Զարեհ Սինանյան

Հայերի դեմ պայքարում են այն ահաբեկիչները, որոնց Ռուսաստանը չի հասցրել վերացնել. Սինանյան

254
(Թարմացված է 20:03 11.10.2020)
Սինանյանը ուղիղ եթերի ընթացքում մատնանշեց, թե ինչպես կարող են Ռուսաստանի հայերը աջակցել հայրենիքին։

ԵՐԵՎԱՆ, 11 հոկտեմբերի - Sputnik. Հայերի դեմ պայքարում են այն ահաբեկիչները, որոնց Ռուսաստանը չի հասցրել վերացնել։ Նման  հայտարարություն արեց սփյուռքի գլխավոր հանձնակատար Զարեհ Սինանյանը ֆեյսբուքյան ուղիղ եթերի ժամանակ։

«Ռուսաստանը երկար պայքար է տանում Սիրիայի ահաբեկիչների դեմ, և այսօր նրանց մնացորդները, որոնց դեռ ՌԴ–ն չի հասցրել վերացնել, կռվում են Արցախում հայերի դեմ։ Նույն ահաբեկիչների դեմ պայքարում է Ռուսաստանը, նույն ահաբեկիչների դեմ պայքարում են Հայաստանը և Արցախը», – ասեաց Սինանյանն իր խոսքում։

Սինանյանն ուղիղ եթերի ընթացքում մատնանշեց, թե ինչպես կարող են Ռուսաստանի հայերը աջակցել հայրենիքին։ Նրա խոսքով` ամեն երկրում պարտադիր չէ բողոքի ակցիաներ կազմակերպել։

«Մենք տեսնում ենք, որ արևմուտքում բողոքի ակցիաները, հանրահավաքները շատ ձեռնտու են և օգտակար։ Սակայն որոշ երկրներում դրանք կարող են ոչ այդքան արդյունավետ լինել։ Հայրենիքին աջակցելու այլ տարբերակներ կան», – ասաց սփյուռքի գլխավոր հանձնակատարը։

Նա կոչ արեց ռուսահայ համայնքին հանգանակություններ կատարել «Հայաստան» համահայկական հիմնադրամի համար, նաև առաջնագիծ մեկնել ցանկացող կամավորների համար բացատրեց զինկոմիսարիատների հետ կապ հաստատելու տարբերակները։

«Այն, ինչ թուրքերը կարողացան Արևմտյան Հայաստանի հետ անել, Արևելյանի հետ չեն կարող անել։ Մենք այլևս անպաշտպան չենք։ Մենք ունենք բանակ, պետություն, մեզ աջակցող հայություն», – ասել է իր խոսքում Սինանյանը։

Բացի այդ, նա հայությանը դիմեց թուրքական ապրանքները բոյկոտելու կոչով, նշելով, որ «հայ մարդը չպետք է լումա անգամ ավելացնի թուրքական գանձարանում»։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 11-ի ժամը 11։00-ի դրությամբ` հակառակորդի կրակոցների հետևանքով զոհվել են ավելի քան 400 զինծառայողներ և 20 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 4719 զոհ ունի, ավելի քան 5000 վիրավոր։ 

Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 16 ուղղաթիռ, 165 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 510 տանկ և ՀՄՄ:

Ինչին պետք է ընտելանանք, եթե Ադրբեջանի հետ պատերազմը երկարի

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։

Հրադադար, բայց ոչ խաղաղություն. ի՞նչ խնդիր պետք է լուծի բանակը արցախյան պատերազմից հետո

254
թեգերը:
Ռուսաստան, ահաբեկիչ, Արցախ, Զարեհ Սինանյան
թեմա:
Ադրբեջանական ագրեսիան Արցախում - 2020 (1816)
Ըստ թեմայի
Օհանյանը դատապարտել է աշխարհին լռության համար ու կոչ արել օգնել «Հայաստան» հիմնադրամին
Քիմ Քարդաշյանը մեկ միլիոն դոլար է փոխանցել «Հայաստան» համահայկական հիմնադրամին
Ուշադիր եղեք. «Հայաստան» համահայկական հիմնադրամի կեղծ էջ է ստեղծվել
Շուշի

