Զոհրաբ Մնացականյանն ու էլմար Մամեդյարովը. արխիվային լուսանկար

«Կարմիր գծեր», որոնք Հայաստանը երբեք չի անցնի. ի՞նչ սպասել արցախյան «ճակատում»

283
(Թարմացված է 12:07 23.04.2020)
Քաղաքագետ Նարեկ Գալստյանը կարծում է, որ Արցախի թեմայով քննարկումների մի շարք դետալներ լրացուցիչ պարզաբանման կարիք ունեն։

ԵՐԵՎԱՆ, 22 ապրիլի –Sputnik, Աշոտ Սաֆարյան. Հայաստանի և Ադրբեջանի արտգործնախարարներ Զոհրաբ Մնացականյանի և Էլմար Մամեդյարովի՝ տեսակապի ձևաչափով անցկացրած բանակցությունները և որոշ «ֆոնային» իրադարձություններ ակնհայտ աշխուժություն մտցրին հայկական ԶԼՄ–ների «կորոնավիրուսային» լրահոսում և սոցցանցերի հայկական տիրույթում։

Սկզբում Ռուսաստանի արտգործնախարար Սերգեյ Լավրովի հայտարարությունն այն մասին, որ բանակցությունների սեղանին է դրված մի փաստաթուղթ, որը ենթադրում է կարգավորման փուլային լուծում, այնուհետև լուրն այն մասին, որ հակամարտության գոտում ադրբեջանական անօդաչու է խոցված, անորոշության և լարվածության որոշակի տարրեր մտցրին երկու երկրների արտաքին գերատեսչությունների ղեկավարների առցանց բանակցություններում։

Հատկանշական է, որ բոլոր այս ամիսներին հայկական կողմը պնդում էր, որ բանակցությունների սեղանին որևէ փաստաթուղթ չի քննարկվում։ Սակայն Լավրովի խոսքերը հակառակն են վկայում։

Մեկնաբանելով առաջին հայացքից այս հակասությունը, քաղաքագետ Նարեկ Գալստյանը Sputnik Արմենիայի հետ զրույցում ենթադրեց, որ Ռուսաստանը դրանով ցանկանում է բանակցային գործընթացին որոշակի «ռեսթարթ» տալ։ Թե ինչ «ռեսթարթ» է դա, դեռ դժվար է ասել։ Փորձագետի կարծիքով` առաջիկա ամիսներին բանակցային գործընթացում ավելի կոնկրետ մոտեցումների և մեխանիզմների գործարկում կարելի է սպասել։

Մնացականյանը մեկնաբանել է Լավրովի` Արցախի մասին հայտարարությունը

Միևնույն ժամանակ, ըստ Գալստյանի, պաշտոնական Երևանը նշել է այն «կարմիր գծերը», որոնք նա երբեք չի անցնի։ Հենց այսպես է պետք ընկալել Մնացականյանի խոսքերն այն մասին, որ փուլային լուծման մոտեցումներ եղել են 2014, 2016 թվականներին, սակայն դրանք անընդունելի էին հայկական կողմերի համար։ 2018 թվականից բանակցությունները սահմանափակվել են առանձին տարրերի գնահատականների և կողմերի մոտեցումների քննարկմամբ։

«Մնացականյանը կրկնեց այն, ինչի մասին ժամանակ առ ժամանակ խոսվել է վերջին 2 տարվա ընթացքում։ Մասնավորապես այն, որ հայկական կողմը երբեք միակողմանի զիջումների չի գնա, որ առանց բանակցություններին Արցախի անմիջական մասնակցության լուրջ արդյունքներ ակնկալել պետք չէ և այլն», – հիշեցրեց Գալստյանը։

Նա կարծում է, որ բանակցային գործընթացը (համենայնդեպս` վերջին 10–ից ավելի տարիների ընթացքում) երբեք Հայաստանի համար ցանկալի սցենարով չի ընթացել։ Մադրիդյան սկզբունքների «ներկայացման» պահից ի վեր՝ բանակցությունների տրամաբանությունը վերջին հաշվով Հայաստանին ձեռնտու չէր:

«Սակայն հարցն այն է, թե ինչպես ենք մենք ընկալում այդ սկզբունքները՝ որպես վերջնական պայմանավորվածությո՞ւն, թե՞ որպես հարցեր, որոնք հնարավոր է քննարկել։ Ակնհայտ է, որ մադրիդյան փաստաթղթում զետեղված կետերի հերթականությունը և դրանց իրագործման կարգը դեռ քննարկման կարիք ունեն։ Կարծում եմ, որ բանակցություններն ընթանում են հենց դրանց շուրջ», – ասում է Գալստյանը։

