Շուշի

Ադրբեջանի հրթիռակոծության հետևանքով ավերվել է Շուշիի մշակույթի տունը. լուսանկարներ

148
(Թարմացված է 18:25 07.10.2020)
Ադրբեջանի զինված ուժերը շարունակում են նպատակային ոչնչացնել Արցախի բնակավայրերը, թիրախը խաղաղ բնակչությունն է։

ԵՐԵՎԱՆ, 7 հոկտեմբերի - Sputnik. Ադրբեջանի զինված ուժերի կողմից շարունակվում են թիրախավորվել Արցախի տարբեր քաղաքների ու գյուղերի քաղաքացիական նշանակության կառույցները։ Արցախի տեղեկատվական շտաբը լուսանկարներ է հրապարակել Շուշիի և Ստեփանակերտի վերջին հրթիռակոծությունից։

«Ադրբեջանի զինված ուժերի կողմից Շուշիի և Ստեփանակերտի վերջին հրթիռակոծության հետևանքներից մի քանիսը։Նկարներում կարող եք տեսնել նաև Շուշիի մշակույթի տան ավերված վիճակը»,–գրում է տեղեկատվական շտաբը։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Ստեփանակերտը չի դատարկվել. բնակիչներն ապահովված են ջրով ու լույսով. փոխքաղաքապետ

Հոկտեմբերի 7-ի ժամը 16։00-ի դրությամբ` հակառակորդի կրակոցների հետևանքով զոհվել են 324 զինծառայողներ և 19 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 3754 զոհ ունի, ավելի քան 5000 վիրավոր։ 

Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 18 ուղղաթիռ, 128 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 416 տանկ և ՀՄՄ:

Առաջնագծում գտնվող տղաներն անում են անհնարինը. տեսանյութ

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

Հայացք թաքստոցից․ մահվան աչքերին նայած արցախցիները․ լուսանկարներ

148
թեգերը:
Շուշի, Արցախ, Ադրբեջան
թեմա:
Ադրբեջանական ագրեսիան Արցախում - 2020 (2212)
Ըստ թեմայի
«Ապրեն արևներդ». զինծառայողները առաջնագծում ծննդյան օր են նշում
«Թող ոչ մի ծնող ուրան բալան չկորցնի. ես կորցըրալ եմ, գյուդըմ եմ». արցախցի Շարմաղ բաբո
Ստեփանակերտի հրթիռակոծության հետևանքով վիրավորված 25-ամյա փրկարարը մահացել է

Ստեփանակերտում էլեկտրամատակարարումը 95-97 տոկոսով վերականգնվել է

25
(Թարմացված է 12:10 27.11.2020)
ՌԴ պաշտպանության նախարարության միջազգային հակաականային կենտրոնի զինվորականները ստուգել են երկու դպրոցի շենքերը, որտեղ մոտ ժամանակներս կվերսկսվեն դասերը։

ԵՐԵՎԱՆ, 27 նոյեմբերի – Sputnik. Ռուսաստանի պաշտպանության նախարարությունը տեղեկացնում է, որ  Ստեփանակերտում էլեկտրաէներգիայի և գազի մատակարարման վերականգնման աշխատանքները գրեթե ավարտվել են։

«Ռուս խաղաղապահների աջակցությամբ Ստեփանակերտում շարունակվում է խաղաղ կյանքի վերադարձը։ Քաղաքի էլեկտրամատակարարումն արդեն իսկ 95-97 տոկոսով վերականգնվել է։ Վերականգնվել է նաև քաղաքային էլեկտրակայանի աշխատանքը»,–ասված է  հաղորդագրության մեջ։

ՌԴ պաշտպանության նախարարության միջազգային հակաականային կենտրոնի զինվորականները վերանորոգման աշխատանքներ իրականացնող վայրերում են ստուգումներ անցկացրել։ Ստուգել են նաև երկու դպրոցների շենքերը, որտեղ մոտ ժամանակներս կվերսկսվեն դասերը։

34 նոր անուն. ՊԲ–ն հրապարակել է մարտերում զոհվածների տվյալները

Նշենք, որ վերջին տվյալներով Արցախ է վերադարձել պատերազմի հետևանքով իրենց բնակավայրը լքած մոտ 25 հազար արցախցի։

25
թեգերը:
էլեկտրաէներգիա, Լույս, Ռուսաստան, Արցախ, Լեռնային Ղարաբաղ, Ստեփանակերտ
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Ո՞ւր գնալ, ինչո՞վ ապրել. տունն ու գյուղը կորցրած վուրգավանցու ապագան անորոշ է
Շահումյանի շրջանի 2 գյուղ կմնան Արցախի կազմում
Մարտակերտի շրջանում մոտ 3 հազար մարդ մշտական կացարանի կարիք ունի
Մոմեր

