Շավարշ Քոչարյան. արխիվային լուսանկար

Հեյդար Ալիևը ճանաչել է ԼՂՀ–ն ու դա հաստատել իր ստորագրությամբ. Շավարշ Քոչարյան

270
(Թարմացված է 13:49 11.10.2019)
ՀՀ ԱԳ փոխնախարարն անդրադարձել է ղարաբաղյան խնդրի բանակցային գործընթացի պատմությանն ու 1994թ–ի հրադադարի պայմանագրին։ Դրանում Հեյդար Ալիևը ստորագրել է Արցախի Հանրապետության գոյության փաստի տակ։

ԵՐԵՎԱՆ, 11 հոկտեմբերի – Sputnik. Ադրբեջանի նախկին նախագահ Հեյդար Ալիևը ճանաչում էր Լեռնային Ղարաբաղի Հանրապետությունն ու բանակցություններ վարում ԼՂ հետ։ Այս մասին Ստեփանակերտում անցկացվող «Համագործակցություն հանուն արդարության և խաղաղության» միջազգային համաժողովում ասել է ՀՀ ԱԳ փոխնախարար Շավարշ Քոչարյանը։

ՀՀ փոխարտգործնախարարը շեշտադրել է երկու հարց. ինչո՞ւ երկար տարիներ շարունակվող բանակցային գործընթացը՝ հեղինակավոր միջնորդների, ՄԱԿ ԱԽ 3 անդամների մասնակցությամբ, առաջընթացով չպսակվեց։ Եվ ինչո՞ւ ինքնորոշման անթերի իրականացված ակտը վերածվեց արյունահեղ հակամարտության։

Քոչարյանը շեշտել է, որ 1994 թվականի մայիսին հրադադարի համաձայնագիրը կնքվել է Արցախի և Ադրբեջանի միջև` ուղղակի բանակցությունների արդյունքում։ Արդեն պատրաստի փաստաթղթին միացել է նաև Հայաստանը։

«Հեյդար Ալիևը հանձնարարել էր փոխնախագահին հանդիպել Արցախի պաշտոնյայի հետ և պատրաստել երկու երկրների ներկայացուցիչների հանդիպումը։ Փաստաթուղթը ռուսերեն լեզվով էր, օգտագործվում էր «ԼՂՀ» հապավումը՝ Լեռնային Ղարաբաղի Հանրապետություն։ Դրա տակ կա ստորագրություն՝ «Հեյդար Ալիև»։ Այսինքն՝ կարելի է փաստել, որ Ադրբեջանը ճանաչել է Արցախը որպես բանակցային կողմ և տարբեր մակարդակներում ուղղակի բանակցություններ է վարել»,- ասել է Շավարշ Քոչարյանը։

Այսօր, սակայն, Ադրբեջանը, Շավարշ Քոչարյանի բնորոշմամբ, «խուսափում է ուղղակի բանակցություններից և ձևացնում, թե այնպիսի սուբյեկտ, ինչպիսին Արցախն է, բնավ չկա»։

Ադրբեջանի այս գործելաոճը, ԱԳ փոխնախարարի համոզմամբ` վկայում է, որ Ադրբեջանը չի ցանկանում, որ բանակցություններում առաջընթաց գրանցվի։ Իրականում Ադրբեջանն, ըստ նրա, բանակցությունների անվան տակ քարոզչական պատերազմ է վարում` փորձելով միջազգային հանրությանն ապացուցել, որ Հայաստանի հետ հակամարտությունը տարածքային վեճ է։

«Բայց փաստերը վկայում են հակառակը, և վերը նշված համաձայնագիրը դրա վկայությունն է,- ասել է Քոչարյանը,– հայկական կողմերը խոսում են ինքնորոշման մասին, Ադրբեջանը խոսում է տարածքային ամբողջականությունից»։

Ալիևի խոսքում որևէ նոր բան չկար. ՀՀ ԱԳՆ–ի արձագանքն Ադրբեջանի նախագահի ելույթին

Շավարշ Քոչարյանը հայտարարել է, որ ոչ ոք լիազորված չէ Արցախի փոխարեն խոսել Արցախի կարգավիճակի ու տարածքային ամբողջականության մասին. անգամ Արցախի իշխանությունները սահմանափակված են ժողովրդի կամքով ու հանրաքվեով։

270
թեգերը:
Լեռնային Ղարաբաղ, Արցախ, Ադրբեջան, Հայաստան, Շավարշ Քոչարյան
Ըստ թեմայի
ՀԱՊԿ–ում Ադրբեջանը կարո՞ղ է որևէ կարգավիճակ ունենալ. մեկնաբանում է ԱԳՆ խոսնակը
Հայաստանի մտահոգությունները լսելի են. ԱԳՆ խոսնակը` Ադրբեջանին զենք վաճառելու մասին
Շարունակելու են փնտրել ԼՂՀ հակամարտության կարգավորման խաղաղ և փոխընդունելի լուծում
Լաչինի միջանցք

