Զինծառայող

Ճանաչենք մեր հերոսներին. խոցել են թշնամուն ու փրկել շրջափակման մեջ ընկածների կյանքը

1086
(Թարմացված է 16:07 08.10.2020)
Հայ զինվորականները ծանր մարտական իրադրությունում չեն նահանջում, փոխարենը կազմակերպում են ստորաբաժանման գրագետ պաշտպանություն և ոչնչացնում թշնամուն։ ՊԲ-ն հերթական քաջերի անուններն է հրապարակել ու նրանց Արցախի հերոսի կոչում շնորհել։

ԵՐԵՎԱՆ, 8 հոկտեմբերի – Sputnik. Արցախի պաշտպանության բանակը արցախյան պատերազմի 4 նոր հերոսների անուններ է հրապարակել Facebook–ի իր էջում։

Ավագ լեյտենանտ Միհրան Ավդալյանը ներկայացվել է «Մարտական խաչ» 2-րդ աստիճանի շքանշանի՝ մարտական դիրքերից մեկը հետ վերցնելու գործողությանը մասնակցելու և շրջափակման մեջ ընկած 7 զինծառայողներին հայտնաբերելու ու նրանց շրջափակումից հանելու համար:

Մայոր Հովհաննես Այվազյանը ներկայացվել է «Մարտական խաչ» 2-րդ աստիճանի շքանշանի՝ թշնամական 3 տանկ խոցելու համար: Փոխգնդապետ Արման Կոստանյանը, ներկայացվել է «Մարտական խաչ»-ի ասպետության 1-ին աստիճանի շքանշանի՝ ծանր մարտական իրադրությունում չնահանջելու, ստորաբաժանման գրագետ պաշտպանությունը կազմակերպելու, հակառակորդի բազմաթիվ գրոհներ ետ մղելու համար։ Նա թշնամուն պատճառել է մեծաթիվ կորուստներ, ապահովել գումարտակի պաշտպանության կայունությունը:

«Մարտական խաչի» ասպետության 1-ին աստիճանի շքանշանի է ներկայացվել նաև փոխգնդապետ Արսեն Խաչատրյանը՝ նույն կերպ ապահովելով պաշտպանության կայունությունն ու հսկայական կորուստներ պատճառելով թշնամական զորքերին:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 8-ի ժամը 11։00-ի դրությամբ` հակառակորդի կրակոցների հետևանքով զոհվել են 324 զինծառայողներ և 19 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 4069 զոհ ունի, ավելի քան 5000 վիրավոր։ 

Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 16 ուղղաթիռ, 145 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 496 տանկ և ՀՄՄ:

Փայլուն օպերացիա Արցախում. ազատագրվել է դիրքերից մեկը, փրկվել 19 զինվորի կյանք

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

Հեծանիվի անվադողը՝ «ժգուտ», պատկերասրահն էլ՝ տեսակավորման կայան. կամավոր դարձած հայություն

 

1086
թեգերը:
զինծառայող, Ադրբեջան, Արցախ
Ըստ թեմայի
Ծուղակն են ընկել. Ադրբեջանն ավելի քան 200 սպանված զինծառայող է թողել մարտադաշտում
«Ապրեն արևներդ». զինծառայողները առաջնագծում ծննդյան օր են նշում
Ադրբեջանն իր զինծառայողներին «մսաղաց է ուղարկել». Հայաստանի ՊՆ-ի նոր տեսանյութը
Брифинг представителя минобороны РА Арцруна Ованнисяна (11 октября 2020). Ереван

Քարին տակից արևելք ընկած 1–2 գյուղերից մաքրվել են ադրբեջանական դիվերսանտները. Հովհաննիսյան

56
(Թարմացված է 14:07 30.10.2020)
Մեր հետախուզական ստորաբաժանումների կողմից հայտնաբերվել է նաև բավականին մեծ զինամթերքի պահեստանոց։

ԵՐԵՎԱՆ, 30 հոկտեմբերի – Sputnik. Քարին տակ գյուղից արևելք ընկած մեկ երկու գյուղից մաքրվել են ադրբեջանական դիվերսանտները։ Տեղեկությունը Telegram–ի իր էջում հայտնել է ՀՀ ՊՆ ներկայացուցիչ Արծրուն Հովհաննիսյանը։

«Ավելին՝ մեր հետախուզական ստորաբաժանումների կողմից հայտնաբերվել էր բավականին մեծ զինամթերքի պահեստանոց, որ փորձել էին կառուցել դիվերսանտները, և մեր հրետանու կրակից այրվել էր։ Կրակը տեսել են նույնիսկ Ստեփանակերտում»,–գրել է ՀՀ ՊՆ ներկայացուցիչը։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 29-ի ժամը 18։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6749 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 226 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 632 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

56
Флаг с эмблемой Международного Комитета Красного Креста

ԿԽՄԿ–ն աշխատում է Ադրբեջանում մահացած տղամարդու դին Հայաստան տեղափոխելու ուղղությամբ

37
(Թարմացված է 13:46 30.10.2020)
Հոկտեմբերի 29-ին Կարմիր Խաչի միջազգային կոմիտեի միջամտությամբ հայկական կողմին էր փոխանցվել Արցախի գերեվարված քաղաքացի, 85-ամյա Եվգենյա Բաբայանը, ով պաշտոնապես չհաստատված տեղեկություններով՝ Միշա Մելքումյանի կինն է։ 84-ամյա Միշա Մելքումյանն Ադրբեջանում մահացել է։

