Здание СНБ

ԱԱԾ-ն հորդորում է սոցիալական կայքերում կասկածելի տեղեկատվություն հանդիպելիս դիմել ԱԱԾ

80
(Թարմացված է 11:31 27.09.2020)
Տարածված հայտարարության մոջ կոչ է արվում ձեռնպահ մնալ պաշտոնական տեղեկատվությունից զատ բոլոր տեսակի այլ աղբյուրների տեղեկությունների, ոչ պաշտոնական տեսանյութերի և լուսանկարների հրապարակումից, օգտվել բացառապես պաշտոնական լրահոսից:

ԵՐԵՎԱՆ, 27 սեպտեմբերի - Sputnik. ՀՀ ազգային անվտանգության ծառայությունը պաշտոնապես հայտարարում է, որ Ադրբեջանի կողմից Արցախի Հանրապետության նկատմամբ սանձազերծած մարտական գործողությունների արդյունքում ստեղծված իրավիճակում անհրաժեշտ է ձեռնպահ մնալ պաշտոնական տեղեկատվությունից զատ բոլոր տեսակի այլ աղբյուրների տեղեկությունների, ոչ պաշտոնական տեսանյութերի և լուսանկարների հրապարակումից, օգտվել բացառապես պաշտոնական լրահոսից:


«Հորդորում ենք զանգվածային լրատվության բոլոր միջոցներին չհրապարակել պատկան մարմինների հետ չճշտված տեղեկություններ և ոչ պաշտոնական մեկնաբանություններ:

Անհրաժեշտ է խստորեն պահպանել տեղեկատվական անվտանգության բոլոր կանոնները, լինել զգոն Ադրբեջանի կողմից տարածվող ապատեղեկատվությունների նկատմամբ, համացանցում կասկածելի բնույթի տեղեկություններ հանդիպելու դեպքում չտարածել դրանք և անհապաղ դիմել ՀՀ ԱԱԾ թեժ գծի՝ 191 հեռախոսահամարով կամ անձնական նամակով գրել www.facebook.com սոցիալական ցանցի «ՀՀ Ազգային անվտանգության ծառայություն» պաշտոնական էջին»,- ասված է ԱԱԾ հաղորդագրության մեջ:

Գարեգին Բ–ն ընդհատում է իր այցն ու Իտալիայից վերադառնում հայրենիք. նա կոչով դիմել է ազգին

Հիշեցնենք՝ այսօր վաղ առավոտյան Ադրբեջանը լայնածավալ ռազմական հարձակում է սկսել ԼՂՀ սահմանի ողջ երկայնքով:
Օդային եւ հրետանային հարվածներեն հասցվել Լեռնային Ղարաբաղի մայրաքաղաք Ստեփանակերտին: Արցախի մարդու իրավունքների պաշտպանի տեղեկություններով խաղաղ բնակչության մեջ կան զոհեր ու վիրավորներ:

80
թեգերը:
Ղարաբաղյան հակամարտություն, Արցախ, ՀՀ ազգային անվտանգության ծառայություն. ԱԱԾ

Մարդու իրավունքների պաշտպանը ԵՄ դեսպանին է ներկայացրել Ադրբեջանի վայրագությունները

0
Պաշտպանը դեսպանին տեղեկացրել է, որ Հայաստանի բնակչության շրջանում կա 2 սպանված և 2 վիրավոր, ինչպես նաև առկա են վնասված տներ։ Ըստ Արցախի մարդու իրավունքների պաշտպանի տվյալների՝ Արցախում կա առնվազն 40 սպանված և ավելի քան 120 վիրավոր քաղաքացի:

ԵՐԵՎԱՆ, 30 հոկտեմբերի - Sputnik. ՀՀ ՄԻՊ Արման Թաթոյանն ընդունել է Հայաստանում ԵՄ պատվիրակության ղեկավար, Հայաստանի Հանրապետությունում Եվրոպական միության պատվիրակության ղեկավար, դեսպան Անդրեա Վիկտորինին։ 

ՄԻՊ գրասենյակից հայտնում են, որ աշխատանքային հանդիպման ընթացքում  Թաթոյանը ներկայացրել է փաստեր խաղաղ բնակիչների նկատմամբ Ադրբեջանի զինված ուժերի վայրագությունների ու հանցագործությունների, այդ թվում՝ արգելված զինատեսակների կիրառության, քաղաքացիական ենթակառուցվածքների ավերածությունների վերաբերյալ։

