Արայիկ Հարությունյան

Բանակցություններ չեն լինելու. ԱՀ նախագահը`արցախյան հարցի լուծման նոր սկզբունքների մասին

170
(Թարմացված է 18:30 02.09.2020)
Արցախի նախագահ Արայիկ Հարությունյանը լրագրողների հետ հանդիպմանը հայտնել է, որ եթե նախկինում շատ ավելի խոսվում էր Արցախի ինքնորոշման իրավունքի ճանաչման, հետո նոր՝ անվտանգության մասին, ապա հիմա գլխավորն անվտանգությունն է:

ԵՐԵՎԱՆ, 2 սեպտեմբերի - Sputnik. ԼՂ կարգավորման գործընթացում բանակցություններ չեն լինելու, քանի որ հակառակորդը նպատակադրված չէ: ԱՀ նախագահ Արայիկ Հարությունյանը նման կարծիք հայտնեց այսօր լրագրողների հետ հանդիպմանը՝ իր պաշտոնավարման 100 օրն ամփոփելիս:

«Բանակցություններ չեն լինելու, ես չեմ տեսնում: Այնպիսի հակառակորդ ունենք, որը ՀՀ սահմանի վրա հարձակում է իրականացրել: Դրանք եղել են մարտական գործողություններ: Նպատակադրված չէ հակառակորդը: Ի՞նչ քննարկենք, երբ հակառակորդն ասում է՝ խփելու է ատոմակայանին, երբ ասում է՝ Ստեփանակերտը, Երևանը պետք է լինեն ադրբեջանական քաղաքներ: Քննարկելու նպատակ, ցանկություն չունեմ այդ տրամադրությունն ունեցող հակառակորդ երկրի ղեկավարության հետ»,-ասաց նա:

Հարությունյանն անդրադարձավ նաև Մադրիդյան սկզբունքներին, որոնց բովանդակությանը, ի դեպ, լրատվամիջոցներից ու պաշտոնյաների հայտարարություններից է տեղեկացել, որպես ԱՀ վարչապետ իրեն պաշտոնապես ոչինչ չեն ներկայացրել:

«Մենք գիտենք ինչ թեմա է քննարկվել Մադրիդյան սկզբունքների հետ կապված: Այդ փաստաթուղթը հրապարակվել է տարբեր անձանց կողմից: Մադրիդյան սկզբունքներում կար երկու առաջարկություն՝ 5 շրջան՝ անորոշ կարգավիճակով, հետագայում պրեբեսցիտի տարբերակով, հանրաքվեի ավելի թույլ տարբերակով, մյուսը՝ կարծես թե 7 շրջան ու ինչ-որ միջանցք՝ Ղարաբաղի անկախության ճանաչման դիմաց, բայց ոչ Ադրբեջանի կողմից»,- ընդգծեց Հարությունյանը:

Այդուհանդերձ, խոսելով արցախյան խնդրի հնարավոր լուծման մասին, Հարությունյանը նշեց, որ այդ գործընթացում կարևորը ոչ թե ԼՂՀ անկախության ճանաչումն է, այլ անվտանգությունը:

Ապագա պատերազմներ. Արծրուն Հովհաննիսյանը ներկայացնում է, թե ինչպիսին կարող են դրանք լինել

«Այդ առումով մենք այսօր չենք քննարկում որևէ տարբերակ, որը կարող է թուլացնել Արցախի անվտանգության աստիճանը: Մենք ունենք մեր հստակ դիրքորոշումը՝ ՀՀ իշխանությունների հետ: Ես նշել եմ, որ դրանք նույնական են, որևէ խնդիր չկա: Նախկինում շատ ավելի խոսում էինք ինքնորոշման իրավունքի ճանաչման, հետո անվտանգության մասին, հիմա, ոչ, գլխավորը անվտանգությունն է: Մենք ունենք այնպիսի թշնամի, որ անվտանգության մի փոքր թուլացում լինի, դա նշանակելու է Արցախի վերջը»,- ընդգծեց նա՝ վկայակոչելով հուլիսին տեղի ունեցած տավուշյան դեպքերը և շեշտեց, որ դրանք տեղի են ունեցել ՀՀ միջազգայնորեն ճանաչված տարածքում:

 

Ուժով հարցի լուծման ճանապա՞րհն ես ընտրել, պարոն Ալիև, մենք պատրաստ ենք. Արցախի նախագահ

Հիշեցնենք, որ ապրիլի 14-ին Արցախի Հանրապետության նախագահական ընտրությունների երկրորդ փուլի արդյունքներով նախագահ էր ընտրվել «Ազատ հայրենիք» կուսակցության նախագահ Արայիկ Հարությունյանը, որը նախկինում զբաղեցրել էր ԱՀ վարչապետի պաշտոնը։ Նախագահական ընտրությունների երկրորդ փուլում նրա հետ մրցակցության մեջ մնացել էր ԱՀ արտգործնախարար Մասիս Մայիլյանը։ Մայիսի 21-ին Հարությունյանը երդվեց ու ստանձնեց Արցախի նախագահի պաշտոնը։

