Թեստավորում, արխիվային լուսանկար

Արցախում կորոնավիրուսի նոր դեպքեր են գրանցվել

105
(Թարմացված է 01:06 22.05.2020)
Արցախի առողջապահության նախարարությունը նոր տվյալներ է հրապարակել հանրապետության տարածքում կորոնավիրուսի հաստատված դեպքերի վերաբերյալ։

ԵՐԵՎԱՆ, 21 մայիսի - Sputnik. Արցախում ևս 4 քաղաքացու մոտ կորոնավիրուս է հաստատվել։ Տեղեկությունը հայտնում է Արցախի տեղեկատվական շտաբը՝ հղում անելով Առողջապահության նախարարությանը։

«Ստացվել են թեստավորման ուղարկված ևս 44 փորձանմուշի արդյունքները: Կորոնավիրուսային վարակը հաստատվել է 4 քաղաքացու մոտ, որոնք Շահումյանի շրջանի վարակակիրների նույն օջախից են՝ կոնտակտավոր անձանց շրջանակից»,- նշված է հաղորդագրության մեջ:

Արցախում կորոնավիրուսով հիվանդների թիվը ավելացել է ևս մեկով

Վարակակիրների առողջական վիճակն, ըստ բժիշկների, գնահատվում է բավարար:

Հիշեցնենք՝ այս պահի դրությամբ Արցախում COVID 19-ի հաստատված դեպքերը 33-ն են։ Նրանցից 8-ն արդեն բուժվել են։ Ընդհանուր առմամբ թեստավորվել է 669 քաղաքացի, 69-ը մեկուսացված են։

«Արցախում կորոնավիրուսի տարածման օջախները մարված են»․ ԱՀ պարետ

105
թեգերը:
համավարակ, կորոնավիրուս, թեստ, Արցախ
թեմա:
Կորոնավիրուսը Հայաստանում և Արցախում (802)
Ըստ թեմայի
Նոր Նորքի տուն–ինտերնատի երկու տարեց է մահացել. մեկի մահվան պատճառը կորոնավիրուսն է
«Ստուգված է»․ ՄԱԿ-ը կորոնավիրուսի մասին ապատեղեկատվության դեմ նոր նախագիծ է գործարկում
Ի՞նչ վիճակում են ՀՀ քաղաքացիները, որոնք կորոնավիրուսով են վարակվել Վրաստանում
Հայաստանում կորոնավիրուսով վարակվածների թիվն ավելացել է 335-ով և դարձել 5606
Արայիկ Հարությունյան

Արայիկ Հարությունյանը կորոնավիրուսի թեստ է հանձնել

20
(Թարմացված է 11:24 01.06.2020)
Արցախի նախագահ Արայիկ Հարությունյանը մասնակցել է մայիսի 28-ի Առաջին հանրապետության տոնակատարություններին, ինչի հետ կապված կրկնակի թեստավորում է անցել։

ԵՐԵՎԱՆ, 1 հունիսի – Sputnik. ՀՀ վարչապետ Նիկոլ Փաշինյանի կորոնավիրուսով վարակվելու մասին հայտնի դառնալուց հետո, Արցախի նախագահ Արայիկ Հարությունյանը կորոնավիրուսի թեստ է հանձնել, որի արդյունքները հայտնի կլինեն այսօր երեկոյան։ Տեղեկությունը Sputnik Արմենիայի հետ զրույցում հայտնեց Հարությունյանի մամուլի քարտուղար Վահրամ Պողոսյանը։

«Հարությունյանը մեկ անգամ արդեն թեստավորում անցել է, բարեբախտաբար բացասական է եղել արդյունքը։ Բայց կրկնակի թեստավորում ենք անցկացրել, որի արդյունքը հավանաբար հայտնի կլինի օրվա վերջին», - նշեց նա։