Նա հիշեցրեց, որ դեռևս 90-ականների վերջին էր հակամարտության կողմերին առաջարկվում փաթեթային կարգավորման ինքնատիպ փուլային իրականացում։ Առաջին հայացքից այս արտահայտությունը կարծես օքսյումորոն լինի։ Սակայն այն ուշադիր ուսումնասիրելու դեպքում կարելի է նկատել, որ որևէ հակասություն այստեղ չկա։ Նման սխեմայի էությունն այն է, որ լուծման սկզբունքները դիտարկվում են որպես մեկ ամբողջականություն, սակայն դրանց կյանքի կոչման որոշակի ալգորիթմով և հերթականությամբ։ Քանի որ Լավրովի հայտարարության մեջ բազմաթիվ փակագծեր են մնում, փորձագետը հնարավոր է համարում, որ ՌԴ նախարարը կարող էր ակնարկել այս տարբերակը։ Ամեն դեպքում Գալստյանը համոզված է, որ բանակցությունների մի շարք դետալներ և հանգամանքներ դեռ պարզաբանման կարիք ունեն։

Հիշեցնենք, որ Հայաստանի և Ադրբեջանի արտգործնախարարները ապրիլի 21-ի առցանց հանդիպման ընթացքում (որը տևեց ավելի քան 1.5 ժամ) քննարկեցին ղարաբաղյան հակամարտության խաղաղ կարգավորման շրջանակներում հետագա քայլերն ու պայմանավորվեցին առաջիկայում շարունակել բանակցությունները։

Արցախի օդային տարածք ներթափանցած ադրբեջանական անօդաչուն խոցվել է

283
թեգերը:
հայ-ադրբեջանական, Ադրբեջան, Հայաստան, Արցախ, Ղարաբաղյան հակամարտություն, Զոհրաբ Մնացականյան, Էլմար Մամեդյարով
Ըստ թեմայի
Արցախի ապագա իշխանություններն առանձնահատուկ դեր ունեն ղարաբաղյան խաղաղ գործընթացում․ ԱԳՆ
Կարանտինն ու քաղաքականությունը. ինչո՞ւ Երևանն իրեն հեռու պահեց ղարաբաղյան ընտրություններից
Անկախ կորոնավիրուսից Ղարաբաղյան հակամարտության կարգավորման գործընթացը ընթանում է. Զախարովա
Արայիկ Հարությունյան

Արցախի նախագահը մի շարք նշանակումներ է արել

114
(Թարմացված է 18:54 26.05.2020)
Արայիկ Հարությունյանի հրամանագրերի համաձայն` Արցախը կունենա երկու նոր նախարար և նոր ոստիկանապետ։

ԵՐԵՎԱՆ, 26 մայիսի – Sputnik. Արցախի Հանրապետության նախագահ Արայիկ Հարությունյանը մայիսի 26-ին ստորագրել է մի շարք հրամանագրեր: Տեղեկությունը հայտնում է Արցախի կառավարության մամուլի ծառայությունը։

Գրիգորի Մարտիրոսյանը նշանակվել է Արցախի Հանրապետության պետական նախարար։ Նա այս պաշտոնը զբաղեցնում է 2018 թվականի հունիսից։

Լուսինե Ղարախանյանը նշանակվել է Արցախի Հանրապետության կրթության, գիտության և մշակույթի նախարար։ Մինչ այս ԿԳՄ նախարարի պաշտոնը զբաղեցնում էր Նարինե Աղաբալյանը։

Արամ Սարգսյանը նշանակվել է Արցախի Հանրապետության քաղաքաշինության նախարար. նա կփոխարինի Կարեն Շահրամանյանին։

Արայիկ Հարությունյանը հաստատել է նաև կառավարության որոշումները, համաձայն որոնց՝ Վլադիկ Խաչատրյանն ազատվել է արտակարգ իրավիճակների պետական ծառայության տնօրենի պաշտոնից՝ իր դիմումի համաձայն: Կարեն Սարգսյանը նշանակվել է արտակարգ իրավիճակների պետական ծառայության տնօրեն:

Նախագահի մեկ այլ հրամանագրով գեներալ-լեյտենանտ Լյովա Մնացականյանն ազատվել է Արցախի Հանրապետության ոստիկանության պետի պաշտոնից՝ իր դիմումի համաձայն:

Ոստիկանության գնդապետ Աշոտ Հակոբջանյանը նշանակվել է Արցախի Հանրապետության ոստիկանության պետ՝ ազատվելով Արցախի Հանրապետության ոստիկանության պետի տեղակալի պաշտոնից:

