Մարիա Զախորովա

Ղարաբաղի հարցի «կարմիր գծերը» չեն բացառում փոխըմբռնման հասնելու հնարավորությունը. Զախարովա

104
Ղարաբաղյան հարցում կառուցողական երկխոսության կայացման համար Ռուսաստանն անելու է ամեն ինչ: Այդ ճանապարհին արդեն որոշ հաջողություններ կան։

ԵՐԵՎԱՆ. 12 դեկտեմբերի – Sputnik. Չնայած կողմերի դիրքորոշումների տարբերությանը, հնարավոր է Ղարաբաղյան հարցում փոխըմբռնման հասնել։ Այս մասին այսօրվա ճեպազրույցի ժամանակ ասաց ՌԴ ԱԳՆ պաշտոնական ներկայացուցիչ Մարիա Զախարովան։

Լավրովը և Գրեմինգերը Արցախի վերաբերյալ տեղեկություն են փոխանակել. Զախարովա

«Այն, որ դիրքորոշումները տարբեր են` ակնհայտ է, հակառակ դեպքում բանակցային գործընթաց չէր լինի»,–ասել է Զախարովան։

Ռուսաստանը որպես միջնորդ երկիր ամեն կերպ սատարելու է հին հակամարտության կարգավորմանն ուղղված երկխոսությունը։

«Անելու ենք ամեն ինչ, որ երկխոսությունը կառուցողական հունով շարունակվի ու կողմերը կարողանան փոխշահավետ լուծումներ գտնել», – ասել է Զախարովան։

Նժդեհի հուշատախտակը ներկելու դեպքն ուսումնասիրում են քննչական մարմինները. Զախարովա

Նրա խոսքով` «չնայած տարբեր դիրքորոշումներին ու նշված «կարմիր գծերին»», արդեն որոշ ոլորտներում երկխոսությունների օրինակներ են եղել։

«Մասնավորապես, խոսքը լրագրողների խմբերի փոխադարձ այցելությունների մասին է։ Ահա, հիանալի օրինակ է։ Այստեղ միջնորդի դերը կառուցողական էր»,–ասել է Զախարովան։

Հիշեցնենք՝ նոյեմբերի 17-21–ը հայ լրագրողները (երկուսը` Հայաստանից, մեկը` Արցախից) այցելել են Ադրբեջան, իսկ ադրբեջանցի լրագրողները` Հայաստան և Արցախ։ Ծրագիրը նախապատրաստել և համակարգել է ԵԱՀԿ գործող նախագահի անձնական ներկայացուցիչը` հակամարտության երեք կողմերի համապատասխան գերատեսչությունների աջակցությամբ։

104
թեգերը:
Ռուսաստան, Լրագրող, Արցախ, Ադրբեջան, Հայաստան, Մարիա Զախարովա
Ըստ թեմայի
Սուրենյանց. «Ղարաբաղյան խնդրում Զատուլինի առաջարկը բավականին պրագմատիկ լուծում է»
«Աշխատել միասին». Փաշինյանը ներկայացրեց ղարաբաղյան հակամարտության լուծման իր բանաձևը
Ղարաբաղյան հակամարտությունը ՌԴ–ի ուշադրության կենտրոնում է. Լավրովը Բաքու է մեկնում
«Սերժը փրկեց Նիկոլին». Արմեն Աշոտյանը` ղարաբաղյան բանակցությունների մասին
Սարգսյան. «Հիմա ոչ մեկի համար հասկանալի չէ, թե Ղարաբաղյան խնդրում ինչի շուրջ են բանակցում»
Глава МИД Армении Зограб Мнацаканян во время интервью общественному телевидению Карабаха (4 июля 2020). Степанакерт

Արցախի անվտանգությունը երբեք վտանգի տակ չի դրվի. Մնացականյանը` բանակցությունների մասին

22
ՀՀ ԱԳ նախարարը նշել է, որ և՛ Հայաստանը, և՛ Արցախը բավարար ներուժ ունեն պաշտպանելու, պաշտպանվելու, և սպառնալիքների լեզուն խստորեն մերժված է հայկական կողմերի կողմից։

