Վլադիմիր Սոլովյով

Թշնամու կերպարի անթույլատրելի ապամարդկայնացում. Սոլովյովը` Սաադաթ Կադիրովայի քայլի մասին

1157
(Թարմացված է 22:02 14.10.2020)
Հեռուստահաղորդավարը ուշադրություն է հրավիրել այն հանգամանքի վրա, որ Արցախի զինծառայողները աշխարհում որևէ մեկի կողմից ահաբեկիչներ չեն ճանաչվել, ինչը չի կարելի ասել Սիրիայից բերված զինյալների մասին։

ԵՐԵՎԱՆ, 9 հոկտեմբերի – Sputnik. Քաղաքագետ Սաադաթ Կադիրովայի կողմից Շուշիի տաճարին Ադրբեջանի ԶՈւ–ի  հասցված հարվածը, ինչպես նաև հայ զինծառայողներին ահաբեկիչների հետ համեմատելն անթույլատրելի է, Sputnik Արմենիայի հետ զրույցում ասաց հաղորդավար Վլադիմիր Սոլովյովը։

Քաղաքագետ, ՏԱՍՍ-ի դիվանագիտական ​​ենթակառուցվածքների հետ կապի բաժնի ղեկավար Սաադաթ Կադիրովան «Ռոսիա 1» հեռուստաալիքով հեռարձակվող «Երեկոն Վլադիմիր Սոլովյովի հետ» հաղորդման ժամանակ Շուշիի Ղազանչեցոց եկեղեցու հրթիռակոծումը Ադրբեջանի ԶՈւ–ի կողմից համեմատել է Վլադիմիր Պուտինի` «սատկացնել զուգարաններում» արտահայտության հետ: ՌԴ նախագահը ժամանակին այն օգտագործել էր ահաբեկիչների դեմ պայքարի համատեքստում։

Սոլովյովը նշել է, որ բոլոր մեկնաբանությունները հնչել են անմիջապես տեղում ինչպես իր, այնպես էլ ՄՊՀ հեռուստատեսության բարձրագույն դպրոցի դեկան, պրոֆեսոր Վիտալի Տրետյակովի, քաղաքագետ Սերգեյ Միխեևի, ՌԴ Պետդումայի ԱՊՀ գործերով, եվրասիական ինտեգրման և հայրենակիցների հետ կապերի կոմիտեի նախագահի առաջին տեղակալ Կոնստանտին Զատուլինի և քաղաքագետ Դմիտրի Եվստաֆևի կողմից։

«Ղազանչեցոցը հարվածելով` ուզում էին մեր հաղթանակը խլել». Շուշիի հոգևոր հովիվ

«Բոլորիս թվաց, թե մարդը շփոթվել է, որ նման բան լինել չի կարող։ Եվ հետո Սաադաթն ասաց, որ եկեղեցին նկատի չուներ, ես ասացի` լսեք ևս մեկ անգամ։ Ինչին նա պատասխանեց, որ պետք չէ աղավաղել, ամեն ինչ այդպես չէր։ Ինձ համար դա շատ զարմանալի էր», – ասաց Սոլովյովը։

Նրա խոսքով` Սաադաթը լիբերալ հայացքների տեր մարդ է, բայց այս դեպքը, ըստ Սոլովյովի, թշնամու կերպարն ապամարդկայնացնելու վառ օրինակ էր։

«Պարզ է, որ նրա համար հայկական բանակի, Լեռնային Ղարաբաղի բանակի (կարևոր չէ) մարտիկները ահաբեկիչներ են։ Կցանկանայի հիշեցնել, որ աշխարհում ոչ մի կազմակերպություն որևէ կերպ ո՛չ ԼՂ բանակը, ո՛չ կամավորներին կամ ՀՀ զինծառայողներին ահաբեկիչներ չեն հայտարարել։ Այնպես որ միայն  այդ համեմատությունն արդեն անթույլատրելի էր»,- նշեց Սոլովյովը։

