Արծրուն Հովհաննիսյան

Միայն մեկ օրում հակառակորդը 300 զոհ է ունեցել. Արծրուն Հովհաննիսյան

972
(Թարմացված է 21:20 06.10.2020)
ՀՀ ՊՆ ներկայացուցիչը հայտնեց, թե հակառակորդը թեժ մարտերի ժամանակ ինչ կորուստներ է ունեցել։

ԵՐԵՎԱՆ, 6 հոկտեմբերի – Sputnik. Առավոտվա տվյալներով վերջին մեկ օրում ադրբեջանական կողմի կորուստները կազմում են 300 զոհ, 11 զրահատեխնիկա, 2 ուղղաթիռ և 2 ԱԹՍ։ Տեղեկությունն այսօրվա ասուլիսում հայտնեց ՀՀ ՊՆ ներկայացուցիչ Արծրուն Հովհաննիսյանը։

Նրա խոսքով` սա չի ներառում այսօվա մարտական գործողություններում կրած կորուստները։

Նա հայտնեց, որ այսօր հիմնականում մարտեր են ընթացել Արաքս գետի երկայնքով։ Հակառակորդը հարձակման է անցել, սակայն հայկական ԶՈւ–ն հերոսաբար հետ է մղել հակառակորդին։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 6-ի ժամը 09։00-ի դրությամբ` հակառակորդի կրակոցների հետևանքով զոհվել են 244 զինծառայողներ և 19 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 3454 զոհ ունի, ավելի քան 5000 վիրավոր։

Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 16 ուղղաթիռ, 126 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 379 տանկ և ՀՄՄ:

Առաջնագծում գտնվող տղաներն անում են անհնարինը. տեսանյութ

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

Հայացք թաքստոցից․ մահվան աչքերին նայած արցախցիները․ լուսանկարներ

972
թեգերը:
Զինվոր, ադրբեջանցի, Զենք, հայ-ադրբեջանական, Ադրբեջան, Զոհ, Արցախ
թեմա:
Ադրբեջանական ագրեսիան Արցախում - 2020 (1682)
Ըստ թեմայի
Հայի սրտով ռուսը․ Երևանում հրաժեշտ տվեցին Արցախում զոհված Եվգենի Գորոդնիչիին
Որքա՞ն կտևի պատերազմը. այսօրվա և 90-ականների մարտական գործողությունների տարբերությունը
Հայերը խաղաղության կողմնակից են, սակայն պաշտպանելու են իրենց տունը մինչև վերջ. Մարտիրոսյան
Առաջնագծում

Ադրբեջանական կողմում այս պահին 17 հայ ռազմագերի կա. ՔԿ

48
(Թարմացված է 15:04 27.10.2020)
Ադրբեջանին գերի ընկած քաղաքացիական անձանց մասին տեղեկությունները, ՀՀ ՔԿ քրեագիտական վարչության պետ Ռաֆայել Վարդանյանի խոսքով, ճշգրտման փուլում են։

ԵՐԵՎԱՆ, 27 հոկտեմբերի - Sputnik. Ադրբեջանական կողմում այս պահին կա 17 հայ ռազմագերի։ Այս մասին այսօր լրագրողներին հայտնեց ՀՀ ՔԿ քրեագիտական վարչության պետ Ռաֆայել Վարդանյանը։

«Մենք աշխատում ենք մարդու իրավունքների եվրոպական դատարանում ՀՀ ներկայացուցչության ու ՊՆ ռազմագերիների միջգերատեսչական հանձնաժողովի հետ` հայ ռազմագերիների նկատմամբ հրատապ միջոցներ կիրառելու` բուժօգնության տրամադրման, չխոշտանգելու ուղղությամբ», –ասաց Վարդանյանը։

Վարչության պետը չցանկացավ տվյալներ հրապարակել` նշելով, որ դրանք ներկա պահին ճշտվում են։

Ինչ վերաբերում է գերի ընկած քաղաքացիական անձանց մասին լուրերին, Ռաֆայել Վարդանյանն ասաց, որ նրանց մասին ևս տեղեկությունները ճշգրտման փուլում են։

Հիշեցնենք` սեպտեմբերի 27-ի վաղ առավոտյան Ադրբեջանը, Թուրքիայի աջակցությամբ, լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 27-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1009 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6674 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 220 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 600 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