ԵՐԵՎԱՆ, 6 հուլիսի — Sputnik. Արցախ կատարած աշխատանքային այցի ընթացքում ՀՀ արտաքին գործերի նախարար Զոհրաբ Մնացականյանը հարցազրույց է տվել Արցախի հանրային հեռուստաընկերությանը։

Խոսելով Ղարաբաղյան հակամարտության բանակցային գործընթացի մասին` ՀՀ ԱԳ նախարարը նշել է, որ անցած երկու տարիների ընթացքում մենք բավական դինամիկ գործընթացների մեջ ենք եղել խաղաղ կարգավորման առումով՝ Մինսկի խմբի համանախագահության հովանու ներքո և իրենց միջնորդությամբ աշխատելու ադրբեջանական կողմի հետ խաղաղ կարգավորման ամբողջ ծավալի, փաթեթի շուրջ։ Նրա խոսքով` քննարկվել են բազմաթիվ հարցեր, որոնք վերաբերում են մեզ համար կարևորագույն  և առաջնային խնդիրներին, որոնք բխում են համապարփակ, կայուն, տևական անվտանգության համակարգի և ամենակարևորը՝ նաև Արցախի կարգավիճակի հարցերից։

«Դրան զուգահեռ` մենք շատ էական և սկզբունքային հարց ունենք, որը վերաբերում է համապատասխան միջավայրի ձևավորմանը, որում տեղի է ունենում խաղաղ կարգավորումը, և որը վերաբերում է թե՛ էսկալացիայի ռիսկերի նվազեցմանը, թե՛ մարդկային շփումներին և հասարակություններին խաղաղությանը նախապատրաստելուն: Եվ վերջապես, երրորդ կարևոր, շատ էական ուղղությունը․ Արցախի ընտրված իշխանությունների և Արցախի ժողովրդի ավելի անմիջական մասնակցությունն է խաղաղ գործընթացին։ Ընդ որում, շատ էական է պահպանել և ամրապնդել խաղաղ կարգավորման հանդեպ սեփականության զգացումն Արցախի մոտ այն առումով, որ, ի վերջո, հարցը վերաբերում է Արցախին, Արցախի ժողովրդին, և կարգավորումը վերաբերում է առաջին հերթին նրանց»,–ասել է նախարարը։

Զոհրաբ Մնացականյանի խոսքով` տեսակոնֆերանսով շփման ընթացքում արդեն մեր կողմից անդրադարձ է արվել  բավական զգայուն մեկ հարցի. այն արտահայտվում է թշնամական հռետորաբանության շատ տեսանելի մակարդակով, որը տեսանք այս վերջին շրջանում։ «Դա բացասական ազդեցություն է ունենում միջավայրի վրա, որի շրջանակներում մենք իրականացնում ենք այս խաղաղ գործընթացը։ Անհնար է պատկերացնել, որ նման թշնամության սերմացման, տարածման պայմաններում հնարավոր է գործնական և արդյունավետ ձևով իրականացնել կարևորագույն գործառույթը, որը վերաբերում է խաղաղ գործընթացին»,–ասել է Մնացականյանը։

Մնացականյանն Արցախի ղեկավարությանն է ներկայացրել կարգավորման գործընթացի զարգացումները

Պատասխանելով Ադրբեջանի պաշտպանության նախարարի հայտարարության մասին հարցին, որ այս հանդարտ ժամանակը պետք է օգտագործեն առաջնագծում դիրքերն ամրապնդելու համար` Մնացականյանն ասաց, որ հայկական կողմերը, Արցախն առավել քան վճռական է պաշտպանելու իր անվտանգությունը, իր կյանքի իրավունքը, իր ազատությունը։ «Հայաստանը եղել և մնում է Արցախի անվտանգության և ազատության միակ երաշխավորողը։ Ե՛վ Հայաստանը, և՛ Արցախը բավարար ներուժ ունեն՝ պաշտպանելու, պաշտպանվելու, և սպառնալիքների լեզուն խստորեն մերժված է հայկական կողմերի կողմից։ Մեզ համար առանցքային է մնում մեկ բան․ 1994 թ․ զինադադարի և զինադադարի պայմանագրի պահպանումը մնում են կարևորագույն պահանջներից մեկն այս գործընթացում։ Սա շահագրգռվածություն է բոլոր կողմերի համար։ Կրկին հստակ լինենք, որ հայկական կողմերն առավել քան պատրաստ են պաշտպանելու և պաշտպանվելու, բայց զինադադարն անհրաժեշտ պայման է՝ խաղաղ գործընթացի շրջանակներում արդյունավետորեն առաջ շարժվելու համար»,–ասել է նախարարը` հավելելով, որ անհնար է մի ձեռքով կրակել,  մյուս ձեռքով բանակցել։

