Նիկոլ Փաշինյան. արխիվային լուսանկար

Փաշինյանը գործում է ի շահ Արցախի, իսկ Բալասանյանը սխալվում է. քաղաքագետ

185
(Թարմացված է 22:33 17.10.2019)
Անվտանգության հարցերի փորձագետը կարծում է, որ ՀՀ վարչապետի քաղաքականությունն ուղղված է Արցախի հարցում լայնաֆորմատ բանակցությունների վերականգնմանը։

ԵՐԵՎԱՆ, 17 հոկտեմբերի — Sputnik, Աշոտ Սաֆարյան. Արցախի Ազգային անվտանգության նախկին քարտուղար Վիտալի Բալասանյանի սկանդալային հայտարարությունները նրա համար լրացուցիչ վարկանիշ չեն ապահովի գալիք ընտրություններում։  Sputnik Արմենիայի հետ զրույցում նման կարծիք հայտնեց արցախցի քաղաքագետ, ռազմական անվտանգության ոլորտի փորձագետ Հրաչյա Արզումանյանը։

Բալասանյանն արդեն հայտարարել է Արցախի Հանրապետության նախագահի ընտրությանը թեկնածությունն առաջադրելու մտադրության մասին։ Ստեփանակերտում հոկտեմբերի 15–ին տեղի ունեցած մամուլի ասուլիսի ժամանակ գեներալը Հայաստանի վարչապետ Նիկոլ Փաշինյանին մեղադրել է ղարաբաղյան կարգավորման հարցում պարտվողական դիրքորոշման մեջ։ Նրա խոսքով` այն քաղաքականությունը, որ այս պահին վարում է Նիկոլ Փաշինյանը, նույն այն փաթեթն է, որն ուզում էր կյանքի կոչել ՀՀ  առաջին նախագահ Լևոն Տեր–Պետրոսյանը, այն է` ԼՂ–ին տալ լայն ինքնավարություն Ադրբեջանի կազմում։

Վիտալի Բալասանյանը հրավիրվել է ՀՔԾ` հարցաքննության

Մեր զրուցակիցը կարծում է, որ Բալասանյանի խոսքերը ոչ մի աղերս չունեն իրականության հետ։ Նրա համոզմամբ` Անվտանգության խորհրդի նախկին քարտուղարն այսօր հաջողության լուրջ շանսեր չունի 2020թ.–ի ընտրությանն ընդառաջ, և տպավորություն է ստեղծվում, որ Բալասանյանը փորձում է տապալել ընտրական գործընթացը։

«Այն, ինչ ասել է Բալասանյանը, նրա անձնական կարծիքն է, որը չի արտացոլում իրականությունը։ Անկեղծ ասած` ինձ համար նույնիսկ զարմանալի է, որ այդ հայտարարությունները նման արձագանք են առաջացրել հայ հասարակության շրջանում», – ասաց Արզումանյանը։

Փորձագետը կարծում է, որ Փաշինյանի գործողությունները Ղարաբաղի հարցում համապատասխանում են հայկական կողմի շահերին։ Խոսքն առաջին հերթին լայնաֆորմատ բանակցությունները վերականգնելուն ուղղված` վարչապետի ջանքերի մասին է։

«Այդ քայլերը պետք է ձեռնարկվեին 10, 15 և 20 տարի առաջ։ Ցավոք, վարչապետի նախորդները դա չեն արել, բայց լավ է ուշ, քան երբեք», – ասաց նա։

Արզումանյանի կարծիքով` Հայաստանի առջև ավելի լուրջ մարտահրավերներ ու խնդիրներ են ծառացած, և պետք է ուշադրություն դարձնել դրանց, այլ ոչ թե Վիտալի Բալասանյանի արտահայտություններին։

Վիտալի Բալասանյանի հայտարարություններով կզբաղվի ԱԱԾ–ն

«Տեսեք, թե ինչ է տեղի ունենում Մերձավոր արևելքում, ինչպիսի գործընթացներ են ծավալվում մեր շուրջը։ Հենց այստեղ պետք է որոնել մեր անվտանգության սպառնալիքները։ Իսկ այն, ինչ ասել է Բալասանյանը, և ով է նրան ներշնչել այդ մտքերը, կարևոր չէ»,–ասաց Արզումանյանը։

Քաղաքագետը համոզված է, որ հասարակությունը, ընտրողներն իրենց գնահատականները կտան գեներալի խոսքերին։

