Ստեփանակերտ

Վտանգավոր չէ՞. Արցախ մեկնող լրագրողները կորոնավիրուսի թեստ են հանձնել

203
Մարտի 31 - ին Արցախում համապետական ընտրություններ են նախատեսված։ 14 թեկնածուներից 4-ը կողմ են, որ կորոնավիրուսի պատճառով ընտրությունները հետաձգվեն:

ԵՐԵՎԱՆ, 29 մարտի — Sputnik. Մեկ տասնյակից ավելի ԶԼՄ-ների ներկայացուցիչներ, որոնք լուսաբանելու են Արցախի համապետական ընտրությունները, այսօր կորոնավիրուսի թեստ են:

Հայկական որոշ ԶԼՄ-ներ արդեն հաղորդել են, որ չեն լուսաբանելու ընտրությունները, քանի որ ճիշտ են համարում դրանց հետաձգումը։ Նրանց կարծիքով՝ ՀՀ-ից մեկնող պատվիրակները վտանգ են ներկայացնում Արցախի ժողովրդի համար։ Բայց քիչ չեն նաև լրատվամիջոցները, որոնք անկախ հանգամանքներից, որոշել են կատարել իրենց մասնագիտական պարտքը։ Ավելի քան տասնյակ ԶԼՄ-ների ներկայացուցիչներ այսօր կորոնավիրուսի արագ թեստեր են հանձնել և կմեկնեն ընտրությունները լուսաբանելու։

«Արցախին հերոսական անցյալով ղեկավար է պետք». Քոչարյանն ուղերձով դիմել է արցախցիներին

«Yerevan today»-ի լրագրող Էմմա Հովսեփյանը Sputnik Արմենիայի հետ զրույցում նշեց, որ գնում է իր մասնագիտական առաքելությունը կատարելու և վարակվելուց չի վախենում։ Նա նաև չի վախենում վիրուսը Արցախ «տանել», քանի որ իր թեստի արդյունքը բացասական է եղել։

Լրագրողը նշեց, որ խմբագրությունը մանրակրկիտ պատրաստվել է ուղևորությանը։ Նկարահանող խմբին տրամադրել են դիմակներ և ձեռնոցներ, ալկոգել՝ Արցախում գտնվելու ամբողջ ժամանակահատվածի համար։ Ընդ որում, Հովսեփյանը հավատացրեց, որ ինչպես ինքը, այնպես էլ օպերատորը կհետևեն առողջապահության նախարարության հորդորներին, կկրեն աշխատանքում անհարմար դիմակներն ու կօգտվեն ախտահանիչներից։

«Չեմ կարող ասել՝ ճիշտ կլիներ տեղափոխել ընտրությունները, թե՞ հենց հիմա անցկացնել։ Կարծում եմ՝ միայն ժամանակը ցույց կտա, թե ում էր ձեռնտու այս պահին ընտրությունների անցկացումը՝ իշխանությանը, թե ընդդիմությանը»,-ասաց նա։

Իր հերթին ռուսական «Коммерсантъ» պարբերականի թղթակից Հայկ Խալաթյանը, որը նույնպես կորոնավիրուսի թեստ է հանձնել և բացասական պատասխան ստացել, նշեց, որ Արցախում գտնվելու է երկու օր՝ խմբագրության հանձնարարությամբ։ Նրա խոսքով`թեև նա պարետատուն դիմել է ամենավերջին պահին, ԼՂՀ ԱԳՆ-ում հավատարմագրումից հետո, սակայն շատ արագ են արձագանքել և մեկ ժամվա ընթացքում տեղեկացրել են, թե որտեղ կարող է թեստ հանձնել ընտրությունները լուսաբանելու մեկնող մյուս լրագրողների հետ միասին։

Խալաթյանը կարևոր է համարում նման իրադարձությունների լուսաբանումը, քանի որ լրագրողի պարտքն է տեղեկությունը հասցնել ընթերցողին՝ Հայաստանում և Հայաստանից դուրս։ Բացի այդ, եթե ընտրությունների ընթացքում խախտումներ լինեն, լրագրողները դրանք կարձանագրեն և հանրությանը տեղյակ կպահեն։

«Անընդհատ ալկոգել եմ օգտագործելու, դիմակով մի քիչ ավելի դժվար կլինի, բայց կաշխատեմ մարդաշատ վայրերում անպայման դնել»,-նշեց նա։

Նախապես պետք է մշակել Արցախի սահմանին իրադարձությունների զարգացման բոլոր սցենարները

Լրագրողն ասաց, որ ոչ ոք չգիտի, թե որքան կարող է ձգվել կորոնավիրուսի հետ կապված իրավիճակը, այդ պատճառով գուցե նպատակահարմար կլիներ անվտանգության նկատառումներով հետաձգել ընտրությունները։ Սակայն նա հույս ունի, որ Արցախի իշխանությունները հաշվի են առել բոլոր ռիսկերը և պատրաստ են խնդիր ծագելու դեպքում պատասխանատվություն կրել։

