ԵՐԵՎԱՆ, 27 սեպտեմբերի– Sputnik. Կենաց մահու պատերազմ է, կենաց մահու պատերազմ ենք տալու բոլորս: Facebook–ի իր էջում Արցախի Հանրապետության նախագահ Արայիկ Հարությունյանի խոսքերը փոխանցել է նրա մամուլի խոսնակ Վահրամ Պողոսյանը։
«Ազգովի պատերազմ ենք մղելու և ազգովի հաղթանակ ենք տանելու», – ասել է Հարությունյանը։ Վահրամ Պողոսյանը տեղեկացրել է, որ քիչ անց հանրապետության նախագահը ուղերձով կդիմի ժողովրդին։
Հիշեցնենք՝ այսօր վաղ առավոտյան արցախա–ադրբեջանական շփման գծի ողջ երկայնքով ադրբեջանական կողմը ակտիվ հերտակոծություն է սկսել՝ թիրախավորելով նաև խաղաղ բնակավայրերը, այդ թվում՝ մայրաքաղաք Ստեփանակերտը:
