ԵՐԵՎԱՆ, 6 հոկտեմբերի – Sputnik. Ֆրանսիական Օվերն-Ռոն-Ալպեր երկրամասը 55 հազար եվրո կտրամադրի Արցախում տուժած ընտանիքներին աջակցելու համար: Տեղեկությունը Twitter-ում հայտնել է երկրամասի Խորհրդի նախագահ Լորան Վոքիեն:
Այդ միջոցներով 13 տոննա դեղորայք և առաջին անհրաժեշտության իրեր կգնվեն։
«Մեր երկրամասը 55 հազար եվրո է տրամադրում Արցախում ամեն ինչ կորցրած ընտանիքներին աջակցելու համար: Ես ասել եմ և կրկնում եմ` մենք ձեզ մենակ չենք թողնի»,–գրել է Լորան Վոքիեն։
J’avais promis de ne jamais abandonner l’Arménie et Artsakh.
— Laurent Wauquiez (@laurentwauquiez) October 5, 2020
Aujourd’hui, la Région débloque 55 000€ pour acheminer 13 tonnes de médicaments et de matériel d’urgence aux familles arméniennes qui ont tout perdu à Artsakh.
Je le redis : nous ne vous laisserons pas seuls. pic.twitter.com/V71bGyYi5g
Նշենք, որ Արցախում Ադրբեջանի և Թուրքայի սանձազերծած պատերազմի հենց առաջին օրերին Ֆրանսիայի նախագահ Էմանուել Մակրոնը հայտարարեց, որ այդ հարձակումը ոչ մի արդարացում չունի, և ինքն այդ մասին ասել է Ադրբեջանի նախագահ Իլհամ Ալիևին։ Նա նաև նշել էր, որ Ֆրանսիան համապատասխան տեղեկություններ ունի, որ Թուրքիան Սիրիայից իսլամիստներ է ուղարկել Ղարաբաղ։
Նիկոլա Ազնավուրը բաց նամակ է հղել Էմանուել Մակրոնին