Պողոսյանը հավելեց, որ մայիսի 21-ի երդմնակալության արարողությունից  հետո որևէ խնդիր չի առաջացել, բոլոր մասնակիցները թեստավորվել են, և արդյունքները բացասական են եղել։ Կրկնակի թեստավորումը իրականացվում է, քանի որ Հարությունյանը մասնակցել է նաև մայիսի 28-ի Առաջին հանրապետության տոնակատարություններին։

Հայաստանում վերջին մեկ օրում կորոնավիրուսից 8 մարդ է մահացել. մանրամասներ

Նշենք, որ այսօր` հունիսի 1–ի, Նիկոլ Փաշինյանը նշում է իր ծննդյան 45–ամյակը։ ՀՀ վարչապետ Նիկոլ Փաշինյանն ու նրա ընտանիքի անդամները վարակվել են կորոնավիրուսով։ Առաջնագիծ մեկնելուց առաջ մայիսի 31–ին Փաշինյանը որոշել է թեստ հանձնել, և թեստի պատասխանը դրական է եկել։ Նա շարունակելու է աշխատել, բայց  վարչապետի կեցավայրից, որտեղ ապահովված են բոլոր անհրաժեշտ պայմանները։

20
թեգերը:
թեստ, կորոնավիրուս, Արցախի նախագահ Արայիկ Հարությունյան, Արցախ, Լեռնային Ղարաբաղ
թեմա:
Կորոնավիրուսը Հայաստանում և Արցախում (802)
Ըստ թեմայի
Հոգեկան առողջության կենտրոնում արձանագրվել է կորոնովիրուսային հիվանդության 8 դեպք
Կորոնավիրուսից մահացել է Սարհատ Պետրոսյանի մայրը՝ Ռուբինա Ղազարյանցը
Հայաստանում կորոնավիրուսով վարակվածների թիվը մեկ օրում ավելացել է 210-ով և հասել 9492–ի
Լաբորատորիա, արխիվային լուսանկար

Արցախում ևս երկու մարդու մոտ կորոնավիրուս է հաստատվել

63
(Թարմացված է 14:08 31.05.2020)
Արցախի տեղեկատվական շտաբը հրապարակել է կորոնավիրուսի վերաբերյալ նոր վիճակագրությունը և մանրամասներ ներկայացրել հիվանդների վիճակի մասին:

ԵՐԵՎԱՆ, 31 մայիսի - Sputnik. Արցախում հայտնաբերվել է կորոնավիրուսի երկու նոր դեպք: Այս մասին հայտնում են ԱՀ տեղեկատվական շտաբից: Նշվում է, որ վերջին մեկ օրվա ընթացքում կատարված 39 թեստերից երկուսը դրական արդյունք են ունեցել:

Նոր վարակակիրները Շաումյանի շրջանի բնակիչներ են՝ նախկինում բռնկված օջախի շփման շրջանակից: 

Այսպիսով, Արցախում կորոնավիրուսի գրանցված դեպքերի ընդհանուր թիվը հասել է 40-ի: Նրանցից 26-ն արդեն բուժվել են, 14-ի առողջական վիճակը գնահատվում է բավարար: Մեկուսացված է 81 քաղաքացի, ընդհանուր առմամբ իրականացվել է 863 թեստավորում:

Հայաստանում ևս 4 մարդ է մահացել կորոնավիրուսից

63
թեգերը:
թեստ, համավարակ, կորոնավիրուս, Արցախ
թեմա:
Կորոնավիրուսը Հայաստանում և Արցախում (802)
Ըստ թեմայի
Կորոնավիրուսի բուժման մեթոդները պետք է նույնականացնել. Արսեն Թորոսյան
Չինաստանում ասել են` երբ պատրաստ կլինի կորոնավիրուսի դեմ պատվաստանյութը
Փաշինյանն ասաց` երբ կորոնվիրուսի հարցով կդիմեն Վրաստանին
Մի քանի օրից ՀՀ–ում կսկսվի կորոնավիրուսն ախտորոշող թեստերի արտադրությունը. Փաշինյան