Սահման

Շփման գծում Ադրբեջանի կողմից նկատվում է հրադադարի ռեժիմի խախտումների աճ. Արցախի ՊՆ

275
(Թարմացված է 18:25 30.10.2019)
Արցախի Հանրապետության պաշտպանության նախարարությունը հայտարարում է, որ հակառակորդի սադրանքների շարունակման դեպքում դիմելու է իրավիճակից բխող համարժեք գործողությունների:

ԵՐԵՎԱՆ, 30 հոկտեմբերի — Sputnik. Վերջին օրերին արցախա-ադրբեջանական հակամարտ զորքերի շփման գծում նկատվում է հակառակորդի կողմից հրադադարի պահպանման ռեժիմի խախտումների աճ:

Ինչպես տեղեկացնում են Արցախի պաշտպանական գերատեսչությունից, ադրբեջանական կողմը, կրկին ցուցաբերելով ապակառուցողական դիրքորոշում, ավելին՝ արհամարհելով Բաքվում ընթացող ԱՊՀ երկրների պաշտպանության նախարարների խորհրդի նիստը, գնում է առաջնագծում իրադրությունը արհեստականորեն լարելու ուղղությամբ՝ ավելի հաճախակի օգտագործելով դիպուկահար զինատեսակներ:

Արցախի Հանրապետության պաշտպանության նախարարությունը հայտարարում է, որ հավատարիմ է հակամարտող կողմերի միջև լարվածությունը թուլացնելու վերաբերյալ ձեռք բերված պայմանավորվածություններին, բայց հակառակորդի սադրանքների շարունակման դեպքում դիմելու է իրավիճակից բխող համարժեք գործողությունների:

Ադրբեջանի սադրանքներն անպատասխան չեն մնա. Արծրուն Հովհաննիսյան

Հիշեցնենք, որ Տավուշումերեկ գիշեր և այսօր վաղ առավոտյան հակառակորդը տարբեր տրամաչափի զենքերից կրակել է մի քանի գյուղերի և մարտական դիրքերի ուղղությամբ։  ՊՆ մամուլի խոսնակ Արծրուն Հովհաննիսյանի հավաստմամբ` կրակոցները լռել են միայն պատասխան կրակից հետո։

275
թեգերը:
կրակոց, Սահման, Ադրբեջան, Ղարաբաղյան հակամարտություն, Լեռնային Ղարաբաղ, Արցախ
թեմա:
Սահմանին տիրող իրավիճակը (89)
Ըստ թեմայի
«Մենք ուղերձի ենք սպասում Ադրբեջանից». Զոհրաբ Մնացականյանը պատասխանել է BBC–ի հարցերին
Արցախի ու Ադրբեջանի շփման գծում հրադադարի ռեժիմը խախտելու դեպքերն ավելացել են
Ռուսաֆիկացված արցախյան բարբառն ու Արկադի Ղուկասյանը. տեսանյութ անցյալից
Բաբայան. «Ադրբեջանը ցանկացած հարթակ օգտագործում է իր նենգ քաղաքականության համար»