Շուշիի բերդ

Շուշիի բերդի երեք աշտարակներն այս տարի կկոնսերվացվեն

158
(Թարմացված է 11:37 23.01.2020)
Վերականգնման փուլում են գտնվում Շուշիի «Գոհար Աղա» մզկիթը, Հադրութի շրջանի Ծակուռի գյուղի «Ծաղկավանք» եկեղեցին։

ԵՐԵՎԱՆ, 23 հունվարի — Sputnik. Արցախի մշակույթի, երիտասարդության հարցերի և զբոսաշրջության նախարար Լեռնիկ Հովհաննիսյանը հայտնել է, որ 2020-ին կկոնսերվացվեն Շուշիի բերդի երեք աշտարակները. տեղեկանում ենք նախարարության Facebook սոցիալական ցանցի պաշտոնական էջից։

«Մասնավոր հատվածի կամ բարեգործական հիմնադրամների աջակցությամբ և ֆինանսավորմամբ ավարտվել կամ վերականգնման փուլում են գտնվում Շուշիի «Գոհար Աղա» մզկիթը, Հադրութի շրջանի Ծակուռի գյուղի «Ծաղկավանք» եկեղեցին, Մարտակերտի շրջանի Երիցմանկանց վանքը, Մարտունու շրջանի Ամարասի վանքը»,–լրագրողների հետ զրույցում ասել է Հովհաննիսյանը։

Նախարարի խոսքով` նախորդ տարի Արցախ է այցելել 41 963 օտարերկրյա զբոսաշրջիկ ՝ գերազանցելով նախորդ տարվա ցուցանիշը 46.7% -ով(28 588): Արցախի զբոսաշրջային գրավչությունները ներկայացվել են միջազգային զբոսաշրջային ցուցահանդեսներում:

Հովհաննիսյանը նշել է` մշակույթի ոլորտում իրականացված քաղաքականությունը միտված էր մշակութային ժառանգության պահպանմանը, տարածմանն ու հանրահռչակմանը, ժամանակակից արվեստի զարգացմանը։

«Հարսանիք Շուշիում» օպերացիան սկսված է. Արմեն Գրիգորյանը հարսանեկան լուսանկար է հրապարակել

Հիշեցնենք, որ նախորդ տարի պեղման-ուսումնասիրման աշխատանքներ են կատարվել «Տիգրանակերտ» պետական պատմամշակութային արգելոցի տարածքում, Մարտունու շրջանի Բերդաշեն գյուղում, Քաշաթաղի շրջանի Միրիկ գյուղի տարածքում՝ Միրիկի ամրոցում:

158
թեգերը:
մշակույթ, Հուշարձան, Արցախ
Ստեփանակերտ. արխիվային լուսանկար

Առաջարկվող բնակվարձերի չափերը հեռու են բարոյական նորմերից. Արցախի նախագահ

52
(Թարմացված է 21:43 24.02.2021)
Արցախի նախագահը հայտնել է, որ անհրաժեշտության դեպքում կիրառելու են նաև պատասխանատվության միջոցներ անբարեխիղճ վարձատուների հանդեպ։

ԵՐԵՎԱՆ, 24 փետրվարի - Sputnik. Ստեփանակերտցիների մի մասի կողմից առաջարկվող բնակարանային վարձերի չափերը ոչ միայն անտրամաբանական են, այլև հեռու են բարոյական նորմերից: Այսօր բնակարանային և ներքին անվտանգային մի շարք հարցերի շուրջ հրավիրված աշխատանքային խորհրդակցության ժամանակ այսպիսի հայտարարություն է արել Արցախի նախագահ Արայիկ Հարությունյանը։ Տեղեկությունը հայտնում է ԱՀ նախագահի մամուլի ծառայությունը։

«Կառավարությունը շտապ միջոցներ է կիրառելու օրենքի սահմաններում վիճակը շտկելու ուղղությամբ։ Անհրաժեշտության դեպքում անբարեխիղճ վարձատուներին զրկելու ենք պետական աջակցության ծրագրերից և կիրառելու ենք նաև պատասխանատվության միջոցներ»,–ասել է նախագահը։

Նա հանձնարարել է պատկան մարմիններին կարճ ժամանակում մշակել ու ներդնել համապատասխան կարգավորումներ:

Անդրադարձ է եղել նաև ապօրինի զինամթերքի հավաքագրմանը, ճանապարհային երթևեկության կանոնների խստացմանն ու երկրում օրինականության ապահովմանն ուղղված հարցերի: Նախագահը խստորեն հանձնարարել է լիազոր մարմիններին ապահովել օրենքի գերակայությունը և ներքին կարգուկանոնը՝ հատուկ ուշադրություն դարձնելով օրենքի առջև բոլորի հավասարությանը:

