Շուշիի Ղազանչեցոց եկեղեցին ադրբեջանական հրթիռակոծությունից հետո

«Ղազանչեցոցը հարվածելով` ուզում էին մեր հաղթանակը խլել». Շուշիի հոգևոր հովիվ

74
(Թարմացված է 15:18 09.10.2020)
Տեր Անդրեասը նշում է, որ Ադրբեջանը հատուկ է հրթիռակոծել Շուշին. Բաքուն այսքան տարի չէր մարսել իր պարտությունը։

ԵՐԵՎԱՆ, 9 հոկտեմբերի - Sputnik. Ադրբեջանը հարվածեց հենց Ղազանչեցոց եկեղեցուն, քանի որ այն Շուշիի հաղթանակի խորհրդանիշն էր դարձել։ Sputnik Արմենիայի հետ զրույցում նման կարծիք հայտնեց Շուշիի Սուրբ Ամենափրկիչ եկեղեցու հոգևոր հովիվ տեր Անդրեաս քահանա Թավադյանը։

Երեկ երկու անգամ հրթիռակոծվել է Շուշին, որի հետևանքով բավական վնասվել է։ Կան նաև տուժածներ` ռուս լրագրող է վնասվածքներ ստացել։

«Ղազանչեցոցը Շուշիի ազատագրման ժամանակ մեր զինվորների հանդիպման վայրն էր։ Կարծում եմ` Ադրբեջանցիները այսքան տարիների ընթացքում դժվար էին տանում իրենց պարտությունն ու մեր հաղթանակը։ Նրանք թիրախավորեցին այս եկեղեցին, որ մեր հաղթանակը խլեին։ Սակայն Ղազանչեցոցը նորից կկանգնի. այն 70 տարի սպասում էր, որպեսզի ազատագրվեր և հիմա էլ սպասում է, որ ազգովի վերականգնենք այն»,–ասաց տեր Անդրեասը։

«Եկեղեցին վառվում էր, հազիվ մեզ հանեցին էնտեղից». տուժածները` Շուշիի հրթիռակոծության մասին

Նրա խոսքով` եթե երեկ Ղազանչեցոցի վրա ուղղված երկրորդ հարվածը մի փոքր ավելի շուտ լիներ, ապա շուրջ 30 լրագրող էր տուժելու, քանի որ շատերն էին այցելել եկեղեցի հրթիռակոծության հետևանքներն արձանագրելու։ Իսկ ինչ վերաբերում է երկրորդ հրթառակոծության հետևանքով տուժած ռուս լրագրողներին, ապա նրանք էլ, ըստ տեր Անդրեասի, «լավ են պրծել»։

Ադրբեջանի պարզաբանումը, թե Ղազանչեցոցին հարվածել են, քանի որ այնտեղ զինվորներ են եղել, սուտ է։ Եկեղեցում զինվորներ եղել են երեք շաբաթ առաջ, և նրանք այնտեղ օրհնություն ստանալու համար են գնացել։ Տեր Անդրեասը նշում է, որ պատերազմի ժամանակ բոլոր զինվորները սահմանին են, և քաղաքում միայն խաղաղ բնակիչներն են։

Իսկ ինչ վերաբերում է եկեղեցու կրած վնասներին, ապա տեր Անդրեասը նշեց, որ ամբողջությամբ փլվել է եկեղեցու հարավային կողմը վերևի կամարը հետ։ Ջահերը, դռներն ու պատուհանները նույնպես ավիրակ են դարձել։ Եկեղեցու ներսում որևէ բան չի պահպանվել` ամեն ինչ վառվել կամ քանդվել է։ Տեր Անդրեասն ասում է, որ եկեղեցին պետք է հիմնանորոգվի։

Հիշեցնենք` Ադրբեջանը Սուրբ Ղազանչեցոցը հրթիռակոծել էր երեկ առավոտյան, այդ պահին ներսում երեխաներ են եղել։ Բարեբախտաբար, տուժածներ չկան։

Դրանից հետո հրթիռակոծության հետևանքները լուսաբանելու համար եկեղեցի էին գնացել Արցախում աշխատող տեղական ու միջազգային լրատվամիջոցները:

Չնայած այն հանգամանքին, որ տեղում մեծ թվով լրագրողներ են աշխատում, ադրբեջանական զինված ուժերը երկրորդ անգամ հրթիռակոծության ենթարկեցին եկեղեցին: Այդ ժամանակ, ըստ Արցախի ՄԻՊ Արտակ Բեգլարյանի տարածած հաղորդագրության, 3 լրագրող է վիրավորվել։

74
թեգերը:
Պատերազմ, Արցախ, հրթիռակոծություն, Ղազանչեցոց եկեղեցի (Շուշի)
թեմա:
Ադրբեջանական ագրեսիան Արցախում - 2020 (1629)
Ըստ թեմայի
Դրա համար պատասխանատվությունը չունի վաղեմության ժամկետ. ԱԳՆ–ն` Ղազանչեցոցի դեպքի մասին
Ամեն ինչ վերականգնելու ենք․ Արցախի թեմի առաջնորդը` Սուրբ Ղազանչեցոցի հրթիռակոծության մասին
Ղազանչեցոցը հրթիռակոծելը մշակութային զտման հերթական փորձն է. Տիգրան Համասյանի կոչը
Մել Գիբսոն

Շատ խոր տխրությամբ լսեցի` ինչ է կատարվում Արցախում. Գիբսոնն աջակցություն է հայտնել հայերին