Ղարաբաղում կրկին ադրբեջանցիներ են մահացել․ այս անգամ՝ ՃՏՊ–ի հետևանքով

278
(Թարմացված է 23:18 16.06.2021)
ՄԱԶ բեռնատարը կորցրել է կառավարումը, գլորվել ճամփեզրին գտնվող ձորակը, ինչի հետևանքով մահացել են մեքենայում գտնվող զինծառայողները:

ԵՐԵՎԱՆ, 16 հունիսի - Sputnik. Լաչինի շրջանում ՃՏՊ-ի հետևանքով ադրբեջանցի երկու զինծառայողներ են մահացել։ Տեղեկությունը հայտնում է Sputnik Ադրբեջանի Telegram-ալիքը։

Նշվում է, որ պատահարը տեղի է ունեցել այսօր՝ ժամը 16:40-ի սահմաններում, Պետական սահմանային ծառայության սահմանապահ զորքերի «Գուբադլի» առանձին սահմանային բաժնի հատվածում:

Ադրբեջանի ՄԻՊ-ը հայտնել է, թե պատերազմից հետո քանի ադրբեջանցի է պայթել ականի վրա

ՄԱԶ բեռնատարը կորցրել է կառավարումը, գլորվել ճամփեզրին գտնվող ձորակը, ինչի հետևանքով մահացել են մեքենայում գտնվող զինծառայողները:

Նրանց անունները հայտնի են՝ ավագ լեյտենանտ Էլմեդդին Նասիբով և ենթասպա Ջամալ Ջամալլի:

Նախաքննություն է ընթանում։

Նշենք, որ հակամարտության գոտում հաճախ են միջադեպեր տեղի ունենում։

2020–ի դեկտեմբերի 14-ին Աղդամում ականի պայթյունից մեկ ադրբեջանցի էր մահացել, ևս երկուսը վիրավորվել էին։ Հունվարի 1-ին էլ Ֆիզուլու շրջանում մի ադրբեջանցի էր պայթել ականի վրա, նրա 2 ոտքերն անդամահատել էին։ Հունվարի 21–ին զինծառայող Ռաշադ Ջավադովն էր Ֆիզուլու շրջանում պայթել ականի վրա։ Նույն օրը ճանապարհաշինության աշխատանքների ժամանակ ականի վրա պայթել էր 41-ամյա Ալիյար Օջագվերդիևը, իսկ Կուբաթլուում ականի պայթյունի հետևանքով մահացել էր մայոր Մուխթարով Սարխան Իլգար օղլուն։

Հունվարի 29–ին հերթական ադրբեջանցին էր պայթել ականի վրա, նրա ոտքն ամպուտացրել էին։ Փետրվարի 3-ին երեք ադրբեջանցիներ պայթել էին ականի վրա Ֆիզուլիում (Վարանդա), նրանցից մեկը տեղում մահացել էր։ Փետրվարի 7-ին նույն շրջանում մեքենան պայթել էր հակատանկային ականի վրա, մեկ քաղաքացի մահացել էր, երկուսը` անհետ կորել։ Փետրվարի 19-ին Թալիշ գյուղում էր պայթել մեկ ադրբեջանցի։ Փետրվարի 25-ին նման միջադեպ էր տեղի ունեցել Ջրականում (Ջաբրայիլ), մարտի 3-ին և 15–ին` Ակնայում (Աղդամ)։

Ադրբեջանական ԶԼՄ-ները նշում են, որ քաղաքացիները հաճախ փորձում են ներխուժել Ադրբեջանի վերահսկողության տակ անցած տարածքներ ՝ առանց իշխանությունների թույլտվության:

Ադրբեջանցի պաշտոնյան Աղդամում պայթել է ականի վրա

278
թեգերը:
Մահ, զինծառայող, Ադրբեջան
Սերժ Սարգսյան. արխիվային լուսանկար

«Անհետ կորածների թիվը 1064 է»․ Սերժ Սարգսյանը փաստաթուղթ է հրապարակել

211
(Թարմացված է 21:39 16.06.2021)
Սարգսյանի հրապարակած փաստաթուղթը Զինծառայության ապահովագրման հիմանդրամի հաշվետվությունն է, որտեղ գրված է նվիրատվությունների քանակը ծանր վիրավոր և անհետ կորած զինվորների ընտանիքներին։