185
թեգերը:
Հրաչյա Արզումանյան, Ադրբեջան, Հայաստան, քաղաքագետ, Արցախ, Վիտալի Բալասանյան, Նիկոլ Փաշինյան
Ըստ թեմայի
Ղարաբաղյան հակամարտության լուծման քաղաքական գործընթացն արգելակվել է. Լավրով
Խաղաղություն Ղարաբաղին. ի՞նչ է Փաշինյանը նվիրել Պուտինին. տեսանյութ
«Փաշինյանը և Ալիևը ճաշի ժամանակ քննարկել են Ղարաբաղի հարցը». Վլադիմիր Կարապետյան
«Համաձայնեցված փաստաթղթեր կան». Զախարովան` ղարաբաղյան հակամարտության մասին
Զինծառայող

Հայկական զինված ուժերը մշակում են հրադադարի վերֆիկացիայի առաջարկներ. Արծրուն Հովհաննիսյան

317
(Թարմացված է 22:24 31.10.2020)
Արծրուն Հովհաննիսյանը վստահեցնում է` պետք են կոնկրետ մեխանիզմներ, որոնք թույլ կտան արձանագրել խախտումներն ու նաև այն, որ պատերազմը սկսել է Ադրբեջանը։

ԵՐԵՎԱՆ, 31 հոկտեմբերի - Sputnik. Հայկական զինված ուժերը հրադադարի վերիֆիկացիոն մեխանիզմների ներդրման համար առաջարկներ են մշակում։ Տեղեկությունն այսօր կայացած ճեպազրույցի ժամանակ հայտնեց ՀՀ պաշտպանության նախարարության ներկայացուցիչ Արծրուն Հովհաննիսյանը։

«Ինչ էլ բանակցեն, ինչ էլ պայմանավորվեն, մինչև չլինեն վերֆիկացիայի լիարժեք մեխանիզմներ, որի վերաբերյալ, ի դեպ, մեր զինված ուժերը սեղմ ժամկետում հարցադրումներ ու առաջարկներ են մշակում, լիարժեք հրադադար լինել չի կարող»,- նշեց Հովհաննիսյանը՝ անդրադառնալով ժնևյան բանակցությունների արդյունքում կողմերի ձեռք բերած պայմանավորվածություններին։

Նրա խոսքով՝ պետք են կոնկրետ մեխանիզմներ, որոնք թույլ կտան արձանագրել խախտումներն ու նաև այն, որ պատերազմը սկսել է Ադրբեջանը։

Հովհաննիսյանը նշեց՝ այս մեկ ամսվա ընթացքում կարծես թե բոլորի ուշադրությունից դուրս է մնացել այն հանգամանքը, թե ինչպես սկսվեց պատերազմը։

ՊՆ ներկայացուցիրչը մատնանշեց՝ քաղաքակիրթ աշխարհն առնվազն երեք-չորս անգամ փորձեց Ադրբեջանին «նստեցնել հրադադարի իրավիճակի առջև», բայց դա չստացվեց, որովհետև չկան վերֆիկացիայի մեխանիզմներ։ Նա ևս մեկ անգամ ընդգծեց՝ կարևոր է, որ հստակ մատնացույց արվի՝ պատերազմը սկսել է Ադրբեջանը, և այս երկիրն է ագրեսիա իրականացրել հայ ժողովրդի հանդեպ։ Նրա համոզմամբ՝ առանց վերֆիկացիոն մեխանիզմների և այս արձանագրման լիարժեք հրադադար չի կարող լինել։

​Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։

Մասնավորապես, կողմերը պայմանավորվեցին, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։ Հրադադարի վերաբերյալ պայմանավորվածությունից հետո Ադրբեջանը շարունակեց հրետակոծել Արցախը։

Հոկտեմբերի 17-ին ՀՀ արտգործնախարարությունը հայտնեց, որ Հայաստանի Հանրապետությունը և Ադրբեջանի Հանրապետությունը երկրորդ պայմանավորվածությունն են ձեռք բերել. որոշվել է հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։

Արցախի ՊԲ–ն, սակայն, հոկտեմբերի 18-ի առավոտյան տեղեկացրեց, որ 07:20-ի սահմաններում հրետանային ակտիվ կրակից հետո ադրբեջանական զինուժը հարավային ուղղությամբ անցել է հարձակման: Երկուստեք եղել են զոհեր ու վիրավորներ: 