Նշենք, որ մարտի 16-ից սկսած մուտքը ՀՀ-ից Լեռնային Ղարաբաղ ժամանակավորապես արգելված է՝ կորոնավիրուսի տարածումը կանխելու նպատակով։ Մինչ այսօր Արցախում կորոնավիրուսով վարակման ոչ մի դեպք չի գրանցվել։

Մարտի 31-ին Արցախի Հանրապետությունում նախագահական և խորհրդարանական ընտրություններ են նշանակված։ Դրանք հետաձգելու հնարավորության կամ անհրաժեշտության մասին հայտարարություններով են հանդես եկել նախագահի թեկնածուներ Վիտալի Բալասանյանը, Մասիս Մայիլյանը և Վահան Բադասյանը։ Եվս մեկ թեկնածու՝ Ռուսլան Իսրայելյանը, ընտրությունների հետաձգման մասին համատեղ հայտարարություն անելու կոչով դիմել է ԼՂՀ նախագահի պաշտոնի մյուս բոլոր թեկնածուներին։ Արդյունքում այս նախաձեռնությանը աջակցել են 14 թեկնածուներից 4-ը։ Գործադիր իշխանությունը և Արցախի ԿԸՀ-ը հայտարարությանը դեռ ոչ մի կերպ չեն արձագանքել։

203
թեգերը:
թեստ, կորոնավիրուս, Լրագրող, Ընտրություններ, Լեռնային Ղարաբաղ, Արցախ, Հայաստան
Ըստ թեմայի
Ինչ պայմանավորվածություն է ձեռք բերվել Ռուսաստանի և Վրաստանի հետ. Փաշինյանը մանրամասնել է
Կեքսերը դիմակներ են հագել, իսկ տորթը կորոնավիրուսի տեսք է ընդունել. զվարճալի ֆոտոշարք
Օնլայն տեղեկություն կստանանք կորոնավիրուսով վարակվածների հետ շփվածների մասին. նոր նախագիծ
Վլադիրմի Պուտին

Պուտինը խորհրդակցության ժամանակ զայրացել է և գրիչը սեղանին է նետել. տեսանյութ

248
(Թարմացված է 16:59 27.05.2020)
Խոսելով այնպիսի իրավիճակների մասին, երբ մարդկանց վտանգ է սպառնում կամ նրանք զրկվում են տանիքից, պետության ղեկավարը չի զսպել զգացմունքները։

ԵՐԵՎԱՆ, 27 մայիսի -  Sputnik. ՌԴ նախագահ Վլադիմիր Պուտինը մարզերում ջրհեղեղների և հրդեհների թեմայով  տեսախորհրդակցության ընթացքում չի զսպել զայրույթն ու գրիչը սեղանին է շպրտել։ Տեսագրության հատվածը տեղադրվել է @Kremlinpool_RIA թվիթերյան էջում։

Ռուսաստանում COVID-19–ի տարածման պիկն անցել է. Պուտին

ՌԴ նախագահն ընդգծել է, որ հազարավոր քաղաքացիների համար առաջին պլանում են հայտնվել արտակարգ դրության հետ կապված իրավիճակները։ Մարդիկ կարող են առանց տանիքի մնալ, իսկ նրանց կյանքը վտանգված է։ Դրանից հետո Պուտինը գրիչը շպրտել է սեղանին։

Տեսակոնֆերանսի ֆորմատով կայացած խորհրդակցությանը մասնակցել են Ռուսաստանի ԱԻՆ-ի ղեկավար Եվգենի Զինիչևը, տրանսպորտի նախարար Եվգենի Դիտրիխը, բնապահպանության նախարար Դմիտրի Կոբիլկինը և մի շարք մարզպետներ։

Պուտինը հայտարարել է, որ Հաղթանակի օրվան նվիրված զորահանդեսը կանցկացվի հունիսին

Արտակարգ դրության ռեժիմ է հայտարարված Ռուսաստանի չորս մարզերի անտառներում`Անդրբայկալյան երկրամասի ողջ տարածքում և Տիվայի Հանրապետության որոշ մարզերում, Իրկուտսկի մարզում և Խակասիայի Հանրապետությունում։ Եվս 49 մարզերում հատուկ հակահրդեհային ռեժիմ է գործում, որի ընթացքում քաղաքացիներին արգելված է զբոսնել անտառում, կրակ վառել և այրել չոր թփերը։

