Զորավարժություններ, Արցախ

ՊԲ-ն պատրաստ է կատարել ցանկացած մարտական խնդիր. Արցախում զորավարժություններ են անցկացվել

79
(Թարմացված է 20:45 31.10.2019)
Արցախում անցկացվել է հերթական մարտավարական զորավարժությունը, որի ընթացքում առաջադրված խնդիրները զինծառայողները ճիշտ և ժամանակին են կատարել։

ԵՐԵՎԱՆ, 31 հոկտեմբերի – Sputnik. Արցախի հյուսիսային ուղղությամբ գործող առանձին զրահատանկային զորամասերից մեկի ներգրավմամբ հոկտեմբերի 31-ին Արցախում անց է կացվել գումարտակային մարտավարական զորավարժություն, որն ուղեկցվել է մարտական հրաձգությամբ: Այս մասին տեղեկանում ենք Արցախի պաշտպանության նախարարության պաշտոնական կայքից։

Батальонные тактические учения
© Photo : official site of the Republic of Artsakh Ministry of Defence
Զորավարժություններ, Արցախ

«Իրականին հնարավորինս մոտ պայմաններում անցկացված զորախաղերի ընթացքում իրականացվել է անընդհատ ղեկավարում, կազմակերպվել  արդյունավետ փոխգործակցություն, մասնակից անձնակազմը ցուցաբերել է մարտավարամասնագիտական և բարոյահոգեբանական լավ պատրաստվածություն՝ ևս մեկ անգամ փաստելով, որ պատրաստ է բարձր մակարդակով իրականացնել ցանկացած մարտական խնդիր»,- նշված է նախարարության տարածած հաղորդագրության մեջ:

Батальонные тактические учения
© Photo : official site of the Republic of Artsakh Ministry of Defence
Զորավարժություններ, Արցախ

Զորավարժությունն անցկացվում էր համաձայն սահմանված  նորմացույցերի և նպատակ ուներ ստուգել անձնակազմին առաջադրված խնդիրները ճիշտ ու ժամանակին կատարելու ունակությունները, իսկ դրանց օբյեկտիվությունն ապահովելու համար գործընթացը վերահսկում էին ՊԲ համապատասխան բաժինների ու ծառայությունների պատասխանատուները:

Նշենք, որ զինծառայողների տեսական գիտելիքները գործնականում կիրառելու, հրամանատարական ունակությունների կատարելագործման և մարտի տարբեր ձևերում ստորաբաժանումների գործողությունները ներդաշնակելու նպատակով պաշտպանության բանակում պարբերաբար անցկացվում են տարաբնույթ զորավարժություններ:

79
թեգերը:
զինծառայող, Զորավարժություններ, Արցախի պաշտպանության բանակ (ՊԲ), Հայաստան
Ըստ թեմայի
Կանգնեցրին «թշնամուն», հետո ոչնչացրին սեփական «որջում». տեսանյութ զորավարժություններից
Հարությունով. «Պատերազմի դեպքում Ադրբեջանը լուրջ խնդիրներ կունենա արտաքին աշխարհի հետ»
Դավիթ Տոնոյանը չինացի գործընկերոջ հետ քննարկել է տարածաշրջանային անվտանգության հարցեր
ՀՀ–ում տեղակայված ռուսական ռազմակայանի հզորությունը գրեթե կկրկնապատկվի