Արցախ

Արցախը նոր ոստիկանապետ ու արտակարգ իրավիճակների պետական ծառայության տնօրեն ունի

248
(Թարմացված է 14:39 11.06.2019)
Արցախի նախագահ Բակո Սահակյանը հունիսի 11-ին հաստատել է կառավարության մի շարք որոշումներ։

ԵՐԵՎԱՆ, 11 Հունիս — Sputnik. Լևոն Մնացականյանն ազատվել է Արցախի Արտակարգ իրավիճակների պետական ծառայության տնօրենի պաշտոնից՝ այլ աշխատանքի անցնելու կապակցությամբ։ Այս մասին տեղեկանում ենք Արցախի Հանրապետության նախագահի աշխատակազմի տեղեկատվության գլխավոր վարչությունից։

«Արցախի Հանրապետության նախագահ Բակո Սահակյանը հունիսի 11-ին հաստատել է կառավարության որոշումները, համաձայն որոնց` Լևոն Մնացականյանն ազատվել է պաշտոնից ու նշանակվել Արցախի Հանրապետության ոստիկանության պետ։ Բացի այդ, Վլադիկ Խաչատրյանը նշանակվել է արտակարգ իրավիճակների պետական ծառայության տնօրենի պաշտոնում՝ ազատվելով ծառայության տնօրենի տեղակալի պաշտոնից»,–հայտնում են Արցախի նախագահականի աշխատակազմից։

Բակո Սահակյանը մեկ այլ որոշում էլ է ստորագրել և, ըստ այդմ, Արցախի Հանրապետության ոստիկանության պետ Իգոր Գրիգորյանն ազատվել է պաշտոնից ու նշանակվել Արցախի Հանրապետության նախագահի խորհրդական-Արցախի Հանրապետության նախագահի հատուկ հանձնարարությունների գծով ներկայացուցիչ:

Փաշինյանի «նշանառության տակ». ՀՀ վարչապետին գործընկեր է պետք Արցախի նախագահի պաշտոնում

Հիշեցնենք, որ այսօր Բակո Սահակյանի ստորագրած հրամանագրով Վիտալի Բալասանյանն ազատվել է Արցախի Հանրապետության Անվտանգության խորհրդի քարտուղարի պաշտոնից:

Նախագահ Սահակյանը հունիսի 11-ին այցելել է Արցախի Հանրապետության ոստիկանություն և անձնակազմին ներկայացրել նորանշանակ ոստիկանապետ Լևոն Մնացականյանին՝ նրան մաղթելով արդյունավետ աշխատանք:

248
թեգերը:
Հրաժարական, Բակո Սահակյան, Արցախ
Ըստ թեմայի
Արցախի կարգավիճակի վերաբերյալ իր կոնսենսուսը ժողովուրդը բազմիցս արտահայտել է. Ալավերդյան
Ադրբեջանն Արցախի ուղղությամբ նռնականետ ու ականանետ է կիրառել. ՊՆ
Փաշինյանի «նշանառության տակ». ՀՀ վարչապետին գործընկեր է պետք Արցախի նախագահի պաշտոնում
Արայիկ Հարությունյան

Արցախի նախագահը մի շարք նշանակումներ է արել

127
(Թարմացված է 18:54 26.05.2020)
Արայիկ Հարությունյանի հրամանագրերի համաձայն` Արցախը կունենա երկու նոր նախարար և նոր ոստիկանապետ։

ԵՐԵՎԱՆ, 26 մայիսի – Sputnik. Արցախի Հանրապետության նախագահ Արայիկ Հարությունյանը մայիսի 26-ին ստորագրել է մի շարք հրամանագրեր: Տեղեկությունը հայտնում է Արցախի կառավարության մամուլի ծառայությունը։

Գրիգորի Մարտիրոսյանը նշանակվել է Արցախի Հանրապետության պետական նախարար։ Նա այս պաշտոնը զբաղեցնում է 2018 թվականի հունիսից։

Լուսինե Ղարախանյանը նշանակվել է Արցախի Հանրապետության կրթության, գիտության և մշակույթի նախարար։ Մինչ այս ԿԳՄ նախարարի պաշտոնը զբաղեցնում էր Նարինե Աղաբալյանը։

Արամ Սարգսյանը նշանակվել է Արցախի Հանրապետության քաղաքաշինության նախարար. նա կփոխարինի Կարեն Շահրամանյանին։

Արայիկ Հարությունյանը հաստատել է նաև կառավարության որոշումները, համաձայն որոնց՝ Վլադիկ Խաչատրյանն ազատվել է արտակարգ իրավիճակների պետական ծառայության տնօրենի պաշտոնից՝ իր դիմումի համաձայն: Կարեն Սարգսյանը նշանակվել է արտակարգ իրավիճակների պետական ծառայության տնօրեն:

Նախագահի մեկ այլ հրամանագրով գեներալ-լեյտենանտ Լյովա Մնացականյանն ազատվել է Արցախի Հանրապետության ոստիկանության պետի պաշտոնից՝ իր դիմումի համաձայն:

