Զոհրաբ Մնացականյանի ելույթը Մոսկվայում

Արցախյան խնդիրը դարձել է տարածաշրջանային անվտանգության սպառնալիք. Մնացականյան

573
(Թարմացված է 17:40 12.10.2020)
ՀՀ ԱԳ նախարարը շեշտեց, որ ահաբեկիչների տեղափոխումը Հարավային Կովկաս սպառնում է ահաբեկչության և բռնությունների աճով ոչ միայն այդ տարածաշրջանում, այլև դրա սահմաններից դուրս։

ԵՐԵՎԱՆ, 12 հոկտեմբերի – Sputnik. Մոսկվայում ՌԴ ԱԳ նախարար Սերգեյ Լավրովի հետ շուրջ 2 ժամ տևած դռնփակ հանդիպման ավարտին լրագրողների հետ ճեպազրույցում ՀՀ ԱԳ նախարար Զոհրաբ Մնացականյանը նախ շնորհակալություն հայտնեց ռուսական կողմին ու հատկապես իր պաշտոնակցին` ջերմ ընդունելության ու կառուցողական երկխոսության համար։

«Մենք մեր օրակարգի բոլոր հարցերի շուրջ ունենք բարձր մակարդակի փոխհասկացվածություն, ինչը վկայում է հայ–ռուսական հարաբերություններում բարձր մակարդակի գործընկերության առկայության մասին»,– ասաց նա։

Անդրադառնալով արցախյան խնդրին` Մնացականյանը շեշտեց, որ այն վաղուց արդեն դադարել է տեղական խնդիր լինելուց ու այսօր տարածաշրջանային անվտանգության սպառնալիքի է վերածվել։

«Այն, ինչին այսօր առնչվել են ԼՂ –ում մեր հայրենակիցները, տասնյակ տարիների ընթացքում հասունացած էքզիստենցիալ սպռնալիք է։ Սեպտեմբերի 27-ից առ այսօր Ադրբեջանի ռազմաքաղաքական ղեկավարությունը ԼՂ ժողովրդի նկատմամբ լայնամասշտաբ ագրեսիա է իրականացնում, ընդ որում բացահայտ ցուցադրելով իր իրական նպատակները` ԼՂ խնդիրը ռազմական ճանապարհով լուծել և բնաջնջել արցախցիներին։ Ադրբեջանի այդ ցեղասպան գործողությունները չեն տարբերակում քաղաքացիական ու զինվորական անձանց, ավելին` թիրախավորում են հատկապես խաղաղ բնակչությանը»,– ասաց նա։

Մնացականյանը շեշտեց, որ Ադրբեջանի կանխամտածված և նպատակաուղղված գրոհների թիրախ են դարձել Արցախի Հանրապետության ավելի քան 120 քաղաքացիական բնակավայրեր, որոնց մոտակայքում որևէ ռազմական օբյեկտ տեղակայված չի եղել։ Իսկ դա, նրա խոսքով, հավասարազոր է ռազմական հանցագործությանը։

«Իրականում ինձ փրկեց Շուշիի բժիշկը». Արցախում վիրավորված ռուս լրագրողն ապաքինվում է

«Ադրբեջանական զինուժի չտարբերակված հարվածների, այդ թվում` թուրքական ավիացիայի աջակցությամբ ԱԹՍ–ների կիրառման, ծանր հրետանու, տանկային– հրետանային ստորաբաժանումների կիրառման արդյունքում քաղաքացիական բնակչության շրջանում կան բազմաթիվ զոհեր։ Շատ են նաև զոհերն ու վիրավորներն Ադրբեջանի կիրառած կասետային զինատեսակներից»,– ասաց Մնացականյանը։

Խոսելով Շուշիի Ամենափրկիչ սուրբ Ղազանչեցոց եկեղեցու հրետակոծության մասին` ՀՀ ԱԳ նախարարը շեշտեց, որ այս արարքն աչքի է ընկել հատուկ բարբարոսությամբ ու միջազգային կոնվենցիաների խախտմամբ։ Մնացականյանը հատուկ հիշեցրեց, որ եկեղեցու հրթիռակոծման արդյունքում տուժել են նաև այդ պահին այնտեղ գտնվող լրագրողները, որոնք հատուկ թիրախավորված էին Ադրբեջանի կողմից։