 

170
թեգերը:
Հայաստանի Ատոմային էլեկտրակայան (ԱԷԿ), ատոմակայան, հայ-ադրբեջանական, Ադրբեջան, բանակցային գործընթաց, Արցախի նախագահ Արայիկ Հարությունյան, Ղարաբաղյան հակամարտություն, Արցախ, Հայաստան
թեմա:
Ղարաբաղյան հակամարտություն (369)
Ըստ թեմայի
Արցախի նախագահն ընդունել է Արարատ Միրզոյանին
Արցախի ՔԿ–ն Թալիշում հրկիզած առանձնատների և ալրաղացի գործը վարույթ է ընդունել
Նիկոլ Փաշինյանն ու Արայիկ Հարությունյանը հանդիպել են Արցախում. տեսանյութ
Դավիթ Տոնոյանն Արցախում է. նրան ընդունել է Արայիկ Հարությունյանը
Արայիկ Հարությունյանը և Դավիթ Տոնոյանը

Պետք է ընդլայնվեն մեր ռազմական կարողությունները. ԱՀ նախագահը հանդիպել է Դավիթ Տոնոյանին

37
(Թարմացված է 13:07 22.09.2020)
Հարությունյանը նշել է, որ հայոց բանակը տարածաշրջանում կայունության և խաղաղության պահպանման գործում գլխավոր դերակատարում ունի:

ԵՐԵՎԱՆ, 22 սեպտեմբերի - Sputnik. Այսօր Արցախի Հանրապետության նախագահ Արայիկ Հարությունյանը Երևանում ՊՆ վարչական համալիրում հանդիպել է ՀՀ պաշտպանության նախարար Դավիթ Տոնոյանին: Տեղեկությունը Facebook-ի իր էջում հայտնել է ԱՀ նախագահը:

«Իմ խոսքում ընդգծել եմ, որ հայոց բանակը տարածաշրջանում կայունության և խաղաղության պահպանման գործում գլխավոր դերակատարում ունի, և այդ համատեքստում շարունակական ու համատեղ ջանքերի շնորհիվ պետք է անընդհատ ընդլայնվեն մեր ռազմական կարողությունները»,- գրել է նա:

Կողմերը քննարկել են նաև մեր միասնական հայրենիքի անվտանգության համակարգին առնչվող խնդիրները:

Մեկտեղելու ենք ջանքերը խաղաղություն ապահովելու համար. վարչապետն ընդունել է ԱՀ նախագահին

37
թեգերը:
Բանակ, Արցախի նախագահ Արայիկ Հարությունյան, Դավիթ Տոնոյան, Հայաստան
Ըստ թեմայի
Երբ իշխանությունը «դուխ կունենա» անվանական խոսելու, ԲՀԿ–ն կարձագանքի. Իվետա Տոնոյան
Պարզ է, չէ՞, որ Ալիևն ինքն իրեն չէր մեղադրելու. Դավիթ Տոնոյան
Տոնոյանը ԿԽՄԿ հայաստանյան ղեկավարի հետ քննարկել է Ադրբեջանում գերեվարված հայ սպայի հարցը
«Համոզված եղեք` մեր գործողությունները համարժեք են». Տոնոյանը խոսեց հայերի կորստի մասին
Հրայր Թովմասյան

ՍԴ-ն Հրայր Թովմասյանի վերաբերյալ հայտարարություն է տարածել

187
(Թարմացված է 14:18 19.09.2020)
Սահմանադրական դատարանի աշխատակազմն անդրադարձել է շրջանառվող լուրերին, թե Հրայր Թովմասյանն արձակուրդից վերադառնալ չի ուզում։

ԵՐԵՎԱՆ, 19 սեպտեմբերի — Sputnik. Սահմանադրական դատարանի աշխատակազմը հայտարարություն է տարածել` հերքելով լուրերը, որ ՍԴ դատավոր Հրայր Թովմասյանն աշխատանքի չի հաճախում։

Այսօր «Ժողովուրդ» օրաթերթը գրել էր, որ չնայած լրացել է ՍԴ դատավոր Հրայր Թովմասյանի արձակուրդից վերադառնալու ժամկետը, սակայն նա դեռ աշխատանքի չի հաճախում։

«Սույն թվականի հունիս ամսին տրամադրված արձակուրդից վերադառնալուց հետո Թովմասյանը մասնակցել է նշանակված բոլոր աշխատակարգային և Սահմանադրական դատարանի նիստերին (օգոստոսի 7, 18, 25, սեպտեմբերի 1, 15, 18)»,–նշված է ՍԴ հայտարարության մեջ։

