Զինծառայողներ

Հրադադար, բայց ոչ խաղաղություն. ի՞նչ խնդիր պետք է լուծի բանակը արցախյան պատերազմից հետո

1963
(Թարմացված է 09:13 11.10.2020)
Արցախի շուրջ գործընթացները երկարաժամկետ հրադադարի, առավել ևս խաղաղության պայմանագրի հույսեր չեն ներշնչում։ Նշանակում է, որ շուտով կրկին ստիպված կլինենք զենքը հանել պատյանից։

ԵՐԵՎԱՆ, 10 հոկտեմբերի – Sputnik. Մարդասիրական հրադադարը հազիվ թե կարելի է մարտական գործողությունների երկարատև դադար համարել։ Արցախա–ադրբեջանական շփման գոտում հրադադարն ուժի մեջ մտավ հոկտեմբերի 10-ին, ժամը 12։00-ից, բայց հրետակոծությունների մասին տեղեկությունները դեռ չեն դադարում, իսկ Հադրութի ուղղությամբ թեժ մարտեր են ընթանում։

Այն, ինչ կատարվում է հիմա, երկարաժամկետ զինադադարի և առավել ևս խաղաղության պայմանագրի լավատեսական հույսեր չի ներշնչում։ Նշանակում է, որ շուտով կրկին ստիպված կլինենք զենքը հանել պատյանից։

Բայց դա անելուց առաջ պետք է թռիչքների մանրակրկիտ ուսումնասիրություն կատարել, վերլուծել վերջին տարիների մարտական գործողությունները, ի հայտ բերել թերություններն ու բացթողումները` Հայաստանի Զինված ուժերի հետագա կատարելագործման համար։ Այսպես է կարծում ՀՀ ազգային անվտանգության ծառայության սահմանապահ զորքերի նախկին հրամանատար, գեներալ-մայոր Լևոն Ստեփանյանը։ Խոսքն առաջին հերթին այնպիսի մասնագետներ պատրաստելու մասին է, որոնք կարողանում են կարգավորել բարձր տեխնոլոգիական սպառազինություններն ու համակարգերը։

Ստեփանյանի խոսքով՝ ժամանակակից պատերազմում ավելի ու ավելի մեծ դեր են խաղում հենց մասնագետները։ Հետևակն արդեն չունի այն գործառույթները, որոնք ունեցել է, օրինակ, Հայրենական մեծ պատերազմում։ Հիմա ավելի շատ հեռահար միջոցներ են կիրառվում, ռազմաօդային ուժեր, բարդ համակարգեր, ԱԹՍ–ներ և այլն:

«Վերջին տարիների ընթացքում երկու անգամ՝ 2016թ․-ի ապրիլին և հիմա, բախվել ենք հակառակորդի կողմից դրոնների ակտիվ կիրառմանը։ Այս ամենից հետո մեր մասնագետները շատ բան կունենան ուսումնասիրելու։ Կարծիք կա, թե մեր բանակն ավելի հզոր է։ Համամիտ եմ, Հայոց բանակն իրեն ցուցադրել է որպես մարտունակ բանակ։ Բայց մարտական գործողությունների վերլուծությունը պետք է ստիպի մեզ շատ բաներ վերանայել նոր կադրերի պատրաստման հարցում»,-ասում է Ստեփանյանը։

Նրա խոսքով՝ 20-30 տարի առաջ զինվորականները հստակ համոզված էին, որ մոտակա տարիներին մարտի դաշտում ամեն բան որոշելու են զրահատեխնիկան և ավիացիան։ Հենց այդ պատճառով 80-ականներին զրահատեխնիկան ակտիվորեն զարգանում և կատարելագործվում էր։ Սակայն այժմ մենք տեսնում ենք, որ հակատանկային միջոցներն ու հարվածային ԱԹՍ-ները հեշտությամբ խոցում են այն։

Ինչ վերաբերում է բուն մարդասիրական հրադադարին, որի մասին պայմանավորվել էին հոկտեմբերի 10-ին Մոսկվայում, Ստեփանյանը կարծում է, որ «հետցնցումները»՝ նոր բախումներն ու մարտերը, շարունակվելու են նաև առաջիկա օրերին։ Հեռահար զենքերով գուցե չկրակեն, բայց այս կամ այն հատվածներում առանձին բախումներ հաստատ լինելու են։

Մարտական գործողությունների գրեթե անխուսափելի շարունակությունը, Ստեփանյանի կարծիքով, ծնում է նաև պահեստազորային լրացուցիչ ուժերի օպերատիվ տեղափոխման հարցը։ Հայաստանում այդ իմաստով ամեն ինչ շատ ավելի կանոնակարգված է։ Զինված ուժերում անփորձ մարդկանց ներգրավում չկա։ «Հիմնականում կանչում են սպառազինության կոնկրետ տեսակների մասնագետների»,–ասում է մեր զրուցակիցը։

Հիշեցնենք, որ հուլիսի 12–ից իրավիճակը սրվել էր հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր էին արել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել էին իրենց դիրքեր:

Դրանից հետո հակառակորդը պարբերաբար վերսկսում էր գնդակոծությունն ինչպես հայ դիրքապահների, այնպես էլ բնակավայրերի ուղղությամբ։

Պաշտոնական տվյալներով՝ Ադրբեջանն ունի 13 զոհ, վիրավորների մասին որևէ բան չի հաղորդվում, իսկ հայկական կողմը 5 զոհ ունի, 36 վիրավոր (ևս մեկը խաղաղ բնակչությունից)։

Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը երեկ Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։ Մասնավորապես, կողմերը պայմանավորվել են, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։

Առաջընթացի մասին խոսելն անհնար կլիներ առանց այս իրավիճակին վերջնակետ դնելու. Մնացականյան