«Բերված փաստերը վկայում են բնաջնջման այն վտանգի մասին, որի մասին մենք տասնամյակներ շարունակ բարձրաձայնում ենք, ու որի հետ պարբերաբար բախվում է Արցախի ժողովուրդը։ Այդ վտանգն այս փուլում խորացել է երկու այլ հանգամանքների բերումով` Թուրքիայի ուղիղ ներգրավման ու Թուրքիայի կողմից Սիրիայից, Լիբիայից միջազգային ահաբեկիչների տեղափոխման»,– ասաց նա։

Մնացականյանը շեշտեց, որ ահաբեկիչների տեղափոխումը Հարավային Կովկաս սպառնում է ահաբեկչության, բռնությունների աճով ոչ միայն այդ տարածաշրջանում, այլև դրա սահմաններից դուրս։

«Այժմ մեզ անհրաժեշտ է դադարեցնել ռազմական գործողությունները, և դրանում չափազանց կարևոր է Ռուսաստանի դերը»,– ասաց Մնացականյանը։

Շնորհակալություն հայտնելով ՌԴ նախագահ Վլադիմիր Պուտինին ու ԱԳ նախարար Սերգեյ Լավրովին ԼՂ–ում հումանիտար հրադադարի պայմանավորվածություն ձեռք բերելու հարցում` Մնացականյանը միաժամանակ ընդգծեց, որ ադ պայմանավորվածությունը ներկայում չի գործում, և Ադրբեջանը շարունակում է չկատարել կրակի դադարեցման իր պարտավորությունները։

«Հայաստանը եղել և մնում է բանակցությունների միջոցով խաղաղ կարգավորման խիստ հետևորդ, և մենք ամեն ինչ անելու ենք դրան նպաստելու համար»,– հայտարարեց Մնացականյանը։

Նա նաև շեշտեց, որ նախատեսված է նաև իր հանդիպումը ԵԱՀԿ ՄԽ համանախագահների հետ, որոնց հետ ևս քննարկվելու է այդ հարցը։

ԼՂ հակամարտությունը ռազմական լուծում չունի. Կոպիրկինը պատմեց` ինչ են խոսել Փաշինյանի հետ

Մնացականյանը նշեց, որ Հայաստանը հանդես է գալիս որպես Արցախի ու արցախցիների անվտանգության երաշխավոր, և իր բոլոր կարողությւնները ներդնելու է արցախցիների բոլոր իրավունքների պաշտպանության, տարածաշրջանն ահաբեկիչներից ու նրանց հովանավորների բացասական ազդեցությունից մաքրելու համար։

Ավելի վաղ հայտնել էինք, որ Մնացականյանն այսօր Մոսկվա է մեկնում, որտեղ հանդիպում կունենա ՌԴ ԱԳ նախարար Սերգեյ Լավրովի և ԵԱՀԿ Մինսկի խմբի համանախագահների հետ։ (ԵԱՀԿ Մինսկի խմբի համանախագահներն են Ռուսաստանը (Իգոր Պոպով), Ֆրանսիան (Ստեֆան Վիսկոնտին) և ԱՄՆ-ն (Էնդրյու Շոֆերը))։

Լավրովի հետ փակ հանդիպումից առաջ ԱԳ նախարարները հանդես եկան հրապարակային հայտարարություններով։

Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։ Մասնավորապես, կողմերը պայմանավորվել են, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։

Չնայած դրան, ադրբեջանական կողմը շարունակում է խախտել հումանիտար հրադադարի պայմանավորվածությունը` թիրախավորելով նաև խաղաղ բնակչությանը։

Առաջընթացի մասին խոսելն անհնար կլիներ առանց այս իրավիճակին վերջնակետ դնելու. Մնացականյան

573
թեգերը:
Պատերազմ, հրադադար, Արցախ, Ղարաբաղյան հակամարտություն, Լեռնային Ղարաբաղ, Սերգեյ Լավրով, Զոհրաբ Մնացականյան
թեմա:
Ադրբեջանական ագրեսիան Արցախում - 2020 (1616)
Ըստ թեմայի
Շուտով ամեն ինչ վերջանալու է մեր հաղթանակով. Ասկերանի ղեկավար
Ադրբեջանի կողմից Հայաստանի դեմ ագրեսիվ պատերազմի փաստերով հարուցվել է քրեական գործ
Մի բան է, երբ լսում ես պատերազմի մասին, և բոլորովին այլ բան, երբ մեկնում ես սահման
Մինսկի խմբի համանախագահները, Անջեյ Կասպրշիկն ու Զոհրաբ Մնացականյանը Մոսկվայում՝ հոկտեմբերի 13-ին