Հոկտեմբերի 26-ին ՀՀ ԱԳՆ–ն հայտարարեց, որ Հայաստանի և Ադրբեջանի արտգործնախարարները հումանիտար հրադադարի հաստատման երրորդ ժամկետի մասին են պայմանավորվել, որը պետք է ուժի մեջ մտներ 2020թ. հոկտեմբերի 26-ին, տեղական ժամանակով 08:00-ին։ Սակայն Ադրբեջանը խախտեց նաև երրորդ պայմանավորվածությունը։

317
թեգերը:
Արծրուն Հովհաննիսյան, Ադրբեջան, Արցախ
թեմա:
Ադրբեջանական ագրեսիան Արցախում - 2020
Ըստ թեմայի
Հայերն Ադրբեջանի պետական փաստաթղթերի հասանելիություն են ստացել. տեսանյութ
Ֆոսֆորը կարող է վնասել ոսկորներն ու ոսկրածուծը. ՊՆ-ն` Ադրբեջանի կիրառած զինամթերքի մասին
«Պետք է սպանենք հայերին» գրառման համար ՀՖՖ–ն պահանջում է պատժել ադրբեջանական «Ղարաբաղին»
Արծրուն Հովհաննիսյան

Հայկական կողմը կարողացել է հակառակորդից հետ վերցնել որոշակի դիրքեր. Արծրուն Հովհաննիսյան

624
(Թարմացված է 22:33 31.10.2020)
Արծրուն Հովհաննիսյանի խոսքով` ադրբեջանական կողմը նույնպես դիրքային որոշակի բարելավում ունի։

ԵՐԵՎԱՆ, 31 հոկտեմբերի – Sputnik. ՀՀ պաշտպանության նախարարության ներկայացուցիչ Արծրուն Հովհաննիսյանն այսօրվա ճեպազրույցի ժամանակ հայտնեց, որ ամբողջ օրը՝ վաղ առավոտից, Ադրբեջանի զինված ուժերը ռազմաճակատի գրեթե ողջ երկայնքով շարունակել են հարձակողական գործողությունները։

Կենտրոնական ուղղությամբ 1-2 դիրքերի վրա նետելով մեծաքանակ հետևակային և այլ ուժեր՝ զրահատեխնիկա, միաժամանակ օգտագործելով հրետանի ու հրետակոծելով Մարտունի քաղաքը՝ ադրբեջանական կողմին հաջողվել է ունենալ որոշակի առաջխաղացում՝ դիրքային փոփոխություններ։

«Դրան հակառակ հարավային և հարավարևելյան ուղղություններով ընթացող առանձին օջախային մարտերում մեր զինված ուժերը կարողացել են հակառակորդից հետ վերցնել որոշակի դիրքեր և ապահովել որոշակի առաջխաղացում»,- նշեց Հովհաննիսյանը։

Նա տեղեկացրեց, որ մարտերը հիմա էլ են շարունակվում։ Դրանք մեծ ինտենսիվություն չունեն, սակայն կիրառվում են բավականին շատ զենքեր և զինատեսակներ։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 31-ի ժամը 17։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 45 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6947 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 239 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 656 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

624
թեգերը:
Արծրուն Հովհաննիսյան, Ադրբեջան, Արցախ
թեմա:
Ադրբեջանական ագրեսիան Արցախում - 2020
Ըստ թեմայի
Ղարաբաղյան իրավիճակը շարունակում է չափազանց մտահոգիչ լինել. Կանադայի վարչապետ
Հայերն Ադրբեջանի պետական փաստաթղթերի հասանելիություն են ստացել. տեսանյութ
Ֆոսֆորային զենք Արցախում․ ինչ է հայտնի արգելված զինամթերքի մասին
Հայկական զինված ուժերը մշակում են հրադադարի վերֆիկացիայի առաջարկներ. Արծրուն Հովհաննիսյան
Վաղարշակ Հարությունյան

Ռուսաստանը կօգնի՞ Հայաստանին. մեկնաբանում է Փաշինյանի գլխավոր խորհրդականը

0
(Թարմացված է 23:43 31.10.2020)
Վաղարշակ Հարությունյանը, Ռուսաստանի օգնության մասին խոսելիս, հիշեցնում է Սիրիայի դեպքերը։