34 նոր անուն. ՊԲ–ն հրապարակել է մարտերում զոհվածների տվյալները

855
(Թարմացված է 11:01 27.11.2020)
Զոհվածներից քսանը 18–20 տարեկան ժամկետային զինծառայողներ են, ինը` կամավորականներ։

ԵՐԵՎԱՆ, 27 նոյեմբերի – Sputnik. Հայկական միասնական տեղեկատվական կենտրոնը հրապարակել է ևս 34 զոհված զինծառայողի անուն–ազգանունները։

Հայրենիքի պաշտպանության համար մղված մարտերում նահատակված զինծառայողներն են`

  1. Նավասարդյան Ալեն Արտակի, ծնվ. 1989թ. (պահեստազորային)
  2. Սարգսյան Նորայր Փայլակի, ծնվ. 1967թ. (պահեստազորային)
  3. Առաքելյան Արմեն Ալիքի, ծնվ. 1996թ. (պահեստազորային)
  4. Սառիկյան Գագիկ Պարգևի, ծնվ. 1967թ. (կամավորական)
  5. Մանուկյան Գերասիմ Արտյոմի, ծնվ. 2001թ.
  6. Գարսևանյան Թաթուլ Մխիթարի, ծնվ. 2001թ.
  7. Բադալյան Տիգրան Դավթի, ծնվ. 2001թ.
  8. Սարգսյան Մովսես Կարենի, ծնվ. 2001թ.
  9. Կարապետյան Գագիկ Կարենի, ծնվ. 2001թ.
  10. Սահակյան Արամ Մանվելի, ծնվ. 2001թ.
  11. Առուստամյան Արմեն Պավելի, ծնվ. 2001թ.
  12. Վիրաբյան Արթուր Իվանի, ծնվ. 1992թ. (կամավորական)
  13. Բալասյան Նարեկ Վիկտորի, ծնվ. 2002թ.
  14. Կարապետյան Էմին Ռուդիկի, ծնվ. 1990թ. (կամավորական)
  15. Շահնազարյան Դավիթ Դարչոյի, ծնվ. 2000թ.
  16. Ասատրյան Վահե Թովմասի, ծնվ. 2001թ.
  17. Մխոյան Սերյոժա Լյուդվիգի, ծնվ. 2002թ.
  18. Մալխասյան Գագիկ Արթուրի, ծնվ. 2001թ.
  19. Հայրապետյան Հարություն Արթուրի, ծնվ. 1996թ.
  20. Թորոսյան Արամ Տարոնի, ծնվ. 2002թ.
  21. Մխիթարյան Տիգրան Գառնիկի, ծնվ. 1994թ. (կամավորական)
  22. Տոնյան Խաչատուր Մակիչի, ծնվ. 1994թ. (պահեստազորային)
  23. Մարտիրոսյան Դմիտրի Վասիլի, ծնվ. 2000թ.
  24. Սիմոնյան Գոռ Գարիկի, ծնվ. 2000թ.
  25. Հարությունյան Մանվել Միշայի, ծնվ. 2001թ.
  26. Սիմոնյան Վազգեն Սիմոնի, ծնվ. 2001թ.
  27. Հակոբյան Արթուր Գրիգորի, ծնվ. 2002թ.
  28. Բարսեղյան Վահագն Տիգրանի, ծնվ. 2002թ.
  29. Գևորգյան Արման Արթուրի, ծնվ. 2002թ.
  30. Հասրաթյան Սուրեն Բագրատի, ծնվ. 1960թ. (կամավորական)
  31. Մարգարյան Սամվել Սերգեյի, ծնվ. 1981թ. (կամավորական)
  32. Ղազարյան Արկադի Հրայրի, ծնվ. 1977թ. (կամավորական)
  33. Ավագիմյան Արտակ Վլադիմիրի, 1980թ. (կամավորական)
  34. Սարգսյան Ռոբերտ Կարապետի, ծնվ. 1992թ. (կամավորական)

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։

Նոյեմբերի 27-ի տվյալներով՝ Արցախի ՊԲ-ն հրապարակել է 1712 զոհվածների անունները։

Համացանցում լուր տարածվեց, որ հայկական կողմն ունի 4750 զոհ ու անհետ կորած։ ՀՀ առողջապահության նախարար Արսեն Թորոսյանը նոյեմբերի 18-ին ԱԺ–ում լրագրողներին հայտնեց, որ պատերազմի առաջին օրվանից մինչև նոյեմբերի 17-ի երեկոյան պաշտոնապես հաստատված զոհված զինծառայողների թիվը 2425 է։

Վերջին տվյալներով` քաղաքացիական անձանց շրջանում կա 50 զոհ ու 148 վիրավոր։

Ադրբեջանն իր կորուստների վերաբերյալ պաշտոնական տեղեկություններ չի հայտնում, սակայն հայկական կողմի տվյալներով` Ադրբեջանի ԶՈւ–ն պատերազմի ընթացքում զրկվել է 264 ԱԹՍ-ից, 16 ուղղաթիռից, 25 ինքնաթիռից, 784 զրահատեխնիկայից, 6 ՏՕՍ-ից, 7660 կենդանի ուժից։

