Արայիկ Հարությունյանի ավտոմեքենան

Արցախի նախագահի ավտոմեքենայից միայն նա ունի. մանրամասներ

552
(Թարմացված է 12:33 22.05.2020)
Արայիկ Հարությունյանի մեքենան կորեական արտադրության է, այդ մոդելից Հայաստան միայն մեկ հատ էր բերվել։

ԵՐԵՎԱՆ, 21 մայիսի – Sputnik. Արցախի նորընտիր նախագահ Արայիկ Հարությունյանի նոր էլեկտրամոբիլից նոր էլեկտրամոբիլից Հայաստանում դեռևս հիմա Հարությունյանն ունի։ Sputnik Արմենիայի հետ զրույցում հայտնեց «Հյունդայի» ընկերության պաշտոնական ներկայացուցիչ «Մագաս ինվեստի» վաճառքի պատասխանատու Գագիկ Մամուլյանը։

Նշենք, որ Հարությունյանի մեքենայի լուսանկարն այսօր հրապարակել էր ՀՀ վարչապետ Նիկոլ Փաշինյանը։

«Մեր մոդելային շարքում երկու էլեկտրամոբիլ կա` մեկն ընդհանրապես չի բերվել Հայաստան, իսկ սա` կորեական արտադրության «Հյունդային», բերվել էր մինչև ԵԱՏՄ նոր կանոնակարգի ուժի մեջ մտնելը։ Փորձնական էինք բերել հասկանալու համար` կվաճառվի, թե ոչ»,–ասաց Մամուլյանը։

Նրա խոսքով` մեքենան Հարությունյանը գնել է երեկ, սակայն, բնականաբար, անձամբ չի գնացել դրա հետևից։ Գնորդները, ըստ Մամուլյանի, կոնկրետ էլեկտրամոբիլ գնելու ցանկություն են ունեցել։

Մամուլյանն ասաց նաև, որ այս մոդելից այն վիճակով, ինչպես արտադրվում է, դեռ չեն կարող Հայաստան բերել, քանի որ ԵԱՏՄ նոր կանոնակարգում ոչ ԵԱՏՄ երկրներից մեքենաների ներմուծման չափանիշները փոխվել են։ Սակայն հետագայում, եթե ԵԱՏՄ–ն փոփոխություններ կատարի իր կանոնակարգերում, նորից դրա ներմուծմամբ զբաղվելու հնարավորություն կունենան։

Մամուլյանը նշեց նաև էլեկտրամոբիլի առավելությունները` ծախսատար չեն և օդը չեն աղտոտում։

Հիշեցնենք` դեռևս 2019թ.–ի սեպտեմբերին Արայիկ Հարությունյանն ասել էր, որ Ստեփանակերտում երթևեկում է էլեկտրամոբիլով, որը լիցքավորում է տնային վարդակից։

«Ապագայում ծրագիր կա Արցախում հրաժարվել դիզելային վառելիքից և գազից։ Մի հետաքրքրիր բան ձեզ ասեմ` ես 2013 թվականի հին էլեկտրամոբիլ եմ գնել, որով երթևեկում եմ Ստեփանակերտում ու լիցքավորում մեր տան վարդակից։ Մի ամբողջ օր քշում եմ»,–«Հայաստանի և Արցախի տնտեսական մոդելների նմանությունները և տարբերությունները» թեմայով քննարկման ժամանակ ասել էր նա։

Արայիկ Հարությունյանը նախագահի պաշտոնը ստանձնեց այսօր։

552
թեգերը:
Արցախի նախագահ Արայիկ Հարությունյան, ավտոմեքենա
Ըստ թեմայի
Կլինեմ յուրաքանչյուր արցախցու նախագահը. Արայիկ Հարությունյանը շնորհակալություն է հայտնում
Նիկոլ Փաշինյանը 7 պաշտոնյայի Արցախ է գործուղել. նրանց թվում են ԱԱԾ տնօրենն ու ոստիկանապետը
«Արցախը Հայաստան է, և վերջ». Արայիկ Հարությունյանը հուզիչ պատմություն պատմեց
Աճյունների որոնման աշխատանքներ

Վարանդայի շրջանում հայտնաբերվել և տարհանվել է ևս մեկ զինծառայողի աճյուն. ՊԲ

47
(Թարմացված է 18:23 30.07.2021)
Հայտնաբերված զինծառայողի ինքնությունը կհաստատվի դատաբժշկական փորձաքննությունից հետո։

ԵՐԵՎԱՆ, 30 հուլիսի – Sputnik. ՊԲ զինծառայողների մասնակցությամբ հուլիսի 30-ին զոհված զինծառայողների աճյունների որոնողական աշխատանքները շարունակվել են Վարանդայի (Ֆիզուլի) շրջանում։ Տեղեկությունը հայտնում է Արցախի պաշտպանության բանակը։

«Որոնողական աշխատանքների արդյունքում հայտնաբերվել և տարհանվել է մեկ զինծառայողի աճյուն։ Նրա ինքնությունը կհաստատվի դատաբժշկական փորձաքննությունից հետո»,– նշված է հաղորդագրության մեջ։