Արցախի բնակավայրերում հարաբերական հանգիստ է

9
(Թարմացված է 15:23 30.10.2020)
Երեկ օրվա ընթացքում արցախյան խաղաղ բնակավայրերը եղել են թշնամական հրետակոծությունների թիրախում։

ԵՐԵՎԱՆ, 30 հոկտեմբերի - Sputnik. Արցախի խաղաղ բնակավայրերում հարաբերական հանգիստ է։ Տեղեկությունը հաղորդում է Արցախի Արտակարգ իրավիճակների պետական ծառայությունը Facebook-ի պաշտոնական էջում։

«Օրվա ընթացքում Արցախի խաղաղ բնակավայրերում հարաբերական հանգիստ իրավիճակը պահպանվել»,- նշված է հաղորդագրության մեջ։
Նշենք, որ երեկ օրվա ընթացքում արցախյան խաղաղ բնակավայրերը եղել են թշնամական հրետակոծությունների թիրախում։

Նշենք, որ երեկ երեկոյան ճեպազրույցի ժամանակ ՀՀ ՊՆ ներկայացուցիչ Արծրուն Հովհաննիսյանն ասաց, որ հարավային հատվածում` Բերձորից Արաքսի ափ ընկած բնագծի ուղղությամբ ընթացել են մարտական գործողություններ։ ՀՀ զինված ուժերին հաջողվել է որոշակի դիրքերի բարելավում իրականացնել։

Իսկ առավոտյան հայտնի դարձավ, որ ամբողջ գիշերվա ընթացքում ՊԲ ստորաբաժանումների կողմից շարունակվել են հակառակորդի խմբավորումների տեղաբաշխման շրջաններում լրահետախուզման և կրակային խոցման գործողությունները, որոնց շնորհիվ ոչնչացվել է մեծ քանակությամբ թշնամական զինամթերք և մարդկային ուժ։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Դիվերսիոն խմբերի ոչնչացման գործողությունը շարունակվում է. ՊԲ

Հոկտեմբերի 29-ի ժամը 18։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6749 զոհ ունի և բազմաթիվ վիրավորներ։

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 226 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 632 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

9
թեգերը:
Շուշի, Ստեփանակերտ, Ղարաբաղյան հակամարտություն, Լեռնային Ղարաբաղ, Արցախյան պատերազմ
Թշնամական խոցված ԱԹՍ

Հրապարակվել են թշնամու վերջին կորուստները` 6 ԱԹՍ, 17 զրահատեխնիկա, 60 զոհ

19
(Թարմացված է 15:19 30.10.2020)
Պատերազմի առաջին օրվանից ի վեր հայկական ԶՈւ–ն խոցել է հակառակորդի 232 ԱԹՍ, 16 ուղղաթիռ, 25 ինքնաթիռ, 649 զրահատեխնիկա, 6 ՏՕՍ համակարգ։

ԵՐԵՎԱՆ, 30 հոկտեմբերի – Sputnik. Հայկական միասնական տեղեկատվական կենտրոնը հրապարակել է հակառակորդի վերջին կորուստների մասին թարմացված տեղեկանքը։

«Վերջին տվյալներով` խոցվել է ևս 6 ԱԹՍ, 17 զրահատեխնիկա, կա 60 զոհ»,– հայտնում են տեղեկատվական կենտրոնից։

Այսպիսով` սեպտեմբերի 27-ին սանձազերծած պատերազմի առաջին օրվանից ի վեր հայկական ԶՈւ–ն խոցել է հակառակորդի 232 ԱԹՍ, 16 ուղղաթիռ, 25 ինքնաթիռ, 649 զրահատեխնիկա, 6 ՏՕՍ համակարգ։

Թշնամու մարդուժի կորուստների թիվն այս պահի տվյալներով 6914 է։

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 30-ի ժամը 14։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 39 քաղաքացիական անձինք։

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

19
թեմա:
Ադրբեջանական ագրեսիան Արցախում - 2020 (1816)