Դավիթ Տոնոյան

Դավիթ Տոնոյանը կրկին Արցախում է

62
(Թարմացված է 10:07 12.10.2019)
Այցի շրջանակում ՀՀ պաշտպանության նախարարը հանդիպել է Արցախի նախագահ Բակո Սահակյանի և պաշտպանության նախարար Կարեն Աբրահամյանի հետ։

ԵՐԵՎԱՆ, 11 հոկտեմբերի - Sputnik. Արցախի Հանրապետության նախագահ Բակո Սահակյանը հոկտեմբերի 11-ին ընդունել է Հայաստանի Հանրապետության պաշտպանության նախարար Դավիթ Տոնոյանին: Այս մասին հայտնում է Արցախի նախագահի մամուլի ծառայությունը։

Հանդիպմանը մասնակցել է նաև ԱՀ պաշտպանության նախարար Կարեն Աբրահամյանը։

Կողմերը քննարկել են բանակաշինությանը և այդ ոլորտում հայկական երկու հանրապետությունների համագործակցությանը վերաբերող մի շարք հարցեր:

Հիշեցնենք` ՀՀ պաշտպանության նախարար Դավիթ Տոնոյանը վերջին անգամ Արցախ էր այցելել հոկտեմբերի 5-ին։ Այդ ժամանակ նրա հետ Արցախ էր մեկնել նաև ՀՀ ԶՈւ-երի ԳՇ պետ գեներալ լեյտենանտ Արտակ Դավթյանը։

ՀՀ ՊՆ մամուլի խոսնակ Արծրուն Հովհաննիսյանը Facebook-ի իր էջում գրել էր, որ այցը եղել է Հայաստանի և Արցախի ԶՈւ-երի համագործակցության շրջանակում։

62
թեգերը:
Բակո Սահակյան, Արցախ, Դավիթ Տոնոյան, Հայաստան
Ըստ թեմայի
«Գիրքը «պրոհայկական» չէ». Փաշինյանը մեկնաբանել է` ինչու է Պուտինին Կազիմիրովի գիրքը նվիրել
«Ալիևի ասածը լսելիս «Կովկասի գերուհին» հիշեցի». Փաշինյանի պատասխանը Ալիևին. տեսանյութ
«Փաշինյանը և Ալիևը ճաշի ժամանակ քննարկել են Ղարաբաղի հարցը». Վլադիմիր Կարապետյան