Կոնստանտին Զատուլին

Բաքվի հերթական հիստերիան Զատուլինին չի զարմացրել. վաղուց գիտեր, որ ադեկվատ չեն

128
(Թարմացված է 15:06 29.10.2019)
Կոնստանտին Զատուլինը բողոքի նոտան չի կարդացել, բայց վերջին օրերին բազմաթիվ մեղադրանքներ է լսել իր հասցեին։

ԵՐԵՎԱՆ, 16 հոկտեմբերի — Sputnik. ՌԴ Պետդումայի պատգամավոր, ԱՊՀ հարցերի, եվրասիական ինտեգրման և հայրենակիցների հետ կապերի հանձնաժողովի առաջին փոխնախագահ Կոնստանտին Զատուլինը ոչ ադեկվատ է անվանել Ադրբեջանի արձագանքը վերջերս Արցախ կատարած իր այցին։

Պատգամավորի խոսքով` Բաքվում անպարկեշտ հիստերիաներ են բարձրացնում ցանկացած այցի պատճառով։ Բայց պետք է հասկանալ, որ Զատուլինն ինքը զենք չի վաճառում, այլ հանդես է գալիս տարածաշրջանում խաղաղության օգտին։

Ռուս պատգամավորն ավելի վաղ Ստեփանակերտում մասնակցել է «Արցախի ընկերների համաժողով» միջազգային համաժողովին։ Դրանից հետո պաշտոնական Բաքուն բողոքի նոտա է հղել։ Մեկնաբանելով դա` Զատուլինն ասել է, որ նոտան չի կարդացել, բայց այս օրերին բազմաթիվ վիրավորանքներ է լսել իր հասցեին։

Քննարկման դիմաց հող հանձնելն անհնար է․ Զատուլինը` ղարաբաղյան կարգավորման մասին

«Իմ խոսքերն աղավաղվում են, թեև կա իմ ելույթի սղագրությունը։ Ես Ադրբեջանի հասցեին ոչ մի վատ բան չեմ ասել, այլ ընդամենը նշել եմ, որ մենք հանդես ենք գալիս ղարաբաղյան հակամարտության խաղաղ կարգավորման օգտին և դեմ ենք ցանկացած ռազմական սպառնալիքի։ Ինչ վերաբերում է իմ հասցեին հնչող սպառնալիքներին` ես սովոր եմ դրանց»,–նշեց պատգամավորը։

Նա կարծում է, որ ադրբեջանական կողմի անադեկվատության մասին արդեն բոլորը գիտեն։

«Բաքվում ոչ միայն իրենց իրավունք են վերապահում վիրավորել, վերագրել, բանսարկություններ անել, հրապարակավ հայտարարություններ անել ինչ–որ մեկի ինչ–որ տեղ ժամանելու վերաբերյալ։ Նրանք իրենց թույլ են տալիս մեր փոխարեն որոշել, թե որն է մեր շահը», – ասել է Զատուլինը։

Ինչ վերաբերում է Ստեփանակերտում տեղի ունեցած համաժողովին, ապա նա հիշեցրել է, որ դրան մասնակցել են 150 հյուրեր 30 երկրերից։ Մեծ պատվիրակություն է եղել ԱՄՆ–ից, ներառյալ` սենատորներ։

«Որքանով ինձ հայտնի է` Ադրբեջանում արևմտյան երկրներից ոչ մեկին պատրաստ չեն քննադատել, բայց շարունակում են վրդովվել իմ հարցում», – հայտարարել է նա։

Ռուս պատգամավորը հիշեցրել է, որ նրան անցանկալի անձ են հայտարարել Ուկրաինայում և Էստոնիայում։ Եվ այդ ամենը` հայրենակիցների իրավունքները պաշտպանելու համար։ Խորհրդարանականը խոստանում է շարունակել պաշտպանել նրանց, ովքեր ունեն դրա կարիքը. նա դրանում է տեսնում իր դերը։ Ինչ վերաբերում է Ադրբեջանին, ապա պատգամավորը «ամենայն բարիք» է մաղթում նրան և հույս ունի, որ ռուս–ադրբեջանական հարաբերությունները կզարգանան։

128
թեգերը:
Ղարաբաղյան հակամարտություն, Բաքու, Ռուսաստան, Ադրբեջան, Արցախ, Կոնստանտին Զատուլին
Ըստ թեմայի
Մոսկվան ձգտում է Երևանի հետ հարաբերություն զարգացնել ցանկացած իշխանության օրոք. Զատուլին
Տագնապի շչակների ոռնոց. Զատուլինն ասել է, թե Արցախի հարցով ԱՄՆ–ն ինչ հույսեր ունի
Ես չէի ցանկանա կրակի վրա յուղ լցնել. Զատուլինը` ՀԱՊԿ–ի շուրջ ստեղծված իրավիճակի մասին
Երրորդ երկրների հետ ռազմական համագործակցությունը պետք է քննարկվի ՀԱՊԿ–ում. Զատուլին
Զատուլինի արցախյան այցի համար Ադրբեջանը բողոքի նոտա է հղել Ռուսաստանին