Հիշեցնենք, որ հունիսի 25-ից Հրայր Թովմասյանը՝ 35, իսկ Արևիկ Պետրոսյանը 51 աշխատանքային օրով մեկնել էին արձակուրդի, ինչից հետո Սահմանադրական դատարանում նիստեր տեղի չէին ունենում՝ քվորում չլինելու պատճառով։ Դրանից հետո Սահմանադրական դատարանի նախագահի պարտականությունները կատարող Աշոտ Խաչատրյանը որոշել էր հետ կանչել արձակուրդում գտնվող դատավորներին։

Սահմանադրական փոփոխությունների արդյունքում Հրայր Թովմասյանը կորցրել էր Սահմանադրական դատարանի նախագահի պաշտոնը, իսկ ՍԴ դատավորներ Հրանտ Նազարյանի, Ալվինա Գյուլումյանի և Ֆելիքս Թոխյանի լիազորությունները վաղաժամ դադարեցվել են: Օրերս նրանց փոխարեն ՍԴ դատավորներ ընտրվեցին Էդգար Շաթիրյանը, Արթուր Վաղարշյանը և Երվանդ Խունդկարյանը։

«Ամեն ինչ պետք է անեմ ոչ թե խոսքով, այլ գործով». պատգամավորները ծափահարեցին ՍԴ դատավորին

187
թեգերը:
Սահմանադրական փոփոխությունների նախագիծ, Սահմանադրական դատարան, Հրայր Թովմասյան
Ըստ թեմայի
Աչքաչափով է գործել. ՍԴ դատավորի թեկնածուն կրկնեց իշխանության մասին հայտնած իր դիրքորոշումը
Ինչպե՞ս է ստացվել, որ ՍԴ դատավորի թեկնածուի բանկային մուտքերը գերազանցում են եկամուտները
ՍԴ դատավոր ընտրված Երվանդ Խունդկարյանը հրաժարվել է պաշտոնից
Руководитель фракции Мой шаг Лилит Макунц на очередном заседании Национального собрания Армении (16 сентября 2020). Еревaн

«Բռնապետական կարգեր չեն». Մակունցը` «Իմ քայլի» պատգամավորների` մանդատը վայր դնելու մասին

0
Լիլիթ Մակունցն անդրադարձել է շրջանառվող լուրերին, թե առաջիկայում 6-7 իմքայլականներ պատրաստվում են լքել պաշտոնը։

ԵՐԵՎԱՆ, 22 սեպտեմբերի - Sputnik. «Իմ քայլը» խմբակցության ղեկավար Լիլիթ Մակունցը ԱԺ–ում լրագրողների հետ ճեպազրույցում ասաց, որ խմբակցության պատգամավորների հետ աշխատանքային հանդիպում է եղել, սակայն խոսք չի գնացել մանդատներ վայր դնելու հարցին։ 

Նշենք` լուրեր են շրջանառվում, որ «Իմ քայլը» խմբակցությունից Գայանե Աբրահամյանը, Լուսինե Բադալյանը, Գոռ Գևորգյանը, Հովհաննես Հովհաննիսյանը, Համազասպ Դանիելյանը և այլոք առաջիկայում հրաժեշտ կտան պաշտոնին։

«Որոշ պատգամավորներն իրենք արդեն իսկ հերքել են այդ լուրերը։ Խմբակցությունում լուրջ խնդիրներ չկան, պետք է համակերպվենք այն իրավիճակի հետ, որ մենք պարբերաբար քննարկումներ ենք անում այս կամ այն թեմայի առնչությամբ»,–ասաց Մակունցը։

Հարցին, թե բացառո՞ւմ է, որ առաջիկայում մանդատը վայր դնողներ կլինեն` Մակունցը պատասխանեց, որ Հայաստանում բռնապետական կարգեր չեն, և յուրաքանչյուր պատգամավոր ինքն է որոշում իր հետագա անելիքները։

Իսկ ինչ վերաբերում է լուրերին, որ ԿԳՄՍ նախարար Արայիկ Հարությունյանի հետ հանդիպում է եղել և նրա հրաժարականի հարցն է քննարկվել` Մակունցը պատասխանեց, որ նոր հանդիպում չի եղել։

Հիշեցնենք, որ ըստ լուրերի` «Իմ քայլը» խմբակցության ներսում դեռևս խմորումներ են ընթանում Սահմանադրական դատարանի անդամների ընտրության հետ կապված: Մասնավորապես, նախագահի կողմից առաջադրված թեկնածու Արթուր Վաղարշյանի ընտրության հետ կապված են անհամաձայնություններ եղել։

0