Արշավիր Ղահրամյան, արխիվային լուսանկար

Մենք դեռ շատ անելիքներ ունենք. Արցախի անվտանգության խորհրդի քարտուղարն ազատվել է պաշտոնից

253
(Թարմացված է 21:36 12.05.2020)
Արշավիր Ղարամյանը զբաղեցրած պաշտոնից ազաման դիմում է ներկայացրել ու այդ մասին գրառում արել Facebook-ի իր էջում:

ԵՐԵՎԱՆ, 12 մայիսի- Sputnik. Արցախի անվտանգության խորհրդի քարտուղար Արշավիր Ղարամյանը պաշտոնից ազատման դիմում է ներկայացրել: Այս մասին նա հայտնել է Facebook-ի իր էջում կատարած գրառմամբ:

Լևոն Մնացականյան, Արշավիր Ղարամյան. ինչու են Արցախում ուժայիններն իշխանության վերադառնում

«Հարգելի հայրենակիցներ, ցանկանում եմ տեղեկացնել, որ ԱՀ անվտանգության խորհրդի քարտուղարի պաշտոնից ազատման դիմում եմ ներկայացրել, ինչը, իհարկե, չի նշանակում, որ ինքս ինձ «ազատում եմ» Արցախի անվտանգության ապահովման գործում ունեցած անձնական պատասխանատվությունից»,- գրել է նա:

Ղարամյանը նաև վստահեցրել է, որ, անկախ պաշտոնից ու կարգավիճակից, շարունակելու է իր առաքելությունը:

«Ես ապրել ու ապրում եմ այդ սկզբունքով: Մենք դեռ շատ անելիքներ ունենք՝ մեր պայքարն իր վերջնակետին հասցնելու և մեր հաղթանակները սերունդներին փոխանցելու համար: Ես և իմ ընկերները դա մեր կյանքի առաքելությունն ենք համարում, ապրել և ապրելու ենք այդ համոզմամբ, գործել և գործելու ենք այդ տրամաբանությամբ»,- նշել է Ղարամյանը:

«Ահա թե ինչպես է Հեյդարի որդին պահում հրադադարի պայմանավորվածությունը». Ղարամյան

Արշավիր Ղարամյանը Արցախի Հանրապետության անվտանգության խորհրդի քարտուղարի պաշտոնում նշանակվել էր 2019թ-ի հունիսի 26-ին՝ ԱՀ նախագահ Բակո Սահակյանի հրամանագրով: Մինչ այդ նա ԱՀ նախագահի հատուկ հանձնարարությունների գծով ներկայացուցիչն էր:

Նշենք, որ այս օրերին Արցախում է գտնվում ՀՀ ԱԽ քարտուղար Արմեն Գևորգյանը: Պաշտոնական լրատվության համաձայն՝ նա պաշտոնական հանդիպում է ունեցել Արցախի Հանրապետության նախագահ Բակո Սահակյանի ու ոչ պաշտոնական հանդիպում՝ Արցախի Հանրապետության նորընտիր նախագահ Արայիկ Հարությունյանի հետ։

Արցախցի պաշտոնակցի հետ հանդիպման մասին պաշտոնական լրահոսը ոչինչ չի հայտնում:

253
թեգերը:
ազատման դիմում, Հրաժարական, Անվտանգության խորհրդի քարտուղար, Արցախ
Ըստ թեմայի
Զոհրաբ Մնացականյանը խոսել է Արցախում կայացած ընտրությունների արդյունքների մասին
ՀՀ վարչապետը շնորհավորեց արցախցիներին. տեղի են ունեցել բարձր որակի ընտրություններ
Կարանտինն ու քաղաքականությունը. ինչո՞ւ Երևանն իրեն հեռու պահեց ղարաբաղյան ընտրություններից
Քոչարյանը, ընտրությունները և Արցախ հանձնողները․ լու՞րջ եք ասում
Լաբորատորիա, արխիվային լուսանկար

Արցախում ևս երկու մարդու մոտ կորոնավիրուս է հաստատվել

55
(Թարմացված է 14:08 31.05.2020)
Արցախի տեղեկատվական շտաբը հրապարակել է կորոնավիրուսի վերաբերյալ նոր վիճակագրությունը և մանրամասներ ներկայացրել հիվանդների վիճակի մասին:

ԵՐԵՎԱՆ, 31 մայիսի - Sputnik. Արցախում հայտնաբերվել է կորոնավիրուսի երկու նոր դեպք: Այս մասին հայտնում են ԱՀ տեղեկատվական շտաբից: Նշվում է, որ վերջին մեկ օրվա ընթացքում կատարված 39 թեստերից երկուսը դրական արդյունք են ունեցել:

Նոր վարակակիրները Շաումյանի շրջանի բնակիչներ են՝ նախկինում բռնկված օջախի շփման շրջանակից: 

Այսպիսով, Արցախում կորոնավիրուսի գրանցված դեպքերի ընդհանուր թիվը հասել է 40-ի: Նրանցից 26-ն արդեն բուժվել են, 14-ի առողջական վիճակը գնահատվում է բավարար: Մեկուսացված է 81 քաղաքացի, ընդհանուր առմամբ իրականացվել է 863 թեստավորում:

Հայաստանում ևս 4 մարդ է մահացել կորոնավիրուսից

55
թեգերը:
թեստ, համավարակ, կորոնավիրուս, Արցախ
թեմա:
Կորոնավիրուսը Հայաստանում և Արցախում
Ըստ թեմայի
Կորոնավիրուսի բուժման մեթոդները պետք է նույնականացնել. Արսեն Թորոսյան
Չինաստանում ասել են` երբ պատրաստ կլինի կորոնավիրուսի դեմ պատվաստանյութը
Փաշինյանն ասաց` երբ կորոնվիրուսի հարցով կդիմեն Վրաստանին
Մի քանի օրից ՀՀ–ում կսկսվի կորոնավիրուսն ախտորոշող թեստերի արտադրությունը. Փաշինյան
Զինծառայող

Ադրբեջանը փոքր-ինչ հանդարտվել է. քանի՞ կրակոց է արձակվել Արցախի ուղղությամբ

39
(Թարմացված է 13:52 30.05.2020)
Հակառակորդը շարունակում է խախտել հրադադարի պահպանման ռեժիմը, ՊԲ առաջապահ զորամասերն էլ շարունակում են վստահորեն իրականացնել իրենց առջև դրված մարտական խնդիրը։

ԵՐԵՎԱՆ, 30 մայիսի – Sputnik. Մայիսի 24-ից 30-ն ընկած ժամանակահատվածում արցախա-ադրբեջանական հակամարտ զորքերի շփման գոտում հակառակորդը հրադադարի պահպանման ռեժիմը խախտել է շուրջ 100 անգամ։ Տեղեկությունը հայտնում է Արցախի պաշտպանության նախարարությունը։

«Հակառակորդը տարբեր տրամաչափի հրաձգային զինատեսակներից հայ դիրքապահների ուղղությամբ արձակել է ավելի քան 600 կրակոց»,– նշված է հաղորդագրության մեջ:

ՊԲ առաջապահ զորամասերը հետևում են հրադադարի պահպանման ռեժիմին և շարունակում վստահորեն իրականացնել իրենց առջև դրված մարտական խնդիրը:

Հիշեցնենք` անցած շաբաթ` մայիսի 17-ից 23-ն ընկած ժամանակահատվածում, Ադրբեջանը հրադադարի ռեժիմը խախտել էր ավելի քան 180 անգամ՝ հայ դիրքապահների ուղղությամբ արձակելով շուրջ 3000 կրակոց:

«Ադրբեջանը շարունակում է հրադադարի խախտման փորձերը». Միրզոյանը զրուցել է Ծերեթելիի հետ

39
թեգերը:
Սահման, կրակոց, Արցախ, Ադրբեջան
թեմա:
Սահմանին տիրող իրավիճակը
Ըստ թեմայի
Նաղդալյանը պատասխանել է Ադրբեջանի ռազմատենչ հայտարարությանը
Արցախում ադրբեջանցիները դիվերսիոն ներթափանցման փորձ են արել
Ադրբեջանը հանուն ՀԱՊԿ–ի քաղաքական առևտուր կսկսի՞ Ռուսաստանի ու Արևմուտքի հետ
Բողոքի ակցիա, ԱՄՆ

Ավելի քան 60 սպա և գործակալ է տուժել ԱՄՆ-ում տեղի ունեցած ցույցերի ժամանակ

0
(Թարմացված է 23:35 31.05.2020)
Ցույցերի ժամանակ անցած գիշեր մեկ անձ է ձերբակալվել։ Ցուցարարներից ոչ ոք Սպիտակ տան ճաղավանդակներից այն կողմ չի անցել։

