Համացանցում տեսանյութ է տարածվել, որտեղ երևում է, թե ինչպես են արցախյան առաջնագծում նշում զինծառայողներից մեկի ծննդյան օրը։
Մի քանի տղաներ անակնկալ են մատուցում իրենց ընկերոջը` հանկարծակի բերելով տոնական տորթը։ Զուգահեռ միանում է շնորհավորական երաժշտությունը։ Հոբելյարը միանգամից չի կողմնորոշվում` ինչ անել ու չի հավատում իր աչքերին։
«Պիտի պարտադիր պարելո՞վ գամ, որ դու էլ գաս», – կատակում է նրա ընկերը։
Տղաները շնորհավորում են զինծառայողին, նա էլ շնորհակալություն է հայտնում. «Ապրեն արևներդ»։ Վերջում, ավանդույթի համաձայն, տղաները տորթ են քսում զինծառայողի դեմքին։
Տեսանյութի մեկնաբանություններում օգտատերերը զինվորին շուտափույթ հաղթանակ և բարի վերադարձ են մաղթում։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 6-ի ժամը 09։00-ի դրությամբ` հակառակորդի կրակոցների հետևանքով զոհվել են 284 զինծառայողներ և 19 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 3754 զոհ ունի, ավելի քան 5000 վիրավոր։
Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 18 ուղղաթիռ, 128 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 416 տանկ և ՀՄՄ:
Առաջնագծում գտնվող տղաներն անում են անհնարինը. տեսանյութ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
Հայացք թաքստոցից․ մահվան աչքերին նայած արցախցիները․ լուսանկարներ