248
թեգերը:
տեսանյութ, Վլադիմիր Պուտին, Ռուսաստան
Ըստ թեմայի
Ինչպես են ռուսաստանցիներին օգնելու դուրս գալ կարանտինից. Պուտինի ուղերձի առանցքային կետերը
Ասադի «հրաժարականի» լուրերի ֆոնին․ Պուտինն ու Էրդողանը քննարկել են իրավիճակը Սիրիայում
Ինչո՞ւ գազի միասնական գին չի սահմանվում. Պուտինը պատասխանեց Փաշինյանին ու Լուկաշենկոյին
Արայիկ Հարությունյան

Արցախի նախագահը մի շարք նշանակումներ է արել

127
(Թարմացված է 18:54 26.05.2020)
Արայիկ Հարությունյանի հրամանագրերի համաձայն` Արցախը կունենա երկու նոր նախարար և նոր ոստիկանապետ։

ԵՐԵՎԱՆ, 26 մայիսի – Sputnik. Արցախի Հանրապետության նախագահ Արայիկ Հարությունյանը մայիսի 26-ին ստորագրել է մի շարք հրամանագրեր: Տեղեկությունը հայտնում է Արցախի կառավարության մամուլի ծառայությունը։

Գրիգորի Մարտիրոսյանը նշանակվել է Արցախի Հանրապետության պետական նախարար։ Նա այս պաշտոնը զբաղեցնում է 2018 թվականի հունիսից։

Լուսինե Ղարախանյանը նշանակվել է Արցախի Հանրապետության կրթության, գիտության և մշակույթի նախարար։ Մինչ այս ԿԳՄ նախարարի պաշտոնը զբաղեցնում էր Նարինե Աղաբալյանը։

Արամ Սարգսյանը նշանակվել է Արցախի Հանրապետության քաղաքաշինության նախարար. նա կփոխարինի Կարեն Շահրամանյանին։

Արայիկ Հարությունյանը հաստատել է նաև կառավարության որոշումները, համաձայն որոնց՝ Վլադիկ Խաչատրյանն ազատվել է արտակարգ իրավիճակների պետական ծառայության տնօրենի պաշտոնից՝ իր դիմումի համաձայն: Կարեն Սարգսյանը նշանակվել է արտակարգ իրավիճակների պետական ծառայության տնօրեն:

Նախագահի մեկ այլ հրամանագրով գեներալ-լեյտենանտ Լյովա Մնացականյանն ազատվել է Արցախի Հանրապետության ոստիկանության պետի պաշտոնից՝ իր դիմումի համաձայն:

Ոստիկանության գնդապետ Աշոտ Հակոբջանյանը նշանակվել է Արցախի Հանրապետության ոստիկանության պետ՝ ազատվելով Արցախի Հանրապետության ոստիկանության պետի տեղակալի պաշտոնից:

Հիշեցնենք` ապրիլի 14-ին Արցախի Հանրապետության նախագահական ընտրությունների երկրորդ փուլի արդյունքներով նախագահ ընտրվեց «Ազատ հայրենիք» կուսակցության նախագահ Արայիկ Հարությունյանը, որը նախկինում տևական ժամանակ զբաղեցրել էր ԱՀ վարչապետի պաշտոնը։ Մայիսի 21-ին նա երդվեց ու ստանձնեց Արցախի նախագահի պաշտոնը։

Արայիկ Հարությունյանն աշխատակազմի ղեկավար է նշանակել

127
թեգերը:
Արցախի նախագահ Արայիկ Հարությունյան, Արցախ
Ըստ թեմայի
Արցախում բարձրագույն կրթությունն անվճար կդառնա
Երբեք չպետք է թույլ տալ, որ Արցախը քաղաքական դաշտում դառնա շահարկումների գործիք. Պողոսյան
Արցախյան հարցը կլուծվի փոխվստահության մթնոլորտում. Մայիլյանը և Թովմասյանը հանդիպել են
«Ուզում եմ խոստովանել, որ սխալ էինք»․Արարատ Միրզոյանը` Արցախում դիմակ չկրելու մասին
Գոռ Հարությունյան

Գոռին տուն ճանապարհեցին. ինչերի միջով է անցել փոքրիկը հիվանդանոցային 9 ամիսների ընթացքում

0
Գոռն իր կարճ կյանքի ընթացքում մի շարք վիրահատություններ ու բարդ թերապիաներ է անցել։ Բժիշկների ջանքերի շնորհիվ փոքրիկը կազդուրվել է, և չնայած վերականգնողական կուրսը շարունակվում է, նրան տուն են ճանապարհել։

ԵՐԵՎԱՆ, 27 մայիսի – Sputnik․ Այսօր 9 ամսական Գոռ Հարությունյանին դուրս գրեցին Երևանի «Սուրբ Աստվածամայր» հիվանդանոցից։ Փոքրիկը հիվանդանոցի պատերից բացի դեռևս ոչինչ չի տեսել։ Լույս աշխարհ գալուց անմիջապես հետո նրան այստեղ են բերել, իսկ հաջորդ օրն արդեն վիրահատել են։

