ԵՐԵՎԱՆ, 10 հոկտեմբերի – Sputnik. Հայկական միասնական տեղեկատվական կենտրոնը, հղում անելով Արցախի նախագահի խոսնակ Վահրամ Պողոսյանին, տեղեկացնում է, որ այս պահին ադրբեջանական ԶՈւ–ն հրթիռակոծվում է Արցախի Մարտունի, Շուշի համայնքները։
«Բացի այդ, հրթիռակոծվում են նաև Արցախի տարբեր խոշոր գյուղական համայնքներ»,–հայտնում են կենտրոնից։
Նշենք, որ քիչ առաջ հայտնի դարձավ, որ թշնամին, խախտելով հումանիտար հրադադարի մասին Մոսկվայում ձեռք բերված պայմանավորվածությունը, հրթիռակոծում է նաև մայրաքաղաք Ստեփանակերտը։
Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը երեկ Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։ Մասնավորապես, կողմերը պայմանավորվել են, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։
Առաջընթացի մասին խոսելն անհնար կլիներ առանց այս իրավիճակին վերջնակետ դնելու. Մնացականյան