Պաշտպանը դեսպանին տեղեկացրել է, որ Հայաստանի բնակչության շրջանում կա 2 սպանված և 2 վիրավոր, ինչպես նաև առկա են վնասված տներ։ Ըստ Արցախի մարդու իրավունքների պաշտպանի տվյալների՝ Արցախում կա առնվազն 40 սպանված և ավելի քան 120 վիրավոր քաղաքացի:

Նշվում է նաև, որ կողմերն ընդգծել են երկու կառույցների համագործակցության կարևորությունը և պայմանավորվել են խորացնել համագործացկությունը մարդու իրավունքների պաշտպանության հարցերում։

0
թեմա:
Ադրբեջանական ագրեսիան Արցախում - 2020
Շուշիի Սուրբ Ամենափրկիչ Ղազանչեցոց վանքը թշնամու հարձակումից հետո

Հոգևորականների շրջանում նաև վիրավոր ու անհետ կորած կա. Տեր Վահրամ քահանա

48
(Թարմացված է 15:57 30.10.2020)
Պատմությունը ցույց է տվել, որ դժվարին պահերին հայ հոգևորականները աղոթքն ու պայքարը մեկ են անում և կանգնում են զինվորի կողքին։ Նրանք աջ ձեռքում խաչը պահած, ձախում՝ զենքը, մարտնչել ու մարտնչում են թշնամու դեմ։

ԵՐԵՎԱՆ, 30 հոկտեմբերի – Sputnik. «Աջս՝ իմ ժողովրդին, ձախս՝ շուն թուրքերին»...այս խոսքերով սեպտեմբերի 27-ից առ այսօր Արցախի համար մղվող պատերազմում մարտի են դուրս եկել նաև հայ հոգևորականներից շատերը։

Ցավոք, նրանցից երկուսն այլևս մեզ հետ չեն, անմահացան սուրբ հայրենի հողը պաշտպանելիս։

«Գնում եմ մեր սահմանները անառիկ պահող տղաների մոտ». Տավուշի թեմի առաջնորդը մեկնում է Արցախ

Հանուն հայրենիքի և Արցախի ժողովրդի ազատության իրենց կյանքը տվեցին ՀՀ ԶՈւ հոգևոր առաջնորդության սպասավոր Նարեկ սարկավագ Պետրոսյանը և Ռուստամ սարկավագ Պողոսյանը։ Վերջինս ժամկետային զինծառայող էր։

«Անկախության պաշտպանության զոհասեղանին անգին ընծա դարձավ նաև Ռուստամ սարկավագ Պողոսյանը»,–Facebook-ի իր էջում երիտասարդի նկարին կից գրել է Մայր Աթոռի տեղեկատվական կենտրոնի ղեկավար Տեր Վահրամ քահանա Մելիքյանը։

ԱԹՍ-ի արկն ընկել է գնդերեց Դավիթ սարկավագի ավտոմեքենայի վրա․ լուսանկար

Նարեկ սարկավագ Պետրոսյան էլ 2 օր առաջ է զոհվել Արցախում։

«Հանուն հայրենիքի և Արցախի ժողովրդի ազատության իր կյանքն ընծայեց ՀՀ ԶՈւ հոգևոր առաջնորդության սպասավոր Նարեկ սարկավագ Պետրոսյանը»,–գրել է Մելիքյանը։

Sputnik Արմենիայի հետ զրույցում Տեր Վահրամ քահանա Մելիքյանը հայտնեց, որ առաջնագծի հոգևորականներից  31-ամյա Հայր Գեղարդ աբեղա Հովհաննիսյանը վիրավորում է ստացել և այժմ ապաքինվում է։

«Եվս մեկ հոգևորականի գտնվելու վայրը հայտնի չէ, փնտրում ենք»,-ասաց նա։

48
թեգերը:
Վիրավոր, Զոհ, Ղարաբաղյան հակամարտություն, Լեռնային Ղարաբաղ, Արցախյան պատերազմ, Արցախ, հոգևորական
թեմա:
Ադրբեջանական ագրեսիան Արցախում - 2020
Ըստ թեմայի
Արցախի պաշտպանության բանակը հերթական դիվերսիոն խմբին է ոչնչացրել. տեսանյութ
Արցախի բնակավայրերում հարաբերական հանգիստ է
Խնդրում ենք չանհանգստանալ. Շենգավիթում փորձարկվում է ձայնային տագնապի համակարգը