45
(Թարմացված է 13:25 26.10.2020)
Գիբսոնն իր տեսաուղերձում նշում է, որ աղոթում է հայերի համար, աղոթում է, որպեսզի պատերազմը խաղաղությամբ ավարտվի։

ԵՐԵՎԱՆ, 26 հոկտեմբերի – Sputnik. Հոլիվուդյան հայտնի դերասան և ռեժիսոր Մել Գիբսոնն անհանգստացած է Ղարաբաղում տեղի ունեցող իրադարձություններով։ RT–ին Twitter–ի իր էջում տեղադրել է Գիբսոնի տեսաուղերձը։

Հայերի ցավը ռուս լուսանկարչի աչքերով

«Շատ խոր տխրությամբ լսեցի, թե ինչ է կատարվում Հայաստանում և Արցախում։ Ես շատ հայ ընկերներ ունեմ ԱՄՆ–ում, որոնք պատմում են այս օրերին իրենց հարազատների կորստի մասին... Հայերին ես շատ եմ հարգում` մեծահոգի և ամուր մարդիկ են, որոնք մի շարք դժվարությունների են բախվել»,–ասում է դերասանը։

​Նա նշում է նաև, որ աղոթում է հայերի համար, աղոթում է, որպեսզի պատերազմը խաղաղությամբ ավարտվի և մեծ ուժերը միջամտեն ու լուծում տան հարցին։

Գիբսոնը հույս է հայտնում, որ խաղաղությունը կվերականգնվի։ Նա կոչ է անում հայերին ուժեղ լինել և շարունակել իրենց անելիքները։

Հայերին սպանում է Թրամփի ընկեր Էրդողանը. Շոն Փենն ամոթանք է տվել ամերիկացիներին

45
թեգերը:
Մել Գիբսոն, Պատերազմ, Արցախ
թեմա:
Ադրբեջանական ագրեսիան Արցախում - 2020 (1629)
Ըստ թեմայի
Ինչպես տարբերել թացը չորից, կամ ինչ պետք է իմանան հայերը պատերազմի ժամանակ
Իսրայելի հայերը բողոքի ակցիա են իրականացրել Երուսաղեմի ԱԳՆ շենքի դիմաց
Հայերն ապրել են ու կապրեն Արցախում ընդմիշտ. բողոքի ակցիա` Շվեդիայում
Невзорвавшийся снаряд Смерч-а в общине Иванян (1 октября 2020). Карабах

Ադրբեջանի դեմ քրգործ հարուցելու համար գերմանահայ իրավաբանները դիմել են դաշնային դատախազին

85
(Թարմացված է 12:50 26.10.2020)
Ադրբեջանի դեմ քրեական գործ հարուցելու համար հիմք են ծառայել ինչպես խաղաղ բնակիչների դեմ կատարված հանցագործությունները, այնպես էլ գերիների նկատմամբ վերաբերմունքը։

ԵՐԵՎԱՆ, 26 հոկտեմբերի – Sputnik. Սփյուռքի գլխավոր հանձնակատարի գրասենյակը տեղեկացնում է, որ գերմանահայ իրավաբանների միությունը դիմել է Գերմանիայի դաշնային դատախազին՝ Ադրբեջանի կողմից Արցախի դեմ ռազմական հանցագործություններ կատարելու վերաբերյալ քրգործ հարուցելու հայցով:

«Դիմումի հիմքում նշվել են Ադրբեջանի կողմից խաղաղ բնակչության ահաբեկման, հայ գերիների նկատմամբ նվաստացուցիչ և ֆիզիկական խոշտանգումների, միջազգայնորեն արգելված կասետային ռումբերի օգտագործման փաստերը։ Բացի այդ, նշվել է նաև խաղաղ բնակիչների և քաղաքացիական ենթակառուցվածքների՝ բնակելի տների, շենքերի, հիվանդանոցների, դպրոցների, եկեղեցիների, ինչպես նաև կոմունիկացիոն ճանապարհների, կամուրջների հրթիռակոծման վերաբերյալ փաստերը»,–նշված է հաղորդագրության մեջ։

Նշենք, որ Գերմանիայի միջազգային քրեական օրենսգիրքը թույլ է տալիս պատասխանատվության ենթարկել միջազգային իրավունքի դեմ ուղղված ծանր հանցագործությունների համար, ինչպիսիք են ցեղասպանությունը, մարդկության դեմ ուղղված և ռազմական հանցագործությունները:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 25-ի ժամը 14։30-ի դրությամբ` հակառակորդի կրակոցների հետևանքով Արցախում զոհվել են 974 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6614 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 217 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 600 տանկ և ՀՄՄ:

Հայը, «սիրիացին» ու բելառուսը. «հին գելերը» մեկնել են առաջնագիծ

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ 

Պատերազմ Արցախում` առանց սեփական զինվորների. ո՞րն է Էրդողանի գերնպատակը

85
թեգերը:
Քրեական գործ, Ադրբեջան, Արցախ, Գերմանիա
թեմա:
Ադրբեջանական ագրեսիան Արցախում - 2020 (1629)
Ըստ թեմայի
Արցախի բնակչությանը ցեղասպանության են ենթարկում ԱԹՍ–ների միջոցով. գերմանացի պատգամավոր
Ինչպես կարող է Գերմանիան օգնել Հայաստանին և ինչպես` խանգարել Բաքվին և Անկարային
«Կանգնեցրեք երկրորդ Հիտլերին». բողոքի ակցիա ՀՀ–ում Գերմանիայի դեսպանատան առջև