Հիշեցնենք, որ մեկ տարով Արցախի բնակչության համար անվճար կլինեն կոմունալ ծառայությունները՝ բնական գազը, էլեկտրաէներգիան, ջուրը, նաև բջջային և ֆիքսված կապը ու համացանցը։

Բացի այդ, փոխհատուցվում է այն ընտանիքների բնակվարձը, որոնք կորցրել են իրենց տները պատերազմի հետևանքով։

Արցախի խորհրդարանն առաջարկում է Ադրբեջանին անցած տարածքներին տալ «օկուպացվածի» կարգավիճակ

52
թեգերը:
Արայիկ Հարությունյան, վարձ, բնակարան, Ստեփանակերտ, Արցախ
Ըստ թեմայի
Արցախի նախագահն ԱԱԾ տնօրեն և առաջին տեղակալ է նշանակել
Արցախի նախագահն առաջիկայում գաղտնի հանդիպում է ունենալու. Միքայել Մինասյան
Արցախի նախագահը հանդիպել է ադրբեջանական կողմի պաշտոնական ներկայացուցչի հետ
Մովսես Հակոբյան

««Պանդորայի արկղը» Շուշիում է թաքնված». Մովսես Հակոբյանը` պարտության պատճառների մասին

381
(Թարմացված է 12:04 24.02.2021)
«Իրավունքի» հետ զրույցում Հակոբյանը նշել է, որ բազմաթիվ հարցերի պատասխանն առավել ամբողջական դարձնելու համար անհրաժեշտ է, որ ՊՆ-ն ստեղծի հա­տուկ հանձնաժողով և ման­րակրկիտ վերլուծի պատերազմական գործողությունները։

ԵՐԵՎԱՆ, 24 փետրվարի - Sputnik. «Իրավունք» թերթն անդրադարձել է Արցախյան պատերազմին, Շուշիի ընկնելու պատճառներին, մեր բանակի բացթողումներին։  Թերթն այս հարցերի պատասխանը փորձել է ստանալ ՀՀ պաշտպանության նա­խարարության ռազմական վերահսկողական ծառայության նախկին պետ, Արցախի պաշտպանության նախկին նախարար, ՀՀ զինված ուժերի գլխավոր շտաբի նախկին պետ գեներալ-գնդապետ Մովսես Հակոբյանից:

Հակոբյանը նշել է, որ այս հարցերի պատասխանն առավել ամբողջական դարձնելու համար անհրաժեշտ է, որ ՊՆ-ն ստեղծի հա­տուկ հանձնաժողով և ման­րակրկիտ վերլուծի պատերազմի առաջին օրվանից սկսած՝ բոլոր այն գործողու­թյունները, որոնք առաջին հայացքից ուշադրության չեն արժանանում, բայց որոնց հիմ­քում ընկած են մեծ խութեր:

«Պատերազմի առաջին իսկ օրվա­նից հակառակորդի նպատակը Շուշի հասնելն էր: Իսկ թե ինչպես հասավ, ինչ միջոցներով, հարցի պատասխանը կտա ժամանակը և բանակի վերլուծությունը: Ես առհասարակ այն կարծիքին եմ, որ բոլոր հարցերի պատասխանը, այսպես ասած, «Պանդորայի արկղը» հենց Շուշիում է թաքնված»,–ասել է Հակոբյանը:

Պատասխանելով դավաճանության և պատերազմի ելքը նախապես իմանալու մասին հարցին` Մովսես Հակոբյանն ասել է, որ ինքն այդ կարծիքին չէ: «Պարզապես մենք վատ պատրաստվել ենք և վատ կռվել։ Մեր պրոբլեմը կառավարման մեջ է եղել, ուրիշ ոչ մի տեղ։ Թե չէ զինվորների մարտական ոգին պատերազմի ան­գամ ամենաթեժ պահերին եղել է գեր-գերազանց: Զինվորը արել է անհնարինը, դա կարող է փաստել ցանկացած զինվորական»,–ասել է նա` հավելելով, որ մեր առաջին խնդիրն օդային թույլ պաշտպանու­թյունն էր:

Զոհված զինծառայողների հարազատների հաղորդումների հիման վրա հարուցվել է 3 քրեական գործ

Մովսես Հակոբյանի կարծիքով` Ապրիլյան պատերազմն ու այս պատերազմն անհամեմատելի են:

Խոսելով բանակի առաջնահերթությունների մասին` Հակոբյանը նշել է, որ առաջնահերթությունները շատ են, բայց առաջին և գլխավոր խնդիրն այ­սօր վերակազմավորվելն է և հինգերորդ սերնդի պատերազմներ վա­րելուն համահունչ բանակ ստեղծելը:

Նա ընդգծել է, որ երկրի անվտանգությունը ապահովվում է ինչպես ռազմական, այնպես էլ դիվա­նագիտական ճանապարհներով: Ուստի երկուստեք արդյունավետ աշխատանքի արդյունքում միայն հնարավոր կլինի դիմագրավել առկա մարտահրավերներին:

381
թեգերը:
Բանակ, Պարտություն, Շուշի, Արցախյան պատերազմ, Մովսես Հակոբյան
Ըստ թեմայի
Չաշխատող «Իսկանդե՞ր». ինչ է ասել Փաշինյանը 2021-ի իր առաջին հարցազրույցում
Վանեցյանի «Հայրենիք» զորախմբի անդամների կողմից դասալքություն չի եղել. դատախազություն
Սասուն Միքայելյանը ԵԿՄ–ում, կարելի է ասել, միայնակ է մնացել. «Հրապարակ»
Արման Թաթոյան

Թաթոյանի հայտարարությունները մեծ դժգոհություն են առաջացրել ադրբեջանական ԶԼՄ–ներում

43
(Թարմացված է 00:00 25.02.2021)
ՄԻՊ–ը շարունակելու է սահմանային բնակիչների իրավունքների պաշտպանությանն ուղղված աշխատանքները` անկախ որևէ ճնշումից:

ԵՐԵՎԱՆ, 24 փետրվարի - Sputnik. ՀՀ մարդու իրավունքների պաշտպան Արման Թաթոյանի դեմ ադրբեջանական լրատվամիջոցներում շարունակվում են վիրավորանք ու ատելություն պարունակող հրապարակումներ` նրան անվանելով «ֆաշիստական մանրէով վարակված չինովնիկ», «երկերեսանի» և այլն: Թաթոյանը Facebook–ի իր էջում գրառում է արել` հայտնելով այդ մասին։

«Ադրբեջանական լրատվամիջոցի այս հոդվածը պաշտպանի այն հայտարարությունների կապակցությամբ է, որոնք առնչվում են Հայաստանի Սյունիքի մարզի սահմանային գյուղերի բնակիչների իրավունքների պաշտպանությանը: Ըստ հոդվածի` ՀՀ մարդու իրավունքների պաշտպանի այս հարցերով հայտարարությունները մեծ դժգոհություն են առաջացրել ադրբեջանական լրատվամիջոցներում»,–նշված է Թաթոյանի գրառման մեջ։

Նրա խոսքով` ադրբեջանական հոդվածն այնպիսին է, որ դարձյալ ակնհայտ ցուցադրում է հայատյացության հիմքեր: Թաթոյանը նշում է, որ շարունակելու է սահմանային բնակիչների իրավունքների պաշտպանությանն ուղղված աշխատանքները` անկախ որևէ ճնշումից:

Հիշեցնենք, որ փետրվարի 17-ին Թաթոյանը Facebook–ի իր էջում գրառում էր արել ու վեր հանել Սյունիքի մարզի Կապան քաղաք, Ներքին Հանդ, Շիկահող, Սրաշեն գյուղերի խնդիրները։

Մասնավորապես, ՄԻՊ–ն արձանագրել էր, որ ադրբեջանական զինված ծառայողների առկայությունը Կապան քաղաքից Ճակատեն ու Սյունիքի մարզի Կապան համայնքի այլ գյուղեր տանող ճանապարհին լրջորեն խաթարել է խաղաղ բնակիչների ու առաջին հերթին գյուղացիների ազատ տեղաշարժն այդ ճանապարհով։

Թաթոյանը հայտնել էր նաև, որ զինված ծառայողների առկայությունը կամ նրանց ցանկացած տեսակի տեղաշարժը կոպտորեն ոտնահարում են բնակիչների սեփականության իրավունքը, այդ թվում՝ ապրուստի միջոց վաստակելու նրանց հնարավորությունը։

Թաթոյանը ՌԴ դեսպանի հետ խոսել է Ադրբեջանում պահվող գերիների վերադարձի հրատապության մասին

43
թեգերը:
ԶԼՄ, Ադրբեջան, ՀՀ ՄԻՊ, Արման Թաթոյան
Ըստ թեմայի
Ադրբեջանական ԶԼՄ-ների հարձակումը ՀՀ ՄԻՊ-ի վրա. Թաթոյանի հայտարարությունները կեղծվում են
Գերիների հարցը լուծել է պետք. Թաթոյանը հանդիպել է ՀՀ–ում ԵՄ պատվիրակության ղեկավարի հետ
Երկիրը կանգնած է լուրջ մարտահրավերների առաջ. Արման Թաթոյանը սթափության կոչ է արել