ԵՐԵՎԱՆ, 16 հունիսի - Sputnik. Արցախյան 44–օրյա պատերազմում անհետ կորածների թիվը 1064 է։ Նման հայտարարություն է արել ՀՀ երրորդ նախագահ Սերժ Սարգսյանը այսօր Կոտայքի մարզում իր համակիրների հետ հանդիպման ժամանակ։

«Իմ հեռախոսում կա մի փաստաթուղթ, որը խոսում է սրանց շանտղության մասին։ Անհետ կորածների թիվը 1064 է: Այս չմարդը, այս ստահակը (նկատի ունի ՀՀ վարչապետի պաշտոնակատար Նիկոլ Փաշինյանին,–խմբ), ելույթ ունենալով ԱԺ-ում հայտարարում է, որ անհայտ կորածների թիվը 321 է: Հիմա սրան ի՞նչ ասես», - ասել է Սարգսյանը։

Ապա Սերժ Սարգսյանը ցույց է տվել իր կողմից հիշատակված փաստաթուղթը։ Դա Զինծառայության ապահովագրման հիմնադրամի հաշվետվությունն է, որտեղ գրված են նվիրատվությունների քանակը ծանր վիրավոր և անհետ կորած զինվորների ընտանիքներին։

Համաձայն թղթի՝ անհայտ կորածների թիվը 1064 է, ծանր վիրավորում ստացածներինը՝ 265: Փաստաթուղթը ստորագրված է հիմնադրամի տնօրենի՝ Վարուժան Ավետիքյանի կողմից։

«Բա մեզ չի ընդունում, ո՞ւմ պիտի ընդունի». անհետ կորածի հայրը` Նիկոլ Փաշինյանի մասին

211
թեգերը:
Արցախյան պատերազմ, փաստաթուղթ, անհետ կորած, Սերժ Սարգսյան
Ըստ թեմայի
«Ալիևի հետ պաս տալով խաղու՞մ են»․ Սերժ Սարգսյանը՝ գերիների վերադարձի և քարտեզների մասին
Պետք է դագանակ ունենանք, որ ով մուրճով գա՝ դագանակով գլխին տանք. Սերժ Սարգսյան
Չէին հասկանում, որ Արցախ պահող զինվորը նաև ՀՀ սահմանն է պաշտպանում․ Սերժ Սարգսյան
Чемпион молодежного Чемпионата Европы по вольной борьбе Арен Исраелян

Հայաստանի փառահեղ հաջողությունը. Արեն Իսրայելյանը ևս ոսկե մեդալակիր դարձավ ԵԱ–ում

17
(Թարմացված է 00:10 17.06.2021)
Հայաստանի պատանեկան հավաքականը թիմային հաշվարկում զբաղեցրեց 2-րդ տեղը՝ զիջելով միայն ըմբշամարտի գերտերություն համարվող Ռուսաստանին։

ԵՐԵՎԱՆ, 17 հունիսի – Sputnik. Բուլղարական Սամոկով քաղաքում շարունակվում է ըմբշամարտի Եվրոպայի պատանեկան առաջնությունը: Ազատ ոճային Արեն Իսրայելյանը (71կգ) առաջնության ոսկե մեդալակիր դարձավ՝ եզրափակիչում 12:1 հաշվով առավելության հասնելով ռուս մրցակցի նկատմամբ: Տեղեկությունը հայտնում է Հայաստանի ըմբշամարտի ֆեդերացիան։

Հայկ Գասպարյանը (45կգ) դարձավ արծաթե մեդալակիր, իսկ Տիգրան Բունիաթյանը (51կգ)` բրոնզե մեդալակիր։

Հիշեցնենք` 55 կգ քաշային կարգի, ազատ ոճային ըմբիշ Անդրանիկ Ավետիսյանը ևս դարձել էր Եվրոպայի առաջնության հաղթող:

Այսպիսով, ազատ ոճի ըմբշամարտի Հայաստանի պատանեկան հավաքականը ԵԱ-ի թիմային հաշվարկում զբաղեցրեց 2-րդ տեղը՝ զիջելով միայն ըմբշամարտի գերտերություն համարվող Ռուսաստանին։

Հայտնի են հայկական ակումբների մրցակիցները Կոնֆեդերացիաների գավաթի խաղարկությունում

17
թեգերը:
մեդալ, ըմբշամարտիկ, Հայաստան
Ըստ թեմայի
Ամեն ինչ՝ հեծանվորդների համար. երևանցի ամուսինների վանաձորյան նախագիծը
Արոնյանը զբաղեցրեց երկրորդ հորիզոնականը «Grand Chess Tour»-ում
Հայտնի է «Ալաշկերտի» մրցակիցը Չեմպիոնների լիգայում