ԵՐԵՎԱՆ, 7 հոկտեմբերի – Sputnik. Արցախի մարդու իրավունքների պաշտպան Արտակ Բեգլարյանը տեղեկացնում է, որ հենց այս պահին Ադրբեջանի զինված ուժերն ԱԹՍ–ներով ու հրթիռներով հարվածում են մայրաքաղաք Ստեփանակերտին։
BREAKING!
— Artak Beglaryan (@Artak_Beglaryan) October 7, 2020
Just now #Azerbaijan again struck #Stepanakert civilian objects with suicide drones & missiles.
No data on casualties yet.
The life continues in shelters for several days.#AzerbaijaniAggression #DontBeBlind
«Տուժածների մասին դեռևս տեղեկություններ չկան։ Կյանքը շարունակվում է ապաստարաններում»,–Twitter-ի իր էջում գրել է Բեգլարյանը։
Նշենք, որ ՀՀ ՊՆ ներկայացուցիչ Արծրուն Հովհաննիսյանն էլ քիչ առաջ ֆեյսբուքյան իր էջում գրառում էր կատարել` ասելով, որ Ադրբեջանը փորձում է իր կորցրած երեք բրիգադի վրեժը Ստեփանակերտից առնել։ «Միայն դրան եք ընդունակ»,–գրել էր նա։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 6-ի ժամը 09։00-ի դրությամբ` հակառակորդի կրակոցների հետևանքով զոհվել են 284 զինծառայողներ և 19 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 3754 զոհ ունի, ավելի քան 5000 վիրավոր։
Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 18 ուղղաթիռ, 128 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 416 տանկ և ՀՄՄ:
Առաջնագծում գտնվող տղաներն անում են անհնարինը. տեսանյութ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
Հայացք թաքստոցից․ մահվան աչքերին նայած արցախցիները․ լուսանկարներ