Լեռնային Ղարաբաղում հակամարտության կարգավորման վերաբերյալ քննարկումը կշարունակվի Ժնևում

350
(Թարմացված է 00:22 26.10.2020)
ԵԱՀԿ Մինսկի խմբի համանախագահները հայտարարություն են ընդունել։ Ընդգծվում է, որ կարգավորմանը պետք է հասնել Ադրբեջանի և Հայաստանի ղեկավարների կողմից ընդունված հիմնական սկզբունքներին համապատասխան։

ԵՐԵՎԱՆ, 25 հոկտեմբերի - Sputnik. ԵԱՀԿ Մինսկի խմբի համանախագահներ Իգոր Պոպովը (Ռուսաստան), Ստեֆան Վիսկոնտին (Ֆրանսիա) և Էնդրյու Շոֆերը (ԱՄՆ) Լեռնային Ղարաբաղի հակամարտության կարգավորման վերաբերյալ համատեղ հայտարարություն են հրապարակել։

Մասնավորապես, նշվում է, որ հոկտեմբերի 24-ին համանախագահները Վաշինգտոնում հանդիպել են Հայաստանի արտգործնախարար Զոհրաբ Մնացականյանի և Ադրբեջանի արտգործնախարար Ջեյհուն Բայրամովի հետ։ Մասնակցություն են ունեցել նաև ԱՄՆ արտաքին գործերի նախարարների և փոխարտգործնախարար Սթիվեն Բիգունի հետ համատեղ հանդիպմանը: Հանդիպումներին ներկա է եղել նաև ԵԱՀԿ գործող նախագահի անձնական ներկայացուցիչ Անջեյ Կասպրշիկը:

«Համանախագահները կողմերին կոչ են արել անհապաղ քայլեր ձեռնարկել հոկտեմբերի 10-ի մոսկովյան համատեղ հայտարարության բոլոր կետերի իրականացման ուղղությամբ ՝ իրենց ստանձնած պարտավորություններին համապատասխան։ Նշել են, որ իրենք Փարիզի հետ այդ պարտավորությունները վերահաստատել են հոկտեմբերի 18-ին: Համանախագահները նաեւ կողմերին հիշեցրել են ԱՄՆ նախագահ Դոնալդ Թրամփի, Ֆրանսիայի նախագահ Էմանուել Մակրոնի եւ Ռուսաստանի նախագահ Վլադիմիր Պուտինի ՝ 2020 թվականի հոկտեմբերի 1-ի համատեղ հայտարարության, ինչպես նաեւ Միացյալ Նահանգների պետքարտուղար Մայքլ Պոմպեոյի համատեղ հայտարարության մասին: Պոմպեոն, Ֆրանսիայի Եվրոպայի եւ արտաքին գործերի նախարար Ժան Իվ Լե Դրիանը եւ Ռուսաստանի Դաշնության արտաքին գործերի նախարար Սերգեյ Լավրովը կողմերին կոչ են արել անհապաղ դադարեցնել ռազմական գործողությունները եւ վերսկսել Լեռնային Ղարաբաղի հակամարտության կարգավորման շուրջ առարկայական բանակցությունները ԵԱՀԿ Մինսկի խմբի համանախագահների հովանու ներքո»,- նշված է ԵԱՀԿ ՄԽ համանախագահների հայտարարության մեջ։

Համանախագահները և արտգործնախարարները քննարկել են անհապաղ հումանիտար հրադադարի հաստատումը, ինչպես նաև հրադադարի դիտարկման հնարավոր մեխանիզմները և այլն։ Համանախագահները և արտգործնախարարները պայմանավորվել են կրկին հանդիպել Ժնևում հոկտեմբերի 29-ին։ Հանդիպման նպատակն է քննարկել, պայմանավորվածություն ձեռք բերել և սկսել իրականացնել համաձայնեցված ժամկետներում բոլոր այն քայլերը, որոնք անհրաժեշտ են Լեռնային Ղարաբաղի հակամարտության խաղաղ կարգավորմանը հասնելու համար։ Հայտարարության մեջ ընդգծվում է, որ կարգավորմանը պետք է հասնել Ադրբեջանի և Հայաստանի ղեկավարների կողմից ընդունված հիմնական սկզբունքներին համապատասխան:

