Վարդենիսի ճանապարհը

Ազատ գյուղում տեղահանում չկա, Սոթք–Քարվաճառը կարող են հատել միայն ռազմական միավորները

480
(Թարմացված է 14:12 28.09.2020)
Բեռնափոխադրումների և մարդատար մեքենաների շարժի համար Սոթք–Քարվաճառը ճանապարհը փակ է։ Աշխատանքներ են իրականացվում ճանապարհի վերականգնման համար։

ԵՐԵՎԱՆ, 28 սեպտեմբերի – Sputnik. Ոստիկանները հսկում են Սոթք-Քարվաճառ ճանապարհի մուտքը, որով կարողանում են անցնել բացառապես ռազմական միավորներ, ինչպես նաև գյուղատնտեսական հողափոր տեխնիկա։

Հայտնել էինք, որ Երևանն Արցախին կապող Սոթք-Քարվաճառ ճանապարհն այս պահին փակ է քաղաքացիների անվտանգության նկատառումներից ելնելով։

Sputnik Արմենիայի թղթակիցը տեղից հայտնում է, որ շրջակա գյուղերից արդեն իսկ տեխնիկա է հավաքագրվում, որպեսզի ռազմավարական կարևոր նշանակություն ունեցող ճանապարհը վերականգնվի։ Այս պահին ճանապարհը փակ է բեռնափոխադրումների և մարդատար մեքենաների շարժի համար։

Բնակիչների խոսքով՝ Մարտակերտ գյուղի որոշ տարեց բնակիչներ, կանայք և երեխաներ տեղափոխվել են այլ տարածք `անվտանգության նկատառումներից ելնելով։

Արցախ տանող Սոթք–Քարվաճառ ավտոճանապարհը փակ է

Ազատ գյուղում տեղահանում չկա. դպրոցի տնօրեն Վարդան Ներսեսյանի խոսքերով՝ պարբերաբար լսվում են պայթյունի ձայներ, նկատվում ԱԹՍ-ներ։ Այժմ կրթությունը ընթանում է հեռավար։

Անցակետերի մոտ հավաքվում են քաղաքացիական համազգեստով կամավորներ, որոնք դեպի սահման գնալու խնդրանքին մերժում ստանալուն պես փորձում են այլ կերպ լինել օգտակար, օրինակ՝ օգնելով զինվորականների արկերը տեղադրել բեռնաթափք։

Հիշեցնենք, որ երեկ ադրբեջանական լրատվամիջոցները հայտնել էին, որ վերահիշյալ ճանապարհն իրենց վերահսկողության ներքո է, սակայն հայկական կողմը պաշտոնապես հերքեց այդ լուրերը։

Սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 27 անօդաչու թռչող սարք, 33 տանկ և ՀՄՄ, 2 ինժեներական զրահատեխնիկա։

ՌԴ–ում ՀՀ դեսպանը հայտարարել է, որ Արցախի դեմ կռվում են ահաբեկիչ–վարձկաններ Սիրիայից

480
թեգերը:
Ճանապարհ, Արցախ, Վարդենիս
թեմա:
Ադրբեջանական ագրեսիան Արցախում - 2020 (2224)
Ըստ թեմայի
«Քուրդ ժողովուրդը դատապարտում է Ադրբեջանին ու Թուրքիային և զորակցում հայերին». Հասանով
Առաջնագծում թշնամին ոչ մի հաջողություն չունի. Վահրամ Պողոսյան
Թուրքիան հավաքագրում է օտարազգի ահաբեկիչ զինյալների և տեղափոխում Ադրբեջան. ՀՀ ԱԳՆ
Արխիվային լուսանկար

Սերժանտ Հովհաննիսյանը կասեցրել է հյուսիսային կողմով թշնամու ճեղքումը. մերօրյա հերոսները

22
Պաշտպանության բանակը ներկայացրել է մի շարք զինվորների սխրանքը։ Տղաները չեն խնայել անգամ իրենց կյանքը։

ԵՐԵՎԱՆ, 23 հունվարի – Sputnik. Արցախի պաշտպանության բանակը ներկայացրել է պատերազմի ժամանակ իրենց քայլերով աչքի ընկած զինծառայողների մասին ուշագրավ պատմություններ։ 