ԵՐԵՎԱՆ, 31 հոկտեմբերի - Sputnik. ՀՀ վարչապետի գլխավոր խորհրդական, ՀՀ պաշտպանության նախկին նախարար Վաղարշակ Հարությունյանը, Հայաստանի Հանրային հեռուստաընկերության եթերում մեկնաբանելով Նիկոլ Փաշինյանի` ՌԴ նախագահ Վլադիմիր Պուտին ուղղված նամակը, ասել է, որ խորհրդակցությունները շուտով կսկսվեն, և արագ որոշումներ կկայացվեն։

«Ռուսաստանը նույնպես ստեղծված իրավիճակը գնահատում է իբրև սպառնալիք ոչ միայն Հայաստանին, այլև Ռուսաստանին։ Ռուսաստանի համար սպառնալիք են իր սահմանի մոտ հակամարտությունները։ Երբ Ռուսաստանում որոշում էր ընդունվում Սիրիայի նախագահի կողմից հրավերն ընդունել և մտնել Սիրիա, հիմնական հիմնավորումն այն էր, որ ահաբեկիչները չգան Ռուսաստան և ԱՊՀ պետություններ»,- նշեց Հարությունյանը։

Նա ընդգծեց՝ սա ցույց է տալիս, որ Ռուսաստանը ժամանակին ճիշտ է գնահատել իրավիճակը, Սիրիայում ահաբեկիչները ոչնչացվել են։ Հարությունյանը հիշեցրեց` երբ Ռուսաստանը մուտք գործեց Սիրիա, տարածքի մոտ ութսուն տոկոսը վերահսկում էին ահաբեկիչները։ Իսկ հիմա ահաբեկիչները Լեռնային Ղարաբաղում են։

Հարությունյանը շեշտեց՝ ՌԴ նախագահ Վլադիմիր Պուտինն ու վարչապետ Նիկոլ Փաշինյանը մշտական կապի մեջ են և քննարկում են անվտանգային հարցերը։

«Դուք գիտեք՝ ռուսական զորքն այսօր կանգնած է Ղարաբաղ-Հայաստան սահմանին՝ Տեղ գյուղում, ինչպես նաև ուժեղացված է Մեղրիում։ Այնպես որ պայմանագիրն ուժի մեջ է, գործում է։ Մնում է՝ Ռուսաստանի հետ գնահատատենք սպառնալիքները և որոշենք, թե ինչպես ենք այն կանխում»,- ասաց նա։

Հիշեցնենք` ՀՀ ԱԳՆ–ն այսօր տեղեկացրեց, որ հոկտեմբերի 31-ին ՀՀ վարչապետ Նիկոլ Փաշինյանը նամակ է հղել ՌԴ նախագահ Վլադիմիր Պուտինին։ «Հաշվի առնելով մարտական գործողությունների` Հայաստանի սահմանին մոտենալը, ՀՀ տարածքի նկատմամբ արդեն իսկ տեղի ունեցած ոտնձգությունների փաստերը, Փաշինյանը դիմել է Պուտինին` սկսելու անհապաղ խորհրդակցություններ, դրանց միջոցով սահմանելու աջակցության տեսակները և չափը, որը Ռուսաստանը կարող է հատկացնել Հայաստանին իր անվտանգության ապահովման համար՝ հիմք ընդունելով Հայաստանի և Ռուսաստանի միջև դաշնակցային հարաբերությունները և 1997թ. օգոստոսի 29-ի «Բարեկամության, համագործակցության և փոխադարձ աջակցության մասին» պայմանագրի 2-րդ հոդվածը»,– նշված էր հաղորդագրության մեջ։

Ռուսաստանի արտաքին գործերի նախարարությունը, արձագանքելով Նիկոլ Փաշինյանի նամակին, հայտարարեց, որ համաձայն ՀՀ-ի և ՌԴ-ի միջև կնքված համաձայնագրի՝ Ռուսաստանն անհրաժեշտ օգնություն կցուցաբերի, եթե ռազմական բախումները տեղափոխվեն անմիջապես ՀՀ տարածք։

0
թեգերը:
Ռուսաստան, Վաղարշակ Հարությունյան, Հայաստան
Ըստ թեմայի
Խոսքը ՀԱՊԿ-ի մասին չէ. Հայաստանն աջակցության համար Ռուսաստանին է դիմել․ Տողանյան
Փաշինյանն ասել է` ինչ հաջորդականությամբ կարող է լուծվել հակամարտությունը
Հայաստանի դիմումի հետ կապված մանրամասները լրացուցիչ քննարկվելու են․ Զախարովա