ԵՐԵՎԱՆ, 31 մայիսի –Sputnik.  ԱՄՆ գաղտնի ծառայությունների ավելի քան 60 սպա և հատուկ գործակալներ տուժել են Սպիտակ տան մոտ ընթացող ցույցի ժամանակ, նրանցից 11-ը հիվանդանոց է տեղափոխվել բուժզննման համար: Տեղեկությունը հայտնում է Գաղտնի ծառայությունների մամուլի ծառայությունը։

Այդ ծառայությունն ապահովում է ԱՄՆ կառավարական մարմինների և ղեկավարության անվտանգությունը։

«Ուրբաթ գիշերվանից մինչև կիրակի առավոտ Գաղտնի ծառայության ավելի քան 60 սպա և հատուկ գործակալ բազմաթիվ վնասվածքներ են ստացել նրանց ուղղությամբ նետած աղյուսների, քարերի, շշերի, ճայթուկների և այլ առարկաների պատճառով։ Ընդհանուր առմամբ 11 տուժած տեղի հիվանդանոց է տեղափոխվել, նրանց օգնություն է ցուցաբերվել, վնասվածքները կյանքի համար վտանգավոր չեն», – նշված է հաղորդագրության մեջ։

Նշվում է, որ ցույցի ժամանակ անցած գիշեր մեկ անձ է ձերբակալվել։ Ցուցարարներից ոչ ոք Սպիտակ տան ճաղերից այն կողմ չի անցել։

«Չեմ կարողանում շնչել»․ խռովությունները տարածվել են ԱՄՆ-ում

ԱՄՆ նախագահ Դոնալդ Թրամփն ավելի վաղ գովել է ծառայության գործողություններն ու քննադատել ցուցարարներին։

Անկարգությունները սկսվել էին ԱՄՆ Մինեապոլիս և մի շարք այլ  քաղաքներում այն բանից հետո, երբ ոստիկանության ձեռքից մահացավ աֆրոամերիկացի Ջորջ Ֆլոյդը։

Համացանցում տեսանյութ էր հայտնվել որում երևում է, թե ինչպես են մայիսի 25-ին Մինեապոլիսում աֆրոամերիկացի 46-ամյա Ջորջ Ֆլոյդի նկատմամբ ոստիկանության երկու ծառայողներ բռնություն կիրառում: Նրանցից մեկը ծնկով սեղմել էր գետնին պառկած Ֆլոյդի կոկորդն ու մի քանի րոպե պահել այդ դիրքում, չնայած որ քաղաքացին ասում էր, որ չի կարողանում շնչել ու թախանձագին խնդրում էր բաց թողնել իրեն։

Ոստիկանները անտեսել էին ոչ միայն իրենց զոհի, այլև հավաքվածների զգուշացումները, որ դադարեցնեն քաղաքացու նկատմամբ բռնությունը:

Իսկ երբ Ֆլոյդը կորցրել է գիտակցությունը, նրան տեղափոխել են հիվանդանոց, որտեղ էլ բժիշկներն արձանագրել են նրա մահը:

Ոստիկան Դերեկ Շովինը նախ հեռացվել էր ոստիկանության համակարգից, ապա՝ ձերբակալվել:

Աշխատանքից հեռացվել են միջադեպին մասնակցած ևս երեք ոստիկան:

Մինեապոլիսում անկարգությունները շարունակվում են․ ցուցարարները բանկ են հրկիզել

0
թեգերը:
Ձերբակալում, հիվանդանոց, Տուժածներ, Բողոքի ակցիա, ԱՄՆ
Ըստ թեմայի
ԱՄՆ-ն դադարեցնում է հարաբերությունները ԱՀԿ–ի հետ. Թրամփ
Կորոնավիրուսի մասին ապատեղեկատվություն տարածող կայքն աշխատել է ԱՄՆ փողերով
Թրամփն ասել է՝ ինչու է ԱՄՆ-ն թոքերի արհեստական շնչառության սարքեր տրամադրում այլ երկրների
ԱՄՆ–ում բնակվող հայերից մեկը Դավիթ Տոնոյանին է փոխանցել իր պապի` 100 տարվա ստացականը