350
թեգերը:
Ադրբեջան, Հայաստան, ԵԱՀԿ Մինսկի Խումբ, Արցախյան պատերազմ
Ըստ թեմայի
Ալիևի խոսքերը նման են բառախաղի. վարչապետի խոսնակը` Ադրբեջանի նախագահի հայտարարության մասին
ՀՀ-ի համար ընդունելի փոխզիջումը հաջորդ պահից Բաքվի համար անընդունելի է դառնում. վարչապետ
Մնացականյանի և ԵԱՀԿ ՄԽ համանախագահների հանդիպման արդյունքում հայտարարություն է ընդունվել
ՀՀ ԱԳՆ

Հումանիտար հրադադարն ուժի մեջ կմտնի մի քանի ժամից. ԱԳՆ

766
(Թարմացված է 00:28 26.10.2020)
Հանդիպման ավարտին եռակողմ հայտարարություն է տարածվել։

ԵՐԵՎԱՆ, 25 հոկտեմբերի - Sputnik. Հայաստանի և Ադրբեջանի ԱԳ նախարարները հումանիտար հրադադարի հաստատման նոր ժամկետի մասին են պայմանավորվել։ ԱԳՆ մամուլի խոսնակ Աննա Նաղդալյանի հաղորդմամբ՝ հումանիտար հրադադարն ուժի մեջ կմտնի 2020թ. հոկտեմբերի 26-ին, տեղական ժամանակով 08:00-ին:

«Հայաստանի արտգործնախարար Զոհրաբ Մնացականյանը և Ադրբեջանի արտգործնախարար Ջեյհուն Բայրամովը հոկտեմբերի 24-ին հանդիպում ունեցան ԱՄՆ պետքարտուղարի տեղակալ Սթիվեն Բիգանի հետ և վերահաստատեցին իրենց երկրների հանձնառությունը` կյանքի կոչելու և պահպանելու կրակի դադարեցման վերաբերյալ պայմանավորվածությունները, որոնք ձեռք են բերվել Մոսկվայում հոկտեմբերի 10-ին և վերահաստատվել հոկտեմբերի 17-ին՝ համահունչ ԱՄՆ նախագահ Դոնալդ Թրամփի, Ֆրանսիայի նախագահ Էմանուել Մակրոնի և Ռուսաստանի նախագահ Վլադիմիր Պուտինի կողմից հոկտեմբերի 1-ին արված հայտարարության»,- նշված է ԱՄՆ-Հայաստան-Ադրբեջան եռակողմ համատեղ հայտարարության մեջ։

Միացյալ Նահանգները խթանել են ինտենսիվ բանակցություններ ԱԳ նախարարների և Մինսկի խմբի համանախագահների միջև՝ Հայաստանին և Ադրբեջանին ԼՂ հակամարտության խաղաղ կարգավորմանը մոտեցնելու նպատակով:

Տեղեկացնենք, որ սեպտեմբերի 27-ի՝ ադրբեջանական լայնածավալ ագրեսիայից հետո սա հրադադարի երրորդ փորձն է։

Հումանիտար հրադադարի վերաբերյալ առաջին պայմանավորվածությունը Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը ձեռք էին բերել հոկտեմբերի 10–ին Մոսկվայում։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։

Մասնավորապես, կողմերը պայմանավորվեցին, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։ Հրադադարի վերաբերյալ պայմանավորվածությունից հետո, սակայն, Ադրբեջանը շարունակեց հրետակոծել Արցախը։

Հոկտեմբերի 17-ին ՀՀ արտգործնախարարությունը հայտնեց, որ Հայաստանի Հանրապետությունը և Ադրբեջանի Հանրապետությունը երկրորդ պայմանավորվածությունն են ձեռք բերել. որոշվել է հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։ Այս անգամ պայմանավորվածությունը Ֆրանսիայի միջնորդությամբ էր եղել։