Հիշեցնենք` ապրիլի 14-ին Արցախի Հանրապետության նախագահական ընտրությունների երկրորդ փուլի արդյունքներով նախագահ ընտրվեց «Ազատ հայրենիք» կուսակցության նախագահ Արայիկ Հարությունյանը, որը նախկինում տևական ժամանակ զբաղեցրել էր ԱՀ վարչապետի պաշտոնը։ Մայիսի 21-ին նա երդվեց ու ստանձնեց Արցախի նախագահի պաշտոնը։

Արայիկ Հարությունյանն աշխատակազմի ղեկավար է նշանակել

114
թեգերը:
Արցախի նախագահ Արայիկ Հարությունյան, Արցախ
Ըստ թեմայի
Արցախում բարձրագույն կրթությունն անվճար կդառնա
Երբեք չպետք է թույլ տալ, որ Արցախը քաղաքական դաշտում դառնա շահարկումների գործիք. Պողոսյան
Արցախյան հարցը կլուծվի փոխվստահության մթնոլորտում. Մայիլյանը և Թովմասյանը հանդիպել են
«Ուզում եմ խոստովանել, որ սխալ էինք»․Արարատ Միրզոյանը` Արցախում դիմակ չկրելու մասին
Դավիթ Բաբայան

Դավիթ Բաբայանը ազատման դիմում է գրել. Հարությունյանը նրան նոր պաշտոն է առաջարկել

213
(Թարմացված է 17:02 26.05.2020)
Բաբայանը նշել է, որ չի հեռանում քաղաքական և հասարակական դաշտից և Արցախի Հանրապետության նախագահ Արայիկ Հարությունյանի առաջարկով ստանձնում է Հարությունյանի՝ արտաքին հարաբերությունների գծով խորհրդականի պաշտոնը:

ԵՐԵՎԱՆ, 26 մայիսի - Sputnik. Արցախի Հանրապետության նախագահի աշխատակազմի տեղեկատվության գլխավոր վարչության պետ Դավիթ Բաբայանը պաշտոնից ազատման դիմում է գրել: Այդ մասին նա հայտնել է Facebook-ի իր պաշտոնական էջում:

«Արդեն 13 տարի է, ինչ ես գլխավորում եմ Արցախի Հանրապետության նախագահի աշխատակազմի տեղեկատվության գլխավոր վարչությունը՝ կառույց, որը պատասխանատու է մեր երկրի տեղեկատվական քաղաքականության համար: Տեղեկատվական ճակատը, հատկապես մեր երկրի համար, որը գտնվում է չկարգավորված հակամարտության պայմաններում, ունի ռազմավարական կարևորագույն նշանակություն: Ինձ համար պատիվ է եղել այս բոլոր տարիների ընթացքում ղեկավարել այդ կառույցը, լինել տեղեկատվական ճակատի առաջամարտիկներից, ծառայել իմ ժողովրդին և հայրենիքին: Աշխատանքս փորձել եմ կատարել արհեստավարժորեն՝ որպես ուղենիշ միշտ ունենալով պետական և ազգային շահերը»,- գրել է նա:

Արդեն նախկին պաշտոնյան շնորհակալություն է հայտնել իր բոլոր գործընկերներին և լրատվական դաշտի ներկայացուցիչներին՝ երկարատև արդյունավետ համագործակցության համար և հաջողություն մաղթել այդ պաշտոնում իրեն փոխարինող Վահրամ Պողոսյանին:

Բաբայանը նշել է նաև, որ չի հեռանում քաղաքական և հասարակական դաշտից և Արցախի Հանրապետության նախագահ Արայիկ Հարությունյանի առաջարկով այսուհետ աշխատելու է արտաքին հարաբերությունների գծով խորհրդականի պաշտոնում:

«Համագործակցելու եմ բոլորի հետ անխտիր»․ Արայիկ Հարությունյան

Բաբայանը նշել է, որ շարունակելու է նաև կուսակցական ակտիվ գործունեությամբ զբաղվել և խոստացել՝ 13 տարվա աշխատանքային գործունեության մասին ավելի մանրամասն խոսել ֆեյսբուքյան ուղիղ եթերի ժամանակ:

Նշենք, որ Բաբայանը ԱՀ նախագահի աշխատակազմի տեղեկատվության գլխավոր վարչության պետի պաշտոնը զբաղեցնում էր 2007 թվականի սեպտեմբերից, մինչ այդ՝ 2005-2007թթ. աշխատել է ԱՀ նախագահի օգնականի պաշտոնում:2013 թվականի դեկտեմբերի 28-ին նշանակվել է ԱՀ նախագահի աշխատակազմի տեղեկատվության գլխավոր վարչության պետ-ԱՀ նախագահի աշխատակազմի ղեկավարի տեղակալ, իսկ 2019 թվականի փետրվարի 26-ին հիմնադրել է Արցախի պահպանողական կուսակցությունը. նույն թվականի ապրիլի 17-ին ընտրվել կուսակցության նախագահ:

Կուսակցությունը (ԱՊԿ)՝ առաջնորդ Դավիթ Բաբայանի գլխավորությամբ 2020 թ. մարտի 31-ին մասնակցեց  ԱՀ խորհրդարանական և նախագահական ընտրություններին:

213
թեգերը:
ազատման դիմում, պաշտոն, Արցախ, Արայիկ Հարությունյան, Դավիթ Բաբայան
Ըստ թեմայի
Արայիկ Հարությունյանն աշխատակազմի ղեկավար է նշանակել
Հերոսների լուսանկարները` նախագահինի փոխարեն. Արայիկ Հարությունյանը որոշում է կայացրել
Արցախի իշխանությունների կողմից բացառվում են միակողմանի զիջումները. Արայիկ Հարությունյան
«Արցախը Հայաստան է, և վերջ». Արայիկ Հարությունյանը հուզիչ պատմություն պատմեց

«Ո՛չ, հարգելի դատարան». զավեշտալի դեպք կառավարության նիստի ժամանակ. տեսանյութ

0
(Թարմացված է 12:47 27.05.2020)
Վարչապետ Նիկոլ Փաշինյանն անթաքույց ծիծաղով ընդունեց փոխնախարար Գրիգորյանի շփոթմունքը:

Կառավարության այսօրվա նիստում զավեշտալի դեպք տեղի ունեցավ ՀՀ վարչապետ Նիկոլ Փաշինյանի և արդարադատության փոխնախարար Ռաֆիկ Գրիգորյանի միջև:

Փոխնախարարը ներկայացում էր «Հայաստանի Հանրապետության վարչական դատավարության օրենսգրքում փոփոխություններ և լրացում կատարելու մասին» և «Վարչարարության հիմունքների և վարչական վարույթի մասին» ՀՀ օրենքում լրացում կատարելու մասին» ՀՀ օրենքների նախագծերի փաթեթը, երբ վարչապետը պարզաբանեց, որ նախագիծը կոչված է կանխելու դատարանի որոշմամբ շինարարության դադարեցման արատավոր դեպքերը:

«Իսկ եթե դատարանը որոշի, որ այդ մարդու շինարարությունը 5 տարով կասեցվում է, հետո պարզվի, որ ապօրինի է կասեցվել այդ մարդու վնասը ով է փոխհատուցելու»,- հարցրեց Փաշինյանը:

«Ո՛չ, հարգելի դատարան»,- սովորույթի համաձայն ասաց իրավաբան աշխատած փոխնախարարն ու առաջինը հենց ինքն էլ ծիծաղեց իր շփոթմունքի վրա:

Վարչապետն ու ներկաները ևս ծիծաղեցին:

«Մասնագիտական է»,- ծիծաղելով ասաց Փաշինյանը:

«Այո՛, մասնագիտական է»,- արձագանքեց փոխնախարարն ու շարունակեց պատասխանը՝ ասելով, որ փոխհատուցման հարցը ներկայացրած նախագիծը չի կարգավորում:

Նշենք, որ Ռաֆիկ Գրիգորյանը 2019 թվականի հուլիսի 19-ի է ՀՀ վարչապետի որոշմամբ նշանակվել է ՀՀ արդարադատության նախարարի առաջին տեղակալ։

Է՛լ «այ հոգնած», է՛լ «անբարոյականի վաստակ». Աժ-ում կրքերը գագաթնակետին հասան. տեսանյութ

Մինչ այդ նա 2011թ.–ից իրավաբանական ոլորտում է աշխատել։ Եղել է «Բրեյվ» ՍՊԸ իրավախորհրդատվական ընկերության իրավաբանը, «Ֆինանսական համակարգի հաշտարարի գրասենյակ» հիմնադրամի պահանջները քննող մասնագետ-իրավաբանը, ՄԱԿ-ի Միացյալ ազգերի Բնակչության հիմնադրամը փորձագետը։

0
թեգերը:
Դատարան, Վարչապետ, փոխնախարար, զվարճալի տեսանյութ, կառավարություն, Նիկոլ Փաշինյան