Արխիվային լուսանկար

Ջալալ Հարությունյանը Twitter-ում միկրոբլոգ չունի. հրամանատարի անունով կեղծ էջ են բացել

336
(Թարմացված է 15:42 06.10.2020)
Արցախի Հանրապետության պաշտպանության բանակի հրամանատար Ջալալ Հարությունյանի անունից Twitter սոցիալական հարթակում բացված կեղծ էջով իրականությանը չհամապատասխանող տեղեկություններ են տարածվում։

ԵՐԵՎԱՆ, 6 հոկտեմբերի - Sputnik. Twitter սոցիալական հարթակում Արցախի Հանրապետության պաշտպանության բանակի հրամանատար Ջալալ Հարությունյանի անունով բացվել է կեղծ էջ։ Տեղեկությունը Telegram-ի իր ալիքում գրել է ՀՀ պաշտպանության նախարարության ներկայացուցիչ Արծրուն Հովհաննիսյանը։

Twitter սոցիալական հարթակում բացված այդ էջով կեղծ տեղեկություններ են տարածվում։

«Ջալալ Հարությունյանը Twitter–ում չունի միկրոբլոգ»,–գրել է Հովհաննիսյանը։

Նշենք, որ վերջին օրերին տարբեր սոցիալական հարթակներում ադրբեջանական օգտատերերի կողմից բազմաթիվ կեղծ էջեր են բացվում ապատեղեկատվություն տարածելու համար։ Կեղծ էջերում հայտնված տեղեկատվությունը հայերեն է և միացված է գովազդի ծառայությունը, որը թույլ է տալիս հնարավորինս շատ դիտելիություն ապահովել։

ՀՀ իշխանությունները բազմիցս հայտարարել են, որ ռազմական գործողություններին զուգահեռ Ադրբեջանը նաև քարոզչական պատերազմ է վարում Հայաստանի դեմ, օգտագործելով նաև սոցիալական կայքերի կեղծ օգտատերերի էջեր` դրանցով կեղծ տեղեկություններ ու խուճապային տրամադրություններ տարածելու համար։

ՊՆ խոսնակի անունով բացված կեղծ էջից նամակ է ուղարկվում

Օրեր առաջ ՀՀ ազգային անվտանգության ծառայությունը տեղեկացրել էր, որ Արցախի Հանրապետության բջջային ցանցի՝ ադրբեջանական հատուկ ծառայությունների կողմից անհայտ ճանապարհով ձեռք բերված 097-77-72-70 հեռախոսահամարի օգտագործմամբ կատարվում են զանգեր՝ հայ ազգաբնակչության շրջանում խուճապ առաջացնելու նպատակով։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 6-ի ժամը 09։00-ի դրությամբ` հակառակորդի կրակոցների հետևանքով զոհվել են 244 զինծառայողներ և 19 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 3454 զոհ ունի, ավելի քան 5000 վիրավոր։ 

Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 16 ուղղաթիռ, 126 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 379 տանկ և ՀՄՄ:

Առաջնագծում գտնվող տղաներն անում են անհնարինը. տեսանյութ

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

Հայացք թաքստոցից․ մահվան աչքերին նայած արցախցիները․ լուսանկարներ

336
թեգերը:
Ադրբեջան, տեղեկատվական պատերազմ, Ջալալ Հարությունյան
թեմա:
Ադրբեջանական ագրեսիան Արցախում - 2020 (1683)
Ըստ թեմայի
Սուտ լուրերով Ադրբեջանը պատերազմի աշխարհագրությունն ընդլայնելու հող է նախապատրաստում. ԱԳՆ
Սեփական նկրտումները կոծկելու համար Ադրբեջանը սուտ լուրեր է տարածում. Ստեփանյան
Հիմա էլ Ջաբրայիլի «ազատագրումն» են տոնում, դա էլ է սուտ
Հենրիխ Մխիթարյան

«Ձեր լռությունը սպանում է մեզ»․ Մխիթարյանը կրկին դիմել է միջազգային հանրությանը

12
(Թարմացված է 15:35 27.10.2020)
Հայտնի ֆուտբոլիստն աշխարհի ուշադրությունը կրկին հրավիրել է Արցախում ընթացող թեժ մարտերի վրա և հորդորել միջազգային հանրությանը չլռել։

