Հայ զինծառայող

200-ով ավելի կրակոց հայ դիրքապահների ուղղությամբ․ Արցախի ՊՆ ամփոփել է շաբաթը

64
(Թարմացված է 13:55 12.09.2020)
ՊԲ առաջապահ ստորաբաժանումները շարունակում են վստահորեն իրականացնել մարտական հերթապահություն:

ԵՐԵՎԱՆ, 12 սեպտեմբերի - Sputnik. Սեպտեմբերի 6-ից 12-ն ընկած ժամանակահատվածում արցախա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է շուրջ 310 անգամ։ Տեղեկությունը հայտնում է Արցախի պաշտպանության նախարարությունը։

«Ադրբեջանական կողմը տարբեր տրամաչափի հրաձգային զինատեսակներից հայ դիրքապահների ուղղությամբ արձակվել է ավելի քան 3200 կրակոց»,- նշված է հաղորդագրության մեջ:

Արցախի պաշտպանության նախարարությունը հիշեցնում է, որ ՊԲ առաջապահ ստորաբաժանումները տիրապետում են օպերատիվ-մարտավարական իրադրությանը և շարունակում վստահորեն իրականացնել մարտական հերթապահություն:

Հիշեցնենք, որ նախորդ շաբաթ հակառակորդը հրադադարի պահպանման ռեժիմը խախտել էր շուրջ 300 անգամ` հայկական դիրքերի ուղղությամբ արձակելով ավելի քան 3000 կրակոց։

Արցախում արտակարգ իրավիճակը ևս մեկ ամսով երկարաձգվել է

64
թեգերը:
Սահման, կրակոց, Ղարաբաղյան հակամարտություն, Լեռնային Ղարաբաղ, Արցախ
թեմա:
Սահմանին տիրող իրավիճակը (140)
Ըստ թեմայի
Վերացվում են Արցախ մուտքի և ելքի սահմանափակումները
Ադրբեջանի հատուկ ծառայությունները հրապարակել են արցախցի օգտատերերի անձնական տվյալներ
3 ռեանիմոբիլ և ոչ միայն. Հայաստանն Արցախին շտապօգնության ավտոմեքենաներ նվիրեց
Մարիա Զախարովա

«Ստուգված տվյալներ չկան». Զախարովան` Արցախում լիբանանահայերին տեղավորելու մասին

103
(Թարմացված է 18:14 17.09.2020)
ՌԴ ԱԳՆ ներկայացուցչի խոսքով` կան հարցեր, որոնք հատուկ ուշադրություն են պահանջում, և ռուսական կողմը դրական արձագանքի հույս ունի։

ԵՐԵՎԱՆ, 17 սեպտեմբերի – Sputnik. ՌԴ ԱԳՆ պաշտոնական ներկայացուցիչ Մարիա Զախարովան ամենշաբաթյա ճեպազրույցի ընթացքում անդրադարձել է լիբանանահայերին Արցախում բնակեցնելու խնդրին։

«Մենք լսել ենք, որ ԼՂՀ իշխանությունները դե ֆակտո մտադիր են իրենց հսկողության տակ գտնվող տարածքներում բնակեցնել Լիբանանը լքած հայերին։ Կարդացել ենք այն հաղորդագրությունները, համաձայն որոնց լիբանանյան երկու ընտանիք ցանկություն են հայտնել հաստատվել Արցախում։ Բայց ԼՂՀ և նրա շուրջ գտնվող տարածքում լիբանանյան փախստականների հոսքի մասին ստուգված տվյալներ չունենք», –նշել է Զախարովան։

Օգոստոսի վերջին հայտնի էր դարձել, որ Լիբանանից երկու ընտանիք տեղափոխվել է Արցախ մշտական բնակության։ Հայտնում էին տարբեր քաղաքներում և գյուղերում 100-150 հայրենադարձների ընտանիքներ ընդունելու պատրաստակամության մասին։

Նրա խոսքով` Մոսկվան գտնում է, որ այժմ անհրաժեշտ է կենտրոնանալ ԼՂՀ հարցի լուծմանն ուղղված բանակցային գործընթացի վերականգնման, ինչպես նաև փախստականների և տարածաշրջան տեղափոխված անձանց խնդիրների վրա։

«Հայաստան» հիմնադրամը $412 000 կփոխանցի Լիբանանի հայկական կրթօջախներին և լրատվամիջոցներին