Ինչո՞ւ են ադրբեջանցիներն ուրախացել․ ռուսական խաղաղապահների հրամանատարի կենսագրությունը

855
թեգերը:
զինծառայող, Արցախի պաշտպանության բանակ (ՊԲ), Արցախյան պատերազմ, Զոհ
թեմա:
Ադրբեջանական ագրեսիան Արցախում - 2020 (2212)
Ըստ թեմայի
«Տունն այնտեղ է, որտեղ մենք ենք, մնում է, որ մենք լինենք». Նոր Մարաղա, օր վերջին
Դա ուղղակի խայտառակություն է. փաստաբանը խոսել է զինծառայողների կեցության պայմանների մասին
Փաշինյանը գիշերը 2 անգամ հեռախոսազրույց է ունեցել Պուտինի հետ. ինչ են քննարկել նրանք
Арман Татоян

Ադրբեջանն արհեստական ձգձգում է գերիների փոխանակումը. ՄԻՊ–ը դիմել է միջազգային հանրությանը

0
Արման Թաթոյանը կարծում է, որ ստեղծված պայմաններում գերիների ազատ արձակումը և նրանց անվտանգ վերադարձի ապահովումը, դիերի փոխանակումը դարձել է րոպե առաջ, հրատապ լուծում պահանջող խնդիր։

ԵՐԵՎԱՆ, 27 նոյեմբերի – Sputnik. ՀՀ մարդու իրավունքների պաշտպան Արման Թաթոյանը հրատապ դիմել է միջազգային հանրությանը` հայտնելով, որ Ադրբեջանն արհեստական ձգձգում է գերիների ու դիերի փոխանակման գործընթացը և շարունակում դաժան վերաբերմունքը։

«Դիմում եմ միջազգային հանրությանը և հատկապես մարդու իրավունքների պաշտպանության մանդատ ունեցող արտերկրյա կառույցներին. անհրաժեշտ է առավելագույն հնարավորություններով ու իրական քայլերով հրատապ լուծել այս խնդիրը՝ պատերազմական ամենածանր հանցագործություններից ու անմարդկային, դաժան գերությունից մարդկանց ազատելու նպատակով»,–նշված է հաղորդագրության մեջ։

ՄԻՊ–ն ասում է` ադրբեջանական իշխանությունները որպես պատճառաբանություն մի կողմից նշում են, թե գերիների փոխանակումն իրականացվելու է դիերի փոխանակման գործընթացի ավարտից հետո, մյուս կողմից, ինքնին դիերի փոխանակման գործընթացը ձգձգվում է առանց պատճառաբանության։ Այս ամենով Ադրբեջանը կոպտորեն ոտնահարում է Ժնևյան կոնվենցիաներով երաշխավորված հիմնարար պահանջները։

Ըստ Թաթոյանի` ակնհայտ է, որ Ադրբեջանն այս ամենով նպատակ ունի դիտավորությամբ հայ հասարակությունում ստեղծել անորոշության ու լարվածության մթնոլորտ, հոգեկան տառապանքներ պատճառել մահացած զինծառայողների ու գերիների ընտանիքների անդամներին:
Լրատվամիջոցների ու հատկապես սոցիալական մեդիայի ադրբեջանական աղբյուրներից անընդհատ հրապարակվում են տեսանյութեր ու լուսանկարներ, թե ինչպես է ադրբեջանական ԶՈւ–ն անարգում հայկական կողմի զինծառայողների դիերը, խոշտանգում ու նվաստացնում գերեվարված զինծառայողներին ու քաղաքացիական անձանց։ Թաթոյանը կարծում է, որ պատերազմական գործողությունների ողջ ընթացքում ակնհայտ էր, որ ադրբեջանական իշխանությունները խրախուսում են այս դաժանություններն ու նվաստացումները՝ նպատակ ունենալով Ադրբեջանում բորբոքել էթնիկ հայերի նկատմամբ ատելություն ու թշնամանք, հերոսացնել դրանք կատարողներին:

ՄԻՊ–ի խոսքով` ստեղծված պայմաններում գերիների ազատ արձակումը և նրանց անվտանգ վերադարձի ապահովումը, դիերի փոխանակումը դարձել է րոպե առաջ, հրատապ լուծում պահանջող խնդիր։

Հիշեցնենք, որ այս օրերին անհետ կորած զինծառայողների ծնողները բողոքի ակցիաներ են անում կառավարության առջև` պահանջելով, որ իրենց զավակներից որևէ լուր տան, գերիների փոխանացման գործընթաց սկսեն։

0
թեգերը:
Արման Թաթոյան, Ադրբեջան, գերի, Մարդու Իրավունքների Եվրոպական դատարան (ՄԻԵԴ)
թեմա:
Իրադրությունը Հայաստանում և Արցախում հայտարարության ստորագրումից հետո