1963
թեգերը:
Լևոն Ստեփանյան, Բանակ, Պատերազմ, Ադրբեջան, Արցախ
թեմա:
Հրադադար Արցախում (69)
Ըստ թեմայի
Տոնոյանն ու Կարմիր խաչի անդամները քննարկել են գերիների և զոհերի փոխանակման ընթացակարգերը
Զոհվել է Արցախի նախագահ Արայիկ Հարությունյանի ընկերը
Ադրբեջանի կողմից պայմանավորվածության խախտումը Ռուսաստանին ուղղված մարտահրավեր է. քաղաքագետ
Կարող ենք կանգնել 3-րդ համաշխարհային պատերազմի սպառնալիքի առաջ. Փաշինյան
Հենրիխ Մխիթարյան

«Ձեր լռությունը սպանում է մեզ»․ Մխիթարյանը կրկին դիմել է միջազգային հանրությանը

6
(Թարմացված է 15:35 27.10.2020)
Հայտնի ֆուտբոլիստն աշխարհի ուշադրությունը կրկին հրավիրել է Արցախում ընթացող թեժ մարտերի վրա և հորդորել միջազգային հանրությանը չլռել։

ԵՐԵՎԱՆ, 27 հոկտեմբերի – Sputnik. Հայաստանի ազգային հավաքականի և «Ռոմայի» կիսապաշտպան Հենրիխ Մխիթարյանը շարունակում է աշխարհին պատմել Արցախի դեմ ընթացող պատերազմի մասին: Ֆուտբոլիստը Facebook–ի իր էջում նոր լուսանկար է հրապարակել և դիմել կույր ձևացող աշխարհին։

«Ձեր լռությունը սպանում է»,-լուսանկարին կից գրել է Մխիթարյանը։

Պատերազմի առաջին օրերից Հենրիխ Մխիթարյանը իր ճանաչվածությունը դարձրեց զենք հօգուտ ճշմարտության ու հայ ժողովրդի։ Նա բազմիցս իր հրապարակումներում անդրադարձել է Արցախում տիրող իրավիճակին։ Ֆուտբոլիստը նաև Instagram-ի իր էջում հրապարակել էր վիրավոր հայ փոքրիկի և հոր լուսանկարն ու միջազգային հանրությանը կոչ արել շտապ միջամտել Ադրբեջանի և Թուրքիայի կողմից սանձազերծված ագրեսիան դադարեցնելու համար։

«Ռոմայի» գլխավոր մարզիչ Պաուլո Ֆոնսեկան էլ իր հերթին հայտնել էր, որ պատրաստ է Հենրիխ Մխիթարյանին հանգիստ տալ առաջիկա խաղերին, քանի որ նա մտքերով Արցախում է:

 

6
թեգերը:
Հենրիխ Մխիթարյան, Արցախյան պատերազմ
թեմա:
Ադրբեջանական ագրեսիան Արցախում - 2020
Ըստ թեմայի
Հենրիխ Մխիթարյանը դիմել է միջազգային հանրությանը
Հենրիխ Մխիթարյանի մտքերն Արցախում են. «Ռոման» աջակցում է հայ ֆուտբոլիստին
«Ծանր սրտով եմ գրում». Հենրիխ Մխիթարյանը բաց նամակ է հղել Պուտինին, Թրամփին ու Մակրոնին
Առաջնագծում

Ադրբեջանական կողմում այս պահին 17 հայ ռազմագերի կա. ՔԿ

92
(Թարմացված է 15:04 27.10.2020)
Ադրբեջանին գերի ընկած քաղաքացիական անձանց մասին տեղեկությունները, ՀՀ ՔԿ քրեագիտական վարչության պետ Ռաֆայել Վարդանյանի խոսքով, ճշգրտման փուլում են։

ԵՐԵՎԱՆ, 27 հոկտեմբերի - Sputnik. Ադրբեջանական կողմում այս պահին կա 17 հայ ռազմագերի։ Այս մասին այսօր լրագրողներին հայտնեց ՀՀ ՔԿ քրեագիտական վարչության պետ Ռաֆայել Վարդանյանը։

«Մենք աշխատում ենք մարդու իրավունքների եվրոպական դատարանում ՀՀ ներկայացուցչության ու ՊՆ ռազմագերիների միջգերատեսչական հանձնաժողովի հետ` հայ ռազմագերիների նկատմամբ հրատապ միջոցներ կիրառելու` բուժօգնության տրամադրման, չխոշտանգելու ուղղությամբ», –ասաց Վարդանյանը։

Վարչության պետը չցանկացավ տվյալներ հրապարակել` նշելով, որ դրանք ներկա պահին ճշտվում են։

Ինչ վերաբերում է գերի ընկած քաղաքացիական անձանց մասին լուրերին, Ռաֆայել Վարդանյանն ասաց, որ նրանց մասին ևս տեղեկությունները ճշգրտման փուլում են։

Հիշեցնենք` սեպտեմբերի 27-ի վաղ առավոտյան Ադրբեջանը, Թուրքիայի աջակցությամբ, լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 27-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1009 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6674 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 220 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 600 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

92
թեգերը:
ռազմագերի, գերի, Արցախյան պատերազմ
թեմա:
Ադրբեջանական ագրեսիան Արցախում - 2020
Ըստ թեմայի
Ադրբեջանցի գերին պատմում է Թուրքիայից ժամանած զինվորական մասնագետների մասին. տեսանյութ
Ադրբեջանցիները հայ գերիների սոցցանցային էջերից նյութեր են տարածում. ՄԻՊ–ն ապացույցներ ունի
Բեմադրված հարցազրույցները միշտ էլ եղել են․ փորձագետը` գերիների փոխանակման մասին