Կորոնովիրուսով վարակված 4-ամյա փոքրիկի վիրահատությունը 1.5 ժամ է տևել

Բժիշկները նրա մոտ կերակրափողի ատրեզիա՝ անանցանելիություն էին հայտնաբերել դեռ մինչև ծնվելը, բայց կրծքավանդակի բաց վիրահատությունից հետո կերակրափող-շնչափողային խուղակ հայնաբերվեց։

«Սուրբ Աստվածամայր» ԲԿ-ի վիրաբուժական գծով փոխտնօրեն Դավիթ Դալլաքյանը պատմեց, որ երեխան ծնվել է 1500 գրամ քաշով։ Այդ պատճառով բժիշկները ստիպված են եղել բացել կրծքավանդակը, տորակոսկոպիա իրականացնել և փակել խուղակը։

Врач Давид Далакян во время выписки 9-месячного Гора Арутюняна
© Sputnik / Aram Nersesyan
Դավիթ Դալլաքյան

Մեկ շաբաթ անց երեխայի մոտ նոր կերակրափող են ձևավորել։ Բայց նրա մոտ կլլման ակտի խանգարում է հայտնաբերվել, և փոքրիկի սնուցումն ապահովելու համար բժիշկները նրա ստամոքսում խողովակ են տեղադրել։

Որոշ ժամանակ անց կարերի հատվածում կերակրափողը նորից է սկսել նեղանալ։ Բժիշկները կրկին վիրահատել են կերակրափողը։ Հիմա երեխայի վիճակը կայունացել է, բայց նրան շարունակում են կերակրել ստամոքսի խողովակով, քանի որ դեռևս կլլման ակտի խանգարումներ կան։

«Հուսով ենք՝ ժամանակի ընթացքում խնդիրը կվերանա, և երեխան կկարողանա բերանով սնվել։ Մենք ուրախ ենք, որ նա վերջապես տուն է գնալու։ Տնային պայմաններում և ընտանեկան միջավայրում ավելի շուտ կկազդուրվի»,- ասաց բժիշկը։

9-месячный Гор Арутюнян
© Sputnik / Aram Nersesyan
Գոռ Հարությունյան

Նա ավելացրեց, որ Հայաստանում տարեկան 10-12 երեխայի կերակրափողի անանցանելիության վիրահատություն է արվում։ 90 տոկոսի դեպքում երեխաները ողջ են մնում և վերադառնում են սովորական կյանքին։

Գոռի մայրը՝ Արփինե Հարությունյանը, ավելացրեց, որ 9 ամիս շարունակ փոքրիկի հետ միասին գտնվել է բժշկական կենտրոնում և երբեք հույսը չի կորցրել, որ երեխան կբուժվի։

«Երեխայի խնդիրների մասին հղիության ընթացքում իմացա։ Այն ժամանակ ինձ ասացին, որ ողջ մնալու հավանականությունը 50-50 է, և ես պատրաստ էի ցանկացած սցենարի՝ թե՛ լավ, թե՛ վատ։ Բայց հիմա համոզված եմ, որ իմ ուժեղ տղան հաղթելու է»,- ասում է երիտասարդ կինը։

Мама 9-месячного Гора, Арпине Арутюнян
© Sputnik / Aram Nersesyan
Արփինե Հարությունյանը որդու` Գոռի հետ

Նա վստահ է, որ բժիշկների ջանքերով երեխան կկարողանա հաղթահարել բոլոր դժվարությունները, և իրենք օրինակ կդառնան հուսահատված ծնողների համար։ Կինն ավելացրեց, որ այս պահին երեխայի քաշը 4920 գրամ է, նա վերականգնողական թերապիա է անցնում, և եթե ամեն ինչ լավ ընթանա, շուտով կշարունակի ապրել այնպես, ինչպես իր տարիքի մյուս երեխաները։

9-месячный Гор Арутюнян
© Sputnik / Aram Nersesyan
Գոռ Հարությունյան

Կապանցի 7-ամյա տղային Մոսկվայում վիրահատել են. մանրամասներ

0
թեգերը:
բժիշկ, երեխա, հիվանդանոց
Ըստ թեմայի
«Դու մենակ չես». «Միսս Հայաստան» դառնալու երազանքը 8-ամյա Էլենին օգնեց հաղթահարել քաղցկեղը
«Դու մենակ չես». ապարանցի Ռոմիկն ուզում է առողջանալ, գեղեցիկ կին ու «Յաշիկ» ունենալ
«Դու մենակ չես». Գավառի դատարանի 5–ամյա «շեֆն» ու ցավոտ կատետորները. ինչ է երազում Աշոտը