ԵՐԵՎԱՆ, 27 հոկտեմբերի – Sputnik. Հայաստանի ազգային հավաքականի և «Ռոմայի» կիսապաշտպան Հենրիխ Մխիթարյանը շարունակում է աշխարհին պատմել Արցախի դեմ ընթացող պատերազմի մասին: Ֆուտբոլիստը Facebook–ի իր էջում նոր լուսանկար է հրապարակել և դիմել կույր ձևացող աշխարհին։

«Ձեր լռությունը սպանում է»,-լուսանկարին կից գրել է Մխիթարյանը։

Պատերազմի առաջին օրերից Հենրիխ Մխիթարյանը իր ճանաչվածությունը դարձրեց զենք հօգուտ ճշմարտության ու հայ ժողովրդի։ Նա բազմիցս իր հրապարակումներում անդրադարձել է Արցախում տիրող իրավիճակին։ Ֆուտբոլիստը նաև Instagram-ի իր էջում հրապարակել էր վիրավոր հայ փոքրիկի և հոր լուսանկարն ու միջազգային հանրությանը կոչ արել շտապ միջամտել Ադրբեջանի և Թուրքիայի կողմից սանձազերծված ագրեսիան դադարեցնելու համար։

«Ռոմայի» գլխավոր մարզիչ Պաուլո Ֆոնսեկան էլ իր հերթին հայտնել էր, որ պատրաստ է Հենրիխ Մխիթարյանին հանգիստ տալ առաջիկա խաղերին, քանի որ նա մտքերով Արցախում է:

 

12
թեգերը:
Հենրիխ Մխիթարյան, Արցախյան պատերազմ
թեմա:
Ադրբեջանական ագրեսիան Արցախում - 2020 (1683)
Ըստ թեմայի
Հենրիխ Մխիթարյանը դիմել է միջազգային հանրությանը
Հենրիխ Մխիթարյանի մտքերն Արցախում են. «Ռոման» աջակցում է հայ ֆուտբոլիստին
«Ծանր սրտով եմ գրում». Հենրիխ Մխիթարյանը բաց նամակ է հղել Պուտինին, Թրամփին ու Մակրոնին
Առաջնագծում

Ադրբեջանական կողմում այս պահին 17 հայ ռազմագերի կա. ՔԿ

94
(Թարմացված է 15:04 27.10.2020)
Ադրբեջանին գերի ընկած քաղաքացիական անձանց մասին տեղեկությունները, ՀՀ ՔԿ քրեագիտական վարչության պետ Ռաֆայել Վարդանյանի խոսքով, ճշգրտման փուլում են։

ԵՐԵՎԱՆ, 27 հոկտեմբերի - Sputnik. Ադրբեջանական կողմում այս պահին կա 17 հայ ռազմագերի։ Այս մասին այսօր լրագրողներին հայտնեց ՀՀ ՔԿ քրեագիտական վարչության պետ Ռաֆայել Վարդանյանը։

«Մենք աշխատում ենք մարդու իրավունքների եվրոպական դատարանում ՀՀ ներկայացուցչության ու ՊՆ ռազմագերիների միջգերատեսչական հանձնաժողովի հետ` հայ ռազմագերիների նկատմամբ հրատապ միջոցներ կիրառելու` բուժօգնության տրամադրման, չխոշտանգելու ուղղությամբ», –ասաց Վարդանյանը։

Վարչության պետը չցանկացավ տվյալներ հրապարակել` նշելով, որ դրանք ներկա պահին ճշտվում են։

Ինչ վերաբերում է գերի ընկած քաղաքացիական անձանց մասին լուրերին, Ռաֆայել Վարդանյանն ասաց, որ նրանց մասին ևս տեղեկությունները ճշգրտման փուլում են։

Հիշեցնենք` սեպտեմբերի 27-ի վաղ առավոտյան Ադրբեջանը, Թուրքիայի աջակցությամբ, լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 27-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1009 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6674 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 220 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 600 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

94
թեգերը:
ռազմագերի, գերի, Արցախյան պատերազմ
թեմա:
Ադրբեջանական ագրեսիան Արցախում - 2020 (1683)
Ըստ թեմայի
Ադրբեջանցի գերին պատմում է Թուրքիայից ժամանած զինվորական մասնագետների մասին. տեսանյութ
Ադրբեջանցիները հայ գերիների սոցցանցային էջերից նյութեր են տարածում. ՄԻՊ–ն ապացույցներ ունի
Բեմադրված հարցազրույցները միշտ էլ եղել են․ փորձագետը` գերիների փոխանակման մասին