ՌԴ ԱԳՆ ներկայացուցիչը հիշեցրել է, որ ԵԱՀԿ ՄԽ համանախագահները սեպտեմբերի 14-ին հեռախոսով խորհրդատվություն են անցկացրել ՀՀ և Ադրբեջանի արտգործնախարարների հետ, փոխանցել նրանց քայլերը շարունակելու մասին միջնորդների առաջարկը, ներառյալ` սկզբնական շրջանում նախարարներից յուրաքանչյուր հետ առանձին հանդիպումների անցկացում։

Զախարովայի խոսքով` ռուսական կողմը դրական արձագանքի հույս ունի։

103
թեգերը:
Լիբանան, Մարիա Զախարովա, Ռուսաստան, Հայաստան, Լեռնային Ղարաբաղ, Արցախ
Ըստ թեմայի
Լիբանանահայերի հոսքը շարունակվում է. ինչպե՞ս է Հայաստանն օգնելու նրանց
Երևան տեղափոխվող լիբանանահայերի համար արտոնություն կսահմանվի
Լիբանանում մահացել է ԱՍԱԼԱ–ի մարտիկներից Աբրահամ Թովմասյանը
Փաշինյանի հանդիպումը ԵԱՀԿ մԽ նախագահների հետ. արխիվային լուսանկար

Նախապայման դնում է Ադրբեջանը. Փաշինյանն արձագանքել է համանախագահների առաջարկին

110
(Թարմացված է 17:10 16.09.2020)
Սեպտեմբերի 14-ին ԵԱՀԿ ՄԽ համանախագահները հեռախոսազրույց էին ունեցել Հայաստանի և Ադրբեջանի ԱԳ նախարարների հետ` առաջարկելով վերսկսել առանց նախապայմանների բանակցությունները։

ԵՐԵՎԱՆ, 16 սեպտեմբերի — Sputnik. ԵԱՀԿ ՄԽ համանախագահների հայտարարությունը` արցախյան բանակցություններն առանց նախապայմանների շարունակելու վերաբերյալ, ՀՀ վարչապետ Նիկոլ Փաշինյանը համարում է «կառուցողական»։

Այս մասին այսօր Փաշինյանը հայտնեց ԱԺ –ում պատգամավորների հետ հարցուպատասխանի ժամանակ։ Ինչ վերաբերում է համանախագահների առաջարկին` ՀՀ և Ադրբեջանի ԱԳ նախարարների հետ հաջորդ շաբաթ հանդիպելու մասին, վարչապետը շեշտեց, որ լուրերը ՀՀ և Ադրբեջանի ԱԳ նախարարների միջև պլանավորված հանդիպման մասին իրականությանը չեն համապատասխանում։

«Հանդիպում այս պահին նախատեսված չէ, կան քննարկումներ, և ես կարող եմ ասել, որ ԵԱՀԿ ՄԽ համանախագահների առաջարկությունը համարում եմ կառուցողական, և հայտարարությունը մեր բանակցային գործընթացը շարունակելու համապատասխանում է մեր պատկերացումներին»,– ասաց Փաշինյանը։

Վարչապետը շեշտեց, որ հայկական կողմը նախապայմաններ չի դնում, նախապայման դնում է Ադրբեջանը` հայտարարելով, որ Ղարաբաղը պետք է լինի բացառապես Ադրբեջանի մաս։

Ադրբեջանական կողմի սահմանային դիրքերի ամրապնդմանը հաջորդելու են նոր սադրանքներ. Մինասյան

Հիշեցնենք`սեպտեմբերի 14-ին ԵԱՀԿ ՄԽ համանախագահները հեռախոսազրույց էին ունեցել Հայաստանի և Ադրբեջանի ԱԳ նախարարների հետ և առաջիկա շաբաթվա ընթացքում նրանց հետ հանդիպելու պայմանավորվածություն ձեռք բերել:

Ըստ հաղորդագրության առաջարկվող հանդիպման նպատակն է լինելու ճշգրտել նախարարների  դիրքորոշումները՝ լուրջ առարկայական և առանց նախապայմանների բանակցությունների վերսկսման հարցում։