Ոստիկանության գնդապետ Աշոտ Հակոբջանյանը նշանակվել է Արցախի Հանրապետության ոստիկանության պետ՝ ազատվելով Արցախի Հանրապետության ոստիկանության պետի տեղակալի պաշտոնից:

Հիշեցնենք` ապրիլի 14-ին Արցախի Հանրապետության նախագահական ընտրությունների երկրորդ փուլի արդյունքներով նախագահ ընտրվեց «Ազատ հայրենիք» կուսակցության նախագահ Արայիկ Հարությունյանը, որը նախկինում տևական ժամանակ զբաղեցրել էր ԱՀ վարչապետի պաշտոնը։ Մայիսի 21-ին նա երդվեց ու ստանձնեց Արցախի նախագահի պաշտոնը։

Արայիկ Հարությունյանն աշխատակազմի ղեկավար է նշանակել

127
թեգերը:
Արցախի նախագահ Արայիկ Հարությունյան, Արցախ
Ըստ թեմայի
Արցախում բարձրագույն կրթությունն անվճար կդառնա
Երբեք չպետք է թույլ տալ, որ Արցախը քաղաքական դաշտում դառնա շահարկումների գործիք. Պողոսյան
Արցախյան հարցը կլուծվի փոխվստահության մթնոլորտում. Մայիլյանը և Թովմասյանը հանդիպել են
«Ուզում եմ խոստովանել, որ սխալ էինք»․Արարատ Միրզոյանը` Արցախում դիմակ չկրելու մասին
Դավիթ Բաբայան

Դավիթ Բաբայանը ազատման դիմում է գրել. Հարությունյանը նրան նոր պաշտոն է առաջարկել

217
(Թարմացված է 17:02 26.05.2020)
Բաբայանը նշել է, որ չի հեռանում քաղաքական և հասարակական դաշտից և Արցախի Հանրապետության նախագահ Արայիկ Հարությունյանի առաջարկով ստանձնում է Հարությունյանի՝ արտաքին հարաբերությունների գծով խորհրդականի պաշտոնը:

ԵՐԵՎԱՆ, 26 մայիսի - Sputnik. Արցախի Հանրապետության նախագահի աշխատակազմի տեղեկատվության գլխավոր վարչության պետ Դավիթ Բաբայանը պաշտոնից ազատման դիմում է գրել: Այդ մասին նա հայտնել է Facebook-ի իր պաշտոնական էջում:

«Արդեն 13 տարի է, ինչ ես գլխավորում եմ Արցախի Հանրապետության նախագահի աշխատակազմի տեղեկատվության գլխավոր վարչությունը՝ կառույց, որը պատասխանատու է մեր երկրի տեղեկատվական քաղաքականության համար: Տեղեկատվական ճակատը, հատկապես մեր երկրի համար, որը գտնվում է չկարգավորված հակամարտության պայմաններում, ունի ռազմավարական կարևորագույն նշանակություն: Ինձ համար պատիվ է եղել այս բոլոր տարիների ընթացքում ղեկավարել այդ կառույցը, լինել տեղեկատվական ճակատի առաջամարտիկներից, ծառայել իմ ժողովրդին և հայրենիքին: Աշխատանքս փորձել եմ կատարել արհեստավարժորեն՝ որպես ուղենիշ միշտ ունենալով պետական և ազգային շահերը»,- գրել է նա:

Արդեն նախկին պաշտոնյան շնորհակալություն է հայտնել իր բոլոր գործընկերներին և լրատվական դաշտի ներկայացուցիչներին՝ երկարատև արդյունավետ համագործակցության համար և հաջողություն մաղթել այդ պաշտոնում իրեն փոխարինող Վահրամ Պողոսյանին:

Բաբայանը նշել է նաև, որ չի հեռանում քաղաքական և հասարակական դաշտից և Արցախի Հանրապետության նախագահ Արայիկ Հարությունյանի առաջարկով այսուհետ աշխատելու է արտաքին հարաբերությունների գծով խորհրդականի պաշտոնում:

«Համագործակցելու եմ բոլորի հետ անխտիր»․ Արայիկ Հարությունյան

Բաբայանը նշել է, որ շարունակելու է նաև կուսակցական ակտիվ գործունեությամբ զբաղվել և խոստացել՝ 13 տարվա աշխատանքային գործունեության մասին ավելի մանրամասն խոսել ֆեյսբուքյան ուղիղ եթերի ժամանակ:

Նշենք, որ Բաբայանը ԱՀ նախագահի աշխատակազմի տեղեկատվության գլխավոր վարչության պետի պաշտոնը զբաղեցնում էր 2007 թվականի սեպտեմբերից, մինչ այդ՝ 2005-2007թթ. աշխատել է ԱՀ նախագահի օգնականի պաշտոնում:2013 թվականի դեկտեմբերի 28-ին նշանակվել է ԱՀ նախագահի աշխատակազմի տեղեկատվության գլխավոր վարչության պետ-ԱՀ նախագահի աշխատակազմի ղեկավարի տեղակալ, իսկ 2019 թվականի փետրվարի 26-ին հիմնադրել է Արցախի պահպանողական կուսակցությունը. նույն թվականի ապրիլի 17-ին ընտրվել կուսակցության նախագահ:

Կուսակցությունը (ԱՊԿ)՝ առաջնորդ Դավիթ Բաբայանի գլխավորությամբ 2020 թ. մարտի 31-ին մասնակցեց  ԱՀ խորհրդարանական և նախագահական ընտրություններին:

217
թեգերը:
ազատման դիմում, պաշտոն, Արցախ, Արայիկ Հարությունյան, Դավիթ Բաբայան
Ըստ թեմայի
Արայիկ Հարությունյանն աշխատակազմի ղեկավար է նշանակել
Հերոսների լուսանկարները` նախագահինի փոխարեն. Արայիկ Հարությունյանը որոշում է կայացրել
Արցախի իշխանությունների կողմից բացառվում են միակողմանի զիջումները. Արայիկ Հարությունյան
«Արցախը Հայաստան է, և վերջ». Արայիկ Հարությունյանը հուզիչ պատմություն պատմեց
Միշա Ալոյան

Ով է բռնցքամարտիկ Ալոյանի հիմնական հակառակորդը օլիմպիական ուղեգրի համար պայքարում

0
Ռուս հայտնի մարզիկ Միխայիլ Ալոյանը չի մոռանում, որ նրա մրցակիցները երիտասարդ և հավակնոտ տղաներ են, ովքեր երազում են օլիմպիական խաղերի մասին:

ԵՐԵՎԱՆ, 27 մայիսի – Sputnik. Ռուսաստանցի բռնցքամարտիկ Միխայիլ Ալոյանը Տոկիոյի Օլիմպիական խաղերի ուղեգրի համար պայքարում հարգանքով է վերաբերում բոլոր հակառակորդներին, այդ հավատարմագիրը նվաճելու շանսը կախված է միայն մենամարտերին իր սեփական պատրաստվածությունից։ Այդ մասին մարզիկն ասել է ՌԻԱ Նովոստիին տված հարցազրույցում։

Պատասխանելով հարցին, թե Ռուսաստանում ում է համարում իր հիմնական հակառակորդը օլիմպիական ուղեգրի համար պայքարում, Ալոյանը նշել է՝ Ռուսաստանի չեմպիոն Ռասուլ Սալիևին՝ Դաղսատանից, ավելացնելով, որ երկրում այլ ուժեղ բռնցքամարտիկներ էլ կան։

«Բոլորն ինձ ծանոթ են, բայց չէի ցանկանա որևէ մեկին առանձնացնել։ Ես նրանց ճանաչում եմ, բայց կարծում եմ՝ իմ գլխավոր հակառակորդը ինքս եմ։ Եթե ես լավ պատրաստված լինեմ, ապա կարող եմ հաղթել բոլորին»,-նշել է Ալոյանը։

Միշա Ալոյան. թող իմ մեդալի հետևից գան Սիբիր

Միաժամանակ, բռնցքամարտիկը չի մոռանում, որ երիտասարդ ու փառասեր հակառակորդներ ունի, որոնք երազում են ելույթ ունենալ Օլիմպիական խաղերում։

«Մեր երկրում մրցակցություն կա, և դա լավ է, այն միայն օգնում է։ Չի կարելի թուլանալ, և նման մրցակցության պայմաններում ցանկացած բռնցքամարտիկ միայն աճում է»,-ընդգծել է մարզիկը։

Կրկին հաղթանակ․ Միշա Ալոյանը հաղթել է Էսպինոզային տեսարժան մարտում

Նշենք, որ Ալոյանը ծնվել է 1988թ․օգոստոսի 23-ին ՀԽՍՀ Բամբակաշատ գյուղում։ 1997թ-ին ընտանիքի հետ տեղափոխվել է Նովոկուզնեցկ, որտեղ էլ հենց սկսել է զբաղվել բռնցքամարտով։ Նա ՌԴ վաստակավոր սպորտի վարպետ է։

2012թ-ի Լոնդոնի Օլիմպիական խաղերում Ալոյանը բրոնզե մեդալ է նվաճել մինչև 52 կգ քաշային կարգում, 2016թ-ի Ռիո-դե-Ժանեյրոյի Օլիմպիական խաղերում նա արծաթ է նվաճել նույն քաշային կարգում, բայց դոպինգ օգտագործելու պատճառով նրան որակազրկել են։

0
թեգերը:
մարզիկ, Տոկիո, Օլիմպիական խաղեր, բռնցքամարտիկ, բռնցքամարտ, Ռուսաստան
Ըստ թեմայի
Կանադահայ բռնցքամարտիկ Էրիկ Բազինյանը լուսանկար է հրապարակել անպարտելի Ֆլոյդ Մեյվեզերի հետ
Բռնցքամարտիկ Կարեն Չուխաջյանը հաղթել է մինչ այդ անպարտելի ռուսաստանցի մարզիկին. տեսանյութ
Հայ և վրացի բռնցքամարտիկները ձերբակալվել են Ռոսգվարդիայի աշխատակցի վրա հարձակվելու համար
Մահացել է Թուրքիայի առաջին պրոֆեսիոնալ բռնցքամարտիկ Կարպիս Զաքարյանը