Անդրադառնալով բանակցային գործընթացին Ստեփանակերտի ուղղակի մասնակցության հարցին` Մնացականյանը կրկին ընդգծել է, որ սա մեզ համար շատ կարևոր սկզբունքային հարց է։ «Արցախի մասնակցությունը գործընթացին պրակտիկ խնդիր է։ Սա որևէ կերպ չի նվազեցնում Հայաստանի պատասխանատվությունը և պարտավորություններն այս գործընթացում, բայց ամրագրում է շատ ավելի հստակ արդյունավետություն՝ խաղաղ գործընթացում ռեալ առաջընթաց ապահովելու համար»,–ասել է նա։

Անդրադառնալով բանակցությունների սպասվող նոր փուլերին` ՀՀ արտաքին գերատեսչության ղեկավարը ընդգծել է, որ չի կարող լինել մի իրավիճակ, երբ որևէ կերպ վտանգի տակ դրվեն Արցախի բնակչության, Արցախում ապրող մարդու անվտանգությունը, Արցախում բնակվող մարդու իրավունքների արտահայտումը՝ սկսած կյանքի իրավունքի պաշտպանությունից մինչև հավաքական ինքնորոշման իրավունքի արտահայտումը։

22
թեգերը:
հայ-ադրբեջանական, Ադրբեջան, ԵԱՀԿ Մինսկի Խումբ, Ղարաբաղյան հակամարտություն, Լեռնային Ղարաբաղ, Արցախ, Զոհրաբ Մնացականյան
Ըստ թեմայի
Արմատական առաջխաղացում չկա․ Զախարովան` ղարաբաղյան բանակցությունների մասին
Լեռնային Ղարաբաղի հարցով հեռակա համաժողով կանցկացվի․ Զախարովա
Ղարաբաղի հարցում փուլայնությունը նորություն չէ․ 3 հիմնական հարց է քննարկվում
Արայիկ Հարությունյանն ու Մասիս Մայիլյանը ընդունել են Զոհրաբ Մնացականյանին

Մնացականյանն Արցախի ղեկավարությանն է ներկայացրել կարգավորման գործընթացի զարգացումները

143
(Թարմացված է 18:19 04.07.2020)
Զոհրաբ Մնացականյանը, որն աշխատանքային այցով Արցախում է, հանդիպել է Արցախի նախագահի և Արցախի ԱԺ նախագահի հետ։ Հանդիպման ժամանակ անդրադարձ է կատարվել ԼՂ հիմնահարցին։

ԵՐԵՎԱՆ, 4 հուլիսի — Sputnik. Հուլիսի 4-ին Արցախ աշխատանքային այցի շրջանակներում Հայաստանի ԱԳ նախարար Զոհրաբ Մնացականյանը հանդիպել է Արցախի նախագահ Արայիկ Հարությունյանի հետ, զրուցել ԼՂ խաղաղ գործընթացի մասին։

«Արցախի կողմի մասնակցությունը խաղաղ բանակցային գործընթացում կարևորագույն խնդիրներից մեկն է։ Դա պրակտիկ խնդիր է, քանի որ հարցը վերաբերում է անմիջապես Արցախի ժողովրդին, Արցախի ժողովրդի և Արցախի ղեկավարության մոտ խաղաղ գործընթացի հանդեպ այդ սեփականության զգացման ամրապնդմանը»,–ասել է Մնացականյանը։

Նրա խոսքով` Արցախի ԱԳ նախարար Մասիս Մայիլյանի հետ ԼՂ հարցի առնչությամբ համատեղ երկխոսությունն ու աշխատանքը շարունակվում է։ 