110
թեգերը:
Ղարաբաղյան հակամարտություն, Լեռնային Ղարաբաղ, Նախարար, ԵԱՀԿ Մինսկի Խումբ, Նիկոլ Փաշինյան
թեմա:
Ղարաբաղյան հակամարտություն
Ըստ թեմայի
Բաքվի մեծ բլեֆը. որ կողմի մոտեցումներն են ավելի ընկալելի ԵԱՀԿ ՄԽ համանախագահների համար
200-ով ավելի կրակոց հայ դիրքապահների ուղղությամբ․ Արցախի ՊՆ ամփոփել է շաբաթը
Արցախը պատրաստ է անհամաչափ հակահարված տալ նախահարձակ Ադրբեջանին. Արայիկ Հարությունյան
Աննա Հակոբյանը նվերներ է ուղարկել Պրոֆ. Ռ. Յոլյանի անվան արյունաբանական կենտրոնում բուժում ստացող, քաղցկեղ և արյան հիվանդություններ ունեցող երեխաներին

Ինչու՞ վարչապետի տիկինն անձամբ չի հանձնել նվերները արյունաբանականում բուժվող փոքրիկներին

0
(Թարմացված է 20:50 18.09.2020)
Աննա Հակոբյանը նշել է, որ քաղցկեղ և արյան հիվանդություններ ունեցող երեխաները, երիտասարդները շարունակելու են մնալ իր աջակցության ներքո։

ԵՐԵՎԱՆ, 18 սեպտեմբերի - Sputnik. ՀՀ վարչապետ Նիկոլ Փաշինյանի տիկին Աննա Հակոբյանը նվերներ է ուղարկել Պրոֆ. Ռ. Յոլյանի անվան արյունաբանական կենտրոնում բուժում ստացող, քաղցկեղ և արյան հիվանդություններ ունեցող երեխաներին և երիտասարդներին: Լուրը նա հայտնել է Facebook-ի իր պաշտոնական էջում ու լուսանկարներ հրապարակել։

«Նոր տիպի կորոնավիրուսի համավարակով պայմանավորված այս անգամ չկարողացա անձամբ այցելել արյունաբանական կենտրոն և նվերները հանձնել երեխաներին:

Анна Акопян подписывает подарки для детей с заболеваниями крови (18 сентября 2020). Еревaн
Աննա Հակոբյանը նվերներ է ուղարկել Պրոֆ. Ռ. Յոլյանի անվան արյունաբանական կենտրոնում բուժում ստացող, քաղցկեղ և արյան հիվանդություններ ունեցող երեխաներին

Փոքրիկներին ուղարկած անհատական բացիկներում գրել եմ՝ «Միշտ կլինեմ քո կողքին»,- գրել է Աննա Հակոբյանը։

Նա նաև շեշտել է, որ քաղցկեղ և արյան հիվանդություններ ունեցող երեխաները, երիտասարդները շարունակելու են գտնվել իր աջակցության և հոգածության ներքո:

Հիշեցնենք, որ երեկ Աննա Հակոբյանը տեղեկացրեց, որ դադարեցնում է «Ժպիտների քաղաք» բարեգործական հիմնադրամի հոգաբարձուների խորհրդի նախագահի լիազորությունները։ Իր որոշման պատճառների մասին վարչապետի կինը չի նշել։ Նա վստահություն է հայտնել, որ իր գնալուց հետո էլ հիմնադրամի շահառու` քաղցկեղով հիվանդ երեխաները հուսալի և ապահով ձեռքերում կմնան։

Այն բանից հետո, երբ առողջապահության նախարարությունը հայտարարեց արյունաբանության կենտրոնի տնօրեն Սամվել Դանիելյանի հետ աշխատանքային պայմանագիրը լուծարելու որոշման մասին, երկու օրվա ընթացքում աշխատանքից հեռանալու դիմումներ գրեցին կենտրոնի 50-ից ավելի բժիշկներ, նաև ՀՀ մանկական քաղցկեղի և արյան հիվանդությունների կենտրոնի տնօրեն Գևորգ Թամամյանը։ Նրանք բաց նամակով դիմեցին Նիկոլ Փաշինյանին՝ խնդրելով վերանայել Դանիելյանի հետ պայմանագրի լուծարումը։

Սեպտեմբերի 17-ի երեկոյան, ՀՀ վարչապետ Նիկոլ Փաշինյանը հայտարարեց, որ Սամվել Դանիելյանը կշարունակի պաշտոնավարել և որ ինքն առողջապահության նախարարին հանձնարարել է երկարացնել նրա հետ աշխատանքային պայմանագիրը։

0
թեգերը:
Facebook, նվեր, Յոլյանի անվան արյունաբանական կենտրոն, երեխա, Աննա Հակոբյան