Ըստ ՊԲ–ի` Արցախի գրավյալ տարածքներից զինադադարից հետո տարհանվել է 1620 աճյուն:

Մոնթեին որպես ի՛մ տղա կմեծացնես. Թաթուլը գնաց տղերքին օգնության, երբ ողջ մնալու հույս չկար

47
թեգերը:
Արցախ, զինծառայող, աճյուն
Ըստ թեմայի
Գոռը զոհվել է` փորձելով փրկել ընկերոջ կյանքը. գեղանկարչի գործերը հետմահու են ցուցադրվում
«Մարիամս, մինչև կռիվը չվերջանա, չեմ գա». Նարեկ սարկավագը պատարագի փոխարեն պատերազմ մեկնեց
«Խորը շունչ քաշեցի, տեսա` սաղ եմ». ինչպես է Գարիկը փրկել վիրավորներին և ինքն էլ ողջ մնացել
Ավտոմեքենա. Արցախ

Օկուպացված տարածքներում մնացած մեքենաների նկատմամբ գույքահարկ չի կիրառվի

42
(Թարմացված է 19:53 30.07.2021)
Պետք է տրանսպորտային միջոցներն Արցախի ճանապարհային ոստիկանությունում սահմանված կարգով խոտանվեն` հակառակ դեպքում կառաջանան գույքահարկի նոր պարտավորություններ, որոնք հետագայում ենթակա կլինեն վճարման:

ԵՐԵՎԱՆ, 30 հուլիսի – Sputnik. Արցախի օկուպացված տարածքներում մնացած և Ստեփանակերտ քաղաքում հաշվառված տրանսպորտային միջոցների նկատմամբ սահմանվել է գույքահարկի արտոնություն` ազատելով գույքահարկի վճարման պատավորություններից: Տեղեկանում ենք Ստեփանակերտի քաղաքապետարանի ֆեյսբուքյան էջի գրառումից։

«Մինչև դեկտեմբերի 1-ը վերոնշյալ տրանսպորտային միջոցների սեփականատերերին անհրաժեշտ է ներկայանալ Ստեփանակերտի քաղաքապետարան` գույքահարկի պարտավորություններ չունենալու վերաբերյալ տեղեկանքը ստանալու»,–նշված է գրառման մեջ։

Բացի այդ, պետք է նաև տրանսպորտային միջոցներն ԱՀ ճանապարհային ոստիկանությունում սահմանված կարգով խոտանվեն` հակառակ դեպքում կառաջանան գույքահարկի նոր պարտավորություններ, որոնք հետագայում ենթակա կլինեն վճարման:

Հիշեցնենք, որ 44-օրյա պատերազմի ընթացքում շատերն ուղղակի չեն հասցրել դուրս հանել մեքենան իրենց բնակության վայրերից։

42
թեգերը:
Արցախ, ավտոմեքենա, գույքահարկ, Ադրբեջան
Ըստ թեմայի
Փաշազադեն արցախյան հաղթանակը վերագրել է Իրանին և քննադատության ալիք բարձրացրել Թուրքիայում
Խաղաղապահներն Արցախում ապահովել են ուխտավորների այցելության անվտանգությունն Ամարասի վանք
Արցախից ծանր գանգուղեղային վնասվածքով Երևան է տեղափոխվել 3-ամյա երեխա
Շտապօգնության մեքենա. արխիվային լուսանկար

Երևանում «Opel Astra» է այրվել. վարորդը հիվանդանոցում է

0
«Opel Astra»–ի հրդեհը բռնկվել է Երևան քաղաքի Գևորգ Չաուշի փողոցի թիվ 7/4 հասցեի մոտակայքում։

ԵՐԵՎԱՆ, 31 հուլիսի – Sputnik. Երևանում հրդեհ է բռնկվել «Opel Astra» մակնիշի ավտոմեքենայում, վարորդը տուժել է։ Տեղեկությունը հայտնում է ՀՀ ԱԻՆ մամուլի ծառայությունը։ 

Հաղորդագրության համաձայն` հուլիսի 30-ին, ժամը 22:43-ին Ճգնաժամային կառավարման ազգային կենտրոն ահազանգ է ստացվել, որ Երևանի Նորաշեն թաղամասի մոտակայքում այրվում է ավտոմեքենա։

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ։

Պարզվել է, որ հրդեհը բռնկվել է Գ․ Չաուշի փողոցի թիվ 7/4 հասցեի մոտակայքում։

Հրդեհը մեկուսացվել է ժամը 22։55-ին, մարվել՝ 23։06-ին: Այրվել է «Opel Astra» մակնիշի ավտոմեքենան․ վարորդը հոսպիտալացվել է «Արմենիա» ՀԲԿ։

Հրդեհ ավտոմեքենայում. Nissan Tiida–ի 39–ամյա վարորդն այրվածքներ է ստացել

0
թեգերը:
վթար, ավտոմեքենա, վարորդ
Ըստ թեմայի
Դիլիջանի ոլորաններում մեքենաների բախման հետևանքով հրդեհ է բռնկվել. տուժածներ կան
Առայժմ անհայտ հանգամանքներում մեքենա է հրդեհվել Աբովյանում
Գյումրիում միմյանց բախված մեքենաները հրդեհվել են. կան տուժածներ