Հանդիպման ընթացքում անդրադարձ է կատարվել Լեռնային Ղարաբաղի կարգավորման գործընթացի վերջին զարգացումներին: Մնացականյանը նշել է, որ չնայած համավարակով պայմանավորված սահմանափակումներին՝ շարունակվում է աշխատանքը ԵԱՀԿ Մինսկի խմբի համանախագահների հետ:

Զոհրաբ Մնացականյանը հանդիպել է նաև Արցախի ԱԺ նախագահ Արթուր Թովմասյանի հետ: Հանդիպմանը Մնացականյանն ընդգծել է Արցախում համապետական ընտրությունների նշանակությունը՝ որպես Արցախի ժողովրդի վճռականության և կամքի արտահայտություն՝ կառուցելու սեփական ապագան մարդու իրավունքների և ժողովրդավարության հիմնարար սկզբունքների վրա:

«Սա շատ էական գործոն է Արցախի ժողովրդի համար բոլոր առումներով, ներառյալ այն, որ Արցախի ժողովուրդը ծանր փորձությունների միջոցով վաստակել է ազատ ապրելու իր իրավունքը և ամենայն պատասխանատվությամբ է կառուցում իր ապագան»,–ասել է Մնացականյանը։

Անդրադառնալով Լեռնային Ղարաբաղի հակամարտության խաղաղ կարգավորման գործընթացին՝ Մնացականյանը Արթուր Թովմասյանին և ԱԺ պատգամավորներին ներկայացրել է օրերս ԵԱՀԿ Մինսկի խմբի համանախագահների և Ադրբեջանի ԱԳ նախարարի հետ ունեցած տեսաժողովի արդյունքները:

Глава МИД Армении Зограб Мнацаканян на встрече с президентом Карабаха Араиком Арутюняном (4 июля 2020). Степанакерт
Զոհրաբ Մնացականյանը Արցախում

Հիշեցնենք, որ հունիսի 30-ին ԵԱՀԿ Մինսկի խմբի համանախագահների մասնակցությամբ և միջնորդությամբ այսօր տեղի է ունեցել Հայաստանի և Ադրբեջանի ԱԳ նախարարներ Զոհրաբ Մնացականյանի և Էլմար Մամեդյարովի տեսակոնֆերանսը, որին մասնակցում էին ԵԱՀԿ Մինսկի խմբի համանախագահներ Իգոր Պոպովը (Ռուսաստան), Ստեֆան Վիսկոնտին (Ֆրանսիա), Էնդրյու Շոֆերը (ԱՄՆ), ինչպես նաև ԵԱՀԿ գործող նախագահի անձնական ներկայացուցիչ Անջեյ Կասպրչիկը։

Տեսակոնֆերանսի ընթացքում քննարկվել են առերես հանդիպումների և համանախագահների տարածաշրջան այցի հնարավորությունները՝ կախված համավարակային իրավիճակի զարգացումների հետ: Միևնույն ժամանակ ընդգծվել է գալիք ամիս հեռավար կապով շփումները շարունակելու պատրաստակամությունը:

143
թեգերը:
Մասիս Մայիլյան, Արցախի նախագահ Արայիկ Հարությունյան, Զոհրաբ Մնացականյան, Ղարաբաղյան հակամարտություն, Լեռնային Ղարաբաղ, Արցախ
թեմա:
Ղարաբաղյան հակամարտություն
Ըստ թեմայի
«Արցախի սահմաններն անառիկ են». Արայիկ Հարությունյանն այցելել է դիրքեր. տեսանյութ
Արցախը կորոնավիրուսի դեմ պայքարում ԱՄՆ-ին կաջակցի «Made in Artsakh» պարագաներով
Արցախի իշխանությունները հետամուտ են լինելու տարածքային ամբողջականության վերականգնմանը
 Ջեններ քույրերը, արխիվային լուսանկար

Կորոնավիրուսային սկանդալ․ Ջեններ քույրերը ժխտել են աշխատակիցների շահագործման մասին լուրերը