Սակայն հետո խոսք գնաց վանքի մասին, և այն համեմատվեց զուգարանի հետ, այնուհետև արդարացումներ եղան։

Այսօր բազմաթիվ քաղաքացիներ, Սոլովյովի խոսքով, չգիտես ինչու սկսեցին գրել՝ իսկ ի՞նչ կա որ։ Կարելի է նոր վանք կառուցել։

«Մտածեցի, այս ինչ աշխարհում ենք ապրում։ Հիշում եմ, որ նույնիսկ Հայրենական մեծ պատերազմի տարիներին, ամենաթեժ մարտերի ժամանակ խորհրդային զինվորն անում էր ամեն ինչ պատմական և պաշտամունքային օբյեկտները պահպանելու  համար։ Այդ պատճառով տաճարի նկատմամբ նման վերաբերմունքն ինձ բացարձակ անթույլատրելի թվաց», – նշեց Սոլովյովը։

Առավել ևս, երբ բարձր ճշգրտության զենք է կիրառվում, անհնար է ենթադրել, որ նույն  եկեղեցին պատահաբար է մեկ օրում երկու անգամ հրթիռակոծվել։

Շուշիի հրթիռակոծության հետևանքով 3 լրագրող է վիրավորվել. Արցախի ՄԻՊ

«Իսկ ելնելով նրանից, ինչի մասին խոսում է Սաադաթը, ի սկզբանե նկատվել էր, որ եկեղեցում զինծառայողներ են գտնվում, սա նաև թիրախավորված հարված էր (իսկ ադրբեջանական կողմը դա հերքում է)։ Սաադաթը դա գրեթե պատերազմական նորմալ ընթացք համարեց։ Իբրև թե «ու ի՞նչ, եթե նրանք այնտեղ են, նրանց պետք է ամենուր ոչնչացնել»», – նշեց Սոլովյովը, ընդգծելով, որ իր համար սա շատ տխուր փաստ է։

ՏԱՍՍ–ում աշխատող, ազատական հայացքների տեր մարդ և հանկարծ, ըստ Սոլովյովի, նման ձևակերպումներ է անում։ Դա տհաճ էր նաև այնքանով, որ տեղի է ունեցել իր հաղորդման եթերում։  Այդ է պատճառը, որ Սոլովյովը ուշադրություն հրավիրեց այն հանգամանքի վրա, որ սա կարող է բախումների հանգեցնել Ռուսաստանի տարածքում։

Հեռուստահաղորդավարը կարծում է, որ սա Սաադաթի անձնական կարծիքն է, միևնույն ժամանակ Սոլովյովը համոզված է, որ Սաադաթը կվերանայի խոսքերը։ Առավել ևս, որ գովազդային դադարների ժամանակ նա ասել է, որ եկեղեցին ի նկատի չի ունեցել։

Իսկ Արցախում արյունահեղությունը, ըստ հաղորդավարի, պետք է հնարավորինս արագ դադարեցվի։

«Սարսափելի է, երբ տեսնում եմ, ինչպես են զոհվում երիտասարդ տղաներ` 2001, 2002 թվականին ծնված։ Սարսափելի է, մեծ կորուստներ և՛ մի, և՛ մյուս կողմից։ Սակայն այդ ապամարդկայնացումը, որը տեղի է ունենում, այսինքն, երբ մյուս կողմից մարդկային ցավ չես տեսնում, ընկալում ես դա որպես «իսկ ի՞նչ կա որ», այդ դա է ինձ համար և՛ տհաճ, և՛ անթույլատրելի», – նշեց Սոլովյովը։