Արցախի ՊԲ–ն, սակայն, հոկտեմբերի 18-ի առավոտյան տեղեկացրեց, որ 07:20-ի սահմաններում հրետանային ակտիվ կրակից հետո ադրբեջանական զինուժը հարավային ուղղությամբ անցել է հարձակման: Երկուստեք եղել են զոհեր ու վիրավորներ:

 

766
թեգերը:
ԱՄՆ, հրադադար, Արցախյան պատերազմ
թեմա:
Ադրբեջանական ագրեսիան Արցախում - 2020 (1616)
Ըստ թեմայի
Քննարկվում են հրադադարի պահպանման վերահսկողության մեխանիզմները. ՄԱԿ-ում ՌԴ ներկայացուցիչ
Ի՞նչ կկարողանա անել ԱՄՆ–ն հրադադարի հարցում. Սարգսյանը` Մնացականյանի ամերիկյան այցի մասին
ԱՄՆ-ը հայտարարել է Ղարաբաղում նոր հրադադարի ժամկետի մասին
Ֆրանսիայի արտգործնախարար Ժան-Իվ Լե Դրիան

Փարիզն արձագանքել է իսլամական մի քանի երկրների ՝ ֆրանսիական արտադրանքը բոյկոտելու կոչերին

0
(Թարմացված է 00:45 26.10.2020)
Մակրոնը կարծում է, որ «իսլամը պետք է ազատել օտարերկրյա ազդեցությունից եւ ուժեղացնել մզկիթների ֆինանսավորման վերահսկողությունը»:

ԵՐԵՎԱՆ, 25 հոկտեմբերի - Sputnik. Ֆրանսիայի արտաքին գործերի նախարարությունն արձագանքել է իսլամական որոշ պետությունների այն կոչերին, թե պետք է բոյկոտել ֆրանսիական արտադրանքը։ Ֆրանսիայի արտաքին գերատեսչությունն այդպիսի կոչերն անվանել է անմարդկային և ընդգծել, որ անհրաժեշտ է անհապաղ դադարեցնել նման գործողությունները:

«Մերձավոր Արեւելքի մի քանի երկրներում վերջին օրերին կոչեր են հնչել բոյկոտելու ֆրանսիական արտադրանքը, հատկապես՝ ագրոպարենային ապրանքները, ինչպես նաեւ ավելի ընդհանուր կոչեր են հնչել՝ ցույցեր անցկացնել Ֆրանսիայի դեմ։ Դրանք ատելության արտահայտություններով են ուղեկցվում և հրապարակվում են սոցիալական ցանցերում», — նշված է ԱԳՆ հաղորդագրության մեջ:

Գերատեսչությունում նշել են, որ անհրաժեշտ է վերջ տալ «ծայրահեղական փոքրամասնության կողմից օգտագործվող» եւ Փարիզի դեմ ուղղված հարձակումներին:

Դեկտեմբերին Ֆրանսիայում կներկայացվի օրինագիծ, որն ուղղված է անջատողականության դեմ պայքարին։ Նախագահ Էմանուել Մակրոնը, հայտարարելով նախաձեռնության նախապատրաստման մասին, խոսել է երկրում «լուսավորյալ իսլամ» կառուցելու մտադրության մասին: Նրա խոսքով՝ այդ կրոնը պետք է ազատել «օտարերկրյա ազդեցությունից եւ ուժեղացնել մզկիթների ֆինանսավորման վերահսկողությունը»:

Հիշեցնենք՝ Թուրքիայի նախագահ Ռեջեփ Թայիփ Էրդողանը, մեկնաբանելով Մակրոնի հայտարարությունը, նրան խորհուրդ էր տվել հոգեբույժի մոտ գնալ։ Նա նշել էր, որ եթե պետության ղեկավարն այդպես է վերաբերվում իր երկրում գտնվող միլիոնավոր մուսուլմաններին, ուրեմն նա գիտակցության կորուստ ունի։

0
թեգերը:
բոյկոտ, իսլամ, Ֆրանսիա
Ըստ թեմայի
Էրդողանի խոսքերից հետո Ֆրանսիան իր դեսպանին հետ է կանչել Թուրքիայից
Ֆրանսիացի պատգամավորներն այցելել են Ծիծեռնակաբերդ
Ֆրանսիայի ԱԳՆ-ն արձագանքել է Մակրոնի հասցեին հնչեցրած Էրդողանի վիրավորանքներին