0
(Թարմացված է 00:50 07.07.2020)
Ակտիվիստներն ու իրավապաշտպանները կարծում են, որ ինչ-որ բան այն չէ և այս գործի բոլոր մասնակիցները ինչ-որ բան են թաքցնում։ Նրանք պահանջում են թույլ տալ իրենց մուտք գործել Բանգլադեշում գտնվող գործարաններ։

ԵՐԵՎԱՆ, 7 հուլիսի – Sputnik. Աշխարհահռչակ Քիմ Քարդաշյանը քույրերը՝ սուպերմոդել Քենդալ Ջենները և աշխարհի ամենաերիտասարդ միլիարդատեր Քայլի Ջենները պատասխանել են իրավապաշտպանների մեղադրանքներին։

Посмотреть эту публикацию в Instagram

Публикация от Kendall + Kylie (@kendallandkylie)

Բանն այն է, որ հունիսին ԶԼՄ-ներում տեղեկություն հայտնվեց, որի համաձայն Kendall + Kylie ապրանքանիշն իբրև թե պատկանում է Global Brands Group (GBG)-ին, որը Բանգլադեշի իր ֆաբրիկաների աշխատակիցներին չի վճարում փետրվար ամսից՝ կորոնավիրուսի համավարակի պատճառով սկսված ճգնաժամի պատճառով։

Նշվում էր, որ GBG-ի հետ բրենդները շահագործում են աշխատողներին։ Միաժամանակ Ջեններ քույրերի ապրանքանիշը ներկայացված է եղել GBG-ի կայքում։ Այժմ Քենդալն ու Քայլին որոշել են հանդես գալ հայտարարությամբ։ Քիմ Քարդաշյանի քույրերը ժխտում են, թե որևէ կապ ունեն GBG-ի հետ։

«Kendall + Kylie ապրանքանիշը պատկանում է Canada Inc.-ին։ Նախկինում բրենդը համագործակցել է GBG-ի հետ, բայց միմիայն վաճառքի և բիզնեսի զարգացման ոլորտներում»,-հայտարարել են քույրերը։

Այդ ընթացքում GBG-ն իր կայքից հեռացրել է Ջեններ քույրերի ապրանքանիշի լոգոտիպը։ ԶԼՄ-ների տվյալներով՝ լոգոն հեռացրել են հունիսի 24-ին։ Դրա հետևանքով սկանդալն ավելի է բորբոքվել, քանի որ ակտիվիստները և իրավապաշտպանները կարծում են, որ ինչ-որ բան այստեղ այն չէ և այս գործի բոլոր մասնակիցներն էլ թաքցնելու բան ունեն։ Նրանք պահանջում են իրավապաշտպան ընկերությունների ակտիվիստներին թույլ տակ մուտք գործել Բանգլադեշում գտնվող ֆաբրիկաներ։

Посмотреть эту публикацию в Instagram

Публикация от Kendall + Kylie (@kendallandkylie)

Հիշեցնենք, որ Քայլի Ջեններն ունի սեփական Kylie Cosmetics բրենդը, որը հիմնել է 2016թ․-ին։ Կարճ ժամանակում նա վաստակել է մեկ միլիարդ դոլար։ 2019թ․-ի մարտի 5-ին Forbes պարբերականը Քայլիին ճանաչեց աշխարհի ամենաերիտասարդ միլիարդատեր։ Այդպիսով 21-ամյա Ջեններն առաջ անցավ Facebook սոցիալական ցանցի հիմնադիր Մարկ Ցուկերբերգից, որը միլիարդատեր էր դարձել 23 տարեկանում։

0
թեգերը:
աշխատավարձ, կորոնավիրուս, ապրանքանիշ, գործարան, Քիմ Քարդաշյան
թեմա:
Կորոնավիրուսը Չինաստանում և աշխարհում
Ըստ թեմայի
Քիմ Քարդաշյանը կթողարկի իր սեփական պոդկաստը․ այն գլամուր կյանքի մասին չի լինելու
Քիմ Քարդաշյանի քրոջ` Քայլի Ջենների ավտոմեքենաների տեսականին
Քիմ Քարդաշյանի ամուսինը «Արարատ» անվանումով կոշիկ է արտադրել. լուսանկար
Քիմ Քարդաշյանի ու նրա քրոջ ռեփեր ամուսինները տեսահոլովակ են նկարահանել