Սերժանտ Էրիկ Հովհաննիսյանն իր գործողություններով նպաստել է հյուսիսային ուղղությամբ հակառակորդի ճեղքման կասեցմանը: Իսկ ավագ լեյտենանտ Սամվել Ղարաբեկյանը, ցուցաբերելով անձնական խիզախություն, խոցել է 3 տանկ:

«Փոխգնդապետ Դավիթ Ղազարյանն աչքի է ընկել կապի արդյունավետ կազմակերպման և մարտակարգերում ստորաբաժանումների ծածուկ տեղավորման գործողություններով: Իրականացրել է կրակի վարում՝ հակառակորդին պատճառելով կենդանի ուժի զգալի կորուստներ, ինչպես նաև աչքի ընկել տրված ստորաբաժանումների ղեկավարման և վիրավոր զինծառայողներին մարտակարգերից տարհանման գործում»,–նշված է հաղորդագրության մեջ։

Ճանաչենք մեր հերոսներին. Արցախի ՊԲ–ն հայտնել է նրանցից ևս 8–ի սխրանքի մասին

Կապիտան Սարիբեկ Ավագյանը հակառակորդի ինտենսիվ կրակի տակ տարհանել է բազմաթիվ ռազմական տեխնիկա, իսկ ավագ լեյտենանտ Էրիկ Անդրեասյանը հմտորեն իրականացրել է թիկունքային ապահովման գործընթացները:

Շարքայիններ Անդրանիկ Դանիելյանն ու Արման Մելքոնյանը հյուսիսային ուղղությամբ ոչնչացրել են հակառակորդի մեծաքանակ կենդանի ուժ:
Իսկ ահա մայոր Դավիթ Գրիգորյանը հմտորեն ղեկավարել է դիվիզիոնը, հետախուզել ու հայտնաբերել է հակառակորդին, կրակ վարել, ինչի արդյունքում հակառակորդին հասցվել են կենդանի ուժի մեծաթիվ կորուստներ, նաև խոցվել են հրետանային, ռեակտիվ և ականանետային մարտկոցներ:

Բուժծառայության մայոր Մհեր Սարգսյանը, կապիտան Էլեոնորա Շահինյանը, ենթասպա Հասմիկ Հովսեփյանը և ծառայող Հայկանուշ Գնունյանն էլ աչքի են ընկել վիրավորներին բուժօգնության ցուցաբերման և վերջիններիս առավել ապահով վայր տարհանելւ գործողություններով:

Նոր հերոսներ. սերժանտ Եղիազարյանը հակագրոհի ժամանակ մեր դրոշը տեղադրել է դիտակետի վրա

22
թեգերը:
Արցախյան պատերազմ, հերոս, թշնամի, Պատերազմ
Արցախ. արխիվային լուսանկար

Պայթյունի ձայնն ուժեղ է լինելու. Մարտունիում և Ասակերանում ռազմամթերք կվնասազերծեն

7
(Թարմացված է 13:52 23.01.2021)
Արցախի արտակարգ իրավիճակների պետական ծառայությունը հորդորում է խուճապի չմատնվել։

ԵՐԵՎԱՆ, 23 հունվարի – Sputnik. Արցախի արտակարգ իրավիճակների պետական ծառայությունը տեղեկացնում է, որ այսօր չպայթած և վտանգ ներկայացնող ռազմամթերքի վնասազերծում է նախատեսվում Մարտունու շրջանի Սպիտակաշեն և Ասկերանի շրջանի Այգեստան և Խնածախ համայնքերի մերձակայքում:

«Պայթյունի ձայնն ուժեղ է լինելու և այն լսելու դեպքում խնդրում ենք խուճապի չմատնվել»,–նշված է հաղորդագրության մեջ։

Արտակարգ իրավիճակների պետական ծառայությունը հայտնում է նաև, որ պարզաբանումների և լրացուցիչ տեղեկատվություն ստանալու համար կարելի է զանգահարել Մարտունու և Ասկերանի արտակարգ իրավիճակների պետական ծառայության շրջանային բաժինների 911 ահազանգման կենտրոն:
Կուբաթլուում ականի պայթյունից ադրբեջանցի հրամանատար է մահացել

