ԵԱՀԿ դիտորդներ

ԵԱՀԿ–ն դիտարկում է անցկացրել Արցախի Մարտունու շրջանում

20
(Թարմացված է 14:19 18.09.2019)
Դիտարկման խմբին արցախյան կողմից ուղեկցել են արտաքին գործերի և պաշտպանության նախարարությունների ներկայացուցիչները։

ԵՐԵՎԱՆ, 18 սեպտեմբերի – Sputnik. Եվրոպայի անվտանգության և համագործակցության կազմակերպության առաքելությունը սեպտեմբերի 18-ին հերթական պլանային դիտարկումն է անցկացրել Արցախի և Ադրբեջանի սահմանին։ Այս մասին հայտնում է Արցախի Հանրապետության արտաքին գործերի նախարարության կայքը։

Դիտորդներն իրենց առաքելությունը կատարել են Արցախի Մարտունու շրջանի հարավ–արևելքում։ Արցախի Հանրապետության բանակի դիրքերից դիտարկումն իրականացրել են ԵԱՀԿ գործող նախագահի անձնական ներկայացուցչի դաշտային օգնականներ Միխայիլ Օլարուն (Մոլդովա) և Օգնեն Յովիչը (Բոսնիա և Հերցեգովինա)։ Դիտորդներին ուղեկցել են Արցախի ԱԳՆ և ՊՆ ներկայացուցիչները։

Ադրբեջանի բանակի կողմից դիտարկումներն իրականացրել են ԵԱՀԿ գործող նախագահի անձնական ներկայացուցչի օգնական Սայմոն Թիլերը (Մեծ Բրիտանիա) և աշխատակից Մարտին Շուստերը (Գերմանիա)։

ԵԱՀԿ–ն պարբերաբար իրականացնում է հրադադարի ռեժիմի դիտարկումներ արցախաադրբեջանական սահմանին։ Նախորդ տարիներին դեպքեր են գրանցվել, երբ Ադրբեջանը ԵԱՀԿ դիտորդներին դիրքեր դուրս չի բերել։ Նման դեպքերի մասին տեղեկացրել է Արցախի ԱԳՆ կայքը։

Արցախում զինվորական մարզումներ են անցկացվել. բանակն ունակ է ապահովել երկրի անվտանգությունը

Նշենք նաև, որ ԵԱՀԿ խմբի համանախագահների մասնակցությամբ հունիսի 20-ին Վաշինգտոնում հանդիպել էին Հայաստանի և Ադրբեջանի ԱԳ նախարարներ Զոհրաբ Մնացականյանն ու Էլմար Մամեդյարովը։ ԱԳ նախարարների հաջորդ հանդիպման օրը դեռ չի նշվում, սակայն հայտնի է, որ այն կայանալու է Նյու Յորքում։

 

20
թեգերը:
Ադրբեջան, Հայաստան, Արցախ, Ղարաբաղյան հակամարտություն, Լեռնային Ղարաբաղ, Սահման, ԵԱՀԿ Մինսկի Խումբ
թեմա:
Սահմանին տիրող իրավիճակը (81)
Ըստ թեմայի
ԵԱՀԿ–ն դիտարկում է անցկացրել Օմարի լեռնանցքում
ԵԱՀԿ–ն կրկին դիտարկում կանցկացնի Արցախի ու Ադրբեջանի զինված ուժերի շփման գծում