48
թեգերը:
ռազմագերի, գերի, Արցախյան պատերազմ
թեմա:
Ադրբեջանական ագրեսիան Արցախում - 2020 (1682)
Ըստ թեմայի
Ադրբեջանցի գերին պատմում է Թուրքիայից ժամանած զինվորական մասնագետների մասին. տեսանյութ
Ադրբեջանցիները հայ գերիների սոցցանցային էջերից նյութեր են տարածում. ՄԻՊ–ն ապացույցներ ունի
Բեմադրված հարցազրույցները միշտ էլ եղել են․ փորձագետը` գերիների փոխանակման մասին
Արխիվային լուսանկար

Վիրավոր կռվել ու կրակի տակից 50-ից ավելի վիրավոր է դուրս բերել. նորօրյա հերոսներ

225
(Թարմացված է 14:53 27.10.2020)
2 տասնյակից ավելի զինծառայողներ կպարգևատրվեն խիզախության, հակառակորդի մեծաթիվ ուժեր ոչնչացնելու համար։

ԵՐԵՎԱՆ, 27 հոկտեմբերի - Sputnik. Արցախյան այս պատերազմում հերոսական դրվագների արձանագրումը շարունակվում է։ Արցախի պաշտպանության բանակը «Նորօրյա հերոսներ» շարքից նոր պատմություններ է ներկայացրել։ Զինծառայողները կրակի տակից դուրս են բերել վիրավոր ծառայակիցների, խոցել թշնամական ԱԹՍ-ներ, տանկեր և այլն։ Դրսևորած խիզախության, անձնվեր ծառայության և արդյունավետ, գրագետ գործողությունների համար 2 տասնյակից ավելի զինծառայողներ պարգևների կներկայացվեն։

Հրետանու կրակով մեծաթիվ թշնամական կենդանի ուժ և զրահատեխնիկա ոչնչացնելու համար պետական բարձր պարգևների են ներկայացվել 14 զինծառայող։ Նրանցից փոխգնդապետներ Արման Աշոտի Հակոբյանը, Մհեր Արմոյի Շամիրյանը կարժանանան «Մարտական խաչ»1-ին աստիճանի շքանշանի, կապիտան Գեորգի Արտավազդի Արշակյանը, ավագ լեյտենանտ Նայիրի Մհերի Մկրտչյանը «Մարտական ծառայություն» մեդալով կպարգևատրվեն։

«Արիության համար» մեդալի կարժանան կապիտաններ Հունան Հովհաննեսի Հակոբյանը, Գևորգ Արմենի Գասպարյանը, Վահե Գագիկի Գյուլզատյանը, մայորներ Էդգար Ներսեսի Կանդայանը, Աշոտ Ռուբենի Մուսայելյանը, Սեդրակ Աշոտի Մադաթյանը, Անդրանիկ Լևոնի Պիլիպոսյանը, լեյտենանտ Թելման Գերասիմի Մխիթարյանը,ավագ լեյտենանտ Աղվան Գառնիկի Մովսիսյանը, փոխգնդապետ Մհեր Ռոմիկի Ղուկասյանը։

Բարձր պարգևների կարժանանան նաև շարքային զինծառայողներ։ «Մարտական ծառայություն» մեդալի Կարեն Արսենի Առաքելյանը կարժանանա թշնամական 2 ԱԹՍ ոչնչացնելու համար, իսկ Գևորգ Մերուժանի Օհանյանը՝ հակառակորդի 1 «Ուրալ» իր անձնակազմով հօդս ցնդեցնելու համար: Նույն տիպի պետական պարգևների են ներկայացվել կապիտան Մխիթար Արթուրի Օհանյանը՝ հակառակորդի շարասյուն ոչնչացնելու, կապիտան Արման Ռաֆիկի Ավետիսյանը՝ թշնամու 2 «Կամազ» խոցելու և կրտսեր սերժանտ Արման Արթուրի Քոչարյանը՝ նույնպես թշնամական ուժերի շարասյուն ոչնչացնելու համար:

«Կապի ոլորտի մեր հերոսները». Վահրամ Պողոսյանը լուսանկարներ է հրապարակել

Սերժանտ Գոռ Տիգրանի Սահակյանը «Արիության համար» մեդալ կստանա հակառակորդի 1 տանկ խոցելու համար:

«Բուժծառայության լեյտենանտ Դավիթ Սամվելի Չիթչյանը հակառակորդի կրակի տակից դուրս է բերել մեր վիրավոր զինծառայողներին, տեղափոխել թիկունք և ցուցաբերել 1-ին բուժօգնություն: Ներկայացված է «Արիության համար» մեդալի: Նույն տիպի մեդալ կստանա նաև վարորդ, շարքային-պայմանագրային Մերուժան Ստեփանի Բեգլարյանը՝ նշված գործողությանը գործուն մասնակցություն ունենալու համար»,- հերոսական պատմությունների շարքը շարունակում է ՊԲ-ն։