ԵՐԵՎԱՆ, 30 հոկտեմբերի - Sputnik. Կարմիր խաչի միջազգային կոմիտեն անում է հնարավորը Ադրբեջանում մահացած հայ գերի 84-ամյա Միշա Մելքումյանի դին հնարավորինս շուտ Հայաստան տեղափոխելու համար։

Sputnik Արմենիային հայտնեց ԿԽՄԿ հայաստանյան գրասենյակի հանրային կապերի պատասխանատու Զառա Ամատունին։

«Չեմ կարող ասել, թե երբ կստացվի տեղափոխել, բայց գործընթացն արդեն սկսված է, կողմերի միջև աշխատանքները տարվում են»,– ասաց նա։

Հիշեցնենք` երեկ` հոկտեմբերի 29-ին Կարմիր Խաչի միջազգային կոմիտեի միջամտությամբ հայկական կողմին էր փոխանցվել Արցախի գերեվարված քաղաքացի, 85-ամյա Եվգենյա Բաբայանը, ով պաշտոնապես չհաստատված տեղեկություններով՝ Միշա Մելքումյանի կինն է։

Իսկ 84-ամյա Միշա Մելքումյանի մասին Ադրբեջանը նախ կեղծ լուրեր էր տարածել, թե, իբր, հայկական կողմը հրաժարվել է ընդունել նրան, ապա հայտարարվեց, որ Միշա Մելքումյանի բժշկական եզրակացության համաձայն՝ տարեց տղամարդու տեղափոխումն անթույլատրելի է համարվել։

Այդուհանդերձ, Հայաստանի իրավասու մարմինները միանշանակ պատրաստակամություն են հայտնել առաջին իսկ հնարավորության դեպքում կազմակերպելու նրա վերադարձը:

Բայց հոկտեմբերի 29-ի ուշ երեկոյան հայտնի դարձավ, որ Ադրբեջանի զինված ուժերի կողմից գերեվարված 84-ամյա Միշա Մելքումյանը մահացել է։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 29-ի ժամը 18։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6749 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 226 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 632 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

37
թեգերը:
Արցախյան պատերազմ, Կարմիր խաչ, գերի
Ըստ թեմայի
Արցախի ԱԳՆ-ն հայ գերիների ու զինծառայողների տեսանյութերի կապակցությամբ դիմել է ԿԽՄԿ-ին
Եվս 5 հայ գերիների համար ՄԻԵԴ դիմում է ներկայացվել
Հայ զինվորների դիերի, գերիների հետ վարվում են ԻԼԻՊ-ի մեթոդներով. ՀՀ ՄԻՊ
Машина Скорой помощи в Тбилиси

Թուրքական բեռնատարը Վրաստանում մխրճվել է ավտոբուսի մեջ. կան զոհեր

0
Գորիի մոտ վթարի ենթարկված միկրոավտոբուսի ուղևորները` Սաակաշվիլիի կողմնակիցները, վերադառնում էին «Միասնական ազգային շարժում» կուսակցության և «Ուժը միասնության մեջ է» դաշինքի հանրահավաքից:

ԵՐԵՎԱՆ, 30 հոկտեմբերի — Sputnik. Հոկտեմբերի 29–ի լույս 30-ի գիշերը Թբիլիսի-Սենակի-Լեսելիձե մայրուղու 77-րդ կիլոմետրում թուրքական համարանիշներով բեռնատարը բախվել է մարդատար միկրոավտոբուսին:

Վրացական ԶԼՄ-ների վերջին տվյալներով ՝ զոհվել է վեց մարդ, 10-ը ստացել են ծանր մարմնական վնասվածքներ։

Վրացական առաջին ալիքի տեղեկատվության համաձայն ՝ Գորիի մոտ վթարի ենթարկված միկրոավտոբուսի ուղեւորները Թբիլիսիից տուն էին վերադառնում «Միասնական ազգային շարժում» կուսակցության և «Ուժը միասնության մեջ է» դաշինքի հանրահավաքից (կուսակցությունները խորհրդարանական ընտրություններում պաշտպանում են նախկին նախագահ Միխեիլ Սաակաշվիլիին` խմբ.):

Վրաստանի նախագահ Սալոմե Զուրաբիշվիլին ցավակցություն է հայտնել Գորիի (Շիդա Քարթլիի տարածաշրջան) մոտ տեղի ունեցած ավտովթարի զոհերի ընտանիքներին և մերձավորներին:

Քննությունն ընթանում է «Տրանսպորտային միջոցի անվտանգության կամ շահագործման կանոնների խախտում, որն իր հետ բերել է երկու և ավելի մարդու մահվան» հոդվածով:

Իրավապահ մարմինների աշխատակիցներն արդեն ձերբակալել են բեռնատարի վարորդին ՝ Թուրքիայի քաղաքացուն։ Նրան սպառնում է մինչև 10 տարվա ազատազրկում։

0
թեգերը:
Միխեիլ Սաակաշվիլի, Զոհ, Թուրք, բեռնատար, ավտովթար, ավտոբուս, Վրաստանի Հանրապետություն