիշում է` «ՏՕՍ 1» խոցելը մի ուրիշ ուրախություն էր, անգամ նոթատետրում օրն ու ժամն է գրել` հոկտեմբերի 7, ժամը 6։13։

5 տարի ծառայության մեջ գտնվող ավագ լեյտենանտն իր գործողությունները հերոսություն չի համարում։ Ասում է` ինչպես մայրն է իր երեխային խնամում, այնպես էլ զավակն է պարտավոր պաշտպանել իր հայրենիքը։

Չնայած ծանր վնասվածքներին, Վարդանյանն ուզում է օր առաջ ապաքինվել ու գնալ առաջնագիծ, իր զինվորների մոտ։

Հիշում է` վիրավորվելիս հենց նրանք են իր կյանքը փրկել ու, վերևից թափվող արկերն արհամարհելով, ավագ զինակցին հասցրել անվտանգ վայր։

«Չնայած երկնքից թափվող կրակին, զինվորներիցս ոչ մեկը կողքիցս մի վայրկյան չի գնացել»,–պատմում է Վարդանյանը։

Նա համոզված է` հաղթելու ենք։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 24-ի ժամը 17։00-ի դրությամբ` հակառակորդի կրակոցների հետևանքով Արցախում զոհվել են 963 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6614 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 217 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 600 տանկ և ՀՄՄ:

Հայը, «սիրիացին» ու բելառուսը. «հին գելերը» մեկնել են առաջնագիծ

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ 

Պատերազմ Արցախում` առանց սեփական զինվորների. ո՞րն է Էրդողանի գերնպատակը

87
թեգերը:
զինծառայող, տեսանյութ, հրետանի, Արցախ
Ըստ թեմայի
«Թող իմանան` մենք ողջ ենք, լավ ենք». առաջնագծի տղաների` ժպիտ պարգևող լուսանկարները
Այս տղերքն Արցախի հյուսիսային դիրքերն են պաշտպանում. հանգստի հազվադեպ րոպեները
Հերոսական դրվագ. ովքե՞ր են հոկտեմբերի 18-ին մի քանի կիլոմետր հետ շպրտել հակառակորդին
Հերոս հրետանավորները. նրանք անում են ավելին, քան հնարավոր է պատկերացնել
Կարմիր խաչ

Արցախի ԱԳՆ-ն հայ գերիների ու զինծառայողների տեսանյութերի կապակցությամբ դիմել է ԿԽՄԿ-ին

40
(Թարմացված է 23:35 24.10.2020)
Ադրբեջանական լրատվամիջոցների հրապարակած տեսանյութերում նվաստացնում են հայ զինծառայողներին։

ԵՐԵՎԱՆ, 24 հոկտեմբերի – Sputnik. Արցախի Հանրապետության արտաքին գործերի նախարարությունը hոկտեմբերի 23-ին դիմել է Կարմիր խաչի միջազգային կոմիտեի (ԿԽՄԿ) առաքելության Ստեփանակերտի գրասենյակ՝ Ադրբեջանի կողմից գերեվարված Արցախի Հանրապետության Պաշտպանության բանակի զինծառայողների և քաղաքացիական անձի մասնակցությամբ ադրբեջանական լրատվամիջոցներում տեսանյութերի հրապարակման կապակցությամբ։ Տեղեկությունը հայտնում է նախարարության մամուլի ծառայությունը։

«Մասնավորապես նշվել է ԿԽՄԿ ներկայացուցիչների կողմից Ադրբեջանում գտնվող ռազմագերիներին և պատանդին այցելելու, ինչպես նաև նրանց հետ վարվելակերպի և պահման պայմանների վերաբերյալ միջազգային մարդասիրական իրավունքով պաշտոնական Բաքվի ստանձնած պարտավորությունների իրականացումն ապահովելու անհրաժեշտության մասին»,– հչված է հաղորդագրության մեջ:

Ադրբեջանցիները հայ գերիների սոցցանցային էջերից նյութեր են տարածում. ՄԻՊ–ն ապացույցներ ունի

Ավելի վաղ ադրբեջանական ԶԼՄ-ներում ու սոցցանցերում հայ գերիների մասնակցությամբ տեսանյութեր էին հրապարակվել։ Կադրերում ութ հայ զինծառայողներ էին երևում, որոնք հերթով ասում էին` Ղարաբաղը Ադրբեջանն է։ Բացի այդ, տեսանյութեր էին հրապարակվել Վալերա Հայրապետյանի ու Էդիկ Տոնոյանի մասնակցությամբ, որոնք պատմում էին՝ ինչպես են գերի ընկել։ 

Բեմադրված հարցազրույցները միշտ էլ եղել են․ փորձագետը` գերիների փոխանակման մասին

    