Սոլովյովի խոսքով`նա ստիպված եղավ պարզաբանել և՛ Սաադաթին, և՛ ադրբեջանական տեսակետին հակված շատերին, որ Ռուսաստանի համար բոլորովին անթույլատրելի է և «կարմիր գծից» անցում է համարվում Թուրքիայի զինծառայողների մասնակցությունը, եթե այն կա, առավել ևս, «Նուսրայի» ահաբեկիչների ներկայությունը, ինչի մասին խոսում էր Ռուսաստանի արտաքին հետախուզության ծառայության (ԱՀԾ) ղեկավար Սերգեյ Նարիշկինը։

Սուրբ Ղազանչեցոցում արյան հետքեր են. ի՞նչ վիճակում է եկեղեցին 2–րդ հրթիռակոծությունից հետո

«Ռուսաստանի սահմանից 80 կմ հեռավորության վրա ահաբեկիչներ են, որոնց մենք հատուկ ոչնչացնում էինք Սիրիայում, որպեսզի նրանք մեզ չմոտենան։ Եվ այսօր նրանց, ըստ ամենայնի, բերում է թուրքական կողմը, դա թույլատրելի չի ոչ ոքի, երբեք և ոչ մի դեպքում։

Այ այստեղ մենք հստակ գիտենք, թե ահաբեկիչներն ովքեր են և ինչպես պետք է նրանց հետ վարվել», – ասաց Սոլովյովը։

Նա նշեց, որ պաշտոնական անձ չէ, սակայն ճիշտ է համարում հակամարտության շրջանում ոչ թռիչքային գոտի սահմանելու և ՀԱՊԿ–ի խաղաղապահներ մտցնելու գաղափարը։

1157
թեգերը:
Պատերազմ, Արցախ, Ղազանչեցոց եկեղեցի (Շուշի), Վլադիմիր Սոլովյով
Ըստ թեմայի
«Եկեղեցին վառվում էր, հազիվ մեզ հանեցին էնտեղից». տուժածները` Շուշիի հրթիռակոծության մասին
«Ղազանչեցոցը հարվածելով` ուզում էին մեր հաղթանակը խլել». Շուշիի հոգևոր հովիվ
«Նրանք նորից մեր եկեղեցիներն են ավերում». Օհանյանն արձագանքել է Շուշիի հրթիռակոծմանը
Գերագույն հոգևոր խորհուրդ

Արցախի համար չի կարող լինել անվտանգության երաշխիք Ադրբեջանի կազմում. Հոգևոր խորհուրդ

5
(Թարմացված է 15:29 29.10.2020)
Գերագույն հոգևոր խորհուրդը հայտարարություն է տարածել՝ նշելով, որ լիահույս է` Մինսկի խմբի համանախագահողների կողմից կգտնվեն արցախյան հակամարտության հանգուցալուծման ուղիներ։

ԵՐԵՎԱՆ, 29 հոկտեմբերի - Sputnik. Գերագույն հոգևոր խորհուրդը կոչ է անում միջազգային հանրությանը, մասնավորապես, ԵԱՀԿ Մինսկի խմբի համանախագահող երկրներին, տարածաշրջանում խաղաղության վերահաստատման և արցախահայության ինքնորոշման իրավունքի իրացման համար:

Ամենայն Հայոց Կաթողիկոս Գարեգին Բ–ի Facebook-ի էջից տեղեկանում ենք, որ Արցախի հարցը ռազմական ճանապարհով վճռելու, արցախահայությանը բնաջնջելու Ադրբեջանի քաղաքականությունը փաստում է, որ Արցախի համար չի կարող լինել անվտանգության երաշխիք Ադրբեջանի կազմում։

«Գերագույն հոգևոր խորհուրդը գնահատում է Մինսկի խմբի համանախագահող երկրների հետևողական ջանքերը՝ ուղղված մարդասիրական հրադադարի հաստատմանը և պահպանությանը, որը երրորդ անգամը լինելով, բացահայտ խախտվում է Ադրբեջանի կողմից: Լիահույս ենք, որ Մինսկի խմբի համանախագահողների կողմից կգտնվեն արցախյան հակամարտության հանգուցալուծման ուղիներ և մարդկային անմեղ կյանքերը չեն զոհաբերվի սոսկ աշխարհաքաղաքական շահերին»,–նշված է հաղորդագրության մեջ։