Ենթասպա Արցախ Արթուրի Բարսեղյանը թշնամական հրետակոծության գոտուց 16 վիրավորների է դուրս բերել և բուժօգնություն ցուցաբերել։ Իսկ սերժանտ-պայմանագրային Մեխակ Բենիկի Սաֆարյանը վիրավոր վիճակում կարողացել է հակառակորդի կրակի տակից դուրս բերել 50 և ավելի վիրավորների՝ տարբեր զորամասերից և ցուցաբերել 1-ին բուժօգնություն: Ընդ որում, այդ պահին շտապօգնության մեքենան եղել է խոցված՝ առանց անվադողերի: Նրանք երկուսն էլ «Արիության համար» մեդալի են ներկայացվել։

Հիշեցնենք` սեպտեմբերի 27-ի վաղ առավոտյան Ադրբեջանը, Թուրքիայի աջակցությամբ, լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 27-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1009 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6674 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 220 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 600 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

225
թեգերը:
պարգևատրում, Արցախյան պատերազմ
թեմա:
Ադրբեջանական ագրեսիան Արցախում - 2020 (1682)
Ըստ թեմայի
Կանգնեցրել են թշնամուն, ոչնչացրել կենդանի ուժն ու մարտական տեխնիկան. մերօրյա հերոսները
«ՏՕՍ 1» խոցելը մի ուրիշ ուրախություն էր. վիրավոր զինծառայողն իրեն հերոս չի համարում
Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին
ԱԱԾ

Հերթական ազատումը ԱԱԾ–ում. պաշտոնից հեռացվել է ԱԱԾ սահմանապահ զորքերի շտաբի պետը

0
ՀՀ ԱԱԾ տնօրենի տեղակալ Արմեն Աբազյանը պաշտոնյայի ազատման լուրը հաստատեց և անդրադարձավ Արգիշտի Քյարամյանի թեմային։

ՐԵՎԱՆ, 27 հոկտեմբերի – Sputnik. ԱԱԾ սահմանապահ զորքերի շտաբի պետ Գագիկ Թևոսյանը հեռացվել է պաշտոնից։ Տեղեկությունն այսօր լրագրողներին հայտնեց ՀՀ ԱԱԾ տնօրենի տեղակալ Արմեն Աբազյանը։

Պատասխանելով հարցին, թե արդյոք ճի՞շտ են տեղեկությունները, թե ԱԱԾ սահմանապահ զորքերի շտաբի պետ Գագիկ Թևոսյանը ևս հեռացվել է զբաղեցրած պաշտոնից, Արմեն Աբազյանն ասաց. «այո»։

Նա չմեկնաբանեց Թևոսյանի ազատման որոշումը։ Փոխարենը հայտնեց, որ ԱԱԾ արդեն նախկին տնօրեն Արգիշտի Քյարամյանի՝ պաշտոնից ազատվելու վերաբերյալ մամուլում շրջանառվող վարկածները չեն համապատասխանում իրականությանը։

«ԱԱԾ տնօրենին պաշտոնից ազատելու իրավասությունը վերապահված է երկրի ղեկավարությանը։ Դրանից ավել տեղեկատվություն չեմ կարող տալ։ Միանշանակ քրեական գործ չկա հարուցված», - ասաց Աբազյանը` արձագանքելով մամուլում հրապարակված լուրերին, թե Քյարամյանն ազատվել է դավաճանության համար, ու նրա նկատմամբ քրեական գործ է հարուցված եղել։ Մեկ այլ վարկածով էլ Քյարամյանը չի կարողացել համակարգել սահմանապահ զորքերի ռազմական գործողությունները։

Հիշեցնենք` երեկ հայտնի դարձավ, որ Վաղինակ Սարգսյանն ազատվել է ԱԱԾ սահմանապահ զորքերի հրամանատարի պաշտոնից, նրա փոխարեն նշանակվել է Արման Մարալչյանը։

Այսօր էլ ԱԱԾ–ից հայտնեցին, որ պաշտոնից ազատվել է նաև ԱԱԾ Հակահետախուզության դեպարտամենտի պետ, գեներալ-մայոր Հովհաննես Կարումյանը։

Քյարամյանը պաշտոնից ազատվել էր հոկտեմբերի 8-ին։

0