40
թեգերը:
տեսանյութ, զինծառայող, գերի, Կարմիր խաչ, Արցախ
Ըստ թեմայի
Ադրբեջանցի ռազմագերու վիրահատությունը բարեհաջող է անցել. Շուշան Ստեփանյան
Հադրութում հայ գերիներին գնդակահարած հանցագործներից մեկը ոչնչացվել է. Razm.info
Ադրբեջանցի գերին պատմում է Թուրքիայից ժամանած զինվորական մասնագետների մասին. տեսանյութ
Медсестра во время теста на коронавирус

Զինծառայողին զորահավաքից ազատելու համար Covid-19-ի կեղծ եզրակացություն են տվել

0
Ձերբակալվել է և՛ զինծառայողը,  և՛ հանցագործությանն օժանդակած բժշկական կենտրոնի ծառայողները:

ԵՐԵՎԱՆ, 25 օգոստոսի – Sputnik. ՀՀ ազգային անվտանգության ծառայությունը պարզել է, որ զորահավաքային զինծառայող Ա. Ս.-ի հայրը` Ն.Ս.-ն, բժշկական կենտրոնի լաբորատորիայի վարիչին և նույն լաբորատորիայի լաբորանտին համոզելու կամ այլ եղանակով դրդել է, որ վերջիններս իրենց  լիազորություններն օգտագործեն կազմակերպության շահերին հակառակ և զորահավաքային զինծառայողի օգտին։

Նրանք 2020 թվականի հոկտեմբերի 22-ին զորահավաքային զինծառայողի անվամբ կազմել են կեղծ փաստաթղթեր առ այն, որ իրականացրել են Covid-19–ի նմուշառում, մինչդեռ վերջինից փաստացի որևէ նմուշ  չի ստացվել, իսկ լաբորատոր հետազոտության համար համապատասխան փորձաքննության են ուղարկել այլ անձի նմուշ։

2020 թվականի հոկտեմբերի 23-ին զորահավաքային զինծառայողի անվամբ կազմվել և շրջանառության մեջ է դրվել բովանդակությամբ կեղծ եզրակացություն առ այն, որ վերջինիս մոտ իբր հայտնաբերվել է «covid-19» հիվանդություն,  այդ հանգամանքը հնարավորություն է տվել զորահավաքային զինծառայողին ռազմական դրության պայմաններում ապօրինի ժամանակավորապես դադարեցնելու զինվորական ծառայության կամ դրա առանձին պարտականությունների կատարումը:

Դեպքի առթիվ ՀՀ ԱԱԾ քննչական դեպարտամենտում համապատասխան հոդվածների հատկանիշներով հարուցվել է քրեական գործ, որի շրջանակներում զինծառայողի կողմից ռազմական դրության պայմաններում հիվանդության սիմուլյացիայի եղանակով զինվորական ծառայությունը կամ դրա առանձին պարտականությունների կատարումը ժամանակավորապես դադարեցնելու, ինչպես նաև հիշյալ առերևույթ հանցագործությանն օժանդակելու, իրավունք վերապահող կեղծ փաստաթղթեր կազմելու և օգտագործելու կասկածանքներով ձերբակալվել են ինչպես զորահավաքային զինծառայողը,  այնպես էլ՝ հանցագործությանն օժանդակած բժշկական կենտրոնի ծառայողները:

Ձեռնարկվում են անհրաժեշտ քննչական և այլ դատավարական գործողություններ՝ նույն բժշկական կենտրոնի ծառայողների կողմից նույնաբնույթ այլ հանցավոր դրսևորումները բացահայտելու, կոռուպցիոն մեխանիզմում ներգրավված անձանց ամբողջական շրջանակը պարզելու ուղղությամբ:

Ազգային անվտանգության ծառայությունը հորդորում է անմնացորդ կերպով կատարել հայրենիքի պաշտպանության սուրբ առաքելությունը, ցուցաբերել զինվորական պարտքի գիտակցված զգացողություն, զերծ մնալ տարատեսակ խարդավանքների, այդ թվում՝ հիվանդության սիմուլյացիայի միջոցով զինվորական ծառայության պարտականությունները կատարելուց խուսափելու կամ դրան օժանդակելու անթույլատրելի վարքագիծ դրսևորելուց։

ԱԱԾ–ն միաժամանակ խիստ զգուշացնում է, որ հետևողական կերպով շարունակելու է իր լիազորությունների շրջանում ձեռնարկել իրավիճակից բխող անհրաժեշտ միջոցառումներ՝ ռազմական դրության պայմաններում բժշկական կազմակերպությունների ծառայողների կողմից հիվանդությունների ախտորոշման ընթացքում համանման չարաշահումները բացառելու, զինծառայողների համախմբվածության, մարտական պատրաստվածության, զինվորական կարգապահության կամ բանակի մարտունակության վրա բացասաբար ազդեցություն ունեցող անձանց հայտնաբերելու և նրանց նկատմամբ համարժեք քրեաիրավական ներգործության միջոցներ կիրառելու ուղղությամբ և հիշեցնում է, որ նկարագրված հանցավոր արարքը դասվում է ծանր հանցագործությունների շարքին, որի համար որպես պատիժ նախատեսված է հինգից տասը տարի ժամկետով ազատազրկում:

 

0