Գերագույն հոգևոր խորհուրդն ասում է, որ այսօր Արցախը կարիք ունի համայն աշխարհի հումանիտար աջակցության։ Ըստ խորհրդի` Արցախի ժողովրդի հանդեպ իրականացված այս ոճրագործությունների համար Ադրբեջանի նախագահ Իլհամ Ալիևը, ինչպես նաև այդ ոճրագործություններին աջակցող և անմիջական մասնակից ռազմաքաղաքական մյուս գործիչները պետք է կանգնեն միջազգային դատական ատյանների առջև։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 28-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1119 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6749 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 226 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 632 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

5
Լուիս Ալմագրոն

Եթե Ադրբեջանը դադարեցնի հարձակումները Ղարաբաղի վրա, հակամարտությունը կլուծվի. Ալմագրո

76
(Թարմացված է 14:52 29.10.2020)
Ամերիկյան պետությունների կազմակերպության գլխավոր քարտուղար Լուիս Ալմագրոն կոչ է արել անհապաղ դադարեցնել Արցախի դեմ ագրեսիան:

ԵՐԵՎԱՆ, 29 հոկտեմբերի — Sputnik. Ամերիկյան պետությունների կազմակերպության գլխավոր քարտուղար Լուիս Ալմագրոն վստահ է, որ եթե Ադրբեջանը դադարեցնի հարձակումները Ղարաբաղի վրա, հակամարտությունն անմիջապես կլուծվի: Այդ մասին նա գրել է իր Twitter-ի էջում։

Մարտակերտ քաղաքի վրա թշնամին կիրառել է ռազմական ավիացիա․ օդային տագնապ է հայտարարված

Նա նաև տեղադրել է Արցախի Մարդու իրավունքների պաշտպան Արտակ Բեգլարյանի թողարկած տեսանյութը, որտեղ ներկայացվում է հոկտեմբերի 28-ին Ստեփանակերտի ծննդատան վրա Ադրբեջանի զինված ուժերի կողմից հասցված հարվածների հետևանքները:

​«Արցախի դեմ ագրեսիան պետք է անմիջապես դադարեցվի։ Եթե Ադրբեջանը դադարեցնի հարձակումը, հակամարտությունն անմիջապես կլուծվի», - գրել է Ալմագրոն։

Հոկտեմբերի 28-ին ադրբեջանական զինված ուժերը հրթիռակոծել էին Ստեփանակերտն ու Շուշին: Գնդակոծության թիրախ էին դարձել քաղաքացիական օբյեկտները. հարձակման էին ենթարկվել բժշկական հաստատություններ, այդ թվում և Ստեփանակերտի ծննդատունը: Հարվածների արդյունքում խաղաղ բնակչության շրջանում կան զոհեր։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 28-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1119 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6749 զոհ ունի և բազմաթիվ վիրավորներ։

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 226 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 632 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

76
թեգերը:
Ադրբեջան, Լուիս Ալմագրո, Արցախ, Ղարաբաղյան հակամարտություն, Լեռնային Ղարաբաղ, ԱՄՆ
թեմա:
Ադրբեջանական ագրեսիան Արցախում - 2020
Ըստ թեմայի
Ֆրեզնոյում խաղաղ ցույցի ժամանակ թուրքերը դանակահարել են երկու հայի. տեսանյութ
«Իմ բախտը պարզապես բերել է, որ ես հայ եմ ծնվել»․ Քիմ Քարդաշյան
Իլհամ Ալիևը որոշել է 2 խնդիր լուծել. ադրբեջանական հերթական կեղծիքի հետքերով
Ավելի քան հարյուր ՀՀ քաղաքացի Թուրքիայից Հայաստան են վերադարձել