7
թեգերը:
Ասկերան, Մարտունի, զինամթերք, պայթյուն
Ըստ թեմայի
Ադրբեջանը հոսպիտալի խոցումը ներկայացրել է իբրև ռազմամթերքի պահեստի ոչնչացում
Խուճապի չմատնվել. Արցախում պայթյունների ձայներ կլսվեն
Չպայթած ռազմամթերքի վնասազերծում կիրականացվի Ասկերանում և Մարտունիում
Ռեջեփ Թայիփ Էրդողան

«Թուրքական բանակը կարող է մի օր գիշերը գնալ այնտեղ». Էրդողանը սպառնացել է Սինջար մտնել

23
(Թարմացված է 14:37 23.01.2021)
Էրդողանն օգտագործել է նույն արտահայտությունը, որն արել էր 2019 թվականի հոկտեմբերին Սիրիայի հյուսիսում քրդական ձևավորումների դեմ Թուրքիայի ԶՈւ-ի «Խաղաղության աղբյուր» գործողությունից առաջ։

ԵՐԵՎԱՆ, 23 հունվարի – Sputnik. Թուրքիայի նախագահ Ռեջեփ Թայիփ Էրդողանը հայտարարել է, որ Անկարան պատրաստ է իրաքյան բանակի հետ Քուրդիստանի աշխատանքային կուսակցության (ՔԱԿ) անդամների դեմ համատեղ գործողություն անցկացնել Իրաքի հյուսիսում գտնվող Սինջար շրջանում։

Ավելի վաղ Թուրքիայի արտգործնախարար Խուլուսի Աքարն Իրաք կատարած այցի ժամանակ կողմ էր արտահայտվել Բաղդադի ու Էրբիլի համատեղ պայքարին Թուրքիայում արգելված ՔԱԿ-ի դեմ։

«Մենք պատրաստ ենք համատեղ (Իրաքի հետ) գործողություն իրականացնել Սինջարում։ Ինչ վերաբերում է ժամկետներին, ապա նման բաների մասին նախապես չեն խոսում», - ասել է Էրդողանը լրագրողների հետ զրույցում։

Նա ավելացրել է, որ թուրքական բանակը «կարող է մի օր գիշերը գնալ այնտեղ»։ Նա օգտագործել է նույն արտահայտությունը, որն արել էր 2019 թվականի հոկտեմբերին Սիրիայի հյուսիսում քրդական ձևավորումների դեմ Թուրքիայի ԶՈւ-ի «Խաղաղության աղբյուր» գործողությունից առաջ։

«Փոխել Թուրքիայի պահվածքը»․ ինչի՞ համար է Արևմուտքը պատժում Էրդողանին

Թուրքական կողմի տվյալներով՝ 2015 թվականի հուլիսին Թուրքիայի ու ՔԱԿ-ի զինված հակամարտության վերսկսելուց հետո քուրդ ապստամբների հարձակումների հետևանքով մոտ հազար զինվորական ու ոստիկան է մահացել, նաև մոտ 500 քաղաքացիական անձ։ Իրաքի հյուսիսում գտնվում են ՔԱԿ-ի բազաները, որոնց դեմ Թուրքիայի ԶՈւ-ն օդային ու ցամաքային գործողություններ է անցկացնում՝ հինգ տարվա ընթացքում չեզոքացնելով ավելի քան 10 հազար ՔԱԿ անդամ։

Մեծ խաղը շարունակվում է, կամ ի՞նչ է նշանակում Էրդողանի մասնակցությունը Բաքվի շքերթին

23
թեգերը:
Իրաք, Թուրքիա, Ռեջեփ Թայիփ Էրդողան
Ըստ թեմայի
Եվրախորհրդարանը բանաձևով քննադատել է Թուրքիայի ապակայունացնող դերը ԼՂ–ում
Թուրքիան թուլացրել է իր դերակատարումը, բայց չպետք է մոռանալ Էրդողանի քայլերը. Պետրոսյան
Ադրբեջանն ու Թուրքիան կրկին համատեղ զորավարժություններ կանցկացնեն. տեսանյութ