Հիվանդանոց

Արցախում վիրավորված զինծառայողներից մեկը վնասվածք է ստացել գլխի շրջանում. մանրամասներ

145
(Թարմացված է 14:16 24.01.2020)
Արցախում վիրավորում ստացած զինծառայողի վիճակը ծայրահեղ ծանր է. նրան առաջիկայում կտեղափոխեն Ստեփանակերտի հիվանդանոց։

ԵՐԵՎԱՆ, 24 հունվարի – Sputnik. Արցախում վիրավորում ստացած զինծառայողներից մեկը` Հենրի–Հայկ Զաքարեանը, այժմ գտնվում է Մարտակերտի հոսպիտալում. լրագրողների հետ հանդիպման ժամանակ հայտնել է ՀՀ ԶՈՒ ռազմաբժշկական վարչության պետ, գնդապետ Սահակ Օհանյանը` պատասխանելով Sputnik Արմենիայի հարցին։

«Վիրահատությունը 1.5 ժամ առաջ է ավարտվել։ Նրա վիճակը ծայրահեղ ծանր է, նա գլխի շրջանում է վիրավորում ստացվել»,–ասաց նա։

Զինծառայողին առաջիկայում կտեղափոխեն Ստեփանակերտ։ Եթե անհրաժեշտություն լինի, ապա նա վերականգնողական բուժում կանցնի Երևանի կենտրոնական զինվորական հոսպիտալում։

«Այժմ նրան Երևան տեղափոխելու հարցը չի քննարկվում` նրա վիճակը թույլ չի տալիս։ Եթե նման կարիք լինի, նա անպայման կտեղափոխվի Երևան»,–ասաց Սահակյանը։

Վիրավորում ստացած մյուս զինծառայողի` Արմեն Մեսրոպյանի վիճակը միջին ծանրության է, նա վնասվածք է ստացել ձեռքի շրջանում։

Հայտնի են Պաշտպանության բանակում վիրավորում ստացած զինծառայողների անունները

Հիշեցնենք, որ Արցախի ՊԲ–ն հայտնել էր` հունվարի 24-ին, ժամը 06:55-ի սահմանում, ՊԲ հյուսիսային ուղղությամբ տեղակայված զորամասերից մեկում, դեռևս չպարզված հանգամանքներում, հրազենային վիրավորում են ստացել ՊԲ զինծառայողներ, 2001թ. ծնված Հենրի-Հայկ Սիմոնի Զաքարեանը և 2000թ. ծնված Արմեն Ջոնիկի Մեսրոպյանը:

145
թեգերը:
Վիրավոր, Լեռնային Ղարաբաղ, Արցախ, զինծառայող
Ըստ թեմայի
Սարսափելի դեպք Երևանում. բեռնատարը վրաերթի է ենթարկել 11–ամյա դպրոցականին
Ո՞ր երկրներից է թմրանյութ հասնում ՀՀ, կամ 1 կգ թմրանյութ` Երևանի գիշերային ակումբի համար
Հրայր Թովմասյանի փաստաբանը տեսանյութ է հրապարակել. ի՞նչ է կատարվել խուզարկությունից առաջ